المساعد الشخصي الرقمي

مشاهدة النسخة كاملة : مسابقة القصة القصير(3) ديمقراطيا



سيف
12-21-2010, 12:25 PM
نعلن عن مسابقة القصة القصيرة النخبوية التالتة
والقصة الفائزة وفقا لترشيح الجمهور ..(يعني سيف رئيسا)
نهي (ينعل ابو العولمة ياخ ) وحات الله الديمقراطية دي لاسمحة ولا حاجة
غايتو بديت احس ان سلطاتي بدت تتسرب من بين يدي
اها ندخل في شعارت الديمقراطية ...بالمناسبة القذافي فسر معني الديمقراطية وقال
ديمقراطية يعني ديمو كراسي اي الكراسي الدائمة
المهم ...الشعار ..هو (صوتك امانة) فلا تمنحه الا لقصة تعجبك ..لاتمنح صوتك لشخص انما للقصة
فقط لاتصوت الا بعد ان نطلب منك التصويت
كل مشارك يمنح رقم
اهلا وسهلا بكم

عزمي
12-21-2010, 01:26 PM
أحدهم كان ينثر عبير الياسمين !!


ليلة الأحد لعشرين ليلة من كانون الثاني ولدتُ هكذا قيل , رغم إنني لم أسمع في أذني آذان ولم تري أمي أنوار تضئ لها الدياجر فقد كنت ثقيل الظل في احشائها وخارجها ولم تكن تظن إن هذا المولود رغم فرحتها به سيضيف شيئاً في جدران الصمت وأقبية الخيال , ولما كانت الجمعة لعشرين ليلة من أيار توقف المطر حينها فأعلن في الملأ نبأ وفاتي , لم أعش طويلاً كما تنبأت لي العرافة ذات يوم خريفي عند قراءتها خطوط كفي , تركتُ فتاة عشقتها في حياتي بجنون ولأن عشقي كان إسطورياً عادت روحي لتسكن ديارها بعد أن قطعتْ عهداً بأن لا تغادر دارها مطلقاً ..
أحبتْ فتاتي المطر ورائحة الياسمين وقطع الشوكولا , كنتُ أري معالم وجهها المشرق خلف ضفائرها المبتلة , وبصوتها الشجي تردد لحن آسراً لفيروز حينها كان المطر يتساقط كصوت القُبلات , وحينها كنتُ أنثر رائحة الياسمين لتغمض فتاتي عينيها الواسعتين وتخرج كأوتوبيا أنثى الملاك , ثم تأتي وحذائها ملطخاً بالوحل , كان جو غرفتها مثقلاً برائحة الأرز ورائحة الفانيليا وروائح غجرية أخرى , والبحر يلفظ أنفاسه كرائحة اللحم النيء وموسيقي فيروز تعبق كأنشوقة قديمة !!
ولما كان يوم الجمعة لعشرين ليلة من تموز رحلتْ فتاتي , أخذت متاعها وروائح البيت وصوت القُبلات وموسيقي فيروز , تركتني وحيداً قرب الشرفة وتركت حذائها الملطخ بالوحل , وقلادة أصداف البحر وقناني عطرٍ وورقة شوكولا , عادت الأرواح لتسخر مني وتهزأ من سكوني العاثر وجلوسي قرب الشرفة كنتُ أراقب ذبول وردة النيلوفر في كأس الماء , وبدت تعاودني ومضات ذكريات قديمة حين تسللت إليّ روائح الخشب القديم والمطر يتخلى عن حنينه وصوت القُبلات !!
ولما كان يوم الجمعة لعشرين ليلة من تشرين بعد ثلاثين عاماً عادت بعيني فتاة البارحة وبالروائح القديمة , لم تعد تلك الفتاة التي إنحنت علي ضوء القمر عند ذلك المساء تغني لفيروز , عادتْ بخطوط القدر علي وجنتيها وبطفلة كانت تدعوها (جدتي) , بدت ذات ملامح وقورة حين تنظر من خلف زجاج نافذتها العتيقة , وحينما تحيك ببراعة (بلوفر) حفيدتها (هالة) , عادت برائحة الفانيليا وروائح الغجر , ولأن المطر كان عصياً لثلاثين عاماً , عاد يتساقط كصوت القُبلات والبحر قد لفظ أنفاسه كرائحة اللحم النيء , إبتسمتْ فتاة البارحة حين رأتْ حذائها الملطخ بالوحل , كنتُ أراها لأول مرة تحتفل بالمطر دون صوت فيروز ودون أن أري معالم وجهها المشرق خلف ضفائرها المبتلة , قررتُ مغادرتها دون أن أنثر رائحة الياسمين , لتعلم فتاة البارحة إن رائحة الياسمين التي كانت تعبق المكان لم تكن تأتي من الحديقة !!

