• مواضيع ننصح بمشاهدتها
  • <-> التصويت للموضوع المميز بالمنتدى العام <->

    آخـــر الــمــواضــيــع

     
    + الرد على الموضوع
    صفحة 1 من 2 1 2 الأخيرةالأخيرة
    النتائج 1 إلى 40 من 67

    الموضوع: مكتبة الشاعر محجوب شريف


    1. #1
      نخبة نشيط
      الحاله : عادل الخضر غير متواجد حالياً
      تاريخ التسجيل: Jul 2008
      رقم العضوية: 4
      الدولة: محل داهمني السما وأنا في طريقي إلى الغياب
      الجنس: ذكر
      التقييم : 10
      المشاركات: 345
      عادل الخضر is on a distinguished road

      مكتبة الشاعر محجوب شريف

      نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

      محجوب شريف









      يابا مع السلامة

      يابا مع السلامة يا سكة سلامة

      في الحزن المطير

      يا كالنخلة هامة

      قامة واستقامة

      هيبة مع البساطة

      اصدق ما يكون



      راحة ايديك تماماً متل الضفتين

      ضلك كم ترامى حضناً لليتامى

      خبزاً للذين هم لا يملكون

      بنفس البساطة والهمس الحنون

      ترحل يا حبيبي من باب الحياة لباب المنون



      روحك كالحمامة بترفرف هناك

      كم سيرة وسريرا من حولك ضراك

      والناس الذين خليتم وراك

      وعيونم حزينة بتبلل ثراك

      ابواب المدينة بتسلم عليك

      والشارع يتاوق يتنفس هواك



      يا حليلك حليلك يا حليل الحكاوي

      تتونس كانك يوم ما كنت ناوي

      تجمع لم تفرق بين الناس تساوي

      نارك ما بتحرق ما بتشد تلاوي

      ما بتحب تفرق من جيبك تداوي

      الحلم الجماعي والعدل اجتماعي والروح السماوي

      والحب الكبير



      في الزمن المكندك والحزن الاضافي

      جينا نقول نفرق نجي نلقاه مافي

      لا سافر مشرق لافتران وغافي

      وين عمي البطرق جواي القوافي

      يا كرسيه وسريرو هل ما زلت دافي

      يا مرتبتو امكن في مكتبتو قاعد يقرا وزهنو صافي



      يا تلك الترامس وينو الصوتو هامس

      كالمترار يساسق يمشي كما الحفيف

      كم في الذهن عالق ثرثرة المعالق والشاي اللطيف

      تصطف الكبابي اجمل من صبايا

      بينات الروابي والضل الوريف

      احمر زاهي باهي يلفت انتباهي

      هل سكر زيادة ام سكر خفيف

      ينده للبنية يديها الحلاوة

      والخاطر يطيب

      يدخل جنو منو محبوب الشقاوة

      يستنى النصيب



      الدفو والنداوة السنا والعبير

      كالغزلان هناك في الوادي الخصيب

      حيث الموية عذبة والغصن الرطيب

      كم تحت المخدة اكتر من مودة

      للجنا والغريب

      عش وعشب اخضر جدول من حليب

      يابا ابوي يا يابا

      الشمس البتطلع بلت منو ريقا

      والنجمة البتسطع فيه تشوف بريقا

      الندى في حركتو يطفيها الحريقة

      ننهل من بركتو زي شيخ الطريقة

      شاييهو وطرقتو والايدي الصديقة

      يلا نسد فرقتو حب الناس درقتو

      يا موت لو تركتو مننا قد سرقتو

      كنا نقول ده وقتو لكنك حقيقة



      النفاجو فاتح ما بين دين ودين

      نفحة محمدية دفئاً كالضريح

      ميضنة كم تلالي جيداً في اليالي

      مجداً في الاعالي

      مريم والمسيح



      قلباً نبضو واصل ما بين جيل جيل

      ما بين كان وحاصل او ما قد يكون

      ما بتشوف فواصل الا الذكريات

      وآلام المفاصل بعضاً من شجون

      يابا مع السلامة يا سكة سلامة
      في الحزن المطير

      «« توقيع عادل الخضر »»


    2. #2
      نخبة نشيط
      الحاله : عادل الخضر غير متواجد حالياً
      تاريخ التسجيل: Jul 2008
      رقم العضوية: 4
      الدولة: محل داهمني السما وأنا في طريقي إلى الغياب
      الجنس: ذكر
      التقييم : 10
      المشاركات: 345
      عادل الخضر is on a distinguished road

      السنبلاية


      لّما عرفتك اخترتك سعيد البال ..
      وختّ شبابى متيقن
      عليك آمال
      لا جيتك قبيله ..
      ولا رجيتك مال
      ولا مسحور
      ويوم ما كنت في عينىّ ..
      أجمل من بنات الحور
      جيتك عاشق اتعّلم
      من الأيام
      ومن سأم الليالى البور
      ومن أسر الوِلِف كتّال
      لقيتك فى طشاشى دليل ..
      وفى حرّ الهجيره مقيل
      ركزت على ضاكِ عصاى
      لقيتك فى حياتى جذور
      بنيّه اتلفّحت بالنور
      مهجّنه من غنا الأطفال ..
      ومن سعف النخيل والنيل
      ومن وهج الشمس موّال

      وان اخترتينى إنساناً ..
      عزيزَ النفس بتمنّى ..
      وبسيط الحال
      علىَّ حرَّمت زرعاً
      ما سقيتو حلال
      ومافصّد حصادو قفاى
      وبينى وبينك الضحكه ..
      ورحيق الشاى
      وطعم الخبز والسُتْره ..
      ومساء النور
      وعمق الإلفه..
      بين النهر
      والنخله
      وغنا الطمبور
      وصدق العُشْره بين الأرضِ ..
      والإنسان
      وبيني وبينك الفكره ..
      وجمال الذكرى
      والنسيان
      وحسن الظن
      ومشوار الحيا اليوماتى
      ما بين الجبل والسهل ..
      ما بين الصعب والسهل
      عزّ الليل ..
      وفى سكّه مطر بكّاى
      فلا هماً تشيلى براكْ
      ولا جرحاً أعانى براى
      ولانا على بعض نمتن

      وتزعلى يوم ..
      وازعل
      وننفعل مرات
      تقبّلى منّى ..
      واتوسّد ضُراعى سكات
      وفينا حنينه
      تتشابك موده ..
      تشابك الغابات
      ونحن اذا اختلفنا سوا ..
      بنطيع الصاح
      ولو بتنا القوا بنرتاح
      اذا تمن الملح والعيش..
      رُضا الشمّات
      وتتكى سنبلايه على ضراعى ..
      واميل
      كأنى غنا الطفوله العذبْ
      كأن الدنيا طى القلبِّ والمنديل
      كأنّ الدنيا طىِّ القلب والمنديل

      «« توقيع عادل الخضر »»


    3. #3
      نخبة نشيط
      الحاله : عادل الخضر غير متواجد حالياً
      تاريخ التسجيل: Jul 2008
      رقم العضوية: 4
      الدولة: محل داهمني السما وأنا في طريقي إلى الغياب
      الجنس: ذكر
      التقييم : 10
      المشاركات: 345
      عادل الخضر is on a distinguished road

      عشرة مقاطع للحيـاة

      ( 1 )

      غطى الجبال الليل
      لكن هدير السيل
      لكن صهيل الخيل
      نار الغضب والجوع
      تحت الجبل مسموع
      يضووا عز الليل

      ( 2 )

      والموج شديد الظلام
      غطى الشهيد الهمام
      لكن دماهو بتقيد
      لكن طريقو المجيد
      ابداً شديد الزحام
      رايات ترفرف غمام
      ينزل رزاز النشيد
      والنجمة تلمع هناك
      رغم المكان البعيد

      ( 3 )

      والنهر عبر السنين
      يزحف بعنف وبلين
      في الليل بيلمع يبين
      فارس بسيفو السنين
      يحمينا حضنو الامين
      نطلع بكتفوا الشمال
      ننزل بكتفوا اليمين
      لكنو مين يقدر يقول
      أنا سيدو مين

      ( 4 )

      في منحنى الدرب الطويل
      الحبة تفلت من جراب
      عابر سبيل مسكين هزيل
      عطشان يموت في السكة
      ما يتم الرحيل
      تكبر تشيل تلبس جميل
      تصبح مقيل عابر سبيل

      ( 5 )

      عصفورة من أخر بلاد
      في رحلة لي أخر بلاد
      تعرف مواعيد الحصاد
      وكل دورات الفصول
      وأنضر ايام الحقول
      وتعادي أسراب الجراد
      وتنادي لوكركب زناد
      صياد على العش والولاد

      ( 6 )

      أنسانة ابسط ما يقال
      لو صاح
      اعز من النساوين الرجال
      أنثى ولا دستة رجال
      تمشي وما بتطأطي
      ما بين بير وشاطي
      تطلع عالي واطي
      نهارها مع السواقي
      وليلها مع الطواقي
      وعمرها للجهال

      ( 7 )

