المساعد الشخصي الرقمي

مشاهدة النسخة كاملة : دكان ود البصير... والشمار



الصفحات : [1] 2

عادل القاسم
10-02-2008, 10:48 PM
دكان ود البصير....
هذا البوست مخصص للونسة والشمار بتاع ناس الحلة.. نسوان الحلة بيشتروا الخضار والجزر برضو في نفس الدكان وبشترو منو زيت السمسم والفهد وبشيلوا منو باقي الحاجات بتاعة البيت...
اها النسوان الصباح يوميا لازم يوصلوا الشمارات لبعض يعني حجة امنة ستهم في الشمار بتجيب الخبر البعيد يعني خبر العرس وخبر الطلقوها وخبر الرسل لامو المصاريف من الخليج والعاوزة تتمشط والعاوزة برضو زار بتعرف ناس الزار.. والحاتولد وفلان وعلان...
وبرضو ناس الحلة بتاعين المعاشات والعطالة برضو.... يعني كمية من الشمارات.... في دكان ود البصير (بالمناسبة دكان ود البصير ده كان برنامج في الراديو السوداني)..
المهم اي واحد عندو شمار جديد... يحكي لينا

Abdelazim
10-02-2008, 11:25 PM
والله يا ود القاسم دكان ود البصير فكرة جميلة جدا والله
اول حاجة ح ننقلو استراحة النخبة
تانيا جاييكم بي شمار حااااااااااااااااااار
بس بمش وبجيكم ....

عادل القاسم
10-03-2008, 09:46 PM
عمو الشمار الجانا من حاجة امنة قالو وطواط وود الصراف ومونتي السنة الجاية زي المواعيد دي متزوجين ومعاهم عيال صحي الكلام ده... وحسناوات المنتدي كل واحدة مرشحة واحده لواحد من الشباب ديل الكلام ده جابتو اليوم حاجة كلتوم مرت عمو عيدالروس من حاجة امنة وقالت الكلام ده سمعتو من مصادر موثوق بها... وكمان قالو البنات واحدة من الحلة القدام وواحدة من بت عمو وواحدة مطلقة وعندها ولد... صحي الكلام ده افتونا... افادكم الله.. ده الشمار الاول وماحاقول ليكم التاني لغاية مانعرف الحقيقة عشان عاوزين نحضر هدوم العرس...

abuelgefari
10-04-2008, 11:53 AM
مرقتا قاصد دكان ود البصير عشان آخد لي حبات ام تكشو و سمعت ليك مدام باتريك و مدموزيل جون مارك قالن انو رشيدة داتي امينة سر الدولة و وزيرة العدل الفرنسية حامل
قلت ياربي دا خبر شنو؟ المرأة دي ما متزوجة .... اللهم احفظ بناتنا

عادل القاسم
10-04-2008, 12:35 PM
وكمان قالو سمعت منهم انو أوباما بتاع امريكا الجديد قال اذا مسك الحكم ماحايلغي التهمة من ود البشير... وقالو حالف ليهو جنس حلفة... الله يأذيهو المؤذي.. الا قالو مرتو من بنات حوش الجمراية بت العجايب... وامها من جبال النوبة من التيرة... وخالتها كانت بتبيع تسالي وفول في سوق الخضار بتاع الخرطوم القديم... والكشة كانت مجنناهم جن... عشان كده بتكره اي واحد عسكري وبالتحديد في السودان... حاسدة وبتحرش راجلا...راجلا ذاتو سميع... الله ياذيهو ويأذي الاذانا ياناس.. وبرانا وقامو تمو باقي الاغنية....

وطواط
10-04-2008, 01:11 PM
رشيدة داتي حامل..؟؟؟
جبت الكلام دا من وين يازول؟؟؟
دحين المرا دي موش اهلها ناس ود القصير؟؟
ناس مشايخ واهل تقابة
صحي النار تلد الرماد
ما خاتي اوكامبو البيتبلا علينا...!!
اسع يجينا الزول دا بي ادعاءات جديدة في بيت العزابة
بعد دا الشافنا مجرتقين ما كضب...

Abdelazim
10-04-2008, 02:50 PM
اول حاجة عوضية دادي دي منو؟؟؟
اها الليلة حاجة امنة لاقتني قبيل وانا مارق من دكان ود البصير
وقالت لي في عضو في المنتدي معانا اسمو وطواط
جات الكشة ساقتو جهة غير معلومة
قالو قبضو

عادل القاسم
10-04-2008, 02:55 PM
كلام عجيب وسمعت برضو ود العمدة معاه... الحاصل شنو ياجماعة ورونا الحاصل شنو... وبرضو بنونة وام احمد وتوتا وام مصطفى وباقي اخواتنا في المنتدى كلهم مختفيين الشمار الجانا قالو مشوا يخطبو للشباب ديل... لكن ماكلمونا ليه ياعمو... وام احمد قالو عمرت في رمضان مبروك العمرة وان شاءالله مقبولة..
بس شوفو لينا الخبر الصحيح شنو.... عشان حاج ود البصير قال الشباب ديل مدينهم وعايز منهم قروش...

أم مصطفي
10-05-2008, 08:04 AM
سلام يا شباب
اي واحده امشي اخطبه لي وطواط تقول بتاع الكروت تقول لي بري عايزه اقراء
الله ادي بت الكروت اقصدالحلال

Abdelazim
10-05-2008, 08:21 AM
سلام يا شباب
اي واحده امشي اخطبه لي وطواط تقول بتاع الكروت تقول لي بري عايزه اقراء
الله ادي بت الكروت اقصدالحلال

والله يا ام مصطفي ما أظن ينفع تشوفي لي وطواط
بت الكروت قصدي بت الحلال
مافي كرت بيرضي يعيش معاو بي حالتو دي
يوم ناس الكشة ويوم ناس المباحث

بنونة بت المك
10-05-2008, 09:20 AM
قالو وطواط ومونتي وود الصراف في الحراسة

وطواط
10-05-2008, 04:47 PM
سلام يا شباب
اي واحده امشي اخطبه لي وطواط تقول بتاع الكروت تقول لي بري عايزه اقراء
الله ادي بت الكروت اقصدالحلال


يا ام مصطفي انا ما قلت ليك ما داير لي واحدة
انا داير وطواطة
عشان تكون ما بتشوف ولا بتشم ولا بتتكلم
بتسمع بي الزبزبات بس
دي كان خطبتيها لي تكوني بالغتي معاي
ما داير لي عروس زي بتاعة ود العمدة
ود العمدة اشترى لي عروسو توب في العيد ورجعو تلاتة مرات عشان قالت التوب كل مرة بيطلع ضيق...!!!

Abdelazim
10-06-2008, 08:54 AM
يا ام مصطفي انا ما قلت ليك ما داير لي واحدة
انا داير وطواطة
عشان تكون ما بتشوف ولا بتشم ولا بتتكلم
بتسمع بي الزبزبات بس
دي كان خطبتيها لي تكوني بالغتي معاي
ما داير لي عروس زي بتاعة ود العمدة
ود العمدة اشترى لي عروسو توب في العيد ورجعو تلاتة مرات عشان قالت التوب كل مرة بيطلع ضيق...!!!