سيف
12-21-2010, 02:56 PM
عزمي يحمل الرقم (1)

Abdelazim
12-25-2010, 04:39 PM
انا شخصيا احتج علي فيكرة الديمو كراسي دي
يا فيها يا ...............

كردفاني
12-25-2010, 08:18 PM
انا شخصيا احتج علي فيكرة الديمو كراسي دي
يا فيها يا ...............

اطفيها بس راسك الشين ده..
كويس يا ريس

عصام كباشي
12-26-2010, 11:43 AM
السماء تمطر غضبا

وهن رجالات الشرطة من مطاردة الكينغ وهو زعيم عصابة للمتاجرة في المخدرات وكي يبلغ أعلى مستويات الغني لم يجد غضاضة في وضع يده فوق ايدي الاجانب الذين يصدرون المخدرات لأهداف سياسية بينا يستوردها الكينغ لزيادة أرصدته في البنوك .. لم يستطع أحد التعرف على من هو الكينغ فقد كان يتخفي في شخصية رجل اعمال ذو هيبة واسم ناصع في استيراد ألبان الأطفال.
لدي الكينغ ثلاث اولاد ايمن وعمره حوالي العشرة سنوات واكرم ذات السبع سنوات اما امجد فما زال يحبو .. فاطمة زوجة الكينغ امرأة طيبة ومتدينة ..
يعيش الكينغ في فيلا أقرب للقصر وزوجته لا تحبذ الخدم وتحب ان تخدم بيتها بنفسها حتى حوض السباحة هي التي تقوم بنظافته .. أرهق الكينغ رجال الشرطة وكان مراوغا لا يشق له غبار . وفي ذات يوم لاحظ اكرم ان شقيقه ايمن يدخن فهدده بابلاغ والده ولكن ايمن وعده بانه لن يعاود التدخين مرة اخرى وصدقه أكرم وفي ذات صباح وبعد توهمه بنجاح احدى العمليات التى رصدها رجال الشرطة وقبضوا على افراد العصابة والزموهم ان يرفعوا تقريرهم للكينغ ان العملية قد نجحت وفعلوا ما أمروا .. كان أيمن وأكرم يجلسون في المطبخ يرتدون الزي المدرسي في انتظار الكينغ كي يقلهم الى مدارسهم حمل ايمن حقيبته فوقعت من جيب الحقيبة علبة دخان فقفز أكرم كي يخبر والده ولكن أيمن تصدى له وترجاه بعدم اخبار والده الا أن أكرم أصر فما كان من أيمن الا ان يتناول سكينا كانت موضوعة في متناول يده وقام بطعنه فصرخ أكرم صرخة داوية رأى أيمن الدماء وهي تسيل من بطن أكرم فهلع وفر هاربا أتى الكينغ وفاطمة تحمل أمجد فما أن رأت فاطمة منظر ابنها وهو غارق في الدماء حتى انهارت قواها فامسك الكينغ بامجد ووضعه على الارض كيلا يقع من يد فاطمة ثم اسرع حاملا أكرم وأمر فاطمة ان تفتح الجراج فوضع أكرم في المقعد الخلفي بينما كانت فاطمة قد فتحت الجراج وادار العربة في هذه الاثناء كان أيمن يستخبأ تحت العربة أصرت فاطمة ان تذهب معه فرفض وزجرها فابتعدت تحرك الكينغ مسرعا بالعربة ولكنه كان قد داس على رأس أيمن فنزل من العربة وحين رأى ابنه وقد تهشم رأسه كاد يغمى عليه ولكنه تماسك بينما كانت فاطمة قد خارت قواها ولم يتسنى لها حتى الصراخ فأغمى عليها وضعها في العربة واسرع بها الى المستشفى حيث اكتشف ان اكرم قد فارق الحياة وان فاطمة تم السيطرة عليها ولكنها لم تكف عن الصراخ والعويل .. عادا مع الشرطة بعد ابلاغهم بحادث ايمن وامتلأت الفيلا برجالات الأمن والشرطة وفي هذه الاثناء تزت فاطمة أمجد وبدأوا يبحثون عنه في ارجاء الفيلا دون فائدة وأكتشف احد رجال الأمن أن أمجد يقبع في قاع حوض السباحة وحين استخرجه لم تتمالك فاطمة نفسها وسقطت على الأرض وقد لحقت روحها بأولادها ... حين اعلن الصبيب المرافق لرجال الأمن وفاة فاطمة ضحك الكينغ بأعلى صوته وبدأ يدور حول نفسه وهو فاردا يديه ويقول " ههههااا أنا الكينغ " وتارة يبكي ثم يعود لنوبة الضحك فقد فقد عقله .. حضر رجال الشرطة لألقاء القبض عليه بعد ان كان من المفترض ان يتم القبض عليه في مكتبه .
قال احدرجال الشرطة " سبحان الله اذا استطاع الأنسان الهروب من عقاب الشرطة فكيف له أن يهرب من عقاب رب العالمين "