      والنملة في الصف العجيب
      وعلى انفراد
      نفس النشاط والأنضباط
      نفس الحماس
      تسعى وتجيب ولا من رقيب
      ولا حتي في الأمر التباس
      ولا في اختلاس
      أحسن كتير من بعض ناس
      ولا في اختلاس
      وهيلا .. وهيلا هيلا .. هيلا
      تلقى تفسها في سفينة
      وهيلا .. وهيلا هيلا .. هيلا
      تاني في شارع مدينة
      والحكمة بنفس الحماس
      تلقاها في الصف العجيب
      كم مرة تهرب من مداس
      من طفل عابث ومن لهيب
      بالحبة تمسك في عناد
      الحبة ملك الاتحاد

      ( 8 )

      والحكمة في مر السحاب
      والعلاقة البينو ما بين الجذور
      واللسة في الباطن بذور
      وغنا الطيور
      والمعركة الدارت تصلصل
      بسيوفها وبالحراب
      والعلاقة البينو بين الغابة والهبابة
      والربابة والمنديل
      ومجرى النيل وضلفة باب
      وبكية طفلة في الكتّاب
      تفتش عن قلم رصاص
      وقع في الباص
      وحس رصاص هدر في ناحية
      فيها العيش حكر للجيش
      بتاكل من زمن مافيش
      وتشرب من زمن مافيش
      وكان اضراب

      ( 9 )

      والشمس تطلع يبين
      ادق ما في الجبال
      تبدأ الموانئ العظيمة الهدور
      وتصحى المصانه بيهمة وتدور
      ووتملأ الشوارع وكل الجسور
      وتشفى الصدور
      جموع الشغيله خطاها ثقيلة
      تخلى القصور تحس بالفتور
      وحمى الزوال

      ( 10 )

      تصحى المدينة
      تقوم تستحم وتولع سيجارة
      تدخن تسخن بشاى الصباح
      وحق الملاح وسيد الجزارة
      وتقعد تدندن تخيط زرارة
      ترتق هدوما وتفتق هموما
      وتسب الحكومة وتفن الريال
      وتنفض سريعاً غبار النعال
      وتنزل تواجه مشاكل عويصه
      تشرّط قميصا وتدق العيال
      ليه العيال يعيش النضال
      يخلى الحكومة تدخن تسخن
      بنار الكفاح
      وتقعد تطنطن لحدي الصباح
      بتطلع بتطلع حزينة وكتومة
      تشرّط هدوما وتحش المصحة
      يعيش الأصح يعيش النضال
      وضروري النضال


      «« توقيع عادل الخضر »»


    4. #4
      نخبة نشيط
      الحاله : عادل الخضر غير متواجد حالياً
      تاريخ التسجيل: Jul 2008
      رقم العضوية: 4
      الدولة: محل داهمني السما وأنا في طريقي إلى الغياب
      الجنس: ذكر
      التقييم : 10
      المشاركات: 345
      عادل الخضر is on a distinguished road

      وتر مشدود



      سلمت
      خايف كنت ما يسلم قلب مفصود
      حلمت
      قبلك كنت لا بحلم ولا موجود
      معاك بحلم كأني على فرس طاير

      بغني على وتر مشدود
      واطير عبر السما المدود
      سما الوطن اللي مالو حدود
      حمامة جناها لا خايف ولا مفقود
      واشر الغيمة

      خيمة على النجم وارتاح
      أصادف أجمل الغابات

      واصادق غصنك الفواح
      واشرب من زوايا القلب

      جنبك اخر الأشباح
      وتفتح كلمة من عينيك

      لي مجرى الغنى المسدود
      واخط اسمك

      على باب الزمان اكليل
      وردة صبية

      تلمع فوق صديري النيل
      وباسمك أغني

      لي عالم بسيط وجميل
      وانادي عليك

      ملاذا في شتا الأيام
      وبردا في الحياة وسلام
      وفي شدة هجير وزحام
      جزيرة حنينة بين نهرين

      حنان القاك عليك اتلم
      وهودج في صحاري الهم
      وعالي النخيل عليك اتلم
      وفي السكة اللي ما بتعود معاك
      لآخر المشوار نغني على وتر مشدود

      «« توقيع عادل الخضر »»


    5. #5
      نخبة نشيط
      الحاله : عادل الخضر غير متواجد حالياً
      تاريخ التسجيل: Jul 2008
      رقم العضوية: 4
      الدولة: محل داهمني السما وأنا في طريقي إلى الغياب
      الجنس: ذكر
      التقييم : 10
      المشاركات: 345
      عادل الخضر is on a distinguished road

      مريم ومي


      مريم ومى بنياتي وحشتنى ولعبتن بى
      تصحووا امامى اشواقاّ تهز النبض وتتاقى
      عميقاُ من شعاب النور الاقى الذكرى بتاتى
      سلاماً يا حماماتى اسكنن فى مسامتى
      سلاماً يا غماماتى البتدني ابتساماتى
      مريم ومى بنياتي وحشتنى ولعبتن بى..
      يسافر قلبى صوتي يرن يسابق الريح
      قلب الأب انت صحيح تحن وتهم
      حذاراك من الجواك وحذراك من جرى التبريح
      حتهرب منه جلدك وين ويوماً ما حتسكت تم
      واخط رأسى وافارق دنيتى وناسى
      واخلى وراي كراسى
      وما أسود سطر بالشين
      وما تعود اساك العين
      وما تشمت عدوي فينى
      طريق الشعب اوسع من زحام الطين
      وقلب الشعب ارحب من رحاب الضو
      ونبض الشعب كلو حلم بداه بيتم
      وتطلع من شقوق الارض آلاف المدن قامات
      ويطلع حتى من قلب الحجر والصى
      شجر متشابك الهامات
      وجيل جاى حلو الشهد
      صبايا وفتية يمرحوا فى صباح الغد
      عيونهم برقهن لماح سؤالهم رد
      خفاف ولطاف وثابين أوان الجد
      دفاعا عن حياض السلم والافصاح

      سلموا لى عليهم
      سلموا لى عليهم جملة
      حتى اللسه قبل الخلق والتكوين
      صناع الحياة اليوماتى ملح الارض
      نبض الشعر والموسيقى والتلوين
      هدامين قلاع الخوف
      كانت هذه الدراجة يوماً ما كلاشنكوف
      مابين منارات السمع والشوف
      نقاشين فى جدار الصمت
      نساجين خيوط الشمس كهربجيةالظلمات
      واجمل ما تكون الدنيا
      رسامين حفاريين مجارى العصر
      نصرا نصر حروفاً واحلالى تشمهن ترتاح
      ح حرية ت تغيير ت تعليم ك كتاب م مسمار
      ح حرية ت تغيير ت تعليم ج جراح
      سكة حديد تهز وترز
      ب بحارة بحراُ عب وثار
      وطن مدرار جرت تتلاحق الانهار
      كما تتلاحق الاعراف
      كما تتمازج الالوان
      كما تتصافح الاديان
      كما تتمازج الالوان
      هجيناً من سلالات الفخار والعز
      مرور النسمة وايضاً هبة الاعصار
      علم فى نشرة الاخبار
      وهيبة على امتداد الكون
      علماً فى حماه الوردة حتى الزهرة والمريخ
      شبه حرب النجوم انزاح
      ايادى القهر خلف الظهر مكتوفين
      افاعى السحت حيث مزابل التاريخ

      سلموا لى عليهم جملة
      حتى اللسة قبل الخلق والتكوين
      بشوفهم كلهم أسه
      عصافيراً ترك جنبى
      نوافيراً ترش قلبى
      حماماتى بتشرب حسه من ايدى
      مريم ومى بنياتي سمعتن صوتى جيتن هى
      طلعتن من زوايا السجن كاللبلاب
      وبين السنكى والترباس وبالرقراق وحلق الباب
      وعبر السور زى النجمة والعصفور
      تجرن جدولاً رقاق
      من حبل العشم فتلات
      ومن حقل الوطن شتلات
      امكن الفى قلب جيتن لى
      من تيابها شراع
      ومنديلأ خيوطو شعاع
      وكراسا مسطر بالضحى اللماع
      وخط ايدا وشعورا الحي

      وقالت لى قالت لى وقالت لى
      سلاماً يا (اخو) مريم ومى
      ثباتك شعلة فى ايدى
      (أخياتك) خلي راسن فوق
      وحاشاك الكلام النى
      وحاتك ما انكسرنه وراك
      ولابد أن يعود الحى
      وفجراً كالكرِب حيبين
      وشعب تترب حيقوم
      ويملا شوارع الخرطوم
      وتجري مدامع الحلال
      تجر النم تسوى القوق
      فوق فوق سودانا فوق سودانا فوق
      بدل شاهيك اشرب دم اذا قلت الكلام النى
      وانا الما عندى ليهن شىء
      لا فى البنك ولا فى الدين سوى الكلمة الما بتنداس
      ولا بصبح مكانا الرف ولا عصفورة جوه الكف
      ولا صقراً يحلق فوق وينزل كف
      نبض الشعب اجمل من بريق الماس
      واجمل من حليب الستره ما حبيت مشارب كاس
      و القمرية بين اغصانا اشرف من موائد ناس
      واقرب للوطن من ناس
      وخيراً جانا ما عم البلد وسواس
      أذن فلتقرع الاجراس
      مريم حضرى الكراس
      مريم ومى تعالن جاى نغنى لاخر المشوار
      نغنى لاخر الانفاس
      نغنى لاخر المشوار
      نغنى لاخر الانفاس

      «« توقيع عادل الخضر »»


    6. #6
      نخبة نشيط
      الحاله : عادل الخضر غير متواجد حالياً
      تاريخ التسجيل: Jul 2008
      رقم العضوية: 4
      الدولة: محل داهمني السما وأنا في طريقي إلى الغياب
      الجنس: ذكر
      التقييم : 10
      المشاركات: 345
      عادل الخضر is on a distinguished road

      حنبنيهو

      حنبنيهو
      البنحلم بيهو يوماتى
      وطن شامخ
      وطن عاتى
      وطن خيّر ديمقراطى

      وطن مالك زمام أمرو
      ومتوهج لهب جمرو

      وطن غالى
      نجومو تلالى فى العالى
      إراده سياده حريّه

      مكان الفرد تتقدم
      قيادتنا الجماعيّه

      مكان السجنِ مستشفى
      مكان المنفى كليّه

      مكان الأسري ورديّه
      مكان الحسره أغنيّه

      مكان الطلقه عصفوره
      تحلق حول نافوره
      تمازج شُفّع الروضه

      حنبنيهو

      البنحلم بيهو يوماتى


      وطن للسلم أجنحتو
      ضد الحرب أسلحتو
      عدد مافوق ما تحتو
      مدد للأرض محتله
      سند للإيدو ملويّه


      حنبنيهو.

