المساعد الشخصي الرقمي

مشاهدة النسخة كاملة : مني .. ليك



حبوبة
11-04-2010, 10:09 PM
امتى ترجع وتحتويني
قلبي تملي معاك وبيك
يابهجة احلامي وسنيني
وحرقة الشوق اللي فيك
جوه جوفي بتكوي فيني
تسمح لي اتدلل عليك
ويوم تعود وتشوف أنيني
تفتح لي حضنك وابوس عينيك
واحكي هم دنياي ليك
وتوعدني روحك تفتديني
وتختم عليه بشفتيك
واذوب انا .. واسقيك حنيني
بس انت عاود واحتويني
ياروعة ايامي وسنيني ...

حبوبة
11-04-2010, 10:37 PM
مني ليك .. زخة حنية
همسة عشق وردية
لمسة ريد وحنية
ضحكة عربيدة جنونية
تحكيك بالفرحة الجوايا
من يوم لاقيتك يا منايا
وبديت معاك أروع حكاية
ومشيناها الخُطا ياسعدي وهنايا
وسقيناها من وريدك بي دمايا
مني ليك .. نظرة حب يا سندي وغتايا ..

ام صبا
11-04-2010, 10:49 PM
حبوبه اسعد الله اوقاتك
روعتك فاتت حدود الكلمه

بسطاوى
11-04-2010, 11:13 PM
ياروعة حروفك ياخ ,,
منى .. ليك ,,, صوت احتياج ملء عنان السماء
هذا النداء ايتها القديسة حرك دواخلنا وهز جذع الصمت حتى
تساقط الكلام وتبعثر فى رحابك حد التلاشى ,, وتبقى الدهشة سمة الحضور
والى حين استفاقه وليتنى لا استفيق ساظل امارس روعة الانبهار بجمالك
عذراً مولاتى هذا المساء لايحتمل اكثر من شوق واحد ,, ما كتبته الان هو
مجرد استعداد لخريف قادم قد يحمل شىء منك للعالم ,,,

حبوبة
11-04-2010, 11:31 PM
حبوبه اسعد الله اوقاتك
روعتك فاتت حدود الكلمه

بي طلتك سعيدة انا وزارني الهنا
والروعة حرفك يا ست الغنا

بالجد ليك وحشة يا ستنا

حبوبة
11-04-2010, 11:48 PM
منى .. ليك ,,, صوت احتياج ملء عنان السماء


في الصميم .. احتجت ليه جد زولي الحميم
صنو الروح ضمّاد الجروح سدّار الضيم
اشتقت ليه انا يا نديم

بسطاوي .. اشتقت ليه ياخ ..
لا يغرك الاندياح بس الوجع وحواح .. وجاك طرف النواح :redface:

حبوبة
11-04-2010, 11:58 PM
أيامي من شوفتك فاتن الخمسين
ولامن تحن وتجي يوصلن سبعين
الدنيا ضاقت بي قول لي بس لمتين
حين نسمع الهمسة تصب دموع العين
لَهَفي ل اللمسة حُضن المُقَل قُبل الجبين ..

اركمانيه
11-07-2010, 09:05 AM
متبعثره
على بابك بفتش للحرف
توهتي سطر الكلام
وين القي الوصف

حبوبة
11-07-2010, 11:21 PM
متبعثره
على بابك بفتش للحرف


كده يادوب نختلف
يا السمح يا أصل الوِلِف
بيك الحرف خدَّر وِرِف من ألفو لي ياءُه
ليك يتباشر يهِف
ولسِّاكِ ما لاقية الوصف
نحن المعاك .. نبدا ونكِف
الايد ترِف وينكسر الحرف
ونبدا تاني من الألف ..

عزيزتي الصفحة ازدادت شرف
و نورتيها :sun:

اركمانيه
11-09-2010, 12:17 PM
أبداك من وين يا وهج الحروف
ابداك من الالف
او ارجع اجيك من الياء وصف
او احتار فى همسك كفيف
محتار مشرشر فى الرصيف
مستني فى جفك وريف

حبوبة
01-11-2011, 09:55 AM
يا ساكن وجداني وجاري ف شرياني
طوّل مرسالك ؟
بُعدك أضناني وجفاك أعياني
كيف ليّ وصالك ؟
بحكيك أشجاني ولَهي وحرماني
وليلي البدونك حالِك
بهديك تحناني همسي وأحضاني
لو غاب عن بالك
ترتعش أوصالي وتتبدّل أحوالي
حين يزورني خيالك
حنِّيت ليك يا غالي وايّامنا الخوالي
أريت لو كُت منالك ..

مُهيَّد
01-11-2011, 10:08 AM
حين نسمع الهمسة تصب دموع العين
لَهَفي ل اللمسة حُضن المُقَل قُبل الجبين ..

