المساعد الشخصي الرقمي

مشاهدة النسخة كاملة : ليك بصطفي ....... كامل عدالماجد



amigo sando
05-16-2010, 10:30 AM
القالو بيك ما بحتفي

والقالو ليك ما بصطفي

ما بعرفوا الريد البسافر في الجوانح ويختفي

أنا بيكا كيف ما احتفي وانأ ليكا كيف ما اصطفي

وانت الملاذ والعشرة والخل الوفي

وانت القبول وكتين تحاصر عمري لآت النفي

أتجلي في جواي أريج خلي الهواجس تختفي

وأدلي في دنياي بدور سيب الكواكب تنطفي

****

ازرعني في ذكراك طيف

وابنيني في شاطيك قيف

وعلمني في الأشواك اقيف

وارفعني من برد الرصيف

خليني بيك أسمو وأطول واترامي في الحضن الشفيف

أنا خلك الوافي الرهيف البيكا دايماً بحتفي

****

يا شتلة في الخاطر رمت

ويا زهرة في الأعماق نمت

ويا غيمة في دنياي همت

ويا الفة بالأرواح سمت

ويا نسمة بي حضني احتمت

أنا بيكا كيف ما احتفي؟

****

لسة العمرجنبك جميل

وصفاكا منساب سلسبيل

وفي ضل هواك يحلو المقيل

اجفاكا كيف أنا يا جميل

وانت الشواطئ وأنا النخيل

وانت القماري وأنا الهديل

طوعت كيف المستحيل

ومشيتني في دربك عديل

يمشي العمر لا غيرك لا بدل الطبع النبيل

وأنا بيكا كيف ما احتفي؟

****

أنا وانت أوتار الكمان

والقوس علي كف الزمان

يعزفنا أنغام من وفا ويهمسنا مقطوعة حنان

أنت الخمائل وما حوت من كل روعة وافتتان

انت الشذى وانت الندي وانت العبير والبيلسان

أديني من نبعك رحيق وامنحني في الدنيا الأمان

راهنت بيك عشرة عمر وكسبت بيك كاس الرهان

ويقولوا بيك ما بحتفي؟

ام صبا
05-16-2010, 01:29 PM
بكري همت لك التحيه والود
اختيار جميل وكلمات رائعه
والشاعر كامل عبدالماجد شاعر
صاحب مفرده جميله انيقه تسلم ياذوق

اركمانيه
05-16-2010, 05:53 PM
ومازال كامل عبد الماجد
تأثره الدهشة في سيد الاسم
والسنين وغبارها لم
تلطخ خد القمر.
ما شاءالله عليه من نعمة
أدامها الله له.
تسلم بكري همت على
ذوق الاختيار.

أم إباء
05-16-2010, 10:36 PM
بسم الله الرحمن الرحيم بكري همت/ لك التحية على الإختيار الجميل لإحدى روائع الأستاذ كامل عبد الماجد ......وهل تصدقوا أنه من خلال كلماتها لمح لإسمها بالوصف و ذكر أسماء بناته !!.1/وأدلي في دنياي بدور سيب الكواكب تنطفي2/انت الشذى وانت الندي وانت العبير والبيلسان

amigo sando
05-17-2010, 08:25 PM
الاخوات : ام صبا واكمانيه و ام اباء
تحيه جميله زيكم
ويا ام اباء قلت كده برضو لي عمار
ليه يزكر ندي وعبير وينساكم انتو
طبعا زعل بس قلت ليه يكون قاصدكم انت ومصطفي بالبيلسان