      البنحلم بيهو يوماتى
      وطن حدّادى مدّادى
      ما بنبنيهو فرّادى
      ولا بالضجه فى الرادى
      ولا الخطب الحماسيّه

      وطن بالفيهو نتساوى
      نحلم. .نقرا ..نتداوى
      مساكن كهربا ومويه
      تحتنا الظلمه تتهاوى
      نختّ الفجرِ طاقيّه

      وتطلع شمس مقهوره
      بخط الشعب ممهوره
      تخلي الدنيا مبهوره
      إراده وحده شعبيّه

      «« توقيع عادل الخضر »»


    7. #7
      نخبة نشيط
      الحاله : عادل الخضر غير متواجد حالياً
      تاريخ التسجيل: Jul 2008
      رقم العضوية: 4
      الدولة: محل داهمني السما وأنا في طريقي إلى الغياب
      الجنس: ذكر
      التقييم : 10
      المشاركات: 345
      عادل الخضر is on a distinguished road

      في انتظارِك


      في انتظارك
      وفي شراييني بيدمدم حِس قطارِك
      لو أطير من سجني وانزل في جوارِك
      وعنِك أمسح بي رموش العين غبارِك
      وأملأ عيني من نهارِك
      انتِ يا صحو المدارِك
      كل نجمة جميلة تلمع في مدارِك
      واي نسمة حنينة دارِك
      وكل نخلة ظليلة عندها من ثمارِك
      وباختياري وباختيارِك
      كم نشارك في المعارك
      وما بنخلي فرسنا بارِك
      وما بنقيف نستنا في الآخر نبارِك
      شدي ايدي وتبقي زادي
      نظرة من عينيك تنادي
      يا بلادي .. يا بلادي .. يا بلادي
      وكلمة منك جمرة للفداء في فؤادي
      يوم اجيك وعلي جبيني وسم عنادي
      ولا مُتّ وراي يجيك يعتب جوادي
      ولا خُفت وفتَّ منك غادي غادي
      انتي ما الحضن البلِّم من ساحة هارب
      ولا البِّنكِّس راسو من الذلة شارب
      ولا البِّدس الراية في قش المغارب
      انتي ساحل لما عصف الموج يضارب
      وانتي صافي النبع في سكة محارب
      وانا وانتي حدين سيف سنين وسوا بنحارب
      سلميلي علي البحسو بكل نبض الارض ديه
      وسليميلي علي مهيريات شهيدن نارو حية
      وسلميلي علي رفاقي وعن حياتهم قولي ليَّ
      وسليميلي علي حبايب في زوايا المغربية
      وقولي ليهم حبو غنو الدنيا ما زالت ندية
      وما حنقبل في وطنا الغالي دية
      وما بنخلي وطن سبية
      ولا وطن زوجين وحارس وبندقية

      «« توقيع عادل الخضر »»


    8. #8
      نخبة ماسي
      الحاله : الدمهشري غير متواجد حالياً
      تاريخ التسجيل: Feb 2009
      رقم العضوية: 477
      الدولة: ودمــــــــــــدنـــي
      الجنس: ذكر
      التقييم : 30
      المشاركات: 2,442
      الدمهشري is on a distinguished road

      محجوب شريف ياوالده يامريم

      يا والدة يا مريم ... يا عامرة حنية
      أنا عندي زيك كم ... يا طيبة النية
      بشتاق وما بندم ... اتصبري شوية
      يا والدة يا مريم
      ما ني الوليد العاق ... لا خنتّ لا سراق
      والعسكري الفراق ... بين قلبك الساساق
      وبيني هو البندم ... والدايرو ما بنتم
      يا والدة يا مريم
      عارف حنانك ليّ راجيك تلوليني
      دايماً تقيليني وفى العين تشيليني
      ألقاه عز الليل قلبك يدفيني
      ضلك عليَّ مشرور قيلت فى سنيني
      أنا لو تعرفيني لو تعرفي الفيني
      أنا كم بحبك كم
      والعسكري الفراق بين قلبك الساساق
      وبيني هو البندم ... والدايرو ما بنتم
      يا والدة يا مريم
      طول النهار والليل فى عيني شايلك شيل
      لكني شادّي الحيل لا خوف عليَّ لا هم
      هاك قلبي ليك منديل الدمعة لما تسيل
      قشيها يا مريم
      والعسكري الفراق بين قلبك الساساق
      وبيني هو البندم ... والدايرو ما بنتم
      يا والدة يا مريم

      :7_5_138:
      التعديل الأخير تم بواسطة الدمهشري ; 08-13-2009 الساعة 06:15 PM

      «« توقيع الدمهشري »»


    9. #9
      نخبة النخبة
      الحاله : كورينا غير متواجد حالياً
      تاريخ التسجيل: Jul 2008
      رقم العضوية: 20
      الجنس: ذكر
      التقييم : 20
      المشاركات: 4,483
      كورينا is on a distinguished road

      الدمهشري:
      لك التحية والله رجعتنا سنين طويلة لايام كانت جميلة بالنضال...
      يا يمه يا مريم ماني الوليد العاق
      لا خنت لا سراق والعسكري الفراق
      بين قلبك الساساق وبيني
      هو البندم والدايرة ما بنتم...
      يمه السجن مليان رجاله ما بتنداس
      الختو قبلي الثاث والشالو هم الناس
      والفات وليدا ليهم ما مسكو الكراس
      ما سمعو بتكلم
      ما شفت ود الزين الكان
      وحيد امو ماليها كان العين
      قالولو ناس كم ورين ناس وين
      العوده خاتي الشق والله ما قال طق
      لموتو اتقدم


    10. #10
      نخبة جديد
      الحاله : سونات غير متواجد حالياً
      تاريخ التسجيل: Jun 2009
      رقم العضوية: 817
      التقييم : 10
      المشاركات: 43
      سونات is on a distinguished road

      محجوب شريف هذا الوطـــــــــــــــــــــــــــــــــــــــن ......مع مودتى لكم يا رفاق
      غويشاية/ الشاعر محجوب شريف
      ..........
      هذه سيرة ذاتية لها
      تلك الغويشايه
      هجين الدبله والخاتم
      سلالة كم وكم حاجه
      متل الستره وهاجه
      بختم الدوله لا حوله
      باوراقا الثبوتيه
      صبحت في خبر كان
      اللي كانت ليها محتاجه
      المسيكينه
      ما تسألني كم تمن الغويشايه
      بل جاوبني كم تمن الطمأنينة؟
      دخري الحوبه للقمريه
      حبة عيش وقشايه
      غويشايه
      تدسدس فيها وتخبي
      يعلم الله بتربي
      علي كل المهن طافت
      من عين الفقر خافت
      بس عين الصقر شافت
      صقر لابس لبس حربي
      وختم الدوله لا حوله
      باوراقا الثبوتيه
      في هنداما متخبي
      صبحت في خبر كان
      اللي كانت بيها فرحانه
      المسيكينه
      غويشة مي ومريومه
      تماما زي حمامايه
      لم تعرف لها زوجا
      ولم تعرف لها تومه
      وحيده وجوه عشايه
      بتاتا لم تساسق
      في الطريق العام
      ولا في الحله قوقايه
      وتب ما للتباهي
      ولا لزوم القدله والزينه
      هي المختوته لي يوما
      المدسوسه للحفله
      المحروسه من غفله الموروثه في الخاطر
      المخصوصه للممكن
      يكون باكر
      مسام البيت
      وتسكن في ضرا النومه
      وكم تتعثر القومه
      كتيرا ما
      كتيرا ما
      كتيرا ما
      ككل الناس
      تتم الناقصه بالمويه
      وتبقي الستره عشايه
      غويشة السترة والحوبه
      ومن تعب التي ظلت
      ترتق للصبر توبا
      تفتق وردة السترة
      التبتق في بنياتا
      وتعتق ذكري حبوبه
      غويشايه
      وفر من سكرا وشايا
      وفر من كسرتا وزيتا
      وكم من باقي ماهيه
      يشيلا السوق كما هي
      بلا سكة رفاهيه
      ولا حتة قماشايه
      تساسق مكتبا وبيتا
      كما كل الافنديه
      حبيبة فول وعيشايا
      تساهر ابرتا وخيطا
      مكنتا مِن زمن ياما
      تحت الداما دواره
      وكل زراره نواره
      تفرهد في قماشايا
      تخليهو القديم لنجي
      يبقي المافي من مافي
      ويبقي البلدي افرنجي
      تقول للذله حاشايا
      فاما العبد لللاهي
      فزوجاً ليس باللاهي
      قلبي الجمره واطيها
      وماني محلقا ساهي
      ولا متملقا احدا

