المساعد الشخصي الرقمي

مشاهدة النسخة كاملة : نضال الحاج (انا بكرهك)



ام صبا
07-02-2010, 11:43 PM
ياريت ما نفتح جوانا ابواب الكراهية


http://http://www.youtube.com/watch?v=AXh9R85-rQM

ابراهيم العمده
03-15-2011, 04:42 PM
...
كان نفسي بس أعرف الزول دة سوي ليها شنو عشان
تكرهوا قدر دة لأنو القصيدة من بدايتا شايتا ضفاري
أنا بكرهك بدون ذكر أسباب أو سابق إنذار أو مقدمة

لكن بالجد قمة في التعبير وإختيار الألفاظ
ياخ بي سببا أنا زاااتي كرهتو الزول دة
بس أعرف السبب ولا أعرفو هو منو

أم صباء لك كل الود
...

ام صبا
03-15-2011, 09:45 PM
...


كان نفسي بس أعرف الزول دة سوي ليها شنو عشان
تكرهوا قدر دة لأنو القصيدة من بدايتا شايتا ضفاري
أنا بكرهك بدون ذكر أسباب أو سابق إنذار أو مقدمة


لكن بالجد قمة في التعبير وإختيار الألفاظ
ياخ بي سببا أنا زاااتي كرهتو الزول دة
بس أعرف السبب ولا أعرفو هو منو


أم صباء لك كل الود

...





ودالعمده مساك الله بالخير
رغم الكراهيه المعلنه في القصيده وصعوبة الوصف والتعبير
انا حسيته انه حب اكتر من كراهيه حب باقي فى الدواخل
وباقى وخالد لانه مافى زول بيحب ويكره بالصوره دى
بس لو انت عرفت السبب كلمنى

فاطمة ميرغني
03-16-2011, 09:47 AM
ياريت ما نفتح جوانا ابواب الكراهية


http://http://www.youtube.com/watch?v=AXh9R85-rQM


على قدر ما بداخل القصيدة من كراهية وبغض بها جمال وروعه - كلمات الكراهية احيانا تعبر عما بالدواخل

هسه انا بكره لي زول جنس كره!!!:10:

ام صبا تسلمي ياخ واكيد انتي ما شبه الكراهية يا زوق :smilie14:

ابراهيم العمده
03-16-2011, 03:20 PM
...
يكون المثل القال الشئ كان فات حدو بنقلب لي ضدو
ولكن أنا في القصيدة دي بحس بالأنوثة القاسية اللينة
يعني كلمات قاسية في قالب بارد ولين ورزين
...

Rahal
03-16-2011, 06:55 PM
شكرا ام صبا دائما مبدعه تسلمي

ود العمده استمتع بدون تعليق


http://www.youtube.com/watch?v=_KeJmVX-QNk&playnext=1&list=PL1E8BB8C48CFFAA24

ام صبا
03-16-2011, 07:14 PM
شكرا ام صبا دائما مبدعه تسلمي

ود العمده استمتع بدون تعليق


http://www.youtube.com/watch?v=_KeJmVX-QNk&playnext=1&list=PL1E8BB8C48CFFAA24




رحال مساك الله بالخير
سعيده كتير بتواجدك الانيق وزارتنا البركه والله
بس ماعرفنا رأيك فى الكراهيه ممكن تكون ولا
ده حب مغلف عشان ودالعمده يعرف الحاصل

ابراهيم العمده
03-17-2011, 03:02 PM
...
والله يا أخوانا ما كسبتو فينا خير كلو كلو
ياخ أنا شغال فيها من تنتهي أعيدا تاني
معقولة بس
عم رحال وأم صبا الله يديكم العافية غايتو
وخالتو فاطنة كمان
...