سيف
12-26-2010, 12:19 PM
حبيبنا عصام كباشي
يحمل الرقم (2)

كمبلاوى
12-26-2010, 01:11 PM
انا خاشي الغابة
قلته لي القزافي قال شنو

محمد الكردفاني
12-26-2010, 08:46 PM
رحيل الضو



النار خمدت .. ونور الفريق انطفأت .. ها ناس الضو رحل ...!
ونوبة المجاذيب صمتت .. والنخلة من جذورها نشفت .. والجدول الجراي مويته جفت ..!
نار الضيفان الكانت ضوايه .. ولكل العربان هدايه .. همدت !!
هناك في رأس التل حدا الوادي .. كانت تقابته وكانت داره علامة للفريق وضواية للدار .
منار للفريق ودليل لكل عابر ..!

سم الله وقول بسم الله ياالحنين .. النار ما خمدت ! شوف ديك نار وداك ضو ..
الحمد لله فريقنا لسع بنوره .. وفريقنا بخيرو ونارو موقدة
بالحيل شايفو يالهميم اخوي ... لكن نور الفريق انطفأت .. وكراع العرب الكانت للفريق سياره انقطعت ! وتقول لى نارنا ما خمدت .. قداحتنا الكانت للضيفان قراية .. نضبت
الحنين اخوي .. باذن الله نارنا تعود ضواية ,, باذن الله نور الفريق يبرق من تاني
آه يالهميم .. انشاء الله الخير فينا موجود .. من رحمة المولى تب ما قنعانيين .. الخير في
لكن الهميم اخوي .. اتذكرت اليوم سيد الراية ..
اتذكرت يالهميم اخوي ... القمرة الكانت لدارنا ضواية ..

ذكرك الله الشهادة ... ياالحنين اخوي
كلامك تب في محلوا .. هو انحنا نسناه عشان نتذكروا
ما هو ديمه عايش فينا .. في لعب وليداتنا .. في سعى غنيماتنا .. في خيرنا الدافق
في نخلاتنا .. في عيوناتنا ديه تلقاه ,,