      ولا متعلقا ابدا
      باموال و لاجاه
      طول العمر ماهيه
      بقت حزمة معاشايه
      اخيرا اصبحت ورقة
      وما بتسد فرد فرقه
      المنديل تمن طرقه
      والصقر ان وقع
      كترالبتابت عيب
      ضرا و درقه
      لذلك يا رضى نفسي
      حزمت الامر من اول
      ما بالخوف بنتحول
      ولا بنجوع بنتسول
      اكيد عمر الكلام اطول
      قصير العمر لو طول
      احب الكلمة لو حره
      احب الستره لو مره
      اعاف الشينه لو دره
      احب العفه بت امي
      حليب الستره في فمي
      دبيب النمله في دمي
      وكت تلقالا عيشايا
      تجر جريا واباريها
      وما بتضل طريق الصف
      للمخزن
      ولم تأذن لنفسها
      تنفرد بيها
      ولن تأذن
      ولم تحزن على ذلك
      ولم تحزن
      وبعض البعض قد ذهبوا
      الي من عنده ذهب
      وبعض البعض قد مالوا
      الي من عنده مال
      ولكن من ستر حالو
      يمين الله قد نهبوا
      ألا ما اشرف النمله
      ألاما اشرف النمله
      وتبا للضمير
      لمن يصير خمله
      فيا لصا حكوميا
      بختم الدوله لاحوله
      باوراقا الثبوتيه
      بكل ملابس الحمله
      عمل عمله
      عمل عمله
      عمل عمله
      عفيتك لو بقت سكر
      وشاهي وزيت
      عفيتك لو كسيت امك
      صرفت روشتة الوالد
      وراحت في إيجار البيت
      واقول ياريت
      اذا فرحتهم بالحق
      اقول يا ريت
      عفيتك.. لو....
      ولكنك
      دا ما منك
      دا ما منك
      دا من حال البلد ذاتا
      حراباتا وحزازاتا
      ناس السلطة ناساتا
      ناساً فوق و ناس
      تحت الارض اقرب لامواتا
      ضاقت ولما استحكمت حلقاتها
      ضاقت ولما استحكمت حلقاتها
      ياللاسف...
      كم من ولد فاتا
      سهولا، جبالا، غاباتا
      ونيلاً جاري
      في حزة مفازاتا
      هديك لجة موانيها
      وفوق رحمة سماواتا
      ضاقت ولما استحكمت حلقاتها
      كم من ولد فاتا؟؟

      «« توقيع سونات »»

      حبة للأرض الليبست
      وحبّة للبطن البتوقد
      وشدي حيلك يا القطاطي
      ويا بيوت الطين أقيفي

      من مواضيع سونات :



    11. #11
      نخبة النخبة
      الحاله : عادل القاسم غير متواجد حالياً
      تاريخ التسجيل: Jul 2008
      رقم العضوية: 60
      الجنس: ذكر
      التقييم : 114
      المشاركات: 21,809
      عادل القاسم will become famous soon enough عادل القاسم will become famous soon enough


      أم اليتامى
      شعر: محجوب شريف

      بين العمل والبيت
      فصّد جبينها عرق..
      أم اليتامى بكت
      لمن حسابها فرق
      ماهية تمشي السوق
      مركب مصيرها غرق
      حق اللبن والزيت
      الكسرة والكراس
      هم في عيونها برق
      الما بحس ما بهم
      والخان همومو سرق
      هذا المرتب تب
      ما بسدها الفرقة..
      القعدة في المكتب
      والإمضا في الورقة
      العبرة في الخبرة
      الأيدي لو تعمل
      جرح الزمن ببرا
      اتباصرت مكنة
      ماكوكها يتقدّل
      بين خيطها والإبرة
      زي ما القلب ساساق
      الخطوة ساساقة
      وعيونها منتبهة
      تباري زقزاقها
      لا شك ولا شبهة
      والسترة أشواقها
      والشفع القصر
      والدمعة رقراقة
      يا حليل شريك العمر
      الدنيا فراقة
      اتيقنت أحسن
      من تبقى نقناقة
      شقشق مقص في ليل
      نامت خلايق الله
      طاير سُقد حلّق
      في بيتها واتدلّى
      تدّي الولاد بصة
      وتجرب القصة
      وتقلّب الحلة
      جاهز عمل بكرة
      أسأل تقاريرها
      السرية والسمعة
      هل ركلست يوماً
      حتى ولو جمعة
      مشكورة في المكتب
      مستورة في الحِلة
      رغم الشجن هبت
      لم تعرف الذلة
      ما فارقت سرباً
      تتفهم الموقف
      تستدرك العلة
      ولم تعد أماً
      مسكينة بتشفِّق
      تفرتق وترتق
      قُصاصة في إيدها
      كالوردة بتبتِّق
      ريانة منشرحة
      هدِم قدِم يصبح
      في لمحة كم طرحة
      لا بد من تكية
      لا بد من بكية
      لا بد من غمدة
      لا بد من سرحة
      أنعم بها أماً
      بين العمل والبيت
      يا مرحىَ يا مرحىَ



      «« توقيع عادل القاسم »»
      شوف الخيرة يا رمالي..
      اظن كاتبني عن عمالي..

      من مواضيع عادل القاسم :



    12. #12
      نخبة ماسي
      الحاله : الدمهشري غير متواجد حالياً
      تاريخ التسجيل: Feb 2009
      رقم العضوية: 477
      الدولة: ودمــــــــــــدنـــي
      الجنس: ذكر
      التقييم : 30
      المشاركات: 2,442
      الدمهشري is on a distinguished road

      كبير يا ود الخضر وكبير الجايبو لينا
      الله يقوي ضراعك


    13. #13
      نخبة ماسي
      الحاله : الدمهشري غير متواجد حالياً
      تاريخ التسجيل: Feb 2009
      رقم العضوية: 477
      الدولة: ودمــــــــــــدنـــي
      الجنس: ذكر
      التقييم : 30
      المشاركات: 2,442
      الدمهشري is on a distinguished road

      والله الناس دي عبرت عن الاحساس الام بك شفافيه فلهم التحيه وللجميع الود


    14. #14
      نخبة جديد
      الحاله : فاطمة عبدالوهاب غير متواجد حالياً
      تاريخ التسجيل: Aug 2009
      رقم العضوية: 923
      الدولة: السعودية ابها
      الهواية: قراءة وكتابة الشعر-النقد
      السيرة الذاتيه: فاطمة عبدالوهاب
      العمل: معلمة
      التقييم : 10
      المشاركات: 136
      فاطمة عبدالوهاب is on a distinguished road

      نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

      أحيي الحـــروف ،، وكــاتبيها ،، وناقــليها،، وقـــارئيها..
      التحية لكل محبي سحر الحروف...
      وكل عاشقي روائع الكلم...



      نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي:


    15. #15
      نخبة جديد
      الحاله : رقم صفر غير متواجد حالياً
      تاريخ التسجيل: Aug 2008
      رقم العضوية: 127
      التقييم : 10
      المشاركات: 82
      رقم صفر is on a distinguished road

      روائع محجوب شريف

      عشرة مقاطع للحياة
      ( 1 )


      غطى الجبال الليل
      لكن هدير السيل
      لكن صهيل الخيل
      نار الغضب والجوع
      تحت الجبل مسموع
      يضووا عز الليل

      ( 2 )

      والموج شديد الظلام
      غطى الشهيد الهمام
      لكن دماهو بتقيد
      لكن طريقو المجيد
      ابداً شديد الزحام
      رايات ترفرف غمام
      ينزل رزاز النشيد
      والنجمة تلمع هناك
      رغم المكان البعيد

      ( 3 )

      والنهر عبر السنين
      يزحف بعنف وبلين
      في الليل بيلمع يبين
      فارس بسيفو السنين
      يحمينا حضنو الامين
      نطلع بكتفوا الشمال
      ننزل بكتفوا اليمين
      لكنو مين يقدر يقول
      أنا سيدو مين

      ( 4 )

      في منحنى الدرب الطويل
      الحبة تفلت من جراب
      عابر سبيل مسكين هزيل
      عطشان يموت في السكة
      ما يتم الرحيل
      تكبر تشيل تلبس جميل
      تصبح مقيل عابر سبيل

      ( 5 )

      عصفورة من أخر بلاد
      في رحلة لي أخر بلاد
      تعرف مواعيد الحصاد
      وكل دورات الفصول
      وأنضر ايام الحقول
      وتعادي أسراب الجراد
      وتنادي لوكركب زناد
      صياد على العش والولاد

      ( 6 )

      أنسانة ابسط ما يقال
      لو صاح
      اعز من النساوين الرجال
      أنثى ولا دستة رجال
      تمشي وما بتطأطي
      ما بين بير وشاطي
      تطلع عالي واطي
      نهارها مع السواقي
      وليلها مع الطواقي
      وعمرها للجهال

      ( 7 )

