المساعد الشخصي الرقمي

مشاهدة النسخة كاملة : عبدالعزيز المبارك - ما كنت عارف



اسامة عبدالروؤف
07-22-2010, 09:34 PM
http://www.youtube.com/watch?v=PZN7xO50ZNA&feature=related

amigo sando
07-22-2010, 10:02 PM
السنين ضاعت واا حسرتي لا الطيبة اجدت لا حسرتي
وكم في الخيال
زينت بيك دنيتي واحتضنتو غرامك خبيتو في مهجتي
ما كنت متصور في يوم خداع في هواك اصادف


للشاعر : محمد جعفر عثمان ( عليه رحمة الله )
لحنها لزيدان فغناها عبد العزيز المبارك
اها يا سمسوني يا فردة انا عايز احكي ليك قصة الاغنية ...
الشاعر محمد جعفر ظلمته وسائل الاعلام واجهزتها كثيرا وهي تبث روائعة مع اشراقات كل صباح عاش بهدوء ورحل دون ان يشعر به احد رغم السعادة التي بثها بين الناس بكلماته الانيقة الرقيقة وهو الذي اهدانا الدرر ( طبعا يا سمسم زيدان دا فردتو وود حلتو ) ، قدما سلسلة من الروائع الغنائية الخالدة ( كلو ريدة ... اخونك ... وسط الزهور ... اسير حسنك .. ما اصلو ريدك ) وكنوز ابداعية اخري ( ود العباسية برضو : ابراهيم حسين ) .
قدم الشاعر هذه الاغنية للمعلم الكبير عمر الشاعر وبعد ان فرغ عمر الشاعر من تلحينها بلونيتة الخاصة كان في طريقة لتقديمها لتؤم روحة - زيدان - ولكنه في اخر لحظه عدل راية .. ولعل الاقدار قد اختارت بلبلا اخر لتشتهر الاغنية بعد ذلك ..
ومن الطرائف التي صاحبت الاغنية : يقول زيدان : عندما علمت انها كانت لي ولكن ذهبت لآخر سمعت عبد العزيز المبارك يؤديها في احدي الحفلات الخاصة فقلت وقتها لجاري ( لو كنت عارف ما كنت تركتها يا عبد العزيز ) .. شفت الروح حلوة كيف بين الناس ديل يا فردة ....

اسامة عبدالروؤف
07-22-2010, 10:49 PM
تشكر علي الافادة وفعلاً الشاعر الرقيق رحمه الله
له اغنيات كثيرة وخالده..
وبمناسبة الناس كانت حلوة زمان ومافي زعل غنية كانت مفروض يغنيها زيد غناها عبيد شوية عتاب وينتهي الزعل. ويييين هسي كان راجل غني غناء ماحقك :hunter:هاك دي
يوم الشاعر ود البنا جاء ووجد الفنانة فاطمة الحاج بتغني «يستحيل صدك لأني حبيتك» و«انا ما شفتو ورد الغرام» قال ليها خليتيني اتعاملت مع منو غيري؟ قالت ليه: مع عوض جبريل. قال ليها «شعرو شعر شيطان ووشو وش شيطان» قام زعل وكتب قصيدة رد فيها على الشاعر.
* وزعل لما الفلاتية قالت انو «شين هو والسر قدور»؟
ـ لا لأنو المقصود قدور.. ودي طرفة قديمة يحكيها الشاعر السر قدور بأنه في خمسينيات القرن الماضي كان يسكن بحي البوستة بام درمان فكتب اغنية:
«يا حبيبي نحن اتلاقينا مرة.. في خيالي وفي شعوري ألف مرة». واعطاها للفنانة خفيفة الدم المرحومة عائشة الفلاتية، الا انها اهملتها وطالبت بادخال بعض التعديلات، فلما زهج منها اعطاها لجاره في الحي الفنان المرحوم العاقب محمد الحسن الذي لحنها وغناها، وتقبلها الناس ووجدت رواجا، فزعلت الفلاتية جدا.. ولما قابلت السر قدور في الاذاعة قالت ليه: «داهية تاخدك ـ تخمك ـ انت وعوض جبريل»..!! ضحك السر وقال ليها «عوض جبريل مالو» قالت ليه: «ما شين زيك».

amigo sando
07-22-2010, 11:01 PM
هههههه والله دي انا وصاحبي الكاشف زاتا
الناس زمان ما بيزعلو مع انو بيقولو كلام زي السم لي بعض

احكي ليك يا سمسم حاجه حصلت بالجد من عمي :
الله يرحمو كان ساكن في الحاج يوسف
اها يوم جاهو جنوبي جارو اسمو بيار قال ليه يا عم هاشم انا دخلت الاسلام
عمك : دخل جوه جاب ليهو جلابيه جديدة لنج
يلا الاسبوع التاني طوالي بيار جاهو تاني ( ههه طبعا داير ليهو جلابيه ولا مركوب )
المهم : عمك فتح الباب لقي بيار
قال ليه : اسمع يا بيار الاسلام دا زاتو فيهو حاجه اسمها رمضان صعب خلاص احسن ليك دينك
هههههههههه
بالله شوف الناس حاربت وشالت سيوف عشان الاسلام عمك سيد عشان جلابيه رجعو ليك تاني
وبيار شابكنا ليك : ها دينكم الصعب دا ما دايرنو

اسامة عبدالروؤف
07-22-2010, 11:22 PM
:thumbup: هههههه عمك هاشم بالغ كان يصبر علي حفار ويحفر ليهو كم ابيار مش بيار واحد .
غايتو كان ماعمك كنت اقول ليك ...انسي بي
بالمناسبة بالرطانه" كوسفي" يعني شنو كان عرفتها بيار بكون كوسفي من عمك..

amigo sando
07-22-2010, 11:37 PM
عادي يا حبيبنا قول زي ما عايز
وبعدين بيار دا الا يكون بياكل الجلاليب ديل عشان غيرا ما اااااا اظن لقي منو شي عشان يبقي كوسفي