اها وطواطة دي بتكون بت ناس ناس والا بت شنو

تخريمة: ود العمدة دا تكون خطيبتو كسرتو والا شنو!!!

yosra
10-06-2008, 02:17 PM
والله يا وطواط سمعتك ادمرت دمار شامل عديييييييييييييل مع ام وابو مصطفى
عليك الله بعد ما تظهر (ربنا يفك سجنك نتمنا الجهة الغير معلومة دي تكون تبع الكروت ما تكون حاجات تانية :15_8_212:)
:23_33_7:
غشهم بي اي حاجة قول ليهم الكروت دي فيها ضمان جيبوها اغيرا ليكم ولا اديهم واحد زيادة يكون شغال
الناس ديل انا بعرفم كويس لو ما رشيتم رشوة كويسة كدا ما ح يسكتو وكل شوية يجيبو ليك موضوع الكروت

وطواط
10-07-2008, 12:58 PM
والله يا وطواط سمعتك ادمرت دمار شامل عديييييييييييييل مع ام وابو مصطفى
عليك الله بعد ما تظهر (ربنا يفك سجنك نتمنا الجهة الغير معلومة دي تكون تبع الكروت ما تكون حاجات تانية :15_8_212:)
:23_33_7:
غشهم بي اي حاجة قول ليهم الكروت دي فيها ضمان جيبوها اغيرا ليكم ولا اديهم واحد زيادة يكون شغال
الناس ديل انا بعرفم كويس لو ما رشيتم رشوة كويسة كدا ما ح يسكتو وكل شوية يجيبو ليك موضوع الكروت


والله يا يسرا الشغلانة ما كروت مضروبة
بس كنت بحاول اصلح لي لاب توب حق زول واللاب توب باظ
سيدو رفع علي قضية
انا كان عارف كدا كان جبتو ليك تسقطي حجرو انتي...!!!

أم مصطفي
10-07-2008, 01:13 PM
غايتو مونتي ود العمده دخلوا السجن ظلومه ساي اكيد كانو واقفين مع وطواط
اكونوا بتاعين المباحث شموا فيهم من ريحة وطواط
اسوها الكبار واقعوا فيها الصغار
كمان عايز تدخل يسرا البيت كله ابقي حراميه ونشالين صغار
بري كفانه اتا
ما قادرين نعمل ليك حاجه

Abdelazim
10-07-2008, 01:28 PM
شمار حااااااااااااااااااار
قالو ود العمدة راقد في حوادث ام درمان !!!
خطيبتو داقاهو ... جايب ليها تياب ضيقات

:8_4_125:

أم مصطفي
10-07-2008, 01:41 PM
ود العمده بريه
قوليها براحه علي
انا امك يا مصطفي ارسل ليك 8ثياب وقليها الستره واجبه

الكلام مافي ود العمده قال ليك ناس بنونه الرسيفر بتاعم ودولي واحد اصلحوا طفش بي


معقول يا وطواط وصلتا ناس بنونه عاد بالغتا ديل جعل كان مسكوك ببقوا ريحتك طير طير سجم رمادك

عادل القاسم
10-07-2008, 06:14 PM
مقول ياوطواط الرسيفر بتاع الشباب ديل طفشت بيه.. وانا وعمك عبدالعظيم قلنا عاوزين نعمل ليك تبرع عشان تلفزيونك القلت شالوهو ناس الضرايب.. اذا ياعمو اي واحد شلت منه قروش عشان التبرع لوطواط رسلها لينا خلينا نتم بيها شيلة للشباب العزابة ديلك.. وركشتي كمان حااقلعها منو...
ده كلام عجيب..

Abdelazim
10-07-2008, 07:20 PM
مقول ياوطواط الرسيفر بتاع الشباب ديل طفشت بيه.. وانا وعمك عبدالعظيم قلنا عاوزين نعمل ليك تبرع عشان تلفزيونك القلت شالوهو ناس الضرايب.. اذا ياعمو اي واحد شلت منه قروش عشان التبرع لوطواط رسلها لينا خلينا نتم بيها شيلة للشباب العزابة ديلك.. وركشتي كمان حااقلعها منو...
ده كلام عجيب..

يا أبو القاسم يا فردة وطواط دا الحسنة ما بتنفع فيو
الظاهر التبرع ح نعملو لمساعدة ود العمدة المضروب علي امره

yosra
10-08-2008, 02:04 PM
والله يا وطواط كان تجيبو كان جبت ليك بدلو 4500 ريال :23_33_8:

وطواط
10-08-2008, 02:21 PM
يا اخوانا انا ما براي
انا عايز اعترف واخلص زمتي لأنو ضميري واجعني
انا متفق مع يسرا وعبد العظيم وام مصطفى وعادل القاسم علي الشغل دا
عادل وعبد العظيم الكلام بتاع كورينا اثر فيهم
وقالوا دايرين يأسسوا شغل في السودان عشان يجوا راجعين
وفقاموا بقوا يرسلوا لي في القروش بتاعة راس المال عشان اشتري كروت مضروبة ابيعها في السوق وبي النص
طبعا قروش عبد العظيم شايلها من ام مصطفي وغشاها برضو قال ليها استثمار
ورسلوني لي المعلم الكبير يسرا عشان هي عارفة الجلكسات بتاعة اللولوة كلها
اسي رسيفر بنونة لحق امات طه زي لاب توب عبد العظيم
وديتو ورشة ناس يسرا عشان نغير الديباجة حقتو علي انو جهاز كوري جديد لنج
الجهاز طبعا صومالي الأصل...!!!
قام ناس يسرا دخلوا فيهو برنامج تجسس تقول علي
الجهاز طار فووووووق ودقا الواطة
اسي انا ما عارف اقول شنو لي بنونة
المفروض الحركة دي يعملها بعد بنونة تستلم الجهاز بي يومين
بس ناس يسرا يدهم حارة شديد
انا خلصت زمتي من ربنا وقلت الحقيقة
الدور والباقي علي باقي العصابة

Abdelazim
10-08-2008, 03:57 PM
وطواط انت زول سلباط لقيت نفسك متورط قلت تورطنا معاك
والله قصة عجيبة

بنونة بت المك
10-08-2008, 06:09 PM
هي سجمي يا وطواط اديتم ريسيفرنا لي شنو
حالتي انا قلت انت الفيهم أتاريك متواطئ معاهم؟

عادل القاسم
10-09-2008, 12:10 AM
كمان سمعت قالوا وطواط متاثر جدا بشعبان عبدالرحيم وقاعد بشيل حديد وحيبطل السيجاير من اول يناير حايشتري قميص جديد.... اييييييييي...
وقالوا مقدم للوتري في امريكا وقبل مايجيه اللوتري قالوا اتصل بيه واحد خواجة وقال ليه ياخي انت راجل فنان في الالكترونيات المقعدك في السودان شنو تعال لينا في واشنطون وانا افتح ليك محل تصليح الكترونيات في الشارع الرئيسي وكمان قالوا تحت تحت حايشتري الركشة بتاعتي عشان قالوا بتشتغل كويس في امريكا.... وبصراحة اذا الكلام ده جد انا ماحابيعها لانو الامريكان ديل حرامية بياكلوني في العداد...

Abdelazim
10-09-2008, 08:15 AM
كمان قالوا تحت تحت حايشتري الركشة بتاعتي عشان قالوا بتشتغل كويس في امريكا.... وبصراحة اذا الكلام ده جد انا ماحابيعها لانو الامريكان ديل حرامية بياكلوني في العداد...



تعرف يا ابو القاسم طالكا الامريكان فكرو في ركشتك
احسن تبيع طوالي

yosra
10-09-2008, 12:23 PM
طبعا وطواط شغال بي خير وسيلة للدفاع الهجوم
وعايزة اقول ليك يا بنونة وطواط دا ما يعمل ليك فيها ان جاب الرسيفر الورشة حقتنا..
هو فعلا جاني،،
وصلحتو ليهو واشتغل مية مية،،، قام جا زبون عجبو الرسيفر وقال بشتري بي اي تمن،،،
قدامي قال ليهو دا حق زول وما بقدر اتصرف فيهو،،،
لكن اول ما طلع الزبون بي هنا وطواط قال ماشي يشرب بارد من الكافتريا البرا جنبنا،،،
انا حسيت ان الموضوع ما طبيعي،،
طوالي رسلت الود الشغال عندي،،،
وفعلا جاب لي الشمار قال باعو بي ........................
لاقيني بعدين في دكان ود البصير بتم ليك القصة وكمان مصوراهو في الموبايل :36_13_13:
يعني بالثابتة وما عندو اي طريقة ينكر

عادل القاسم
10-09-2008, 02:23 PM
الجماعة عندنا في الحلة قالو اشترو رسيفر وحايسفروا بيهو البلد.... كدي اتاكدو ليا من الماركة بتاعتو....
ده كلام غريب وعجيب....
النمشي نشيل منو ركشتي... اشتغل بيها براي واشحن الدوم...