      والنملة في الصف العجيب
      وعلى انفراد
      نفس النشاط والأنضباط
      نفس الحماس
      تسعى وتجيب ولا من رقيب
      ولا حتي في الأمر التباس
      ولا في اختلاس
      أحسن كتير من بعض ناس
      ولا في اختلاس
      وهيلا .. وهيلا هيلا .. هيلا
      تلقى تفسها في سفينة
      وهيلا .. وهيلا هيلا .. هيلا
      تاني في شارع مدينة
      والحكمة بنفس الحماس
      تلقاها في الصف العجيب
      كم مرة تهرب من مداس
      من طفل عابث ومن لهيب
      بالحبة تمسك في عناد
      الحبة ملك الاتحاد

      ( 8 )

      والحكمة في مر السحاب
      والعلاقة البينو ما بين الجذور
      واللسة في الباطن بذور
      وغنا الطيور
      والمعركة الدارت تصلصل
      بسيوفها وبالحراب
      والعلاقة البينو بين الغابة والهبابة
      والربابة والمنديل
      ومجرى النيل وضلفة باب
      وبكية طفلة في الكتّاب
      تفتش عن قلم رصاص
      وقع في الباص
      وحس رصاص هدر في ناحية
      فيها العيش حكر للجيش
      بتاكل من زمن مافيش
      وتشرب من زمن مافيش
      وكان اضراب

      ( 9 )

      والشمس تطلع يبين
      ادق ما في الجبال
      تبدأ الموانئ العظيمة الهدور
      وتصحى المصانه بيهمة وتدور
      ووتملأ الشوارع وكل الجسور
      وتشفى الصدور
      جموع الشغيله خطاها ثقيلة
      تخلى القصور تحس بالفتور
      وحمى الزوال

      ( 10 )

      تصحى المدينة
      تقوم تستحم وتولع سيجارة
      تدخن تسخن بشاى الصباح
      وحق الملاح وسيد الجزارة
      وتقعد تدندن تخيط زرارة
      ترتق هدوما وتفتق هموما
      وتسب الحكومة وتفن الريال
      وتنفض سريعاً غبار النعال
      وتنزل تواجه مشاكل عويصه
      تشرّط قميصا وتدق العيال
      ليه العيال يعيش النضال
      يخلى الحكومة تدخن تسخن
      بنار الكفاح
      وتقعد تطنطن لحدي الصباح
      بتطلع بتطلع حزينة وكتومة
      تشرّط هدوما وتحش المصحة
      يعيش الأصح يعيش النضال
      وضروري النضال

      «« توقيع رقم صفر »»

      غدا نكون كما نود...
      وغدا حبيبي حتما يعود..

      من مواضيع رقم صفر :



    16. #16
      نخبة جديد
      الحاله : رقم صفر غير متواجد حالياً
      تاريخ التسجيل: Aug 2008
      رقم العضوية: 127
      التقييم : 10
      المشاركات: 82
      رقم صفر is on a distinguished road

      قزازة دم
      واحلالي القبلي شال شبال لمع برق المهيرة
      قيرة قيرة يا مطيره
      يا رزاز الدم حبابك
      لما يبقى الجرح عرضة ولما نمشي الحزن سيرة
      من دمانا الأرض شربت موية عزبة
      كل ذرة رملة شربت حبة حبة
      موية أحمر لونها قاني
      فتقت ورد الأغاني
      تهدي لى اسمك رمزاً للوطن كنز المحبة
      قيرة قيرة يا مطيرة يا شهيد الشعب أهلاً
      مش بتطلع كل يوم الشمس أجمل
      وكل يوم النخل أطول زيدو قامة
      وياما شفتك ياما ياما
      لما شفت البدر طالع فى سما الوطن ابتسامة
      إنتّ فى النهر البسافر جاري طول العمر صاحي
      طبعو منك يا الملامحك من ضفافي
      واللي شافك مرة شافو
      واسمك الختيتو فرهد عشب أخضر فى الجناين
      فى الشوارع نيمة نيمة فى مصابيح المدينة
      فى فوانيس الضواحي
      تملا نادي الحلة سيرتك
      اسمك الخلانا نقدر فى ظلام الليل نعاين
      والبتسأل عنو ده الخليتو شافع
      لسه دابو
      يا ما حيعجبك ، شنابو
      صوتو رقان فيهو بحة
      ود فلان اصرار وصحة
      عندو قصة حب جميلة
      جرب آلام الحراسة وحرض أولاد الدراسة
      وهدّو حيل العسكرية
      البنية أم طرحة كبرت
      يا سلام الفنجرية
      ليها راية وبى كلامها وبى اهتماماتها الجديدة
      دقت أجراس القصيدة وشدت أوتار الصلابة
      الكتوف اتلاحقت فى السكة يابا
      واحلالي القبلي شال شبال لمع برق المهيرة
      قيرة قيرة يا مطيرة يارزاز الدم حبابك
      لما يبقى الجرح عرضة
      ولما نمشي الحزن سيرة

      «« توقيع رقم صفر »»

      غدا نكون كما نود...
      وغدا حبيبي حتما يعود..

      من مواضيع رقم صفر :



    17. #17
      نخبة جديد
      الحاله : رقم صفر غير متواجد حالياً
      تاريخ التسجيل: Aug 2008
      رقم العضوية: 127
      التقييم : 10
      المشاركات: 82
      رقم صفر is on a distinguished road

      السودان الوطن الواحد
      مارس حارس ليس يخون
      الألف
      اللام
      السين
      الواو
      الدال
      الألف
      النون
      السودان الوطن الواحد
      ما قد كان وما سيكون
      مارس ماسك كتف ابريل
      أعظم شعب...
      وأعظم جيل
      نعمَ بنادق لا ترتد
      لصدر الشعب..
      الغدر دخيل
      شعباً صمم فرداً فرد
      هبّ وهدّم حكم الفرد
      وجاهو عديل
      إعصار إعصار
      خطوه بخطوه..
      وايد على ايد
      وسِلّم سِلّم
      ما بنسلم
      وشعب معلم..
      قال اصرار:
      عصينا عصينا
      على الحريه منو بوصينا؟
      نحن الشعب المابحتار..
      اختار اختار
      ديمقراطيه
      بلا أميّه
      بأيدى قويه
      نحفر أعمق..
      نرمى الساس
      للسودان الوطن الحر
      مرفوع الراس
      للحريه بلا دوريّه
      ولا تفتيش
      ولا حق ينداس
      ديمقراطيه عمود النور
      ولما تغطى حقول القمح..
      الأرض البور
      والمكنه تدور
      وترفع صوتك يا مقهور
      وبينا وبين العالم سد
      ينهدّ..
      وسور
      مارس حارس ليس يخون
      الألف
      اللام
      السين
      الواو
      الدال
      الألف
      النون
      السودان الوطن الواحد
      ما قد كان وما سيكون

      «« توقيع رقم صفر »»

      غدا نكون كما نود...
      وغدا حبيبي حتما يعود..

      من مواضيع رقم صفر :



    18. #18
      نخبة جديد
      الحاله : رقم صفر غير متواجد حالياً
      تاريخ التسجيل: Aug 2008
      رقم العضوية: 127
      التقييم : 10
      المشاركات: 82
      رقم صفر is on a distinguished road

      حليب العزة

      ما أنبل حليب يرضع منو شافعنا

      وشمسك كم تطالعنا

      ونقدل في شوارعنا

      ونكتب بي مداد العصر

      ننهل من منابعنا

      وتنسج من بريق النصر

      راياتك اصابعنا

      تعيش انت ونموت نحن

      لكي يا غالي ما يكبر

      جنانا تحت شرا المحنة

      جرحنا اذا بفرهد فيك

      حنمشي على البجرحنا

      وحزنا لو بضوي سماك

      هو الحزن البفرحنا

      ودمنا لمن يسقي ثراك

      ينزل من جوانحنا

      وان راحتنا ما ترتاح

      نقول انشاء الله ما ارتحنا

      تضيع ايامنا بس ما تضيع

      ملامحك من ملامحنا

      ولو علينا صوتنا عليك

      يا والدنا سامحنا

      ياأشرف منابعنا

      يا أعظم مدارسنا

      بنرجع ليك توصينا

      ونسمع ليك تحدثنا

      «« توقيع رقم صفر »»

      غدا نكون كما نود...
      وغدا حبيبي حتما يعود..

