المساعد الشخصي الرقمي

مشاهدة النسخة كاملة : بريطاني يتزوج علي الطريقة السودانية



عادل الخضر
10-14-2008, 10:18 PM
هذه رسالة وصلتني في الإيميل


بريطاني يتزوج بطقوس سودانية


http://sudanelite.com/vb/uploaded/2522_01344460525.jpg

http://sudanelite.com/vb/uploaded/2522_11344460525.jpg

http://sudanelite.com/vb/uploaded/2522_21344460525.jpg

http://sudanelite.com/vb/uploaded/2522_31344460525.jpg

http://sudanelite.com/vb/uploaded/2522_41344460525.jpg

كورينا
10-15-2008, 10:13 AM
شكرا ود الخضر
بس الخبر والصور قديمة ليها اكثر من 5 أعوام من تاريخ نشرها..
بس جميلة على الاقل عملت ريحة طيبة في المنتدى
وعقبال الواقفين في الخط والناوين على الثانية..

أم مصطفي
10-15-2008, 11:24 AM
مبروك عليك ياعمو كورينا ويا عم عبدالعظيم وانا متبرعه الف السوق اشتري ليكم الشيله من مرتبي الخاص
علي الاقل نتفكه شويه

كورينا
10-15-2008, 11:36 AM
ليه بس يا أم مصطفي
نحن قلنا حاجة غلط ولا شنو؟؟؟؟؟
امكن خايفة نجر ابو مصطفى معانا؟؟؟
بس والله انا عجبني الاسلوب السوداني
مش عشان هم خواجات لكن عشان الاسلوب السودان في المجال متفرد
تحفة وتستحق ان تزدهر وتصل العالم
لو برضة زعلانه تقدري تأمري ود الخضر يسحب البوست
وتنتهي الحكاية..

أم مصطفي
10-15-2008, 11:55 AM
لا والله انا بحب امزح
انا اول مره اشوف البوست وعجبني شديد
وعزه للسودان وفخر
اتمني انو كل بنت تتزوج بالطريقه السودانيه وبلاها التقاليد العمياء
واي اسرة خارج السودان تزوج بنات بالطريقه دي اجمل حاجه واكون اظهار للثقافه السودانيه
عشان اشوفوا بنلبس دهب كيف احسن منهم علي حسب فهمم واعرفوا انو السودانيين ما مقطعين ولا شنو

ام احمد
10-15-2008, 01:05 PM
الحاجات دي حلوة في اسيادها بس السودانيين

Abdelazim
10-15-2008, 01:28 PM
شكرا ود الخضر

بس الخبر والصور قديمة ليها اكثر من 5 أعوام من تاريخ نشرها..
بس جميلة على الاقل عملت ريحة طيبة في المنتدى

وعقبال الواقفين في الخط والناوين على الثانية..


انا والله اول مرة اشوف العرس دا
وغايتو قرط لي علي موضوع التانية دا!!!

ام احمد
10-15-2008, 01:30 PM
انا والله اول مرة اشوف العرس دا
وغايتو قرط لي علي موضوع التانية دا!!!
الليلة يا ام مصطفي الحقي تعالي شوفي راجلك
تعال لميهو من الرجال ديل خلي بالك منو اخير ليك يوم بتلقي داخل ليك ومرتو في ايدوا
الليلة سجمك

كورينا
10-15-2008, 04:08 PM
العزيزة أم احمد
لك التحية
يا ستي ام مصطفى عارفة زولها ومتأكدة منو
المشكلة النايمين وفاكرين الحال بستمر

عادل الخضر
10-15-2008, 11:55 PM
أعزائي كورينا ، أم مصطفى ، أم أحمد ، أبو مصطفى
تحية من القلب

أنا أول ما لقيت الرسالة في الإيميل عجبتني الفكرة ورحت طوالي منزِّل البوست

" الحنة في الخواجة جاية 100% " لأنو حلبي

تخريمة :
إنت يا كورينا إنت واقف في الخط وللا داير التانية ... إعترف يا أخوي

بنونة بت المك
10-16-2008, 09:07 AM
والله دا العرس والا بلاش

كورينا
10-16-2008, 09:52 AM
ود الخضر لك التحية
شكلك كدة انت لسه برة الورطة دي
اقصد لسه ما ضقت حريرة ولا ضريرة
لانة البتورط .....ما اظن تاني يفكر في الحكاية دي...
وبين وبينك انا بحبها أو بخاف منها موت ما اظن الفرق كبير
بس التوبة!!! ويا اريت الحصل ما كان!!!