وطواط
10-09-2008, 03:16 PM
طبعا وطواط شغال بي خير وسيلة للدفاع الهجوم
وعايزة اقول ليك يا بنونة وطواط دا ما يعمل ليك فيها ان جاب الرسيفر الورشة حقتنا..
هو فعلا جاني،،
وصلحتو ليهو واشتغل مية مية،،، قام جا زبون عجبو الرسيفر وقال بشتري بي اي تمن،،،
قدامي قال ليهو دا حق زول وما بقدر اتصرف فيهو،،،
لكن اول ما طلع الزبون بي هنا وطواط قال ماشي يشرب بارد من الكافتريا البرا جنبنا،،،
انا حسيت ان الموضوع ما طبيعي،،
طوالي رسلت الود الشغال عندي،،،
وفعلا جاب لي الشمار قال باعو بي ........................
لاقيني بعدين في دكان ود البصير بتم ليك القصة وكمان مصوراهو في الموبايل :36_13_13:
يعني بالثابتة وما عندو اي طريقة ينكر
عشان تعرفي يا خالتي بنونة انو الناس ديل بلاعيط وحرامية لي ياتو درجة
اسي انا زول بلقط ليهم في الشغل
بارد ساي ما دايرين يجيبوهو لي
الا امشي اشرب في الكافتريا؟؟؟؟!!!
عليك الله ديل ناس يأمنوا ليهم ويصدقوهم؟؟؟!!!

Abdelazim
10-09-2008, 05:59 PM
عشان تعرفي يا خالتي بنونة انو الناس ديل بلاعيط وحرامية لي ياتو درجة
اسي انا زول بلقط ليهم في الشغل
بارد ساي ما دايرين يجيبوهو لي
الا امشي اشرب في الكافتريا؟؟؟؟!!!
عليك الله ديل ناس يأمنوا ليهم ويصدقوهم؟؟؟!!!


وطواط كمان داير تكضب
البارد ما كل مرة بنشتريه نحن لما طارق بتاع الدكان خجل ليك!
ويسرا كم مرة اشترت ليك البار وانت اصلك ما بتروي
زي الزول البالع ليهو حوض رملة

عادل القاسم
10-10-2008, 12:17 PM
عمو... سمعت الخبر بتاع ناس وطواط ومونتي وودالعمدة... قالوا امبارح عاملين مشكلة في محل الشيشة البقعدو فيها البنات... قالوا وطواط شاغل واحدة وود العمدة اداها كف... ومونتي زعل منهم قال ليهم ده تحرير المرأة انتو ناس لسة رجعيين... وقامت البت في وطواط وقالت ليهو انت بتاع الريسيفر انت بتاع بيت العزابة انت بتاع التلفزيون الشالو منك ناس الضرايب انت وانت... وحتي سألتو من الركشة بتاعتي... وعن توصيل الدوم.. صاحبنا زعل كيف تجيب سيرة الدوم الموضوع ده خاص بناس المنتدي اه قام ود العمدة قال ليها اولا ماتقولي عزابة انا خلاص حااتزوج وان شاءالله علي العيد الجاي عرسي... وماتضميني مع الناس ديل... ديل اسواء ايام انا عشتها في بيت العزابة الله لا اعادها وطواط قال ليها والله انا لو اقعد عزابي ماحااتزوج ليا واحدة بتشرب شيشة عشان كل يوم تقول ليا جهز ليا الحجر بتاع الشيشة واسيب شغلي واقعد اعمل ليها الشيشة... وبعدين عروستي بدل ماتعمل ليا الخمرة والروائح السودانية الجميلة اشم كل يوم فيها ريحة الشيشة المعفنة...
الكلام ده سمعتو من احسان بتاعة الطعمية...
اكدو لينا الخبر ده ياشباب لانو بصراحة انا خلاص وطواط ده شلت همو وعاوز اطلعو من السودان ان شاءالله اجيب ليه فيزا بتاعة سفير ...

Abdelazim
10-10-2008, 01:28 PM
يا ابو القاسم الكلام مؤكد تأكيد شديد
وغايتو وطواط دا والله محتاج للفيزا دي شديد
عليك الله شوف ليه طريقة

علوب عبدالشكور
10-11-2008, 07:52 AM
ياجماعة وطواط دا فيزتو عندي
انا جايب ليه تأشيرة دخول كندا

عادل القاسم
10-11-2008, 07:11 PM
كندا..... ؟؟؟؟ ياخي وطواط ده ماعندو جكتات ... بعدين بخاف من البرد....وبخاف من الطائرات... علي كل حال اول حرف من اسمو عادل القاسم.. ماتنسي اول حرف من اسمو عادل القاسم...

وطواط
10-11-2008, 09:09 PM
الله يقرف سنين البنات زاتو
كرهونا الشيشة ونفيخ الدخان
زمان الواحد كان بيقش (اللي) بتاع الشيشة من الصعوط ويمخمخ بي مزاج
اسي الواحد بقى يقش الروج من اللي بتاع الشيشة حتين يمخمخ...!!!
ولويعني الواحد دقس ما قشى الروج فضيحتو تبقى بي جلاجل
اليوم داك ابو امنية مرتو طلقتو عشان نسى ما قشى الروج
ومونتي المرة الفاتت مشى الشغل عامل روج عملوا ليهو مجلس محاسبة
يا حليل زمن تشلفط الشيشة بي الصعط الفيها وتتكيف مرتين
انا ياداب عرفت عبد العظيم ما بيجر معانا الشيشة في حتة البنات دي لشنو
عبد العظيم مرة اتكشحت فيهو موية السلطة ساي في هدومو مشى بيتهم عريان
كمان جابت ليها روج؟؟؟!!!
اللذيذة عادل الخضر...
شرب شيشة بعد بت اهلو الجعليين كانوا دايرين يكتلوهو
قايلين الود باظ ...!!!
شوفوا يا جماعة
البنات ديل امسكوهن
واحد في الأتنين
يا يشربن الشيشة دي عديل
يا نعمل نحن كمان الروج دا وما في زول يسعلنا....!!!!