الحنين اخوي .. ادينى ايدك وتب معاي .. نتراوح على الفريق ها بسم الله اتوكلنا
وعلى بركة الله سرنا ,,,,
ها الحنين عيوناتك شايفه الشايفاهو عيوناتى ديل .. ترانى كبرت وبقت اشوف رهاب !!
الهميم الله يديك العافية ,,, ترا عيوناتك ديل انصح من عيون الصبى الصغير !!
الله اكبر عليك يالحنين .. بدور تعمينى في باقى عمري دي ..
الهميم عينى عليك بارده يااخوي .. ونظرك ما فيه الا العافية .. لكن انت شايف شنو ؟
ماك شايف الشئ الانا شايفو دا ؟..! انشاء الله خير
شايف ود احمد ود العوض .. وود الزين ود الاغبش وود حامد
ومن بعيد هديك ست النفر وست الدار ومريم وماري وتابيتا..
كلهم قاصدين دار الضو ..
انشاء الله خير اللهم اجعله خير .. شن بدوروا يسوا في الدار آآ زول ؟
الدار دي ما مقفولة من يوم رحل الضو !!
الهميم في الباقي ليك الضو ( رجع ) ؟؟!!
الحنين انت جنيت !!.. الضو يرجع كيف ؟؟ قول بسم الله
الحديث دا خلوا .. وشد الخطوة نلحق الناس ديل ..

لكن يالهميم .. كيف يسووا شيتا قبال ما يكلمونا ولا يشاورنا ؟؟
نحنا مو معاهم في الفريق دا ..
هو انت يالحنين ! فاضي ليهم .. نهارك في السعية وليلك في الساقية .. وباق الليل ( خلو )
العيشة البقت صعبة دي يالهميم .. كان ما جرينا بالليل والنهار في الباقى ليك نقدر نحوشها ..!
ومن كترة جرينا حتى .. حلاوة الليل نسيناها ...!!
الهميم اخوي – دا ما الجري انت كبرت ساي ... ما ترى خلق الله دي كلها جارية !!
وليلهم سمح بالحيل !!!
ها الحنين اخوي .. ديل سواقيهم بالبابور .. وسعيتهم ماليها عد .. والمتلى والمتلك يخدموا فيهم حفاية .. نحن نكد وهم ( يلقفوا ) ساي .. ويعرسوا الصباح الصباح !!
دحين انت الموجعك عرسهم ... ولا سعيتهم !!
والله يالحنين اخوي ( الاتنين )
كان سعيتهم ما جابوها بضراعهم ... وكان عرسهم !! ( اخير خلينى ساكت !!)
ها زول .. الرزق دا من عند الله
تب ما قلنا شئ عارفين الرزق من عند الله ... لكن البلع دا من وين ؟؟
يقلعوا مننا عينك عينك ... وكان اتكلمنا تقولوا علينا ( شعوعية )
يا الهميم دا ما شيخنا .. يديك البركة ويرضى عنك ..
ها زول بركتو طايره عليه .. ورضى منو تب ما دايرو !
والله بشوف عينك قويت بالحيل .. وصوتك علا .. والله يالهميم ماك هين !
الحنين !! عشان سكتنا ليهم طورها بالحيل جماعتك ديل .. وخلاص انحنا فاض بينا يعنى ( فترنا ,, فترنا )
الهميم اخوي انا خايف عليك !!
ها زول ما تخاف علي .. الروح دي ما باخدها الا الخالقها .. وتب ماني خايف
طيب يالهميم اخوي العقل سمح والدباره سمحة ... وكلنا ترا ( فترنا )
ها حتى انت يالحنيـــن اخوي ؟؟
ما لو الحنين شايفنى مركب بابور في الساقية .. ولا سعيتى ماليه الوادي .. مانى اجير متلك !
لا لا ياالحنين عارفك بالحيل عفيف مما قمت صغير ( ما بتسف ) لكنك زولا مسالم وطيب ..!
وعشان طيب ومسالم ياكلوا حقى !! اح من الظلم
قلتك يالهميم الدباره سمحة ..!
ها الحنين كيف الدباره دي ؟؟

اسمع يالهميم .. لفينا دار الضو .. وبشوف الناس مجتمعين في الدار
خلينا ندخل عليهم نشوف الخبر ... وبعدين نقولك على الدباره ...!!
ها ناس سلام عليكم ... خير خير انشاء الله الخبر شنو ؟؟
ماك ذاكر ... نور الفريق وضراه .. ماك ذاكر ابوك الضو !!
متل اليوم دا ,,,, ما رحل الضو
..
لا حول ولا قوة الا بالله ... حول ورا حول على رحيل البدر
الله يرحمك .. يالبدر ..الله يرحمك يالضو .. الله يرحمك يالطيب ويسكن روحك الجنة