ام احمد
10-16-2008, 12:42 PM
العزيزة أم احمد
لك التحية
يا ستي ام مصطفى عارفة زولها ومتأكدة منو
المشكلة النايمين وفاكرين الحال بستمر
القصد شنو ياجماعة

كورينا
10-16-2008, 01:04 PM
الست ام احمد
هوني عليك كل المقصود
ان ام مصطفي شافت مداخلت ابو مصطفى ولم تعترض.
ممكن واثقة منه وامكن عايزة الفكة...

ام احمد
10-16-2008, 01:07 PM
الست ام احمد
هوني عليك كل المقصود
ان ام مصطفي شافت مداخلت ابو مصطفى ولم تعترض.
ممكن واثقة منه وامكن عايزة الفكة...
اهاااااااااااااا
يعني انا داخلة غلط:15_8_212:

كورينا
10-16-2008, 01:54 PM
لا حاشاك ام احمد من الغلط
بس الموضوع بتاع الزواج من الاجنبيات شوية في حرج...
وأم مصطفى عايزة المنتدى ينور بوجدكم جميعا..
ونحنا بنخاف من الزواج الثاني
وما ندمانين على الزواج الاول

أم مصطفي
10-18-2008, 11:46 AM
سلام اخ كورينا
بس اتخيل لي في مثل بقول الراجل بمسكو من كلمتو
يعني ام البنات لما تجي ما تغير كلامك
الا تكلم ابو مصطفي امسح المنتدي

كورينا
10-18-2008, 03:08 PM
العزيزة أم مصطفي
كله الا ام البنات
دا انا بخاف منها موت
كدة من الان نبطل المنتدي
ونسيبك لوحدكم تعملوا البعجبكم

Abdelazim
10-18-2008, 08:43 PM
العزيزة أم مصطفي

كله الا ام البنات
دا انا بخاف منها موت
كدة من الان نبطل المنتدي

ونسيبك لوحدكم تعملوا البعجبكم


والله يا كورينا يا أخوي الحريم ديل عايزات يطفشننا من المنتدي
غايتو انت ممكن تتصرف وتنكر وتحلف تقول كورينا دا ود الجيران
انا أقول شنو الباشمفتش قاعد معاي في البيت
:15_8_212:

كورينا
10-19-2008, 10:10 AM
شوف يا عظيم
انا غايتو اذا المنتدى دي حيعمل لينا مشاكل عائلية أكيد بسيبوا
كله الا ام العيال...
خصوصا والواحد ليه زمن ما شفها...
كمان تجيب مشاكل؟؟؟؟
ارجوكم سيبونا من الموضوع دا...
افتحوا موضوع تاني
ولا انا سكو...
سكو دي لازم واحد يشرحها لنواعم المنتدى

بنونة بت المك
10-21-2008, 07:55 AM
شوف يا عظيم
انا غايتو اذا المنتدى دي حيعمل لينا مشاكل عائلية أكيد بسيبوا
كله الا ام العيال...
خصوصا والواحد ليه زمن ما شفها...
كمان تجيب مشاكل؟؟؟؟
ارجوكم سيبونا من الموضوع دا...
افتحوا موضوع تاني
ولا انا سكو...
سكو دي لازم واحد يشرحها لنواعم المنتدى



وانتو طالما بتخافو اللماضة العليكم شنو
وسكو دا قاصد بيها شنو

Abdelazim
10-21-2008, 08:24 AM
العزيز كورينا
يعني لازم تحرجونا كدا
هسي الحريمات ديل يقولن علينا جبناء والا كيف