Abdelazim
10-12-2008, 03:32 PM
يا جماعة جيتكم بي خبر بنونة بت المك
تعرفو امس ابو عماد جلد ليكم بنونة جلد نضيف
بس للأسف أبو عماد راقد في المستشفي
مكسر وروحو طالعة
قالو وقعت فيو كسرتو حتة حتة

بنونة بت المك
10-12-2008, 06:08 PM
يا جماعة جيتكم بي خبر بنونة بت المك
تعرفو امس ابو عماد جلد ليكم بنونة جلد نضيف
بس للأسف أبو عماد راقد في المستشفي
مكسر وروحو طالعة
قالو وقعت فيو كسرتو حتة حتة

اشاعات مقُرضة
الراجل شديد ويتمتع بصحة وعافية
والحمد لله قاعد في البيت يقرا في كلامي دا

وطواط
10-12-2008, 08:00 PM
اشاعات مقُرضة
الراجل شديد ويتمتع بصحة وعافية
والحمد لله قاعد في البيت يقرا في كلامي دا

يقرا شنو؟؟
قولي يقرا في الفاتحة علي روحو
انت يا بنونة وزنك كم؟
حرام عليك الراجل عمل بي اصلو ودقاك
تقومي تستعملي معاهو اساليب محرمة دوليا؟؟
ايوا محرمة دوليا
يعني مرا وزنها 240 كيلو تقعد في راجلها دي موش اخير منها صاروخ نووي؟؟
مسكين والله يا ابو عماد وشمس الدين كمان
لاكين ابو عماد طلع شهم ولما سألوهو في اورنيك 8 قال ليهم وقع فيني بطاح
الغريبة ناس البوليس صدقوا وقالوا دايرين نمرة البطاح ابو عماد اداهم نمرة تلفون مرتو...!!!
غايتو بوليس قطر دا غبي غباء
اخير بوليسنا
البوليس حقنا بفتش في خليل ابراهيم بعد ضربة ام درمان قامو قبضوا علي الأمين عبد الغفار عشان بغني خليل العازة...!!!
قالوا ليهو علاقتك بي خليل ابراهيم شنو؟
جنس محن

Abdelazim
10-13-2008, 03:37 PM
ينصر دينك يا وطواط
خالتك عايزة تألف
قالت شنو أبو عماد قاعد يقرأ في المنتدي
هو المسكين اسمو منو ما عارف

تخريمة: بوليس قطر الجابو البحرين شنو

ود شمبات
10-13-2008, 06:20 PM
قالو ابراهيم العمدة قبضوهو ناس الكشة

:36_13_13:
:23_33_7:

أم مصطفي
10-15-2008, 09:42 AM
اجروا تعالوا اسمعوا قال ليك ام روعه عايزه ليها قروش وود القاسم ابا اديها
قال ليك حلفت يا اديها القروش ولا ما اشوف الكمبيوتر
وكان علي كدا وبس قال ليك حتي الشغل منعتو امشي قالت لي قليهم عيان
وزولكم هداك حالو احنن المسكين
شوفو لي حل الراجل ح افطس

ام احمد
10-15-2008, 11:45 AM
ام روعة وابو القاسم اللماهم شنو مع بعض

Abdelazim
10-15-2008, 01:18 PM
اجروا تعالوا اسمعوا قال ليك ام روعه عايزه ليها قروش وود القاسم ابا اديها
قال ليك حلفت يا اديها القروش ولا ما اشوف الكمبيوتر
وكان علي كدا وبس قال ليك حتي الشغل منعتو امشي قالت لي قليهم عيان
وزولكم هداك حالو احنن المسكين
شوفو لي حل الراجل ح افطس


تعرفي قال ليك ام روعة لفخــت الكمبيوتر لما اتفرتق حتة حتة
وهسي الكمبيوتر ودوهو لي يسرا تشوف ليه حل
وابو القاسم امس قال لي لسه الكمبيوتر حالتو متأخرة شديد

Abdelazim
10-15-2008, 01:19 PM
ام روعة وابو القاسم اللماهم شنو مع بعض


ام روعة وابو القاسم ساكنين في عمارة واحدة

ام احمد
10-15-2008, 01:22 PM
ام روعة وابو القاسم ساكنين في عمارة واحدة

تشرفناااااااااااا

وطواط
10-15-2008, 05:58 PM
تعرفي قال ليك ام روعة لفخــت الكمبيوتر لما اتفرتق حتة حتة
وهسي الكمبيوتر ودوهو لي يسرا تشوف ليه حل
وابو القاسم امس قال لي لسه الكمبيوتر حالتو متأخرة شديد
لا ... اوعكم......................!!!!!!!!!!!
ما قلنا ليكم يسرا دي ماسورة
معناها ما حنشوف عادل القاسم قريب
الله يرحم كمبيوترك

Abdelazim
10-16-2008, 08:30 AM
وفي اتصال هاتفي لورشة صيانة الكمبيوترات
علمت أن المزر بورد حق كمبيوتر عادل القاسم إتلحس
والسبب نتيجة لتلقي ضربة شديدة بأداة مدببة
غايتو الأداة المدببة دي لي هسي ناس الورشة ما عرفوها شنو

بنونة بت المك
10-16-2008, 08:51 AM
يستاهل الكمبيوتر
هو لو ما بيستاهل الضرب ما كانو ضربوه
كان الكمبيوتر والا كان أبو القاسم

yosra
10-16-2008, 12:37 PM
لا ... اوعكم......................!!!!!!!!!!!
ما قلنا ليكم يسرا دي ماسورة
معناها ما حنشوف عادل القاسم قريب
الله يرحم كمبيوترك

طبعا وطواط دي حركة منو عشان عايزكم تجيبو ليهو اللاب توب يصلحو ويلعب لعبو فيهو...
وزي ما قال عمو عبد العظيم لما ضرب ليهو في الورشة قال شنو الmotherboard ضاربة يعني الجهاز اتلجن.. وتحت تحت كدا هو باعو...
ويا عادل القاسم لاقيني العصر في دكان ود البصير في لاب توب جابو لي واحد للبيع اظنو حقكم :23_33_7:

Abdelazim
10-16-2008, 07:31 PM
طبعا وطواط دي حركة منو عشان عايزكم تجيبو ليهو اللاب توب يصلحو ويلعب لعبو فيهو...
وزي ما قال عمو عبد العظيم لما ضرب ليهو في الورشة قال شنو الmotherboard ضاربة يعني الجهاز اتلجن.. وتحت تحت كدا هو باعو...
ويا عادل القاسم لاقيني العصر في دكان ود البصير في لاب توب جابو لي واحد للبيع اظنو حقكم :23_33_7:
ما قلت ليكم يا جماعة وطواط دا خطر
المرة الفاتت باع لي كرت مضروب
هسي عاوز يغش ابو القاسم

Abdelazim
10-18-2008, 09:24 AM
قالو ابراهيم العمدة اليومين ديل في الخرطوم
وامس كان مع وطواط
وطواط كان عاوز يغشو يبيع ليه كرت مضروب

وطواط
10-19-2008, 03:35 PM
يا جماعة في زول عارف ود الصراف في ياتو حراسة؟
انا خايف يكون في سجن النساء..!!!
فتشت البلد دي سجن سجن ما لميت فيهو
كلو مني انا الما هديتو
والله الراجل شاورني وانا قلت ليهو اتوكل
اسي دي يحلوها كيف؟؟؟؟؟؟

2ta
10-19-2008, 07:59 PM
امس جايه من المواصلات في الاستاد
اتخيلو شفت منو؟!!!
وطواط الما يغباني
فاااااارش في الارض
ايوا ...ايوا قريتوها صاح
فارش في الارض
وبيبيع كروت الart قرقريبة عواسه
لمن مشيت عليهو
قعد يجرس لي
قال بعد الحصل مع عمو عظيم
وطواط فقد مصداقيتو وبقا ما مضمون
وحاول يرشيني عشان ما اكلمكم
لكن حقيقي ضميري انبني بعنف
مخيرييين انا كلمتكم!!
تاني ما تصدقوهو...

الحفيان
10-20-2008, 07:40 AM
امس جايه من المواصلات في الاستاد
اتخيلو شفت منو؟!!!
وطواط الما يغباني
فاااااارش في الارض
ايوا ...ايوا قريتوها صاح
فارش في الارض
وبيبيع كروت الart قرقريبة عواسه
لمن مشيت عليهو
قعد يجرس لي
قال بعد الحصل مع عمو عظيم
وطواط فقد مصداقيتو وبقا ما مضمون
وحاول يرشيني عشان ما اكلمكم
لكن حقيقي ضميري انبني بعنف
مخيرييين انا كلمتكم!!
تاني ما تصدقوهو...