      من مواضيع رقم صفر :



    19. #19
      نخبة جديد
      الحاله : رقم صفر غير متواجد حالياً
      تاريخ التسجيل: Aug 2008
      رقم العضوية: 127
      التقييم : 10
      المشاركات: 82
      رقم صفر is on a distinguished road

      باكر تعرف تقرأ وتكتب



      باكر تعرف تقرا وتكتب

      وياما ترتب

      نحنا بنحلم وكم نتمني

      هل تحقق كل ما تحب

      تبني حياتا الند بالند

      اي مكانة وخانة تسد

      هدهدا هدهد كل الورد ينوم ويفرهد

      زي عصفورة تطير وترك

      تحبا وتمسك وتاني تفك

      سيبا تفكفك سيبا تلكلك عايزة تنطط

      بكرة حترسم وياما تخطط

      بكرة حا يبنوا مدائن ضو

      ما بيعكر صفو الجو صفارة حرب

      تشطب من قاموس الدنيا

      الضرب الشك الخوف

      ينعموا كم بالشم والشوف واغاني الحب

      افتح بابك آمن تب

      زي ما النهر بيلقي مصب

      اي حمامة بتلقي الحب

      تلقي الورده الندي في الكم

      تلقي حداها جناها الام

      يرضع صافي حليب الحب

      نقدل نحن الجد والعم

      تملا عيونا كهارب سد

      بابا جاب الهم والزم والصد ينسد

      نفرح لما ندمع جد

      مد البصر الامل يمتد

      العمل يشتد البنا ينتم الغنا يمتد

      هدهدا هدهد

      اكتبي اكتبي الف المد

      حمام وسلام وسعادة بجد

      اكتبي اكتبي ياء المد

      سرير وعصير وعبير ينشم

      اكتبي اكتبي واو المد

      حقول وعقول تقرا المجهول كتاب الغد

      اكتبي علم وسلم

      لا حد يئن لا تسمع بم

      لا ينزف دم

      لا يعجز رد

      لا يعجز طب

      لا دمعه في خد

      تبتبا تبتبا تبتبا تبتب

      «« توقيع رقم صفر »»

      غدا نكون كما نود...
      وغدا حبيبي حتما يعود..

      من مواضيع رقم صفر :



    20. #20
      نخبة جديد
      الحاله : رقم صفر غير متواجد حالياً
      تاريخ التسجيل: Aug 2008
      رقم العضوية: 127
      التقييم : 10
      المشاركات: 82
      رقم صفر is on a distinguished road

      ام اليتامي

      بين العمل والبيت

      فصّد جبينها عرق..

      أم اليتامى بكت

      لمن حسابها فرق

      ماهية تمشي السوق

      مركب مصيرها غرق

      حق اللبن والزيت

      الكسرة والكراس

      هم في عيونها برق

      الما بحس ما بهم

      والخان همومو سرق

      هذا المرتب تب

      ما بسدها الفرقة..

      القعدة في المكتب

      والإمضا في الورقة

      العبرة في الخبرة

      الأيدي لو تعمل

      جرح الزمن ببرا

      اتباصرت مكنة

      ماكوكها يتقدّل

      بين خيطها والإبرة

      زي ما القلب ساساق

      الخطوة ساساقة

      وعيونها منتبهة

      تباري زقزاقها

      لا شك ولا شبهة

      والسترة أشواقها

      والشفع القصر

      والدمعة رقراقة

      يا حليل شريك العمر

      الدنيا فراقة

      اتيقنت أحسن

      من تبقى نقناقة

      شقشق مقص في ليل

      نامت خلايق الله

      طاير سُقد حلّق

      في بيتها واتدلّى

      تدّي الولاد بصة

      وتجرب القصة

      وتقلّب الحلة

      جاهز عمل بكرة

      أسأل تقاريرها

      السرية والسمعة

      هل ركلست يوماً

      حتى ولو جمعة

      مشكورة في المكتب

      مستورة في الحِلة

      رغم الشجن هبت

      لم تعرف الذلة

      ما فارقت سرباً

      تتفهم الموقف

      تستدرك العلة

      ولم تعد أماً

      مسكينة بتشفِّق

      تفرتق وترتق

      قُصاصة في إيدها

      كالوردة بتبتِّق

      ريانة منشرحة

      هدِم قدِم يصبح

      في لمحة كم طرحة

      لا بد من تكية

      لا بد من بكية

      لا بد من غمدة

      لا بد من سرحة

      أنعم بها أماً

      بين العمل والبيت

      يا مرحىَ يا مرحىَ

      «« توقيع رقم صفر »»

      غدا نكون كما نود...
      وغدا حبيبي حتما يعود..

      من مواضيع رقم صفر :



    21. #21
      نخبة جديد
      الحاله : رقم صفر غير متواجد حالياً
      تاريخ التسجيل: Aug 2008
      رقم العضوية: 127
      التقييم : 10
      المشاركات: 82
      رقم صفر is on a distinguished road

      تلفـــــــــــون العـــــــــــالم حول

      تلفون العالم حوِّل
      إتنين وتلات أصفار
      البرق هناك
      مستني
      والشمس على
      استنفار
      فلنزحف نحو
      النور
      لو ننحت بالأظفار
      من حقنا نحلم
      بي عالم
      بي عالم
      يتسالم
      ضدَ التسليح
      الخبز .. الحريات
      المكننة
      والتلقيح
      لن نقبَل بالمعتاد
      العكننة والتبريح
      العدل بلا تمييز
      الحظر على
      البمبان
      العطر مهب الريح
      دوران الأرض
      مراجيح
      والشفع لؤلؤ منثور
      سادين السكَّة
      أناشيد
      ما دين الدنيا
      بساتين
      ورداً..قمصان
      وفساتين
      والنهر بيعمل زقزاق
      من خضرة وحفلة
      ياسمين
      ناساً جينا تم زيناتم
      جنياتم خِلقة
      وأخلاق
      شبت حبت من لسَّعَ
      في الخاطر شوق
      وحنين في عيون
      العُشاق...
      كم مُدُناً طيَّ
      الأشواق
      حاراتا حتملا
      الأسواق
      وشوارع تجري
      ملايين
      لِسَّع في سنَن
      الأقلام
      أنفاس الناس القِدام
      وخُطى الأقدام
      في القرن الواحد
      وعشرين
      من خير الأرض
      الممتد
      تنعم أفواه
      ومناقير
      والحبّه ظلال
      وعصافير
      والخطوة بتبقى
      جماهير
      والهمسة بتبقى
      هتافات
      تتفكك لعب
      أطفال
      وأسرّة وإسعافات
      آفات
      فتكت بالسلم
      جنازير
      وتقرب بينَّا
      مسافات
      كنا بنمشيها
      محاذير
      وتفرهد ياما
      ثقافات
      تتنفس حق
      التعبير
      لا رجعة لظلمٍ
      قد فات
      تلقوه هناكَ
      ملفات
      فى ركن القرن
      العشرين
      إلقاء القبض على
      الخوف
      الخلا النسمة
      أعاصير
      والشجر الأخضر
      أوتاد..
      من حَقنا إننا نحلم
      لن نقبل بالمعتاد
      نتماسك أيدي
      ونرتاد
      القرن الواحد
      وعشرين
      شُبَّاكاً جنب
      الشُباك
      آفاقاً ذاتَ مصابيح
      تلفون العالم حول
      ...
      لا شك االرقم
      !! صحيح
      التعديل الأخير تم بواسطة رقم صفر ; 08-19-2009 الساعة 03:56 PM

      «« توقيع رقم صفر »»

      غدا نكون كما نود...
      وغدا حبيبي حتما يعود..

      من مواضيع رقم صفر :



    22. #22
      نخبة جديد
      الحاله : رقم صفر غير متواجد حالياً
      تاريخ التسجيل: Aug 2008
      رقم العضوية: 127
      التقييم : 10
      المشاركات: 82
      رقم صفر is on a distinguished road

      ياجميــــــــــلة ومستحيـــــــــــــلة

      يا جميله..
      ومستحيله
      انتِ دايماً زى سحابه
      الريح تعجّل بى رحيلها
      عيونى فى الدمعات وحيله
      اسمحيلا تشوف عيونك..
      اسمحيلا
      أنا لا الصبر قادر عَلَىْ..
      ولا عندى حيله
      يامراسى الشوق تعالى
      لا اليالى تمر بدونك هى الليالى
      من ضواحى الدنيا جيت..
      وعَلَىْ رحالى
      لمداين فوق عيونك يا محالى
      ريّحينى..
      أسُتْرى حالى
      فرّحينى
      عيونى فى الدمعات وحيله
      أنا لا الصبر قادر عَلَىْ..
      ولا عندى حيله
      حدّثت عنك نجمة جارة
      وزرعت اسمك..
      حارة حارة
      فى مناديل العذارى
      فى مشاوير الحيارى
      فى لحى الأشجار كتبتو..
      نحتّو فى صمّ الحجارة
      وبحت للشمس البتقدل..
      فى مدارها
      عيونى فى الدمعات وحيله
      اسمحيلا تشوف عيونك
      اسمحيلا
      أنا لا الصبر قادر عَلَىْ
      ولا عندى حيلة
      وانتِ منك لا بداية..
      عرفت لسّه ولا نهاية
      مرّة أسرح..
      ومرّة أفرح..
      ومرة تغلبنى القراية
      ولّمن أكتبلك وداعاً..
      قلبى ينزف فى الدواية
      يا صبيّة..
      الريح ورايا
      خلّى من حضنك ضرايا
      عيونى فى الدمعات وحيله
      اسمحيلا تشوف عيونك
      اسمحيلا
      أنا لا الصبر قادر عَلَىْ..
      ولا عندى حيلة

      «« توقيع رقم صفر »»

      غدا نكون كما نود...
      وغدا حبيبي حتما يعود..