رسمتُكِ عشقاً مُبجل ... ولوحتى جبين قُبلاتك ...

هوَ عشقُ ...

يوم تلفّحَ القلب ونبضى ... نشوة الإرتحال إلى شفاهِ إمرأٍة مِن ألقٍ وبهاء ...

حبوبة
01-11-2011, 05:29 PM
رسمتُكِ عشقاً مُبجل ... ولوحتى جبين قُبلاتك ...

هوَ عشقُ ...

يوم تلفّحَ القلب ونبضى ... نشوة الإرتحال إلى شفاهِ إمرأٍة مِن ألقٍ وبهاء ...


غمرتني الفرحة حينما التقت عيناي اللوحة ..
وانتشيت بالنفحة الجاتني منك يا السمح ..
والألق يا المهيد توبك والبهاء بيك مُلّتَفِح
وأجمل نهار الفيه بالمتلك نصطبح ..

حبوبة
01-16-2011, 12:09 PM
بدورك يا مناي قربي
بدورك كل يوم جنبي
بدورك تضوي لي دربي
ياالبيك هناي وفيك شقاي وكمان سعدي
ياك ملاذي حين كربي
ياك خطيئتي وبيك يغفر ذنبي
يا السبيتني وملكتك يرحمك ربي
يا ضلي وضراي وفي الحار والشديد سندي
مشتاقة اضُمّك واسرَّ ليك غُلبي
مشتهية اداعبك وابسُم لك آ حُبي
مشتاقة حيييل يا دائي ودوا قلبي
ودعتك الرحمن وشحدتو يقضى لي غردي (غرضي)

ساداتكو
01-17-2011, 07:51 PM
...

الجميلة بقدر ما نطق الحرفُ
...حبوبة...

فإنها تتهاوى الأحزان احياناً دونما منذر منها - فنذجُرُها -،
وتضمحلُ المساحات ترى أنها كأيما أمرٍ مرحباً به - فلا عجبا -،
وتستكين الطبيعة البشرية موطئاً في النفوس دوماً ترى أنها إكليله - ولا نصبا -،
ولكن لا ننال ما نصبوه من العوالي إلا بدفع غوالي ما نملكه لمن هم أهل لها.

...

غريب
01-17-2011, 07:57 PM
...

الجميلة بقدر ما نطق الحرفُ
...حبوبة...

فإنها تتهاوى الأحزان احياناً دونما منذر منها - فنذجُرُها -،
وتضمحلُ المساحات ترى أنها كأيما أمرٍ مرحباً به - فلا عجبا -،
وتستكين الطبيعة البشرية موطئاً في النفوس دوماً ترى أنها إكليله - ولا نصبا -،
ولكن لا ننال ما نصبوه من العوالي إلا بدفع غوالي ما نملكه لمن هم أهل لها.

...


السادات يارائع تسلم

حبوبة
01-17-2011, 09:50 PM
...

وتستكين الطبيعة البشرية موطئاً في النفوس دوماً ترى أنها إكليله - ولا نصبا -،
ولكن لا ننال ما نصبوه من العوالي إلا بدفع غوالي ما نملكه لمن هم أهل لها....

صدقت يابا .. علة بعض احيان
التمن تحسبو ذِلة وهوان .. تلدغك مرارتو زي ضكر اللبان
برد الليل حر المقيل نقة الغلمان .. شِن بِبرِّدا غير طبطيب الحُنان :smilie9:


السادة يا غالي .. مساءاتك فرايحية وبسمة حِنينة وندية
تدفيك وتضاريك من هوا الشتوية (باقي الناس هنا قالوا الروب)

قيل الجمال من الناظر وليس المنظور .. ومن الدواخل أولا وأخيرا وانت فيه ... نقول قمة ..
أخجلت تواضعي .. وانتشيت لمرورك أبقى عاود :36_1_39[1]:

حبوبة
01-17-2011, 10:04 PM
السادات يارائع تسلم


تحضرني المقولة " لكلٍ نصيب من اسمه " مرّ (السادات) مرور (السادة) وتبعه (غريب) كالغرباء) !! عجبي !

من تذوق الروعة فهو أروع
وما بيضيرو لو بالسلام مرة تطوّع :rolleyes:

أصلو ريدنا يا الحِبَيِّب لابسنو مقنع
والبجينا في ودادنا بيلقى مرتع
لا بنجافي ولا بنقطع
والعندو صلعة عديل نباشرو نقولو أقرع :whistling:

اركمانيه
01-18-2011, 12:27 AM
مني ليك
يا نبراس المعاني
ويا مزدان الاماني
شمعات مضاءه
لمواسم النوار
ورحلات سعيده
لمكامن الاسرار

حبوبة
01-18-2011, 09:54 AM
نُمت عاصرني الشوق ليك يا ضنين
ليلي كلو اتقلّب .. أقوم أبسمل وارقد باليمين
وَكِت غلبني وقُلتَ اتصل لقيتا جات اتنين
قَسَمْ .. فتحة عيني علة أصبِّحو اقولّو مشتاقين
واريتني ما سوّيتا .. (بالاكتر) وقعت علي زي حيطة
وزادت علي وجع المصارين
حسّيتا ماسخة وماها من قلبك يا الحنين
قول لي شِن في خاطرك يا حبة العين
لا ترواغ تقول لي البعاد وسوس بك حبتين
طمّني يا غالي لا تزيد علي هلاويس الشواطين
كل العلي انا بحملو وانت عارف ربك معين
علة جفاك آلحِبيِّب وكتي (حالا) بلحِّقني الزينين ..

حبوبة
01-23-2011, 12:58 PM
يا أهل الله هوي أنا الجنيت قلت هَو
يا خلاّني الهناك قولو لي انا شن نسو
في ظلمة دريبي كايس لي لي ضو
مخنوق داير اطير ومالاقي لي جو
قاعد في الارض وشايف تحتي هِو
بفتش للثبات ما لاقي الدريب
لا شيخاً يداوي لا صاحباً قريب
لا نفع التحايل لا شفع النحيب
[رجفان القلب من بعد الحبيب
وما عندي العلاج] ده كلام الطبيب
ومابقدر أقول لو مكتوبلو يشفى
ممكن يفضل ينزف لمّن دمّو يصفى
أو في لحظة نمرق نجي نلقاهُ خفَّ
يا حْبَيبي الهناك ..
ماك داري بو الوله؟ أصلو حكايتو طُرفة
زي مركب بتبحر والموجة هي الدفة
ويارب العباد يا مالك الرأفة
سائلاك ليَ ترشد وتوجهني لي صِرفة
رضيانة بقضاك ومنو اصلي ما خايفة
بس لايكون ده إبليس ماخد بي اللفة
احفظ لي حبي وخلي قلوبنا تصفى
يعود يذكر ودادنا همسات أمسياتنا وفي حضنو أتدفّا ..
يطير شيطاني يرجع وانا في حِنّو أرتع وما أحلاه مرفأ ..

أيمن
01-24-2011, 04:55 PM
الحبوبة شكراً لانك إزدت الجمال نضارة وبهاء



مني ليك أنا يا ملاك


تعريشة من جنة ظلال


تنسم عليك فرحاً مقيم


يتراى ليك حد الخيال


والبسمة في عين الفجر


حيرانة كايسة الإرتحال


آمنت بحسنك حياة


وخشعت في عينك صلاة


وسبحت في بحور مقلتيك


غرقان وكايس لنجاة


وأنا لسه في عز الجمر


بتذكرك ساعة العصر


لمن عيون الغيمة تهتف للقدر


آآآآآآآآآآه يا قدر


أديني من طيف الحبيب


ما صبري فات حد الصبر


خليني بقربك أعيش


أنا قلبي ما كلا وفتر


وبتذكر ساعة المغيب


والبسمة في شفاه الحبيب


مرسومة بضي اللهيب


والروح مشحتفة للقاء


ولهانة لشوفت الحبيب


ولسة إنتظار!!!

ياسر صلاح
01-24-2011, 05:03 PM
علة جفاك آلحِبيِّب وكتي (حالا) بلحِّقني الزينين ..
:36_1_39[1]::36_1_39[1]::36_1_39[1]::36_1_39[1]::36_1_39[1]::36_1_39[1]:

حبوبة
05-02-2011, 08:11 PM
الحبوبة شكراً لانك إزدت الجمال نضارة وبهاء




مني ليك أنا يا ملاك




تعريشة من جنة ظلال




تنسم عليك فرحاً مقيم




يتراى ليك حد الخيال




والبسمة في عين الفجر




حيرانة كايسة الإرتحال




آمنت بحسنك حياة




وخشعت في عينك صلاة




وسبحت في بحور مقلتيك




غرقان وكايس لنجاة







مني ليك تعظيم سلام
بسمة حانية وحالي الكلام
ضوّيت الصفحة وغلبني اجاريك ياهُمام
علة سألت البارئ
تطيب اقدارك ، يبرد نارك ومرادك يبقى منالك ..

حبوبة
05-02-2011, 08:15 PM
:36_1_39[1]::36_1_39[1]::36_1_39[1]::36_1_39[1]::36_1_39[1]::36_1_39[1]:

وقع لك صاقط !! شكلك مجرِّب :53:

مني ليك .. حلو المنى ..

وطواط
05-02-2011, 08:50 PM
مني ليك اجمل..... كلام
يا مارقة من جوة المسام
ومن عصب كل الحروف
ومن لهيب الشوق شرارة
مني ليك اجمل بشارة
واجمل تحية وابتسام
يا ناحتة من الشوق قصيدة
بي روح جديدة... وانسجام
قلت اديك السلام

بسطاوى
05-21-2011, 01:39 AM
منى ليك ,, حاجه ما قادر اوصفا
حاجه زى نار الشوق لمن تولع فى الحشا
ما بطفيها مطر الحنين ولا بتشفع دمعات الوفا
حاجه منى ليك زى بريدك وأمكن اجمل ساعة انطقا
بس كيف بنطقا وكل الحواس صامته ما قادرة تترجما

حبوبة
05-25-2011, 02:26 PM
مني ليك اجمل..... كلام
يا مارقة من جوة المسام
ومن عصب كل الحروف
ومن لهيب الشوق شرارة
مني ليك اجمل بشارة
واجمل تحية وابتسام
يا ناحتة من الشوق قصيدة
بي روح جديدة... وانسجام
قلت اديك السلام


أواخر الليل جاني النسّام

شايل في حواه عبير بسّام

داعبني بريش .. صحّاني بشيش .. وهمس بشويش

حبوبة سلام

ومابين صٌحاي والمنام .. كابست رديت السلام

سالمت الزوين بسلامنا الحنين

واجبتو كضيف وتمينا الكيف

جانا الصباح .. ولقيتك طيف

قول يا لطيف ..



حباب سلامك يا جناي

ليك بصوغ احرٌف غناي

تقولك عوافي وتسلم يا عشاي ..

حبوبة
05-25-2011, 02:29 PM
منى ليك ,, حاجه ما قادر اوصفا



حاجه زى نار الشوق لمن تولع فى الحشا
ما بطفيها مطر الحنين ولا بتشفع دمعات الوفا
حاجه منى ليك زى بريدك وأمكن اجمل ساعة انطقا


بس كيف بنطقا وكل الحواس صامته ما قادرة تترجما





ماني محتاج ليه وصفك


مابين سطورك وحالي حرفك


قريتو حالك ووِعيتو ظرفك


والشفتو فيهن خلاّني اعرفك


واقولك يابا ..


من قليبي ضخيتو نزفك ..




............

مني ليك .. يا ريداً صفا


تحية بالشوق إليكم مترفة


من طرَفاً توقاً لرؤياكم هفا


وفؤاد عشقاً لأحرفكم متطرِّفا


.......


باسطة لك ودي .. وكفى

بسطاوى
05-26-2011, 01:14 AM
ماني محتاج ليه وصفك
مابين سطورك وحالي حرفك


قريتو حالك ووِعيتو ظرفك


والشفتو فيهن خلاّني اعرفك



واقولك يابا ..



من قليبي ضخيتو نزفك ..
............


مني ليك .. يا ريداً صفا



تحية بالشوق إليكم مترفة



من طرَفاً توقاً لرؤياكم هفا



وفؤاد عشقاً لأحرفكم متطرِّفا



.......




باسطة لك ودي .. وكفى






ماني محتاج ليه وصفك
ولانى عايز دليل شان أحسك
مابين سطورك وحالي حرفك
لقيتو ريدك فاضحو صمتك
قريتو حالك ووِعيتو ظرفك
والكلام الفى عيونك افشى سرك
والشفتو فيهن خلاّني اعرفك
وأعرف كمان انى جد يازول بعزك
واقولك يابا ..
من دمى كتبتو أسمك
من قليبي ضخيتو نزفك ..
............
مني ليك .. يا ريداً صفا
منى ليك ,, يا معنى الوفا
تحية بالشوق إليكم مترفة
زى الغمام يمطر حنان مابعرف جفا
من طرَفاً توقاً لرؤياكم هفا
من روحاً تشابى عليكم كايسه اللقا
وفؤاد عشقاً لأحرفكم متطرِّفا
وحروفى اخطها بالعطر مضمخا
.......


باسطة لك ودي .. وكفى
حبوبه لك ودى وكفى ,,, وان عدتم عدنا

حبوبة
11-11-2011, 01:09 AM
عشقك للحرف أرْهَف وجداني




وإحساسي بحرفك هيّج أشجاني




دفّاقة مودة رقراقة معاني




توشوش في السطور وتنتشي آذاني




وانا الشايلاك جوة حتة من عنواني




دافناك حُلُم رايع شاقاني




راسماك فرح أمنيات وأغاني




عارفاك بعيد بس جنبي وداني




بهواك شديد وريدك أعياني




يا ساكن الوريد أديني أماني ..