بالله هو الزول بياع القراقريب دا وطواط؟
وانا محتار في الزول دا شايفو وين

yosra
10-20-2008, 10:44 AM
بالله شوف وطواط غاشينا وقال مهندس وعندو ورشة
اتاريهو بفرش وكمان في الاستاد
حالة صعبة والله:23_33_7:

Abdelazim
10-20-2008, 10:57 AM
بالله شوف وطواط غاشينا وقال مهندس وعندو ورشة
اتاريهو بفرش وكمان في الاستاد
حالة صعبة والله:23_33_7:
وما خُفي أعظم يا يسرا

Abdelazim
10-20-2008, 10:59 AM
امس جايه من المواصلات في الاستاد

اتخيلو شفت منو؟!!!
وطواط الما يغباني
فاااااارش في الارض
ايوا ...ايوا قريتوها صاح
فارش في الارض
وبيبيع كروت الart قرقريبة عواسه
لمن مشيت عليهو
قعد يجرس لي
قال بعد الحصل مع عمو عظيم
وطواط فقد مصداقيتو وبقا ما مضمون
وحاول يرشيني عشان ما اكلمكم
لكن حقيقي ضميري انبني بعنف
مخيرييين انا كلمتكم!!

تاني ما تصدقوهو...



والله يا وطواط مصيبتك كبيرة
2ta دي بتعرفك حق المعرفة
ولو كان زول تاني كان بنقول
لكن بعد كلام توتة قصتك بايظة

وطواط
10-20-2008, 07:12 PM
والله يا وطواط مصيبتك كبيرة
2ta دي بتعرفك حق المعرفة
ولو كان زول تاني كان بنقول
لكن بعد كلام توتة قصتك بايظة


طبعا يا عبد العظيم انت عارف الفـــرّاشة الفي الأستاد ديل بيبعوا كمان شنو؟
بيبيعوا سم الفار وجبكسين الصراصير
اها جبكسين الصراصير دا موقف السوق لي ناس توتا
تتزكر لما قلت ليك توتا دي بتبيع الصراصير لي طلبة كلية العلوم
الزولة دي جات عشان تشتري اكبر كمية بتاعة جبكسين عشان من مصلحتها الصراصير دي تعيش
ياخ اقول ليك الصرصار بيتباع في الكلية بي خمسة الف
دا صرصار ولا ساندوتش بيرقر؟
وطالما توتا فتتني انا كمان كلمة الحق دي بقولها بقولها
لقيت ليك توتا خامة ليها كيس صراصير ومارقة من حمامات السوق العربي... لا حولا
ياخ قعد ناكل...ياخ....
اوعععععععععععععععععععععععععععععععع
اتزكرت ريحتها كانت عاملة كيف...
عووووووووووووووووووووع ما قادر احكي خلاص

عادل الخضر
10-21-2008, 12:09 AM
قالو ابراهيم العمدة اليومين ديل في الخرطوم
وامس كان مع وطواط
وطواط كان عاوز يغشو يبيع ليه كرت مضروب


زور وبهتان

أنا ذاتي كنت معاهم

دي محاولة تخريبية لي سمعتك يا وطواط يا أخوي

لكن أنا معاك معاك وأصلنا فـــِـــرد من زماااااااااااااااااااااان

وطالما أنا معاك نوم قفا يا حبة

وعمك دا خليهو علي أن بقدر ليك عليهو

وبعدين يا عبد العظيم الولد دا جاهل وصغير

بنونة بت المك
10-21-2008, 07:12 AM
طبعا يا عبد العظيم انت عارف الفـــرّاشة الفي الأستاد ديل بيبعوا كمان شنو؟
بيبيعوا سم الفار وجبكسين الصراصير
اها جبكسين الصراصير دا موقف السوق لي ناس توتا
تتزكر لما قلت ليك توتا دي بتبيع الصراصير لي طلبة كلية العلوم
الزولة دي جات عشان تشتري اكبر كمية بتاعة جبكسين عشان من مصلحتها الصراصير دي تعيش
ياخ اقول ليك الصرصار بيتباع في الكلية بي خمسة الف
دا صرصار ولا ساندوتش بيرقر؟
وطالما توتا فتتني انا كمان كلمة الحق دي بقولها بقولها
لقيت ليك توتا خامة ليها كيس صراصير ومارقة من حمامات السوق العربي... لا حولا
ياخ قعد ناكل...ياخ....
اوعععععععععععععععععععععععععععععععع
اتزكرت ريحتها كانت عاملة كيف...
عووووووووووووووووووووع ما قادر احكي خلاص

معقولة يا وطواط لكن الزولة الأمورة دي تكون كدا
حرام عليك يا مُفتري

بنونة بت المك
10-24-2008, 05:47 PM
ثبت بما لا يدع مجال للشك أن عادل القاسم طريح المستشفي
يعاني من ويلات الضرب من زوجته بعد أن عرفت الأخيرة بعلاقاته المريبة في دكان ود البصير

عادل القاسم
10-25-2008, 08:05 PM
اموت واعرف منو القال لام القاسم بحاجة حرنة... ياخي انا علاقتي معاها ما اكتر من انو اولادها بغسلوا ليا الركشة وبناتها بشتري منهم درمة وبنحل الكلامات المتقاطعة وبشجعوا معايا الهلال وام القاسم اتاريها عندها جواسيس بهناك الا الحمدلله عدت علي خير... استروها ياشباب.. اخوكم مسكين... وخلاص وعدت ام القاسم تاني ما حاامشي لي ناس حجة حرنة... وخلاص قالت ليا سماح المرة دي وانا عارفاك راجل محترم ومابتاع الحاجات دي...

ابراهيم العمده
10-26-2008, 12:51 PM
بالمناسبة دكان ود البصير قبل مايبقي برنامج إزاعي
هو دكان حقيقي موجود في أم درمان تقريباً في الهجره

وبعدين ياعادل وطواط أنا الكنت داير أبيع ليهو كرت بس هو أبي
وقال لي ناس ودالبصير مابريحوني لو شلتو منك وبتجيب ليها شمارات

ساداتكو
10-27-2008, 12:24 PM
...

هوي يا جنيات دفّار الإلزامية جاء قاصد دكانكُن دا دحين قوموا فِذّوا...

...

Abdelazim
10-27-2008, 12:49 PM
...



هوي يا جنيات دفّار الإلزامية جاء قاصد دكانكُن دا دحين قوموا فِذّوا...



...



وانا من قبيل مستغرب الناس دي مشت وين
هسي الكشوه منو يا ابو رؤي؟

ابراهيم العمده
10-27-2008, 02:18 PM
وانا من قبيل مستغرب الناس دي مشت وين
هسي الكشوه منو يا ابو رؤي؟

الكشوه منو ولا الدقو منو ؟

عادل القاسم
10-28-2008, 09:40 PM
كلامك صاح ياوطواط ليا كم يوم ماشايف الصراصير.... الحاصل شنو....؟؟؟
بعدين عندك كرت الجزيرة الرياضية؟؟؟؟
وعندي معاك موضوع سر... بس اوعدني ماتكلم زول من ناس المنتدي..
عمو عبدالعظيم قال حايجيب ليك كروت بتاعة ال art وفيها الشوتايم... شوف الموضوع ده وانا بظبطو مع عمك.... وعمك ده خليه علي بنكلم ام مصطفي يعني الموضوع محلول... بس باقي الشباب مايعرفو الحاصل شنو... بس السؤال لسة المحل البتفرش فيه موجود.. انا بوديك بركشتي

ابراهيم العمده
10-28-2008, 10:33 PM
ماشفتو يا أخوانا ناس ال msn اليومين
ديل التقول عارفني بدور أعرس
رسايل شئ بلوزات وشئ إسكيرتات
علا بلوزة sister sale
مو جابوها الظاهر
خلصت في السوق
ياربي منو
الخلصا ؟

ساداتكو
10-29-2008, 05:21 PM
...