سبحان الله ياناس من صباحيتنا ... والحنين اخوي في السيرة دي !!!
الحنين اخوي .. بالحيل انت زولا صالح ... وما نسيت حبيبك الضو
الهميم .. خليك من صلاحي ..وبدور اكمل ليك حديس الدباره
وقبيل قتلك الموضوع داك بدور ليه دباره ..
والحين وسط ناسنا .. وفي دار ابونا الضو بقولك الدباره ..
ها ناس اسمعوني كلكم نحنا تعبنا بالحيل .. نخدم وخيرنا يمشى لغيرنا !!
وحقنا يشيلوه عينك عينك ..والنضمي غالبنا !!!
لكن خلاص فاض بينا نحنا .. والكلام لعموم اهلنا
وما دام اليوم جمعتنا دار ابونا الضو ...
نخت ايدينا فوق بعض ... ونغير من حالنا دا .. وخيرنا ما يمشى لغيرنا
وعكازي دا تب ما بفارقنى ... وكان لي ( سوطي ) دا بنعرف نختو وين !!
ها ناس اتفقنا تب ... ويد واحدة كلنا
والشيخ دا تانى تب .. ما عنده دباره علينا ..

ودالبلال
12-28-2010, 11:06 AM
طلاق بي الكوم

السلام عليكم (جاي من العاصمة)
اهلن يا ولدي كيف حالك (حاجة بتول المرة التانية وامي الاولى)
كدي قبل ما تمشي تسلم على امك تعال لي بي جاي
طبعاً سلمت عليها
وقبل ما اقعد كويس في العنقريب ..

امس ابوك الحاج ما طلقنا ومعاها ضحكه طبعاً
دا كلام شنو دا يا كافي البلاء !!
اها وكت اتي طلقوك مبسوطة وبتضحكي مالك .. طبعاً انا لي الوقت داك مفتكر الموضوع مقلب من مرة ابوي التانية أصلها زوله لها روح مرحة ولا تاخد المواضيع بدون ضحك ..
ردت علي وقالت :-
أنا هينا لكن امش شوف امك بتسوي في شنو !!!
طبعاً افتكرت أمي بتبكي ولا عاملة في روحها شيء من اثر الطلاق
اها مشيت لي أمي لها الرحمة والمغفرة ..
اصلو لا يوجد فواصل بين بيتنا وبيت المرة التانية والتالتة كلهن في حوش واحد بس الأخيرة لصغرها فصل ليها جزء من الحوش براها .. من المدخل الباب الكبير علي ايدك اليسار بيت امي وعلى اليمين المرة التانية والمواجه الاخيرة ..
اها مشيت لي امي ..
يا حاجة كفارة قالو لي طلقوك !! مع بسمة مني
كفارة شنو يا ولدي قول لي مبروووك الانفكيت في عمر دا !
عمرك شنو يا حاجة دا الحبيب الأول
يا ولد بطل طرطشه وامشي شيل ليك كرامه (بليلة لوبا عدس) من الحلة ديك
بس اوعا تكون دي كرامة الطلاق
أي يمين الله سويتا بس علشان اتفكيت من ابوك دا
يا وليه اتي ما عندك عُشره ليك معاهو ما يقارب ال40 سنه وهسي توزعي البليلة علشان طلقك
هسي انا ماشي ليهو يرجعكن ..
يمين علي ما تمش ليهو .. الا لو داير تسلم عليهو !
ابيت آكل البليلة .. ومشيت للحاج
بعد السلام ..
يا حاج شنو الكلام السمعتو من الحاجات ديل
مالن سون ليك شنو رميت عليهم يمين الطلاق الجماعي دا !!
ضحك شوية وقال لي بطل مسخه يا ولد ..
اصلو امس في الجامع صلاة الجمعة جاء شيخ أسمو جلال الدين المراد
بعد ما صلى بينا الجمعة قام اتكلم في الدين والعدل بين الزوجات وانو العدل بين الزوجات مها بلغن من عمر لازم تقوم بيهو علي أكمل وجه والي يوم القيام بكون الحساب عسير ..
وانا امك و المرة التانية بقن كوبار وانا خايف من حق الله عشان كدا عفيت منهن وطلقتهن اصلو انا ما بدور منهن شيء وهن ما بدورن من شيء وهن قاعدات في بيوتن ووسطكم وأنا البقدر عليهو بسويهو كدا ..
كلام منطقي اصلو كلام الله ما بدور ليهو شرح قبلت منو الموضوع ورجعت لي أمي المبسوطة بي هناك وأكلت البليلة بي تمر ..وباركت ليهن الفكه ... اصلو الحاج رجل مزواج وبحب جنس الحريم وله منهن ما يكفي نصف عزابة النخبة ..

