المساعد الشخصي الرقمي

مشاهدة النسخة كاملة : طاوعينى مرة



ايمن عثمان
12-23-2010, 11:35 PM
امسك قلم
والمعني يا ست الجمال
انفض غبار الزكريات
عشان القي
تحت الفرحة هم
واكتب حروف
ممدودة زي قامتك نخل
كلمات بتشبه خلقتك
خليني من قول الشعر
انا ما براي البكتيك
لكن ازاي
لمن يتاورني الالم
واتشابي ليك
دايرك تكفكفي من عيني
دمعي البتهافت عليك
قطراتو دم
دايرك تهدهدي لي خطاي
واقدر امشيك يا طريق
من غير حواجز لا قيود
يا بت محكرة في جواي
وريني كيف علمتي قلبي
يحن اليك
ويشتهيك
ويفتشك
وريني ليه الزول قدر
ما يمشي ليك
ما بوصلك
وريني مين النمي فيك
فكرة تفوتيني
وأجيك أحصلك
آه يا نمناي
انا يا هواي
احساسي بيك ما من فراغ
وهواك ما بقي من عدم
طاوعيني مرة وبددي
الخوف الجواي
وتعالي لي
يمكن معاك الاقي حل[/b]

ام صبا
12-24-2010, 12:58 AM
أيمن عثمان لك التحيه والود
سلمت يداك كلمات جميله ورائعه
تدل على حس مرهف تسلم ياراقي

ايمن عثمان
09-19-2011, 06:11 PM
شكرا ام صبا على التعليق