كورينا
10-21-2008, 10:23 AM
يا عظيم
نحن اهل الشجاعة
بس في الشجاعة العديلة بتاعة المضاربة الحرب بالسيف او بغيره.
بس شجاعة مع النساء دي ما شجاعة نحن نسميها وقاحة...
بصدق كلام المشاعر والاحاسيس دي انا بخاف فعلا منه..
عشان كدة معاهن بنقيف انتباه، ونعدم حتى النفس (بفتح النون)
بس تعالوا معي نتخيل الدنيا بلا نساء
هل يمكن يكون فيها فرح او حتى ممكن تكون حياة؟؟؟؟؟

Abdelazim
10-21-2008, 10:48 AM
يا عظيم

نحن اهل الشجاعة
بس في الشجاعة العديلة بتاعة المضاربة الحرب بالسيف او بغيره.
بس شجاعة مع النساء دي ما شجاعة نحن نسميها وقاحة...
بصدق كلام المشاعر والاحاسيس دي انا بخاف فعلا منه..
عشان كدة معاهن بنقيف انتباه، ونعدم حتى النفس (بفتح النون)
بس تعالوا معي نتخيل الدنيا بلا نساء

هل يمكن يكون فيها فرح او حتى ممكن تكون حياة؟؟؟؟؟



انا لا بخاف لا بعرف الخوف
ان كشكش كديس تلقاني قايم صوف
*****
أفو يا كورينا نحن نخاف
نحن ما بنخاف نحن بنخوف
لكننا طيبون ولُطفاء في بيوتنا
وبعدين ايه الدنيا بدون نساء
لا طعم لا لون لا رائحة
****
تخريمة: شايفك بقيت تجادع تمام
عليك الله تعال لينا في ركن المجادعة

وطواط
10-22-2008, 02:10 PM
يا اخوانا مافي زول قبل كدا عرس بي الطريقة البريطانية؟
ولا الناس ديل ما عندهم طقوس بلدية خاصة بيهم؟
كدي ورونا عشان لو طلع ابو الرخاء الواحد يتنيل علي عينو بي جرتق بريطاني
عشان علي الأقل يظهر في المنتديات البريطانية تحت عنوان
سوداني يتذوج علي الطريقة البريطانية

كورينا
10-22-2008, 03:11 PM
العزيز وطواط
لك التحية والاجلال
نحن شعب مختلف
صحيح كل الناس عندها تقاليد مختلفة لكن نحن غير...
واذا عندك النية للزواج على الطريقة البريطانية،
اليك احدث طريقة للاحتفال تمت في الايام القليلة الماضية.

وهي ان العريس والعريس طاروا في السماء وقفزوا بمظلات او من غير مظلات والله ما فاكر..
اعتقد دي طريقة مناسبة جدا
واجمل ما فيها انك ممكن تقع وتروح فيها
وبذلك تكون تخلصت من الخطأ الكبير الكنت عايز تقع فيه

كورينا
10-22-2008, 03:15 PM
خاص بالرايقة بت المك
طبعا بعد التحية
سؤال قديم لم نجب عليه
(سكو)
معناها اترك الموضوع او الطلب
دي لغة كان يستخدموها ناس المطاعم في السودان
لو الزبون طلب حاجة وغير رايو
الجرسون يصيح لمجهز الطلبت
طلب ال ....
سكو

وطواط
10-22-2008, 03:45 PM
العزيز وطواط

لك التحية والاجلال
نحن شعب مختلف
صحيح كل الناس عندها تقاليد مختلفة لكن نحن غير...
واذا عندك النية للزواج على الطريقة البريطانية،
اليك احدث طريقة للاحتفال تمت في الايام القليلة الماضية.