سيف
12-28-2010, 08:26 PM
الغالي محمد كردفاني الف مرحب بيك
رقم (3)

سيف
12-28-2010, 08:29 PM
ود البلال ...المرة دي الله مرقني منكم قلت لي طلاق جماعي
رقمك (4)

سيف
01-04-2011, 08:28 AM
حتي الان اربعة متسابقين
عليه نعلن عن بدء التصويت

سيف
01-04-2011, 08:32 AM
عزمي يحمل الرقم (1)


عصام كباشي يحمل رقم(2)

محمد الكردفاني يحمل رقم (3)

ودالبلال يحمل الرقم (4)

وطواط
01-04-2011, 06:38 PM
رحـــــيل



امسي يعاود النزيف
على تقرحات شفاه الهم
يلجلج السكون بقناديل الذكرى
"قد علّمتني التجربة" عنوانا دامعا علي اطراف اهداب صحيفتي المترهلة , وهي تغطي وجهي وأنا على رصيف الوحدة اجلس على عتبة الأنتظار
ذلك المكان المطل على شرفتها
كنت مواعدا احلامي...
تهيأت لها بأن سكبت على راسي قنينة عطر, وحملت في يدي شمعتي الملونة وبالأخرى باقة ورد
تأبطت جريدتي علها تساعدني على اخفاء لهفتي , وجلست اتصنع طبيعتي
كانت أول صفحة تحمل صورة مصطفى سيد احمد , ما تبقى من صفحات يتحدث عن الحرب والأحتلال
كان المكان مظلما يخلو من المارة...
رائحة البخور والدخان بدت كرائحة الحرب وهي تفوح من احدى البيوت المشيدة حديثا لأحتضان عروسين
لم احاول النظر لساعتي حفاظا على رباطة جأشي موقنا بأنني سأنتظر حتى يكتمل البدر
انتظرت طويلا...
لكنها لم تخرج....
سألت عنها ريح الشمال...
اخبرتني بأن اسأل عنها عند الأسكافي
عندها ايقنت بأنها تبحث عن حصان جديد لترحل به بعيدا عن مدينتنا ..............!

سيف
01-06-2011, 04:16 PM
قصة رقم 1 5.00%
قصة رقم 2 40.00%
قصة رقم 3 30.00%
قصة رقم 4 25.00%
نتيجة التصويت حتي الان...مع العلم ان اخر يوم لتصويت هو يوم10-1-2011

Abdelazim
01-10-2011, 05:26 PM
يا ريس ما تعلن لينا النتيجة خلينا نركب الاوسمة

وقيع الله
01-11-2011, 01:22 PM
يا ريس ما تعلن لينا النتيجة خلينا نركب الاوسمة

ا
ول حاجه كل سنه وانت بالف خير وبقية النخبة ااكرام
ثانيا الريس سيف دا داير يعلن النتيجه دى مع نتيجة الاستفتاء ولا شنو
ما تعمل ليك همه ياريس قبال مايزورو النتيجه .