عووووووووووك يا الناس القاعدين هناك ديل...
ايوا انتوا المعاكم الزول اب سروالاً مكنتل دا الفي دكان ود البصير ديل

مافي دحين غنماية ليها حجل جات جاريا بي جاي من غير (خُرتاية)؟؟؟

...

بنونة بت المك
10-29-2008, 06:00 PM
...

عووووووووووك يا الناس القاعدين هناك ديل...
ايوا انتوا المعاكم الزول اب سروالاً مكنتل دا الفي دكان ود البصير ديل

مافي دحين غنماية ليها حجل جات جاريا بي جاي من غير (خُرتاية)؟؟؟

...

انت قصدك علي الغنماية الجاريها ود العمدة والا واحدة غيرا
غايتو انا قبيل سمعت ود العمدة قال متغديين بي لحمة

ساداتكو
10-30-2008, 09:01 AM
انت قصدك علي الغنماية الجاريها ود العمدة والا واحدة غيرا
غايتو انا قبيل سمعت ود العمدة قال متغديين بي لحمة


...

ما عارفين نعمل معاه شنو ود العمدة دا ذاتو يا بنونة
... هسي الشتاء الفات برضو عامل ليه عملة في (العتود) الرمادي مغدّي بيه صحبانو قال شنو كمان؟!!! (قال لونو قريب للبني ولحمو بكون فستق بس

ياخي دا ما مخلي لينا حاجة في اربعة كرعين تقعد في البيت

...

ابراهيم العمده
10-30-2008, 10:03 AM
انت قصدك علي الغنماية الجاريها ود العمدة والا واحدة غيرا
غايتو انا قبيل سمعت ود العمدة قال متغديين بي لحمة

بنونة يا أختي إنتي بي عضمة لسانك ماقلتي لي
دايرة لي غنماية حلابة لي العيال

ود شمبات
10-30-2008, 05:49 PM
اصلا قالو ود العمدة دا كان جزار

عادل القاسم
10-30-2008, 06:08 PM
معقول الوجاهة دي كلها وجزار... ماممكن الراجل مهندس في هجليج.... بس حكاية العتود دي شنو... وبعدين قصدك شنو بالتي شيرت المكتوب عليها سيستر... ؟؟؟
وبعدين سؤالي المهم جدا بسال من روح المنتدى ام احمد... الخبر شنو... ورونا الحاصل شنو... ان شاءالله تكون بخير...
وصحي وطواط شال من يسرا تاني لاب توب عشان يصلحوا ليها... وصحي فعلا لقوهو فارش جمب الاستاد بيبيع فكس ومعاها كروت... ياجماعة عاوز اعرف لانو الراجل ده قال عاوز يتسلف الركشة بتاعتي مايقوم يبيعها كمان..
وبنونة بت المك وعادل الخضر والكليس وكورينا ورحال ومونتي وتوتا وام مصطفي ورينا الخبر شنو .... وباقي الشباب الحلوين اخبارهم شنو.. ياعمو الخبر شنو؟؟؟

ابراهيم العمده
10-30-2008, 07:27 PM
اصلا قالو ود العمدة دا كان جزار

والله البعرفو إني ضباح
يعني بضبح لي أهلي في الضحية والكرامات وكده
علا جزار رسمي كدة لسة مافكرت فيها
كدي خلو سد مروي الينتهي
وبعد داك نشوف البجصل شنو

عادل القاسم
10-31-2008, 01:33 AM
اخبار سد مروي شنو... ياخي شوف لينا شغل معاك هناك اي حاجة ان شاء مهندس دواجن... فكنا من الغربة ومن الخليج خلينا نجي نقعد مع اهلنا شوية... ربنا يجعل في ايديك الفرج ياود العمدة...

ابراهيم العمده
10-31-2008, 11:43 AM
اخبار سد مروي شنو... ياخي شوف لينا شغل معاك هناك اي حاجة ان شاء مهندس دواجن... فكنا من الغربة ومن الخليج خلينا نجي نقعد مع اهلنا شوية... ربنا يجعل في ايديك الفرج ياود العمدة...

آمييييييين يارب العالمين
والله إنشاء الله بقدر المستطاع نحاول

عادل القاسم
10-31-2008, 12:34 PM
في السي في بتاعتي اكتب الراجل ده بدرب في ولدو كرة قدم عشان عاوز يضمن مستقبلوا الرياضي.. يعني قول ليهم الراجل ده ولدو بعدين ممكن يساعدنا في تعلية الخزان لو حصل حاجة في المستقبل... وممكن يستثمرو في السد ببناء معسكرات للتدريب واهو نضمن نقاطة للسد لو حصل ليه اي حاجة في المستقبل....
بعدين سمعت بعمو عبدالعظيم بشاور في ام مصطفي في موضوع الشغل في السد... قالو عاوز يرجع ويشتغل مهندس معاكم سمعنا الكلام ده من الشباب في المنتدي.. ياشباب خلونا في الصورة..

ابراهيم العمده
10-31-2008, 03:31 PM
واهو نضمن نقاطة للسد لو حصل ليه اي حاجة في المستقبل.....

إنت عارف نقاطة دي ذكرتني ركشتك طوالي ما عارف لية
ياحليل زمن الركشات كانوا مش نقاطات
زمن كانوا نوافير عديل كدي

بنونة بت المك
10-31-2008, 05:33 PM
ما معقولة يكون ود العمدة جزار
في جزار بيلبس بدلة وكرفتة؟
وانت ياعادل القاسم خليت فكرة الركشة والا شنو

ابراهيم العمده
10-31-2008, 05:55 PM
ما معقولة يكون ود العمدة جزار
في جزار بيلبس بدلة وكرفتة؟
وانت ياعادل القاسم خليت فكرة الركشة والا شنو

يسلم تمك بت المك
زي مابقولو الشاميين

عادل القاسم
10-31-2008, 06:41 PM
والله يابت المك ماخليت فكرة الركشة بس الايام دي عندي مشروع اقتصادي كبير.... بس الشمار قالو ابومصطفي وام مصطفي شغالين تدريبات رياضية لمصطفي... وهم في الحقيقة اتصلو عليا عشان تسجيل مصطفي في الاكاديمية..
وقالو كمان شغالين لاصدر قرار بالنسبة للمنتدي اي واحد لازم تكون صورتو بالبدلة... شفت ياودالعمدة بتعمل مشاكل كيف...
علي كلا اذا الموضوع ده بقي حقيقي انا ماعندي بدلة اتصور بيها.... ممكن اتصور بالركشة بتاعتي...

ابراهيم العمده
10-31-2008, 08:46 PM
قلت لي بسوو في مشاورات
دايرين الود يطلع لعيب كبير

وبعدين موضوع البدله كان
بروفه للعرس وكده قلنا نشوف
أحسن البدلة ولا البلدي
وماقايلنو بجيب
مشاكل

عادل القاسم
10-31-2008, 10:46 PM
لازم عرسك يتوفق مع اجازتي لانو بصراحة عاوز احتو حت.. عاوز اهيص... ونعيد ايام زمان الحلوة ديك....

ابراهيم العمده
11-01-2008, 09:00 AM
لازم عرسك يتوفق مع اجازتي

إنشاء الله فاضل ليهو
شهر وتلاتين يوم
يعني رأس السنة
حاول وفق إجازتك
وننتظرك ومعك
آخرووووون

Abdelazim
11-01-2008, 09:51 AM
والله يابت المك ماخليت فكرة الركشة بس الايام دي عندي مشروع اقتصادي كبير.... بس الشمار قالو ابومصطفي وام مصطفي شغالين تدريبات رياضية لمصطفي... وهم في الحقيقة اتصلو عليا عشان تسجيل مصطفي في الاكاديمية..
وقالو كمان شغالين لاصدر قرار بالنسبة للمنتدي اي واحد لازم تكون صورتو بالبدلة... شفت ياودالعمدة بتعمل مشاكل كيف...
علي كلا اذا الموضوع ده بقي حقيقي انا ماعندي بدلة اتصور بيها.... ممكن اتصور بالركشة بتاعتي...