وهي ان العريس والعريس طاروا في السماء وقفزوا بمظلات او من غير مظلات والله ما فاكر..
اعتقد دي طريقة مناسبة جدا
واجمل ما فيها انك ممكن تقع وتروح فيها
وبذلك تكون تخلصت من الخطأ الكبير الكنت عايز تقع فيه





دي ابو الرخاء لمن غلط
بس نحن عارفين العرس بيودي في داهية
كمان جابت ليها تليب بي مظلة؟
شوف ليك طريقة تانية
اخوك عندو فوبيا الحتات العالية زاتو
اسمع...!!
ما ممكن تتلب العروس براها؟؟

كورينا
10-22-2008, 04:14 PM
ما قلنا ليكم السودان دا حاجة قائمة بذاتها وليس لها مثيل!!!
ما شفت بت المك قالت شنو؟؟؟ (دا العرس ولا بلاش)
والله هو دا العرس ولا بلاش
ويا هو دا السودان

بنونة بت المك
10-22-2008, 06:24 PM
يا عظيم
نحن اهل الشجاعة
بس في الشجاعة العديلة بتاعة المضاربة الحرب بالسيف او بغيره.
بس شجاعة مع النساء دي ما شجاعة نحن نسميها وقاحة...
بصدق كلام المشاعر والاحاسيس دي انا بخاف فعلا منه..
عشان كدة معاهن بنقيف انتباه، ونعدم حتى النفس (بفتح النون)
بس تعالوا معي نتخيل الدنيا بلا نساء
هل يمكن يكون فيها فرح او حتى ممكن تكون حياة؟؟؟؟؟

لا فض فوك كورينا العزيز
النساء شقائق الرجال
لا كان مجتمع بلا نساء
ولا كان بدون رجال
والرجال لا يخافون النساء بل يقدروهن
وخصوصا رجالنا في السودان

بنونة بت المك
10-22-2008, 06:27 PM
دي ابو الرخاء لمن غلط
بس نحن عارفين العرس بيودي في داهية
كمان جابت ليها تليب بي مظلة؟
شوف ليك طريقة تانية
اخوك عندو فوبيا الحتات العالية زاتو
اسمع...!!
ما ممكن تتلب العروس براها؟؟


هو انت ما اصلك كمساري
والكماسرة حدهم الارض و ما بيفكرو فوق
عشان كدي خليك مع الدفارات اخير ليك

الراحل الابدي
08-09-2012, 12:23 AM
السلام عليكم
اهلنا الاحباب الحلوين حقيقة سمعت بالعرس دا والله للان مامصدق .
جيت اعرف رايكم بس ..لوصبرت
كان عرسنا ليها احلا شببنا والله:telephone:

http://sudanelite.com/vb/uploaded/2522_01344460525.jpg (http://sudanelite.com/vb)

http://sudanelite.com/vb/uploaded/2522_11344460525.jpg (http://sudanelite.com/vb)

ماش بيها وين يا بريطاني ..تكفي :rolling:


http://sudanelite.com/vb/uploaded/2522_21344460525.jpg (http://sudanelite.com/vb)

الشفقان ليها شنو ؟؟؟:36_11_11[1]:

http://sudanelite.com/vb/uploaded/2522_31344460525.jpg (http://sudanelite.com/vb)


http://sudanelite.com/vb/uploaded/2522_41344460525.jpg (http://sudanelite.com/vb)


ان شاء الله تعجبكم الصور لوصبرت ..والله كان اتزوجتها بس ماعندها حظ ...
حظها ذي الطين هع هع:fish:

وجدي الطيب
08-09-2012, 01:48 AM
تعرف ياخوي سيف الدين حواء السودان سألوها عن اسباب هذه الظاهرة ..
ولقد عرف على مر التاريخ والى وقت قريب ان خيارها الاول والاخير ..
هو ارتباطها بآدم السوداني ..

وتعال نسمع حجتها ..!!
وماذا قالت في آدم السوداني ..!!!

قالت ..!!!!!!!

الرجل السوداني لا يحتمل (الحب) الجياش لذا لا تعطيه أكثر مما يجب ..
حب بالدِرِب فقط ، ولا تبادري بإظهار حبك ، لأنه لا يستوعب ذلك ..
إن أعطاك قيراطا فاعطه ربعه ، ولا تسرفي في حب رجل لا يعرف كرم الحب ..
لأن الرجل السوداني لم يخرج من دائرة التقليدية في نظراته للمرأة ..
ولو وصل أعلى مراتب العلم ، واسمى درجات النجاح ..