سيف
01-14-2011, 04:19 PM
مجمل المصوتين 29 شخص
القصة الاولي اخدت 5 اصوات بنسبة 17.24%
القصة الثانية اخدت 10 اصوات بنسبة 34.48%
القصة الثالتة اخدت 8 اصوات بنسبة 27.59%
القصة الرابعة اخدت 6 اصوات بنسبة 20.69%
القصة الخامسة ولا صوت وذلك بسبب ايرادها متاخرة
علية ووفقا لهذه النتيجة نعلن عن فوز القصة رقم 2 بعنوان اسماء تمطر غضبا لكاتبها عصام كباشي
الف مبروك ...والشكر لكل من صوت والشكر لكل من شارك بقصة وحظ اوفر للجميع

غريب
01-14-2011, 04:48 PM
مجمل المصوتين 29 شخص
القصة الاولي اخدت 5 اصوات بنسبة 17.24%
القصة الثانية اخدت 10 اصوات بنسبة 34.48%
القصة الثالتة اخدت 8 اصوات بنسبة 27.59%
القصة الرابعة اخدت 6 اصوات بنسبة 20.69%
القصة الخامسة ولا صوت وذلك بسبب ايرادها متاخرة
علية ووفقا لهذه النتيجة نعلن عن فوز القصة رقم 2 بعنوان اسماء تمطر غضبا لكاتبها عصام كباشي
الف مبروك ...والشكر لكل من صوت والشكر لكل من شارك بقصة وحظ اوفر للجميع


الف مبروك وفعلا قصه رائعه .. وحظا اوفر للمشاركين

Abdelazim
01-15-2011, 07:58 AM
مجمل المصوتين 29 شخص
القصة الاولي اخدت 5 اصوات بنسبة 17.24%
القصة الثانية اخدت 10 اصوات بنسبة 34.48%
القصة الثالتة اخدت 8 اصوات بنسبة 27.59%
القصة الرابعة اخدت 6 اصوات بنسبة 20.69%
القصة الخامسة ولا صوت وذلك بسبب ايرادها متاخرة
علية ووفقا لهذه النتيجة نعلن عن فوز القصة رقم 2 بعنوان اسماء تمطر غضبا لكاتبها عصام كباشي
الف مبروك ...والشكر لكل من صوت والشكر لكل من شارك بقصة وحظ اوفر للجميع

الف مبروك للأخ عصام كباشي

تعقيب بسيط يا ريس: دائما ما نعطي الوسام لفائزين اثنين
لذا سنقوم باعطاء الوسام لعصام كباشي ومحمد كردفاني كما جرت العادة

مبروك للفائزين وفرصة ثانية للذين لم يفوزو هذه المرة

عصام كباشي
01-15-2011, 08:09 AM
للأمانة ولحقوق المتسابقين اقر بأنني قبل فتر قمت بالتصويت لصالح قصة السماء تمطر غضبا وبعدها تم تنزيل بعض القصص وراقتني قصة ود بلال طلاق بالكوم وهذا التصويت اذا تم فانني سأتراجع صوت ويزيد ود بلال صوت فتصير المنافسة على اوجها والأرقام متقاربة .
لذا فأنني أقترح مجرد اقتراح ان تمدد فترة التصويت اسبوع او 10 ايام اخرى . فكل القصص المتنافسة تستحق الفوز وقد نزّل وطواط قصته رحيل قبل قفل التصويت ولو زاد قليلا للحقت رحيل بالبقية وقد تتعداهم .
عموما أنا شخصيا بعتبر كل القصص فائزة ... على الأقل في نظري

Abdelazim
01-15-2011, 08:21 AM
للأمانة ولحقوق المتسابقين اقر بأنني قبل فتر قمت بالتصويت لصالح قصة السماء تمطر غضبا وبعدها تم تنزيل بعض القصص وراقتني قصة ود بلال طلاق بالكوم وهذا التصويت اذا تم فانني سأتراجع صوت ويزيد ود بلال صوت فتصير المنافسة على اوجها والأرقام متقاربة .
لذا فأنني أقترح مجرد اقتراح ان تمدد فترة التصويت اسبوع او 10 ايام اخرى . فكل القصص المتنافسة تستحق الفوز وقد نزّل وطواط قصته رحيل قبل قفل التصويت ولو زاد قليلا للحقت رحيل بالبقية وقد تتعداهم .
عموما أنا شخصيا بعتبر كل القصص فائزة ... على الأقل في نظري