أبو القاسم انت بنعمل ليك استثناء
بس عاوزنك تتصور لينا جمب قدرة الفول دي
وكفي

عادل القاسم
11-01-2008, 06:07 PM
والله برضو فكرة جميلة.... واكون ماسك الكمشة وبعبي في الصحن... واتخيل معايا فول مصلح بالجبنة وزيت السمسم... والعيش حار... ولكن احتمال كبير بعد الاكاديمية بتعاعتي ماتنجح ان شاء الله الواحد يشتري ليه بدلة ان شاء الله بالاقصاد... بس يكون لونها اخضر وقميص احمر وبنطلون اصفر واجزمة خضراء تكون عاملة ماتشنج مع البدلة... لكن الصورة هذه حاتعمل مشاكل في دكان ود البصير لانو ممكن الصورة تتباع في السوق بمبالغ باهظة... ونبقي تاني في قصة ديانا ودودي... عشان كدي الواحد بخاف من الوجاهات..

سمير الروح
11-02-2008, 06:52 AM
ما شاء الله يا شباب الدكان دا فتح متين
اول مرة اشوفو ووالله ماشاء الله ببيع شمار رهيب

ساداتكو
11-03-2008, 11:11 AM
ما معقولة يكون ود العمدة جزار
في جزار بيلبس بدلة وكرفتة؟
وانت ياعادل القاسم خليت فكرة الركشة والا شنو


...

بنونة يا دُرة نخبة السودان سلام عليكي...

وبعدين ديل جزازير الزمن دا يا بت الناس قولي قبُلُهم

...

Abdelazim
11-03-2008, 06:18 PM
...



بنونة يا دُرة نخبة السودان سلام عليكي...


وبعدين ديل جزازير الزمن دا يا بت الناس قولي قبُلُهم


...


يا أبو رؤي
دُرة دي جديدة
كل الفواكه سمعنا بيها في المنتديات الا دُرة دي

وهسي الغنماية خبرا شنو؟
:15_8_212:

Abdelazim
11-03-2008, 06:27 PM
تعرف يا ابو القاسم عندي ليك شمار من النوع ابو لستك
بت اخوي مشت تجدد الكرت بتاع art عند وطواط
هي ومعاها صاحبتا لحدي هنا كويس ... المهم زولك أصر وألح انو يجيب ليهم بارد
تخيل يا عادل زولك مشي جاب ليهن علبتين بيبسي
واتضح انو مدة صلاحية البيبسي منتهية
عليك الله هسي دا يعملو ليهو شنو

2ta
11-03-2008, 07:00 PM
طبعا يا عبد العظيم انت عارف الفـــرّاشة الفي الأستاد ديل بيبعوا كمان شنو؟
بيبيعوا سم الفار وجبكسين الصراصير
اها جبكسين الصراصير دا موقف السوق لي ناس توتا
تتزكر لما قلت ليك توتا دي بتبيع الصراصير لي طلبة كلية العلوم
الزولة دي جات عشان تشتري اكبر كمية بتاعة جبكسين عشان من مصلحتها الصراصير دي تعيش
ياخ اقول ليك الصرصار بيتباع في الكلية بي خمسة الف
دا صرصار ولا ساندوتش بيرقر؟
وطالما توتا فتتني انا كمان كلمة الحق دي بقولها بقولها
لقيت ليك توتا خامة ليها كيس صراصير ومارقة من حمامات السوق العربي... لا حولا
ياخ قعد ناكل...ياخ....
اوعععععععععععععععععععععععععععععععع
اتزكرت ريحتها كانت عاملة كيف...
عووووووووووووووووووووع ما قادر احكي خلاص

احم...احم
الواحد بس يغيب يلى الناس خاضت في سيرتو؟!!1
وتكضب فيني يا وطواط؟!!!
اكبر دليل على كضبك انو انا عندي انتمو فوبيا(فوبيا الحشرات)!!!
خلاص انا حاطر احكي الحقيقه
اصلا زمان لمن جيت في سنه اولى جامعه
كان معاي اخوي العرفني على وطواط
ولمن جا يسافر قام وصى وطواط علي
الزمن داك وطواط كان شغال في المنهولات والبالوعات الفي السوق العربي
وكان بينظم سكن الصراصير هناك
اي صرصورايا ما تدفع الاجار بيقوم ياخد اولادها عبيد
ويوافق ليهم بي السكن ساي
فقال لي انا مدام اخوكي وصاني عليكي ما حاقصر
انا ببيع ليكي الصرصورايا بي 500 جنيه وانت تبيعيها في درس التشريح بي 1000 جنيه
وانحنا اصلا ما بنستخدم حشرات على الاطلاق!!!
فبي الخلعه قعدت ابكي واشتكيتو لي عمو حسن وطواط
وبي سببي اخد علقه ساخنه منو
واتحرم من الشغل الكان بيعشقو ويعشق ريحتو
فقال لي كويس انا ما حارحمك
وحاكضب فيكي واشيل حالك
الوقت الفات دا كلو انا كنت ساكته احتراما لي اخوي العرفني بيو
لكن.....
طفح الكيل...طفح الكيل

وطواط
11-03-2008, 07:51 PM
احم...احم


طفح الكيل...طفح الكيل


شفتوا؟
احم احم...
وطفح..
ما قلت ليكم..!!!
دي حركات الحمامات كلها...!!!

وطواط
11-03-2008, 08:05 PM
تعرف يا ابو القاسم عندي ليك شمار من النوع ابو لستك
بت اخوي مشت تجدد الكرت بتاع art عند وطواط
هي ومعاها صاحبتا لحدي هنا كويس ... المهم زولك أصر وألح انو يجيب ليهم بارد
تخيل يا عادل زولك مشي جاب ليهن علبتين بيبسي
واتضح انو مدة صلاحية البيبسي منتهية
عليك الله هسي دا يعملو ليهو شنو
هو زاتو انا يا عظمة البيبسي دا انا جبتو كتذكار
عارفكم عيلة لسانها سليط
بعدين بت اخوك بتاعة ملح
اسي هي في اجازة في زول شافها حايمة في منتدي؟؟؟
عشان بتخش نت من محل الشغل
تحبوا الميتات زي عيونكم..

بنونة بت المك
11-04-2008, 06:17 AM
اهلا وسهلا يا توتة وين انتي مسجلة غياب

سمير الروح
11-04-2008, 07:34 AM
يا جماعة وطواط دا اصلو ما بينستر والا شنو؟
الزول دا دايما محرجنا

ابراهيم العمده
11-04-2008, 09:34 AM
توتة حمد الله علي سلامتك
ويا عبد العظيم بطل اللخبطة
والشهادة لله وطواط لمن مشيت ليهو
جاب بيبسي مدة قاااااعدة ما أنتهت
وياوطواط قلت لي إحم إحم وطفح

عادل القاسم
11-04-2008, 09:59 PM
ياشباب انا السمعتو انو توتا كانت مسجلة غياب عشان كانت ضامنة بيه وطواط لمن مسكوه كشة بتاعة الكروت (ودي طبعا ماسمعتو بيها) ده موضوع تاني... الاستاذة لانو فيها الشهامة السودانية ولانو صاحب اخوها السافر شالت الكمبيوتر بتاعها وختتو ضمان عشان وطواط يطلع افراج....
ده الموضوع السمعناهو من عمك ود البصير سخسيا..
ياخي معليش ياما الدنيا تعلمك... ومن هنا انا بقترح بانو وطواط هذا مايكون ليه اي منصب في الاكاديمية الرياضية... منو البثني معايا...