      من مواضيع رقم صفر :



    23. #23
      فخر النخبة
      الحاله : ولد هندسة غير متواجد حالياً
      تاريخ التسجيل: Apr 2009
      رقم العضوية: 714
      الجنس: ذكر
      التقييم : 10
      المشاركات: 1,852
      ولد هندسة is on a distinguished road

      لكم التحية يا نخبة النخبة
      علي الكلمات الرائعة وزيدزنا من بحور الشعر الراقي


    24. #24
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      ان يبدع محجوب شريف
      وان تتميز في اختيار ذلك الابداع
      مشكور اخي رقم صفر
      في انتظار المزيد


    25. #25
      نخبة ماسي
      الحاله : الدمهشري غير متواجد حالياً
      تاريخ التسجيل: Feb 2009
      رقم العضوية: 477
      الدولة: ودمــــــــــــدنـــي
      الجنس: ذكر
      التقييم : 30
      المشاركات: 2,442
      الدمهشري is on a distinguished road

      نقطة ضوء

      في اللحظة ديك والتو
      لحظة الميلاد كنت نقطة ضؤ
      فرهدت بيك فرهيد ....
      وانتشيت بالريد
      وطرت بيك الجو
      قالو ايضا بت .....
      قلت مالو ولو
      بختي بختي
      انت بتي ..
      امي واختي..
      همي شيلي ..
      شيلي مني..
      مني ختي
      ........................
      بتي
      بشوفها عز التبتبة
      بتي البريدة مرتبة
      دولابا داك والمرتبا
      جات من قبيل من مكتبا
      ادت ابوها مرتبا
      سددنا دين دكان حسين
      كستني توب نجدنا كم.. كم مرتبه
      جيهت بيتنا القديم
      السقف داك والمسطبة
      ...............................
      قيرا قيرا يا مهيرة
      ياشتلاية جاتا مطيرة
      تكبري انت تشيلي حملنا
      وتزيدينا ترانا كملنا
      نسمع عنك ما يفرحنا
      الاستاذة دي كتر خيرا
      يوم تلقانا هي ...بتوصلنا
      وتحصلنا ...تفك الحيرة
      ما بتتصنت و ما بتتعنت
      ما بتاوق في حق غيرا


    26. #26
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      ليلة الميلاد
      *‏*‏*‏*‏*‏*‏*‏
      يا مشتل فرحنا الشال
      ويا مرسى الشراع الضال
      ويا واحة قليباً كان زمان رحال
      يفتش عن عيون إنسانة
      ينسى لديها حزناً طال
      ولما لقاك فرهد ياما
      بالفرح اللي عندو محال
      ولما لقاك رسلو القمر منديل
      وركت نجمه ...
      ضوت في الدرب قنديل
      وهشت زهرة ..
      كانت تبكي طول الليل
      وجات من بعد دول الهجرة ..
      غنوات الحروف
      وكانت ليلة الميلاد...


    27. #27
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      مساجينك
      مساجينك مساجينك
      نغرد فى زنازينك
      عصافيرا مجرحه بى سكاكينك
      نغني ونحن في أسرك
      وترجف وأنت في قصرك
      سماواتك دخاخينك

      برغمك نحن ما زلنا
      بنعشق فى سلاسلنا
      بنسخر من زنازنا
      وبنسخر من زنازينك

      للسودان مواقفنا
      وللسودان عواطفنا
      ولما تهب عواصفنا
      فما حيلة قوانينك


    28. #28
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      احبك احبك
      أحلى فصول العمر حنانك
      أجمل حتة لقيتَ مكانك
      أجمل سكة مشيتَ عيونك
      أحبك أحبك أنا مجنونك

      ساكن فيني هواك وبريدك
      جوا القلب النبض يصونك

      معاك معاني حياتي تبدا
      وافتح باباً ياما انسدَّ
      أشوف العالم ربوة جميلة
      عليها نسيم الصبح مخدّة
      وبيني وبين النهر عشانك
      عشرة بتبدا
      وبين عينية وخد الوردة
      تبقى مودة

      أصالح روحي
      تبرا جروحي
      ابشر باسمك اهلل أغني
      أقيف اتحدى

      أديتيني مشاعر حية
      عوضتيني الزمن الماضي
      زمن الجرح الأكبر مني
      وقاسي علية
      وبيك صادفني ولقى عنواني
      رزاز الفرح الخلَّى الجية
      أريت صادفني حنانك بدري
      لو لاقيتك بدري شوية


    29. #29
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      ياشعبا تسامي
      يا شعبا تسامي
      ياهذا الهمام
      تفج الدنيا ياما
      وتطلع من زحاما
      زي بدر التمام

      تدي النخله طولها
      والغابات طبولها
      والايام فصولها
      والبذره الغمام

      قدرك عالي قدرك
      ياسامي المقام
      ياملهم رماحك
      سناهاالصدام
      ام در والطوابي
      في صدرك وسام
      ملامح كم
      تسامح
      تغضب لا تلام
      همه وعبقريه
      ذمه وفنجريه
      ضد العنصريه
      وتحلم السلام

      فداك وفي حواك
      يامدد الكلام عفوك
      انت ورضاك
      وبرنا ليك تام
      وبحلم بهواك بي حسن الختام
      دينك كم علينا
      منك والدينا
      واجمل مالدينا
      من يوم السمايه
      من قبل الفطام

      منك كل حته
      في الخاطر
      صبابه
      جنبك نبته نبته
      نكبر نحن ياما
      نسألك انت
      وانت ورينا الاجابه
      علمنا الرمايه
      والحجا والقرايه
      والمشي بي مهابه
      في الضحي والظلام


    30. #30
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      وطنا البأسمك كتبنا ورطنا




      أحبك ..







      أحبك مكانك صميم الفؤاد

      وباسمك أغنى
      تغنى السواقى
      خيوط الطواقى
      سلام التلاقى
      ودموع الفراق

      واحبك ملاذ
      وناسك عزاز

      أحبك حقيقه
      وأحبك مجاز

      وأحبك بتضحك
      وأحبك عبوس
      بعزة جبالك ترك الشموس
      وما بين ظلالك
      افتش وأكوس

      أفتش طفولتى وملامح صباى
      بناتك عيونن صفاهن سماى
      وهيبة رجالك بتسند قفاى

      أحبك بتضحك
      واحبك عبوس
      صحى بتملا عينى
      وتشّرف غناى

      بحضرة جلالك
      يطيب الجلوس
      مهذب أمامك يكون الكلام
      لأنك محنك
      عميق الدروس
      مجيد المهابة
      مديد القوام
      شبابك تشابك
      شديد الزحام
      أراهم وراهم غبار الحياه
      مداين تعاين
      كأمّ العروس
      تهلل تكلل جبين الإمام
      رزازاً يبلل أغانى الخليل

      أصدق كلامك حقيقه وبخاف
      أخاف الطريق اللى ما بودى ليك
      وأعاف الصديق اللى ما بهم بيك
      معاك انتظارى ولو بالكفاف
      وعنك بعيداً أبيت الرحيل
      وبيك اعتزاز الصباح الجميل
      جميع الأغاني اتكالن عليك.


    31. #31
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      عشة كلمينا ميري ذكرينا





      عَشّه .. كلّمينا

      ميرى.. ذكّرينا

      كل سنكى أحسن

      يبقى ..مسطرينا

      *

      نحن شعب أسطى

      يلا ..جيبو مونا

      نبنى ..نبنى نبنى

      مسرحاً..ونــــادى

      مصنعــاً ..وبوسته

      حرب لا لا لا لا

      كبرى..استبــاليه

      صالــه للثقــافــه

      تســرح الغزاله

      جنبها ...الزرافه

      ركَ قمرى طار

      قيره قيره قيره

      نطَط الصغار

      صفّق الترولى

      طمّن ..القطار

      حلقت ..وحلقت

      حمامة المطار

      كلّ طلقه..بينا

      نحن تبقى وفر

      سمسماً ..وبفره

      سكراً وشاى

      تترا سايكلين..

      جاى وجاى وجاى

      مافى حاجه ساى

      كلّو عندو دِين

      كلّو عندو راى

      بور..وبورسودان

      بارا.. والجنينه

      عبرى ..ولاّ واو

      حاجه مش كويسه

      كلّ زول براو

      هى سودانا بكره

      من سودانا ناو

      تكتب انت تقرا

      تعرف السياسه

      فى محل حراسه

      حجرة الدراسه

      تمشى انت تلقى

      فى الضلمه..لمبه

      ألف ضحكه حلوه

      تسندك بجنبه

      بى تمن طبنجه

      أحسن الكمنجه

      أحلى شتل منقه

      أحسن الحليب

      إيد .. وإيد وإيد

      نزرع الجديد

      غابة النشيد

      إيد..وإيد وإيد

      مافى بينا سيد

      إيد..وإيد وإيد

      نلحق البعيد

      نحنه مش مرقنا

      حته واحده جينا

      جينا لى السرقنا

      حقّنا..وعصينا

      دمّنا..وعرقنا

      ولّعوا الرتينا

      *

      عَشّه..كلّمينا

      ميرى ..ذكّرينا

      كلّ سنكى أحسن

      يبقى ..مسطرينا


    32. #32
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      حلم
      مرة شفتك فى المنام
      وانتِ بين سربين حمام
      نازله سكّه وادى أخضر
      شايله سلّة ورد أحمر
      وحزمتين أحلى الكلام
      يتبعوك طفلين حلاوه
      طاروا عصفورين علىَّ
      ركّوا فى اسود عينىّ
      ورحت في غمرة ندواه
      كنتَ مُجْهد
      قلبي فَرْهد
      ورشّ أيامى الغمام
      صحيت وقفت
      مشيت أعاين
      القى بينى وبين عيونك
      كم ضواحى
      وكم مداين
      وانطوت كل الجناين
      فى غيابك
      وفى الظلام


    33. #33
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      ليلة الميلاد
      *‏*‏*‏*‏*‏*‏*‏
      يا مشتل فرحنا الشال
      ويا مرسى الشراع الضال
      ويا واحة قليباً كان زمان رحال
      يفتش عن عيون إنسانة
      ينسى لديها حزناً طال
      ولما لقاك فرهد ياما
      بالفرح اللي عندو محال
      ولما لقاك رسلو القمر منديل
      وركت نجمه ...
      ضوت في الدرب قنديل
      وهشت زهرة ..
      كانت تبكي طول الليل
      وجات من بعد دول الهجرة ..
      غنوات الحروف
      وكانت ليلة الميلاد...


