المساعد الشخصي الرقمي

مشاهدة النسخة كاملة : يُــــــــــــــمه !!!



ابراهيم العمده
08-27-2010, 10:20 AM
يُــــــــــــــمه !!!
شعر : إبراهيم عثمان محمد عبد الحميد


أحبتي اليوم أخطُ لكم أروع وأصدق ماكتب يراعي ليلة البارحة بارحني النوم ومرَ علي
شريطٌ من ذكريات طفولتي وتذكرت والدتي العزيزة أطال الله لنا عمرها وبارك فيها
فمنذ العام 2005م وأنا أعمل خارج الخرطوم وفي الإجازات أعود لهم رغم البعاد
وبعد الزواج أصبح لي بيتٌ منفصل وأصبحت أزورهم فقط في إجازاتي مقيماً مع أُسرتي
فهي مازالت تتألم من جراء كسرٍ في يدها من نوفمبر 2008م وحتي اللحظة وكما تعلمون
حال طب العظام في بلدي الحبيب تارةً مسطرة وأخري مُسمار وثالثة جبص فأدمعت
عيني من شدة مُعاناتها وكثرة العمليات مع العلم بأني أُعاني من كسر منذ 1998م
ولم يُشفي فتناسيتة وكذلك تُعاني المرض هذه الأيام والدتها الحبوبة آمنة علي بلغها الله
الصحة والعافية التي تمكنها من السفر من بورتسودان للخرطوم كي تواصل علاجها
كما أُحيي فيها الوالد العزيز الشيخ عثمان محمد الأب الرحيم له حبي وإحترامي



فراقك يمه كتير أضناني ونار الشوق عديل كاوياني
إتذكرتك هناك في الغربة دموعي جرت والبعاد بكاني
****
شوقك يمه في عروقي وحبك يجري في شرياني
ريدك ديمه تاج رأسي وعطفك زاد عليَّ حناني
****
ساقتني الدنيا من جنبك مصيري أعود وأرجع تاني
ظروف جبارة حرمتني أكون قُربك أعيد أزماني
****
لكني بتذكرك يوماتي وإنتي معاي في أشجاني
ما إنتي الخير وإنتي البركة وإنتي هدية ربنا الرحمنِ
****
عارف إتزوجت وبعدت زيادة لكنك يمه في وجداني
بُعدي قدر مُسطر دون إرادة بعدت بي زاتي وروحي بين أخواني
****
حنينك يمه زمن عاودني وحنانك يمه الليله جاني
سهرت الليل أنظم ليك أشعاري يا أجمل زول ولأنك يمه حاباني
****
هجعت الليل وأتوسل لي رب الرحمة والغفرانِ
يشيل عنك هموم الدنيا ويشفيك ويعافيك من تاني
****
تنومي الليل تقومي تلاقي إيدك سليمة قوية ما مكسورة من تاني
ويحميك ويخليك ديمة سعيدة وبي سعادتك أنا بتروح أحزاني
****
وللحبوبة ُأمنا آمنة برضو نقول يارب يا كريم خالق الإنسانِ
أشفيها يا شافي وعافيها كمان خلينا الدكاترة ودايرين العلاج رباني
****
ويا أبوي العزيز ليك مني ألف تحية ويرعاك رب الكون بتلاوة القرآنِ
مهما كتبت ومهما قلت فيك ألحاني ما بقدر أوصف قدرك يا أبوي الحاني
****
وما بقدر أوصف قدرك يا أبوي عثمانِ


تحياتي ود العمدة 27/7/2010 11:20 م

غريب
08-27-2010, 01:24 PM
ود العمده التحيه الى اسرتكم الكريمه والتحيه الى الوالده شفاها الله وحفظها لكم ...
اعجبتى نثركم لتلك الكلمات الرائعه ولعل الاحساس هذا يتولد لكل من فارق اهله واحبابه واصحابه التحيه عبر هذا القصيده الى كل المهاجرين والى كل شخص بعيد عن اهله واحبابه واصحابه والتحيه لك يا ودالعمده ...............

ابراهيم العمده
08-28-2010, 09:33 AM
...
صاحبي الوحيد دوماً في المقدمة
هذه الكلمات كما أسلفت مهداة لكل غريب عن ديارو
وبكم نستقي الدوافع والآمال
مشتاقين
...

ابو وضاح
08-28-2010, 10:47 AM
ولدنا ابراهيم ..ودالعمدة ..سلام
لك التحية ..ورمضان كريم مرة تانية وتالتة .
أحى فيك أحاسيسك الجميلة نحو أعز من فى الوجود بعد الله سبحانه وتعالى ..الوالدة العزيزة..
نسأل الله العلى القدير أن يعجل بشفائها ويرد عليها صحتها ..ويجعل ألمها هذا فى ميزان حسناتها إن شاء الله ..فصبرها على الألم فيه أجر كبير ..وكذلك ندعو للوالدة الكبيرة ( الحبوبة) بالشفاء العاجل إن شاء الله .

ابراهيم العمده
08-28-2010, 06:54 PM
...
العم أبو العروس
الله أكرم والبحبو كلو كريم وتصوموا وتفطروا علي خير
ولاننسي قول الرسول الكريم أمُك ثم أُمك ثم أُمك ثم أبوك

أعجز عن الشكر لهذه الدعوات الجميلات ولكن هذا هو ديدنكم
الوقوف صفاً واحداً كالبنيان المرصوص ونسأل الله الإستجابة

ولك التحايا عمنا أبو وضاح
...