مما لاشك فيه أن الجميع فائزون
علي الاقل هم اجتهدو في الخروج بما جادت به اقلامهم
فترة التصويت محددة وقد قام البعض بالتصويت ولابد من اعلان الفائز حسب نتيجة التصويت
حدثني بعض المتسابقين بأنه قد قام بالتصويت لقصتك الا تري أن هذا قمة الاعجاب بما كتبت؟

المسألة في النهاية تحفيز للناس من اجل الكتابة ....
وانا من هنا بقترح علي المتسابقين أن يقومو بكتابة قصصهم هذه في منتدى القصص بالأدبي
وكمان نحن بدورنا في إدارة الصفحة الرئيسية سنعمل علي انشاء قسم للقصة القصيرة لعرض اعمال النخبة

ولك الود

ودالبلال
01-15-2011, 09:06 AM
للأمانة ولحقوق المتسابقين اقر بأنني قبل فتر قمت بالتصويت لصالح قصة السماء تمطر غضبا وبعدها تم تنزيل بعض القصص وراقتني قصة ود بلال طلاق بالكوم وهذا التصويت اذا تم فانني سأتراجع صوت ويزيد ود بلال صوت فتصير المنافسة على اوجها والأرقام متقاربة .
لذا فأنني أقترح مجرد اقتراح ان تمدد فترة التصويت اسبوع او 10 ايام اخرى . فكل القصص المتنافسة تستحق الفوز وقد نزّل وطواط قصته رحيل قبل قفل التصويت ولو زاد قليلا للحقت رحيل بالبقية وقد تتعداهم .
عموما أنا شخصيا بعتبر كل القصص فائزة ... على الأقل في نظري


.....................................

الاستاذ
عصام كباشي

تحية وتقدير

اولاً الف الف مبروك الفوز لي قصتك الرائعة جداً رغم ما تحملة من الم لكن وراء هذا الالم عظة وعبرة لكل من انحرف عن الطريق القويم ..
طبعاً انت لا تحتاج الي شهادة مني لأن تاريخك ملي بالقصص الجميلة ورواياتك التي تعرض على التفاز خير شاهد

الف مبروك والي الامام دائماً

وثانيا لك كل الشكر على منحي صوتك رغم انه اختار المكان الصحيح له وهي القصة رقم (2) العائده لك
ومحاولتك عن التراجع لصوتك ومنحي اياه فهذا تحفيذ كبير لي من استاذ قامة في مجال القصة القصيرة ..

لك كل الشكر والتقدير

والف مبروك لك والي الاخ محمد الكردفاني

وحظ اوفر الي بقية المشاركين وانا منهم

ودي

محمد الكردفاني
01-15-2011, 09:42 AM
الاخوة الكرام
ادارة واعضاء النخبة الافاضل ,,,
الود والتحية دوما لكم

والشكر اجزله لكل الاخوة الكرام الذين منحونا صوت ثقتهم في هذه المسابقة الجميلة
والشكر اجله موصول للرائع الحبيب سيف ,, صاحب الفكرة باعطائنا هذه المساحة
لغرس زهرة في بستان النخبة الاروع ,,
والشكر من قبل ومن بعد للاخ والحبيب عبدالعظيم صاحب هذا البستان الرائع الذي جمع من كل
انواع الزهر اجمله ومن كل الورد اروعه فكانت اسم على مسمى ( نخبة )

واصدقكم القول ان فرح الانتماء لكم من اول يوم هو اكبر فوز – فبينكم وجدنا النفوس الصافية
وعشنا الكلمة الصادقة والتعبير الحر الشفيف ,,,
واليوم اضحى الفرح فرحين ,, فرحي بهذا الوسام ومن قبله ان اشارك الوسام مع قامة
روائية وقلم كبير الا وهو الاستاذ عصام كباشي ,,, فهذا شرف لي

شكرا لكل ( النخباب ) ونتمنى ان نكون دوما عند حسن الظن واهلا للثقة ودمتم بالف ود

سيف
01-16-2011, 11:41 AM
تشكر يا محمد
وحقيقة والله انا صوتي كان لقصتك ...

وقيع الله
01-16-2011, 02:43 PM
الف الف مبروك اخونا عصام لفوز ( السماء تمطر غضبا ) والى الامام