    34. #34
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      في رثاء عبد الخالق محجوب:

      أهلا مرحب .. ايوه اتفضل" نادانى

      مشيتلو..
      مصدق وما مصدق

      سلمت بقلبي واحضانى

      وشعرت كأنه بيعرفنى

      شعرت كأنه بيقرانى

      راجل نكته عميق ومهذب

      رائع جدا وانسانى

      ولما جمعنى وشجعنى

      سألتو بدهشة عن الحاصل

      قاطعنى .. "بتعنى الاعدام؟

      اعدامنا .. بتقصد اعدام؟

      الموت لو شنقا حتى الموت

      الموت .. لو رميا بالرصاص

      ما هو الموت"

      "الشعب يقرر من الحى والميت مين

      الشعب يقرر مين الحى والميت مين


    35. #35
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      كـــجبار

      الدم شلال ..... السد ارواح
      الموج اترنح في الحلال اتراح اتراح
      شهداء حياتم يا لله تلال .. وظلال
      ومعيشة حلال..... وضمير مرتاح
      تاح... تاح .... تاح.... تاح

      بينم وبين الحبة محبة
      وبينم وبين الضفة صراح
      جنا يا حليلو سبيط اتدلي... مرصص راح
      كم الورد صباهو .. عيونو لسع فيهن باقي مزاح
      اسال عنو حفيف العشب لم يكسر في عمرو جناح
      غني معاهو القمري زمانك حسع راح

      بابا جاب الهم والذم والسد ينسد وحسع ينزاح
      بابا جاب الهم والذم والسد ينسد يوما ينزاح
      نحن كذلك برضو كفاية ....
      كفاية كفاية كفاية جراح
      اي زيادة حنبقي نفاية
      ويبقي الطمي في العين سفاية
      وكل وطنا بيوت اشباح
      اهي دارفور الصمت رماها جياع وحفايا
      وآ اسفايا وآ اسفايا كاني بايدي طعنت قفايا
      كفاية كفاية كفاية كفاية حريق وصياح
      ويا ادروب سامحنا سكتنا
      عرق اتصبب .. ودمك ساح
      سلك.. وزلك..راحل ضلك..منهك كلك ليل وصباح
      ويوم فتحتو وراكم.. تاح ترراح... تاح ترراح
      السودان الوطن الواحد شبرا شبرا بقي نتاح
      يا اشعار العار العار اذا ما الحنضل بقي تفاح
      وتم تررم.... مع تاح ترراح
      كم سفاح ارتاح واتقدل.... والكاتلنا انحنا سماح
      اعتي دروع وجذوع تتهاوي.. وشتلة تقاوم اعتي رياح


    36. #36
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      هذه هى قصيدة الحرامي التي كتبها محجوب في صديقه (اللص) الذي أتوا به إلي السجن مضروبا وصار صديق زنزانة وعلم محجوب لعبة السيجة.

      الحرامي


      صحيت بالمؤذن وحالتك تحزن
      مرقت وسرقت الوبال
      معكز ملكز بسيخة ونعال
      مكتف ملتف بأغلظ حبال
      وغيرك بخزن جميع الغلال
      يسرق ويهرب جمال
      باسمه اللواري تهد الكباري تباري الجبال
      سيادته يتدبر شئونه الأماسي
      يرش الحديقة ويرص الكراسي
      ما بين الغواني ورنين الخماسي
      تعاين تشوفه تقول دبلوماسي
      يمضي ويرضي ويهدي المحال
      كمان لو تلاحظ صديقه المحافظ
      وقالوا الملاحظ عيونه الجواحظ تباري الريال
      حليلك بتسرق سفنجة وملاية
      وغيرك بيسرق خروف السماية
      وفى واحد لو تصدق بيسرق ولاية
      ودا أصل الحكاية وضروري النضال
      ضروري النضال



      منقول.


    37. #37
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      البطاقة الشخصية
      الاسم الكامل
      انسان
      الشعب الطيب والدي
      الشعب حبيبي وشرياني
      اداني بطاقة شخصية
      من غيرو الدنيا وقبالو
      قدامي جزائر وهمية
      لا لون
      لا طعم
      لا ريحة
      وايام مطفية مصابيحها
      زي نجمة بعيدة ومنسية
      المهنة :
      بناضل وبتعلم...
      تلميذ في مدرسة الشعب
      المدرسة..
      فاتحة علي الشارع
      والشارع فاتح علي القلب
      والقلب مساكن شعبية


    38. #38
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      ست البنات

      محجوب شريف

      ست البنات اتمالكت اعصابا
      احلامها اتكت

      بكت الشبابيك

      التي نورا انطفا

      فقدت حنان الهمبريب

      والالفة والشمس البتضحك

      وانسياب الدردشة

      نار الكوانين انطفت

      إلا البتوقد في الحشا

      حق الفطور

      يمه العشا

      ما باباليكم يا جناي

      اصبر كفى

      أدت رضيع الأشهر الأولى .. القفا

      ثم انكفت

      غرقت غرق في دمعتا

      عشم العشم نقطة حليبا تسكتو

      ولا حتى كسرة تسند

      من ما مشى

      ما اشرف الدمع الجسور

      إذا جرى

      من عين والدة سعت

      وبكل ما ملكت يداها وصحتا

      داست هموما الداستا

      مرقت تفتش في الشغل

      كم مهنة حامت كاستا

      نكتت شهادات الزمن

      ما كان تخلى دراستا

      رمت اللقيمات الدغش

      والكسرة قامت عاستا

      كم حاجة عندها باعتا

      دبلة زوجا وساعتا

      ترخص حياتا .. وكل شئ

      بس سمعتا

      ياالله ما اطول خميسا وجمعتا

      احد أحد.. احد احد

      جر السبت حبل الأحد

      احد احد

      واليوم يجر الثاني والثالث

      كما ود الأحد

      احد احد

      احد احد

      احد احد حيلا انتهى

      يا منتهى الصبر البخلي السترة

      قاب قوسين وادنى

      من الذي ما يشبها

      يا منتهى الصبر البخلي السترة

      ترخص حياتا .. وكل شئ

      بس سمعتا

      بس سمعتا

      بس سمعتا


    39. #39
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      أهلا أهلا بالأعياد

      محجوب شريف

      أهلا أهلا بالأعياد

      مرحب مرحب يا أجداد

      أفتح أفتح يا تاريخ

      أبعاد أبعاد

      وأملا عيون كل الأحفاد

      بالأمجاد

      أفتح محضر باسم الشعب

      بخط الشعب

      لوجه الشعب

      ومجد الشعب

      سجل
      أنحن الغضب الواعى

      ضمير الثورة على استعداد

      وبالمرصاد

      لكل عميل وكل دخيل

      بالمرصاد

      سجل سجل

      لا أغلال

      لا إستقلال مع إستغلال

      لا حرية بلا استبسال

      إستشهاد باستمرار

      على استعداد

      ويا استبداد

      خط النار إتعب وزاد

      وقول للشهدا الختو الزاد

      باسمنا هتفو

      وبينهم وبين
      الموت خطوات

      الجايين من قلب الشارع

      والجايين لى قلب الشارع

      من ثكنات

      سجل أنحنا

      برغم جرحنا

      إجتزنا المحنة

      ونحن الليلة أشد ثبات

      ونحن بخير

      ونحن وراكم في الجايات

      ولسه ولسه

      على إستعداد

      وشعبنا واقف بالمرصاد


    40. #40
      نخبة ماسي
      الحاله : اركمانيه غير متواجد حالياً
      تاريخ التسجيل: Sep 2009
      رقم العضوية: 1065
      الدولة: saudi arabia
      الجنس: أنثي
      التقييم : 10
      المشاركات: 2,318
      اركمانيه is on a distinguished road

      محجوب شريف
      عمّـــا قريـب
      عمّا قريب..
      الهمبريب
      يفتح شبابيك الحبيب
      والحال يطيب
      يا محمد أحمد تستجِمْ
      والبيت يتمْ
      تتلم تلمْ
      تفرح فرح
      تحلم حِلِم
      كم تطمئن
      حقك يجيك لافيهو شك..
      يمكن واظن
      ويفوتو همْ
      والعدل يعمْ
      وتغني أمْ
      كادت تجن
      كبر الولد جُوّا السجن
      فاقداهو هى
      دا كلو كلو ينتهى
      دا كلو كلو ينبهى
      زولاً تريدو وتَشْتهِى
      تلقاهو فى
      لا فى السِّجِن..
      لا مختفى
      لا يقولو ليك ما تمشي لى
      دا كلّو كلّو ينتهى
      دا كلّو كلّو ينتهى
      دا كلّو كلّو ينتهى

    + الرد على الموضوع
    صفحة 1 من 2 1 2 الأخيرةالأخيرة

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك