المساعد الشخصي الرقمي

مشاهدة النسخة كاملة : ود العمدة عريساً...



ساداتكو
11-17-2008, 10:40 AM
يا شباب طبعاً بالأمس القريب الأحد الموافق 16/11/2008م كان مولد فرحةً طيبة هلّت على أهل العروسة بي مناسبة تقديم الشيلة اللائقة بجمال سريرة عريسنا ود العُمدة كما ضاقت الأرضُ والشوارع بذغاريد الفرحة الوليدة أملاً بأن تكتمل البُشريات بعيد الزواج بإذن الله في الموافق 9 يناير للعام المقبل 2009م...
...

وإذ أدون هذا الحرفُ اهنئ العمدة ود العمدة ابراهيم عثمان محمد عبد الحميد بتلك الاهازيك الرحبة التي حقاً هي بمثابة مسئولية جميلة على عاتقه...

وربنا يتمم الباقيات على خير

...

اللهم اجعله عام افراحاً

Abdelazim
11-17-2008, 10:51 AM
الف الف مبروك لود العمدة وربنا يتمم علي خير
اللهم أجعله عام الأفراح
اللهم آمين

كورينا
11-17-2008, 11:39 AM
الكلام دا جد جد ولا هظار
انا كنت فاكرك عاقل يا ود العمدة!!!!
انت كدة طلعت اي كلام!!!!!
بس الف مبروك لو الكلام حقيقي...
واتمنى يكون كدة...
واوعك تصدق كل الكلام الاول دا
واكيد حتكون سعيد لانك شكلك كدة كله سعادة
والف مبروك ليها وليك وبيت مال وعيال
ولا تنسى ارض المليون ميل محتاجة لرجال ونساء كثير

Rahal
11-17-2008, 12:45 PM
الف مبروووووك ودالعمده وبيت مال وعيال

أنور الطيب
11-17-2008, 12:53 PM
مليون مبروك أخونا ودالعمدة لإكمال نصف الدين وربنا يتمم ليك علي خير وبيت مال وعيال إن شاء الله

أم مصطفي
11-17-2008, 02:47 PM
اييييييييييييييييييييييييييييييوي
الف الف الف مبروك وربنا اتم علي خيرواجعله بيت مال وعيال
تخريمه:اوعه تكون الشعيريه شويه هههههههههههههه

ساداتكو
11-17-2008, 05:26 PM
وعقبال ما نفرح بالباقيين

يللا يا عذابة ورونا همتكم البيت دا شكى وبكى منكم خلوهوا لي ناس تانيين بعد كدي زمن العذوبية دا...

...

Abdelazim
11-17-2008, 05:33 PM
وفي مكالمة تلفونية اليوم مع ود العمدة اثناء رحلته الي مروي يعدكم من اليوم بكثافة الحضور ويمني الما عرسو يعرسو

عادل القاسم
11-17-2008, 05:48 PM
ود العمدة لك مني كل التحايا والف الف الف الف مبروك
وبيت مال وعيال وربنا يجعل ايامكم كلها سعادة...
خلاص شهر العسل عندي في الدوحة...

ام احمد
11-17-2008, 07:24 PM
الف مبروك ود العمدة وربنا يتم ليك علي خير ان شاء الله
وبارك لينا لي العروس

ابراهيم العمده
11-18-2008, 01:07 AM
حقيقةً كادت عيني أن تدمع عندما قرأتُ جمال كلماتكم وشدة فرحكم ومباركتكم لي
عندها لم أتمالك نفسي من الفرح والشعور الصادق الإحساس بفرحة غامرة تملأ
قلبي وجوانحي فأنتم الإخوة الذين لم تلدهم أُمي فيالسعادتي وأنا بينكم أخاً عزيزاً
أشكركم جميعاً وأقول لكم فرحتي لم ولن تكتمل إلا بكم وبوجودكم معي قلباً وقالباً
كما أتمني من صميم قلبي أن يَمُن الله علي كل ن يرغب في الزواج وأن يوفقه الله

علوب عبدالشكور
11-18-2008, 07:41 AM
مبارك مقدما بإذن الله وربنا يتمم ليك علي خير يا ود العمدة وعقبال ما نشوف العمدة الصغير

بنونة بت المك
11-18-2008, 08:09 AM
عريسنا الزينة ود العمدة ربنا اتمم ليك علي خير انشاء الله

سمير الروح
11-18-2008, 08:41 AM
مبارك ان شاء الله يا ابراهيم العمدة
تغلبا بالمال وتغلبك بالعيال

كورينا
11-18-2008, 10:10 AM
مبروك يا عمدة
الف مبروك
بس الوصية تعمل حسابك شديد
شايفك شايل لاب توبك معاك دي مشكلة كبيرة
اعمل حسابك ممنوع تاخد معاك الممنوعات لعند العروسة
دعواتي لكما بالسعادة

ابراهيم العمده
11-24-2008, 09:53 AM
أيضاً علوب وبنونة وسمير الروح وكورينا
أشكركم جزيل الشكر وأتمني لكم التوفيق
في حياتكم وتقبلوا تحياتي

الكامل ادم جقلاب
11-24-2008, 01:29 PM
الغالي ود العمده ..
ربنا يوفقك ان شاء الله..
وبيت مال وعيال ..
واتمنى ان يمن الله عليكم بالذريه الصالحه ...
وتهنئه حاره من الزعيم للعمده ...

الكليس
11-24-2008, 01:35 PM
أخي ودالعمده ألف مبروك وبيت مال وعيال
من أسع قبل يوم 9/ 1 وأتمنى أن يجد كلٌ منكم السعاده
عند الآخر , وكمان مبروك لي نايب العرس الساده ,,
وعقبال عند الأصدقاء وطواط وعادل الخضر وبقية العزابه

ـــــــــــــــــــــــ
ودام الود

ابراهيم العمده
11-24-2008, 03:19 PM
تحية خاصة من الزعيم ياللسعادة
وتحية خاصة لك أيضاً أيها الزعيم
وبارك الله فيك وفي والديك

الرائع الكليس لك الشكرُ أجزله
وربنا يستجيب دعوتك يا أمير
وإنشاء الله يوم 9\1 تشرفونا جميعاً
وأنا والسادة والأهل في إنتظاركم

أم مصطفي
11-25-2008, 04:19 PM
انتا ياود العمده يوم 9دا قاطعه من راسك ولا شنو
الناس اجوا العرس ولا اكونه مع العيد
والمشوا الحج ديل ماتستناهم اجوا راجعين
ولا شنو

ابراهيم العمده
11-25-2008, 05:19 PM
انتا ياود العمده يوم 9دا قاطعه من راسك ولا شنو
الناس اجوا العرس ولا اكونه مع العيد
والمشوا الحج ديل ماتستناهم اجوا راجعين
ولا شنو

العزيزة أم مصطفي عساك طيبة
أنا قلت يوم 9\1 يعني تسعة يناير
يعني عيد السلام يعني شهر من العيد
يعني ماقاطعوا من رأسي
يعني ....... دي والله مابقدر أقولا أعذريني منها .

ود الصراف
11-26-2008, 10:54 PM
مليون مبروك يا حبيبنا
ربنا يتمم ليك علي خير

ابراهيم العمده
11-26-2008, 11:12 PM
يديك العافية حبيبنا ود الصراف
بس لازم تحضرو لأنو مابتم (سمح) إلا بيكم

كورينا
12-22-2008, 03:10 PM
يا اخوانا في خبر في الصفحة الرئيسية
عن دعوة الناس لزواج ود العمدة
كده شكلها كل الناس سمعوا
الا ود العمدة
بس نقول الف مبروك وبيت مال وعيال

koko
12-25-2008, 08:45 PM
والله يا ود العمه الففففففففففففففففففففففففففففففففففف مبروك وربنا يوفقك ويجعلها قدم خير عليك ونتمنى ليك السعادة والقبول في الحياة الف مبروك

ابراهيم العمده
12-27-2008, 10:54 AM
العم كورينا إنشاء الله إنت طيب
الدعوه سمعتبا بالحيل علا من البسطة الشديدة ماعرفت شن بسو
ومسعول من الخير بت هناية كيف إنشاء الله طيبة ؟

حبيبنا كوكو
تسلم والله ياغالي ويباركو ليك السمح
ووين أيامك تغيب وتجي وما عارفين خبرك
وأريتك تبقي طيب

مينو
01-10-2009, 11:05 AM
الف مليون مبروكككككككككككككككككككككككككككك والله حلو كدا بيت العزابه نقص واحد ان شالله بيت مال وعيال

ابراهيم العمده
03-15-2009, 07:26 PM
الغالية مينو عساك طيبة
ويباركو ليكِ السمح إنشاء الله
وبيت العزابة إنشاء الله بزيد نفر بعد زواجي ومابنقص
لأنو بعد ده بجي أنا والحكومة المنتخبة
وتاني بقول إنشاء الله إنتي بخير