وبمناسبة حسرتك على عدم صبرها اهديك هذه القصيدة على لسانك ..

جابوا الشيلة بالعربية
وسدوا المال بالمليونية
قالوا جاها المغترب
وقالوا جاها تاجر الغرب

نحن وين موظفين مقشطين
نرجاها دي الماهية
لا بتكفي .. لا بتغطي
ويا اهلنا قضية العرس دي قضية
وكييييييييف انعرس؟!!

سوس .. يا سو..
دا العرس بالفلوس
والماعندو فلوس
الليلة حا ياكل السوس
العرس اصبح نار
بالشيك وبالدولار

ام العروس قالت العشاء .. العشاء
عايزين كوكتيل
يا نصيبتي حا اجيبوا من وين؟!!

قسماً عظماً
ستاشر صينية
مليانة عصيدة قوية بملاح التقلية
العجبو ياكل فيها
والما عجبو اروح في ستين
ياجماعة العرس دا بالفاتحة ماحلال
خلاص دايرين ام العيال

هينين محبة ..والله اجمعك ببت الحلال .. وجدي الطيب ،،

الراحل الابدي
08-09-2012, 02:38 AM
الاخ الجميل
الرقي وجدي الحبيب الطيب والله
حوااااء السودانية غالبة حقيقة البتسوي
معانا ..و
سخانة الجو مشكلة عظيمة
مع اجسامنا ..وخير لها
ان تكافئي البلاء بالبليلة حقيقة
الرجل السوداني
لا يتحمل الا الاحمال الثقيلة .اما .( الحب )

ونحن نسير في ربوع هذا الوطن
لا صفة تجمعنا غير صفة المواطنة
ورجل ضكران وبت دقرية
واصول سوداني وسودانية
اني تبنيت وطنا
ولحنا خالدا كالنيل يجري
وما بقيف
ويشتد جريه في عز الخريف
انت قمحة
وانت سمحة
السماح بمعني السماح
بمعني ما اتلاقينا يا زينة بمعني
الزين
وما تقابلنا
ماتقابلنا ده شرح
الزين
ومنحتني المودة وما اتقابلنا
وده طعم امدرمان وناس بحري
انت من وين يا وجدي ...

سمراء
08-09-2012, 01:20 PM
عرفنا زواج السوداني من اجنبية

لكن
يا ربي زواج السودانية من اجنبي دي بتنجح ماااااااااااا اظن

أم محمد
08-09-2012, 03:36 PM
كلام غريب .. العالم دى بقت تدى بناتا سااااااااااااى ..الرسول عليه الصلاة والسلام قال من جاءكم من ترضون دينه وخلقه فزوجوه الا تفعلوا تكن فتنة فى الارض وفسادا كبير ..هسى كدى عاينو للصور دى هل الزول ده بينطبق عليه هذا القول ؟؟ وهل انا بطمن على بنتى معاه .. وين الدين ووين الخلق ووين الحشمة .. ناخدها بس من منطلق الحشمة بس .. ده كلام يا اخوانا هل يعقل بس ؟؟لو افترضنا انو البت ماعاقله وين أبوها ووين أمها وين اهلها البيعقلوها ؟؟؟ إستغفرتك يامالك روحى..
الابن عابر طريق مشكور على البوست وربنا يرزقك بالزوجه الصالحه البتخاف الله فيك وتخاف الله فيها .. كل الود لى يا ابنى
وكل سنه وانت بألف خير

ملحوظة : البيخاف الله استحالة يقبل على زوجتو انها تلبس بالطريقه دى وتظهر للكل وهى لابسه بالصوره دى .. لانو بيخاف الله فيها .. لانها بتكون درة ثمينة وبيكون حريص على حجابها وحشمتها .. استغفر الله العظيم ربنا يهدينا ويهدى الجميع

الراحل الابدي
08-09-2012, 06:09 PM
تم دمج الموضوع
واصبح المسؤال عن الردود الاخ
عادل الخضر لك الشكر المشرفة سارة عمر
علي الدمج

التحية للاخت سمراء
وام محمد