حبوبة
03-29-2012, 12:20 AM
هسع يجيك... باسم إليك
تسرع إليه .. تمد ايديك
وتقول لو وينك مشتهيك
وتنسى الليالي المرة ديك
تنسى الوصايا المني ليك
.. ما قلنا تتقل تتكسف
ومااا تجري تسرح تنجرف
وراء مشاعرك تنصرف
وعن مواقفك تنحرف .....
وترجع تقول ماااا بنختلف !!!!!!!

حبوبة
03-29-2012, 12:28 AM
بي شوقي ليك انا بعترف
ما شوقي فات حد الوصف
ينتف عروق الروح نتف
يفوت طيفك أعرق واجف
مرات براي بي إسمك اهتِف
أتذكرك ...
عيني ترِف .. ريحتك تهِف ..
وكل خلاياي ترتجف
حتى الزمن مذهول وقف ..
اترجاك تحِن .. وبي حالي تلطف
أصلي اشتهيت لقياك .. لو حتى شوفتك بالختِف ...

حبوبة
03-29-2012, 12:33 AM
ذوبان

قلت إيه ؟ ترجع تحاول وتحتويني !
إمتى كان هجراني ليك
يافرح دنياي البيكَ مفاز ديني
ماك عارف انو الخصام للحب شريك
ورغم البعاد لحظة ما اتزحزح يقيني
أصلو قلبي تملي معاك وبيك
يابهجة احلامي وسنيني
حرقة الشوق اللي فيك
جوه جوفي بتكوي فيني
وتدفعنيي اتدلل عليك
ويوم ما ترجع وتشوف أنيني
تفتح لي حضنك ،، ابوس عينيك
واحكي هم دنياي ليك
توعدني روحك تفتديني
وتختم عليه بشفتيك
واذوب انا .. واسقيك حنيني
بس انت عاود واحتويني
ياروعة ايامي وسنيني ..

بشير ود تهامي
03-29-2012, 02:40 PM
روعه يا حبوبة روعة
الكلام
أنا بس بارك في الوطه دي بعاين في روعة حروفك وعجبني النظام
ولا بنطق ببنت شفة وراح مني الكلام

:36_3_11[1]:

حبوبة
03-30-2012, 04:54 PM
روعه يا حبوبة روعة
الكلام
أنا بس بارك في الوطه دي بعاين في روعة حروفك وعجبني النظام
ولا بنطق ببنت شفة وراح مني الكلام

:36_3_11[1]:

الإبداع بجيني وكت القاك معاي
لم الاقي زولا حاسي بالجواي
يغتيك الحفيظ يا سمح الفهم والراي
يعلي شانك ويحقق لك كل غاي
يديك المراد ،، ويديم الوداد ،، شحدتو يوت مولاي ..

حبوبة
03-30-2012, 05:01 PM
ازيك يا الفريد.. كيفنّك ؟
اشتقت ليك .. ناقصني حِنّك
داير احكي ليك واشكي منّك
اشتهيت اسمع ليك وأقول عنّك
مناي أشوفك وعيني براهن .. يكلمنّك ..

حبوبة
04-05-2012, 01:30 PM
سفر

ما أحلاه من سفر ... سفر القلوب
سفرا دءوب
فيه كم وكم من دروب ...
دربا مرير مليان كروب
يخليك تتمنى الهروب
بس كلو بيزول ..
بي نظرة رضا من طرف الحبيب
ودربا..
حلاوته تفوق روعة لحظات الغروب
تنسى الوجعة .. وكل اللوعة..
ومن الروعة.. ات كلك تذوب ..... أكتوبر 2009

حبوبة
04-19-2012, 06:00 PM
تمر السنين وتظل انت أحلى ما جابت
لولا اعزازك لا كنا ولا كانت
طبت في الدنيتين يا البيك دنياي طابت
ودمت لي فرحة وضي ما طلعت شمس او غابت ..

طلال الحكيم
04-23-2012, 07:29 PM
مني ليك
يا الـ من عيـونك عيوني ونت وهـــابت
بيها القلوب تتجرح وبيها سلمت وطابت
شايقانا ليك أشواق زي البحور إنسابت
يا الـ ظني فيك وآمالــي يوم ما خابت



حبوبة ... أول مرة أشوف البوست الجميلة ده ... بس العتب على النظر
الآن المواضيع مرتبة أكتر من زمان وسهل الوصول ليها .. والشكر موصول للإدارة

حبوبة
04-24-2012, 12:37 AM
مني ليك


يا الـ من عيـونك عيوني ونت وهـــابت
بيها القلوب تتجرح وبيها سلمت وطابت


شان ضيّهن معكوس من عيونك
لا يغرك غيّهن ما بيسون بدونك :5:


يا كل الجمال عشقو الناس عيونك
حادياهم آمال لي دلّك ومجونك
ليك عز المنال كيف بنصير بدونك
وين ليك الوصال وين يازول سكونك

حبوبة
04-24-2012, 12:44 AM
يا ما قالوا عن بعد الأحبة
وكيف شواية نار الفرقة
فراق الأهل وحدة وغربة
بس بعدك يوم!!! ما بعدو حرقة
سافرت انت ولهيب جواي شبّ
أشيل الليل من المغيب للشرقة
شوق وفكر قلق وشوية رهبة
سارع تعال نحن بلاك ما بنبقى ..

