المساعد الشخصي الرقمي

مشاهدة النسخة كاملة : عجيبـــــه دنيا النــــاس



المبتسم
11-24-2010, 09:40 AM
عجيبة دنيا الناس

ناس تجيلك شايلة ورد
ناس في حقها انت تغلط
وبرضو تتلقاك بود
ناس تحبك حب جميل
كاتماهو سرها ما ابترد
ناس تعزك وانت شايف
ناس تهزك وانت واقف
ناس وراك راجياك سند
ناس عيونه تشابي ليك
جواها غيرك مافي حد
ناس تعد خطواته جاياك
ناس بيغلبها العدد
عايزاك تبقى براك ليها
عشان تريدك للأبد
ناس معاك عايشاهو حالك
ناس تشاركك دنيا فالك
ناس تحسك جوه فيها
لو سرحت يقولوا مالك!!!
ناس لو طلبت عيونه تديك
ناس لو تغيب بس لحظه عنها
بدموعه تبكي وتشتهيك
ناس تعزك وكل مناها بروحه تفديك
ناس بتنسب ليك حاجه
هي اصلها ماها فيك
ناس كمان غيرانه منك
كم تحب تشمت عليك
ناس تدسها جوه قلبك تكرهك
لاتحــــب سماحتــــك لا تجيـــك

ابدا

المبتسم

الاخيدر
11-24-2010, 10:53 AM
اااااااااااااااااااه وتاني اه
ياهو حال الناس التريد وبالمقابل حال الحساد
وللناس الخاطر سبيل والدريب طويل
وياما باكر معاك ومن نشيل
اصلو زاد الحب اها وابتسامه وسهر ليل .
تسلم
المبتسم .

ام صبا
11-24-2010, 02:00 PM
المبتسم لك التحيه
كلمات جميله معبره وده حال الناس
ماتقدر تعرف الحاصل بس قول يا ساتر
ربنا يكفيك شرهم و يحبب خلقه فيك