عارف احمد عبدالله
03-17-2011, 06:02 PM
انا بكرهك
بس بكرهك..!
انا بكره اليوم الصنع قلبا يكورك ويندهك
انا بكره الوطن البلم شرف الغرام المنتهك
من ياتو باب طليت علي ما كنت اصلا بشبهك
انا بكرهك
انا شلت ريدك في القليب وسقيتو من دم العروق
صنقعت دليت النجم دنقرت كبيت نور وشوق
وعصرت موية الانتظار ختيتا في وجع الحروق
وكان النتيجة تبيع هوي هو اريتو كان سويتلو سوق
انا بكرهك
من وين اجيب ليك الدموع
من وين اصنقر حيل كلام كان امنيات قلبو الرجوع
من وين اذا هتك الضلام حيل خيلي القالك شموع
لكني مجبور اطردك واقفل وراك باب الضلوع
شديت رحالاتي ومشيت وكتين هتك حيلك هواي
ارتحت في موجي ورسيت
لا حرك الموج البحر
لا صد فلبي ولا قسيت لكن طلعت خيال عشم
ضمخ رؤى الوجع المميت
انا بكرهك
قدر اشتهاي
انا بكرهك
قدر الغرام الكان زمان كابت مساماتي وهواي
انا بكرهك
قدر اني ما لودت بيك كريات شراييني ودماي
انا بكرهك
قدر اني غنيتك غناي
من وين دخلت علي مدن شاخت من الوجع الاليم
من وين طرقت جدار قلب لقح هوى العشق العقيم
من وين سخت شمسك علي
كانت سماي مليانة غيم
فتق جراحــاتي
فتق جراحاتي وامش
خليني في لهب الجحيم
انا قلت ليك..
انا بكرهك
قدر المواسم الشادة خيل الريد عليك
انا بكرهك
قدر المصائب الحارسة بوابات مجيك
انا بكرهك
نفس المساحة وحجم قلبي الكان تملي بيشتهيك
بقى بكرهك
واتوكل ارحل مني فوت
حرمان علي قلبي الكلام
كان غيرك اجتاحو السكوت
خليهو قلبي الاندفن
تنسج عليه العنكبوت
اوخلي.... من بعدك يموت
الموت اخير......
من اني افضل
في رحابك وفي رجاك
انا كنت لو غاب القمر دائما بضوي
ضلام دناك
وانا كنت لو غيمك رحل
بطلع عشان اسكن سماك
وانا كنت لو بردك نزل
بوقد صوابعي لهب حداك
لكن منو القدر كدا
والله لو انا في محلك
بنسج الشمس احترام
واهديها ليك متمددة
بفتح كراريس الكلام
اختار حروفي واجردا
بنبش قبور المستحيل
كلمات شكر متفردا
لكن خسارة على قلب
حباك بلا ما يعرفك
انعل ابو القلم العلي دفتر غناك دمو انسفك
انعل ابو الشعر الغشاني وغنى فيك والفك
منعول غناي
منعول غناي كان ما امتطيت خيلي وبقيت اتاسفك
بتاسفك وكتين عيوني بسوقن الشوق لي انتظارك
لما ليلي يسوق محاسنو وينهزم عندك نهارك
لما ابكي انهزامي عشان ابارك انتصارك
لما كوكبي ساب مدارو رحل عشان يسكن مدارك
كنت مالي زمان ومالك
لكن وحاتك بكرهك
ندمان
ندمان على عمرا معاك ضيعتو
ضيعتو في غفلة زمن
ندمان علي
دمعا سكبتو على رضاك بلا تمن
انا كنت بحلم في وجودك ينكسر خاطر الشجن
لكن رضاي عليك عشم ابليس قصاد جنة عدن
انا بكرهك
كلما يطول ليلي ويواتيه العذاب
انا بكرهك
كل ما القلم يركب مصاعب الدنيا
يمشي على الكتاب
انا بكرهك
كل ما الفراق كتل مضامين العشق سدالو باب
انا بكرهك
قدر العيون ما تلبس التوب الزراق
تتوضأ موية الانتحاب
انا بكرهك
من كل باب انا بكرهك
واتوكل ارحل من جواي
غلطان اذا قلبك هداك قال ليك حا تفضل غناي
غلطان اذا عقلك رضخ لي ظن يقول انك حداي
والله ما فارق معاي
انا كنت ناوي اجملك
بس كنت ناوي اجملك
وامسك مضامين اللغات
من فيض حروفي اكملك
ترحل علي درب العشم
بي زاد هواي احملك
وكتين اخش قلبك جرا
واقطع قليبي وادملك
ندمان منو
انا غايتو ما ندمان عليك
اتوكل ارحل من جواي عيش العذاب الباقي فيك
ولو قلبك اتجرأ رجع
حقك تلومو علي مجيك
شان قلبي انت مليتو دم
ياخ فلبي انت مليتو دم
ما عادلو باقي يسبو ليك
على كل حال
انا بكرهك
عدد الحصى وعدد الرمال
انا بكرهك
عدد الصواب والاحتمال
انا بكرهك
عدد الحقائق والخيال
انا بكرهك
عد الشنة وعدد الجمال
انا بكرهك
عدد الاجابات والسؤال
انا ابكرهك
عدد الشعر ماسنة سيف الارتجال
انا بكرهك
عدد اللي ممكن والمحال
انا بكرهك
عد ما زمان قت ليك تعال
انا بكرهك

مستورة حالي وراك وفوت
يا دابو ليلك همو طال
مستورة حالي وراك وفوت
يا دابو ليلك همو طال
عاى كل حال
انا بكرهك

ام صبا
03-17-2011, 09:13 PM
عارف مساء الخير
تسلم كتير جد والله اسعدتنا بكلمات انا بكرهك
شكرا ليك

ابراهيم العمده
03-18-2011, 08:45 AM
...
والله يا عارف ورحال وأم صبا ما قصرتو تب
وصلتونا لي قمة المتعة
تعاين بي عيونك
وتسمع بي إضنينك
وتقرا كمان
الله يديكم العافية
...