طلال الحكيم
04-24-2012, 02:23 AM
شان ضيّهن معكوس من عيونك
لا يغرك غيّهن ما بيسون بدونك :5:


يا كل الجمال عشقو الناس عيونك
حادياهم آمال لي دلّك ومجونك
ليك عز المنال كيف بنصير بدونك
وين ليك الوصال وين يازول سكونك




يا ظبي الفــــــلا النافر بعيد في مجـــــــونك
كم في الفــــــــريق مقتول قتل بعيـــــــــونك
كل العاشــــــقيــن جاهـــــــرهم دوام بسنونك
لا قدرو على النسيان أو في المنام صادونك

حبوبة
04-26-2012, 01:53 AM
يا ظبي الفــــــلا النافر بعيد في مجـــــــونك


كم في الفــــــــريق مقتول قتل بعيـــــــــونك
كل العاشــــــقيــن جاهـــــــرهم دوام بسنونك

لا قدرو على النسيان أو في المنام صادونك




يا فارس الفوارس يا حامي الحمى

فؤادي بعد هواك عن غيرك سمى

قلبي عشق عيونك وبعدك يوت عِما

سألتو تدوم ويصونك الرفع السما

حبوبة
04-26-2012, 02:02 AM
ارجع تعال عود لي
حبيبي ضي عيني
لو انت مشتاق لي
كُت دريت بالبي
أنا بالقليل رضيان
ما نحن قلنا زمان
انحن ناس اخوان
قبال نكون حبان
قالوا الحب جراح
هموم غيوم ورياح
مرات هي ليك تجتاح
ومرات تزول تنزاح
لو انت زول صابر
حبك أكيد قادر
يقيف لها يكابر
ما عشمُه يوم باكر
يبسم صباح زاهر
وتترد فيه الروح
يوم يبسم وشيك صبوح
وبدل ما كان مُدية يبقى لو بلسم للجروح ..
---- ---- ---- --- --- --- ------

حبوبة
04-26-2012, 06:15 PM
وينك يا حبيب؟ يا المن الروح قريب
أنا بي سلامك برتاح واطيب
وسهام كلامك جواي تصيب
والشوق في حشاي زايد لهيب
في أمري أفتيني !!
وواسيني في أنيني
محنة أحلامي وسنيني
بلحيل مساهر بي حنيني
وجد شايلة همّك يا ضنيني
إمتى يا أيام تليني ؟
ومع البريدو تجمعيني ....
------- ------- --------

حبوبة
05-03-2012, 01:07 AM
جاني قال لي بريدك
يا ام سماح
بدورك تشاركيني اللي جاي
كفاية المن عمري بلاكِ راح
قت لو ان شاءالله خير
وليهُ الفؤاد ارتاح
غصبا عني بشويش
ودون إفصاح
دخل ريدك ..
سربلني لبسني وشاح
فرهدت أيامي
فات ليلي وهلّ بيك صباح
ونجم السعد طلاّني
في سماي بشّر لاح ..
سنين مرّت وات شايلني
علي كفوف الراح
علة انت دريان بي
و عارف القلب وحواح !!
عمّال يهلوس بي
يقول لي حبّك راح ..
أكل عليه الدهر
ضلو صار رحراح ..
وينو شوق الريد
الكان دوام فوّاح ؟

حبوبة
05-24-2012, 03:47 AM
كتير بنجرف ويخونني يراعي
انت ياك البركة وفي الظلمات شعاعي
ريدي ليك هو البزيل أوجاعي

بشير ود تهامي
05-24-2012, 12:22 PM
من ليك يا حبوبة مليون سلام وتحية

:clapper::clapper::clapper:

جبر الدار محمد جبر الدار
05-24-2012, 12:36 PM
أكل عليه الدهر
ضلو صار( رحراح ..)
وينو شوق الريد
الكان دوام فوّاح ؟
حبوبه سلامات
رحراح دى جبتيها من وين
طولنا منها

حبوبة
05-24-2012, 02:23 PM
من ليك يا حبوبة مليون سلام وتحية

:clapper::clapper::clapper:


حبابو سلامك يا المرقتك ضحوية :36_3_11[1]:
وسلامي ليك موصول يوماتي بالنية
يااب كلاما حالي وموزون بعفوية
تلقاه يابا مرادك وتختاك البلية

ـشكراتي علي مرورك ومعزوم جبنة ضهرية

حبوبة
05-24-2012, 02:36 PM
أكل عليه الدهر
ضلو صار( رحراح ..)
وينو شوق الريد
الكان دوام فوّاح ؟
حبوبه سلامات
رحراح دى جبتيها من وين
طولنا منها


ياقول ود البطانة
انا من زمنن خدو مشلخ [ وات باين ازمانك خدها سادة :smilie5:

جبرا حبابك وحلاة الحرف اللينا جابك
هات ابدعك فضي جرابك
تعال لنا جاي (الاستراحة ماااجلبابك
اشحذ قلمك جادع اترابك

ألكع هنا بالحرف السنين
واطرى معاي الزمن الزين
ورحراح دنيانا شيلو معاي علي السكين
دوبي عليه أشواق وحنين
يتمد الضل ويبرانا سنين

حبوبة
06-13-2012, 09:05 PM
بكتب لك آ خلي * وما راجا لي منك رد
ولا قاصدة منو عتاب
علة انا حالي قرّب يميل * وات عارفني صبري قليل
وحكم القدر غلّاب
بدور اسألك آ حبيب * ليش باقي عني غريب
بعيد ونحن قراب
مشاركني في الغرفة * وتحكي لي في طُرفة
ولساك موارب الباب
أنا يا أعز الناس * إنسان ملان إحساس
وجفاك لي عذاب
عايش سنين عشمان * لي لحظة صفا ووَلَهان
ولساتنا برضو أغراب ؟

حبوبة
07-26-2012, 08:49 PM
وانا كتبتك في جواي لوح ودمي كان الدوايا
ما انت يا نور القلب أصلا مأكسد في دمايا
وعيت لقيتك لي درب مكتوب مسطر يا عشايا
يا ربي تب ما نفترق يخليك لي نجمة وهداية

الراحل الابدي
07-27-2012, 10:46 PM
بكتب لك آ خلي * وما راجا لي منك رد
ولا قاصدة منو عتاب
علة انا حالي قرّب يميل * وات عارفني صبري قليل
وحكم القدر غلّاب
بدور اسألك آ حبيب * ليش باقي عني غريب
بعيد ونحن قراب
مشاركني في الغرفة * وتحكي لي في طُرفة
ولساك موارب الباب
أنا يا أعز الناس * إنسان ملان إحساس
وجفاك لي عذاب
عايش سنين عشمان * لي لحظة صفا ووَلَهان
ولساتنا برضو أغراب ؟


الرائعة حبوبة والاديبة
في نفس المكان الذي ولد فية الحلم
سابقي احب ذلك المكان عندما حللو دموعي ...وجدوهاااا
...........
لو تبقي لى واحة فرح تمسح شقا الزول البريد

ما انتٍ اول وتانى لى باكر مصير الحى يشوف

و انما هو ألق شفيف ،،،
يندفع منطلقا إلى فضاءات أرحب ،،،،
ينثر الضوء بألوان الطيف جميعها ،،،،
ليرتد على هامات الرجال نجوما ؛ يتدثرون بها كما البردى ،،،،،

عاشق الترحال
07-28-2012, 04:29 AM
حبوبه مني ليك مليون ريده
ومني ليك سلام يملا الوريده
العتب علي النظر وانا فوق الجريده
تسلمي وتسلم الايادي البريده

حبوبة
09-24-2012, 11:54 AM
لسه نايم
ياخ اصحا احضني
داعب شعري طمني
بين عيني قبلني
طولت منك صايم
اوحشني يا الحبيب رسمك بسمك نسمك
احساسي وكتين اضمك
حركتك حسك قليل نضمك
ياخي مشتااق
حايم قايم نايم
فكري معاك سارح هايم
صباح ب شوقي غايم

حبوبة
09-24-2012, 12:45 PM
الرائعة حبوبة والاديبة
في نفس المكان الذي ولد فية الحلم
سابقي احب ذلك المكان عندما حللو دموعي ...وجدوهاااا
...........
لو تبقي لى واحة فرح تمسح شقا الزول البريد

ما انتٍ اول وتانى لى باكر مصير الحى يشوف

و انما هو ألق شفيف ،،،
يندفع منطلقا إلى فضاءات أرحب ،،،،
ينثر الضوء بألوان الطيف جميعها ،،،،
ليرتد على هامات الرجال نجوما ؛ يتدثرون بها كما البردى ،،،،،

بسم الله ابتديت شايل شوقي ليكم جيت
لقيت عابرنا شال السيف
راكب فرسو فوق القيف
واقف يعاين حاري الوليف
كايس شويفعة زرعة جريف
كايس طعم النيل قامة النخيل الماغشاه زيف ..

تسلم يا عريس ..

حبوبة
09-24-2012, 12:58 PM
حبوبه مني ليك مليون ريده

ومني ليك سلام يملا الوريده
العتب علي النظر وانا فوق الجريده
تسلمي وتسلم الايادي البريده

ابو الشوش تتبارك يا بشوش ..
خبارك والريدة معاك كيف ساوا
لا تكون لساتك خلف الاثير تتحاوا
ياوليدي قبال حريق الجوف
لابد من الشوف خوف لا تكونو صفوف
ويطلعوكم في الرفوف
وبلا اختشا يسمعوكم الزغرود والدفوف

يازول يا شغوف اشواقنا ليك مرسولة في سماك تطوف ..

حبوبة
11-01-2012, 02:58 AM
وانا القُت ولّى أمسك ..
بلا مرادي علة سبتك
لقيتو عايش فيني همسك ..
غصب عني ماليني صمتك
عافرت أتناساك وادسك ..
يا آهة صمت الجوف بتهتك
كل ما أطانش عالي حسك ..
ما أصلي في جواي دفنتك
يا حتة مني فيني غرسك ..
اترعرع كبر من عرفتك
في فؤادي بنيتو عشك ..
من يوم لقيتك وصح عشقتك
نومي وصُحاي بتنفسك ..
ملكتِ الروح ومعاي سُكْنتِك ...

حبوبة
05-21-2013, 01:45 PM
يا أحلى ريدة عرفتها
يامنية فؤادي ومشتهى
دروب الريدة من قبلك عشتها
وقايلة كل الحكاوي انا شفتها
ومريت بي كل المحن وجربتها
جيتني انت وحيرت النهى
عيني ملن .. فؤادي اتسكن ..
قلبي انشغل عقلي اتلهى
وبديت اتعلم مبتدا الريد الما انتهى..
حلفتك ياغالي لا تقولي انتهى
غير بعادك كل مصيبة بجابهها
متعة وجودك في حواي مافي جنة بتشبهها
أسقيني يامولاي عطفك أرويني من ضيك بها

جُلَ ودي واحترامي وكذا شوقي وغرامي

ياسر صلاح
05-21-2013, 01:51 PM
يا أحلى ريدة عرفتها
يامنية فؤادي ومشتهى
دروب الريدة من قبلك عشتها
وقايلة كل الحكاوي انا شفتها
ومريت بي كل المحن وجربتها
جيتني انت وحيرت النهى
عيني ملن .. فؤادي اتسكن ..
قلبي انشغل عقلي اتلهى
وبديت اتعلم مبتدا الريد الما انتهى..
حلفتك ياغالي لا تقولي انتهى
غير بعادك كل مصيبة بجابهها
متعة وجودك في حواي مافي جنة بتشبهها
أسقيني يامولاي عطفك أرويني من ضيك بها

جُلَ ودي واحترامي وكذا شوقي وغرامي

ياسر صلاح يعجبه هذا

حبوبة
05-22-2013, 03:12 PM
ياسر صلاح يعجبه هذا

مرحبتين حبابك :53:
وقد أعجبني إعجابك

حبوبة
05-22-2013, 03:16 PM
بريدك يا رباح عمري
بريدك بقولها في جهري
وحبك في الوريد يسري
صورتك محفورة في صدري
وسيرتك ديمة في خاطري
أصلو هواك قسمتي وقدري
مكتوب مسطر لي من بدري
يصونك ربي يا دخري ...

حبوبة
05-26-2013, 06:08 PM
لو تدري يا مولاي كيفن بهاتي براي
سرحانة فيك دناي شايلاك زي لولاي
في كل لحظة وحين قبل نومي صُحاي
وقت الهجوع همسك يا سمير سُرّاي
وكتين يجِن الليل عينيك لي ضوّاي
ولامن هزيرو يشد في صدرك بلاقي دفاي
وفي الحرّاية يا خِلّي باقيلي ضلي ضراي
وجوات الضلوع لهبك واقد جمر شواي
تطقطقني زي بُنّاي وجفنيك لي قلاّي
دق القليب تم تم .. وعيوني جارّة النّم
باللوعة ليك تمتم .. وعزفتو عشقك ناي
تُراك هل دريان بال في الصميم لاواي ..

حبوبة
06-12-2013, 05:33 AM
ترسم بإيدك لوحة ..
تعيش جواها فرحة
بالمعنى واللمحة
بالضمة والفتحة
سكونو مو جرحة
وشدّو ما شَبْحة
ولا بتكسرو بفُسْحة
تعاين في حروفك
تتملّى ف وصوفك
تحاكيهن طيوفك
تتمنى بس لمحة ..