علوب عبدالشكور
11-05-2008, 07:19 AM
انا بختلف معاك يا عادل القاسم
وطواط دا ثقة بس الناس دي مفترية ساكت

بنونة بت المك
11-05-2008, 04:39 PM
انا بختلف معاك يا عادل القاسم
وطواط دا ثقة بس الناس دي مفترية ساكت



اصلك ما تشكر لي وطواط كفاية العملا في ريسيفرنا

2ta
11-05-2008, 06:59 PM
ياشباب انا السمعتو انو توتا كانت مسجلة غياب عشان كانت ضامنة بيه وطواط لمن مسكوه كشة بتاعة الكروت (ودي طبعا ماسمعتو بيها) ده موضوع تاني... الاستاذة لانو فيها الشهامة السودانية ولانو صاحب اخوها السافر شالت الكمبيوتر بتاعها وختتو ضمان عشان وطواط يطلع افراج....
ده الموضوع السمعناهو من عمك ود البصير سخسيا..
ياخي معليش ياما الدنيا تعلمك... ومن هنا انا بقترح بانو وطواط هذا مايكون ليه اي منصب في الاكاديمية الرياضية... منو البثني معايا...

تسلم لي انت يا اخو البنات!!!
وانا بثني طوالي
وانت يا علوب بس افضى ليك!!!
ان شاء الله وطواط يضوي ليك!!!

2ta
11-05-2008, 07:10 PM
اهلا وسهلا يا توتة وين انتي مسجلة غياب

اهلين بن بن يا سكره
والله مشتاقه ليكي موووووت

fasterman
11-05-2008, 08:22 PM
ازيكم يا ناس الدكان ماء شاء الله شكلها شماراتكم تلخم
اخوكم شماراتي كبييييييييييير

أم مصطفي
11-07-2008, 08:04 AM
سلام ياتوته مشتاقين لي طلتك
ما تغيبي علينا المنتدي فاقدك

عادل القاسم
11-08-2008, 07:16 PM
السمعناهو قالو ود العمدة ووطواط بشترو في الملابس حقت العرس بتاع ود العمدة... وقالو وطواط برضو ممكن عرسو يكون في نفس يوم ود العمدة.. وكمان عادل الخضر قال ليهم انا ياشباب معاكم ونعملها كلنا في يوم واحد.. وده طبعا بعد ماسمعوا انو في المنتدي فنان جديد معانا...

وطواط
11-09-2008, 04:31 PM
السمعناهو قالو ود العمدة ووطواط بشترو في الملابس حقت العرس بتاع ود العمدة... وقالو وطواط برضو ممكن عرسو يكون في نفس يوم ود العمدة.. وكمان عادل الخضر قال ليهم انا ياشباب معاكم ونعملها كلنا في يوم واحد.. وده طبعا بعد ماسمعوا انو في المنتدي فنان جديد معانا...
انت قصدك ياتو عرس؟؟؟
نحن بنلملم في قروش دايرين نشتري رواية عرس الزين
كان لمينا حق الرواية ممكن نلم لينا شيرنق انا وعادل نجيب عروس واحدة بالأقصاط
دا كان لمينا حق الرواية
انت البغني في المنتدى نعلو كورينا
انا سامعو اليوم داك بغني في حمام المنتدى
انا ما سمعتو لاكين كلمتني توتا
غايتو الركيزة وقعت
والصراصير جاها حرقان

عادل القاسم
11-09-2008, 07:27 PM
ياخي انا سمعت غير كده قالو كورينا راجل صوتو جميل وبغني اغاني جميلة من اغاني الحقيبة ... ما ذي عمك عبدالعظيم قالو لمن يغني كل الموجودين في البيت بيطلعو يسيبو البيت.. زمن نهي.. لكن شايف ود العمدة باقي عليه..

بنونة بت المك
11-10-2008, 06:21 AM
غايتو علي حد علمي انو عبدالعظيم وكورينا ما بيعرفو يغنو
ويا ود العمد كان معتمد عليهم واطاتك صبحت
احسن تجيبو مدير عادل القاسم

عادل القاسم
11-11-2008, 01:05 PM
كان بقت علي مديري مامشكلة بجيبو ليكم بس من هسة العرسان بجيبهم بركشتي من الكوفير.... وبصراحة انا مفلس وعاوز قروش (اكلو اخوان واتحاسبو تجار)...

ام احمد
11-12-2008, 09:57 PM
كان بقت علي مديري مامشكلة بجيبو ليكم بس من هسة العرسان بجيبهم بركشتي من الكوفير.... وبصراحة انا مفلس وعاوز قروش (اكلو اخوان واتحاسبو تجار)...

اجي يابو القاسم عادبالغته انت كمان داير تشيل قروش من ود العمدة الراجل عريس مفروض انتو تدوا في يدوا ماتشيلوا منو اجي الفلس قام بيك

ود القلعه
11-13-2008, 12:58 AM
سلام عليكم ناس الشمارات بالله الواحد جاء داخل عليكم من برا يعطص تقول داخل دكان بهارات :7_5_138:جاتني جيوب انفيه عديل
انا طبعا عندي شمار جديد لنج بس في الدق والغربله باقي ما بعرف شماري كان ما دقيتوا في فندق الحديد وغربلتوا با غربال السلك ما بجيبو ليكم الشمار البتسحين
باسحانت الخلاطه دا ما بضوق ليه طعم في الفول راجع ليكم وتاني ومعاي شمار اخوي ود العمده

Abdelazim
11-13-2008, 11:34 AM
سلام عليكم ناس الشمارات بالله الواحد جاء داخل عليكم من برا يعطص تقول داخل دكان بهارات :7_5_138:جاتني جيوب انفيه عديل
انا طبعا عندي شمار جديد لنج بس في الدق والغربله باقي ما بعرف شماري كان ما دقيتوا في فندق الحديد وغربلتوا با غربال السلك ما بجيبو ليكم الشمار البتسحين
باسحانت الخلاطه دا ما بضوق ليه طعم في الفول راجع ليكم وتاني ومعاي شمار اخوي ود العمده


ود القلعة جيدن جيت
ووالله نحن منتظرين شمارك الدقاق بي فارغ الصبر

ود شمبات
11-13-2008, 05:41 PM
يا حماعة آخر الشمارات قالو ................

ود القلعه
11-14-2008, 09:54 AM
هو يا ناس اسي يعني خلاص البسمعكم يقول العقد انتهاء والمشكله في الفنان هي كان علي الفنان انا بجيب ليكم ندي القلعه وعشه ام بعيبش وعوضيه قلق
ديل كمان للقعود بتاع العروس والعريس فنانوا انا ذاتي طبعا صوتي ماشاءالله مبالغه
لكن يا ناس انا السمعتوا قالوا ود العمده معتمد علي بلح العقد يجي من الشماليه والسنه دي الزراعه ما جابت حقها
وذي ما قالت ام احمد بدل نشيل منو قروش انا بشوف نعمل صندوق واول صرفه نديها للعرسان رايك شنو يا ام احمد مش منطق

Abdelazim
11-14-2008, 12:47 PM
يا حماعة آخر الشمارات قالو ................


قـالـو شـنـو؟

عادل القاسم
11-15-2008, 06:22 PM
عمو النيو لوك ده شنو... شايفين في الاهداءات (نيولوك عمو عبدالعظيم)؟؟؟
وله الكلام السمعناهو ده صاح.. قالو حالق حلاقة من النوع الجديد.. وبنطلون الجنز وحاجات غريبة..
الكلام ده سمعتو من العذابة..
ارجوك عاوزين تفسير وبسرعة!!!

Abdelazim
11-15-2008, 06:28 PM
والله يا أبو القاسم كل الحكاية إني حلقت راسي نمرة اتنين ومصطفي برضو يعني نظام الود وأبوه وكدا.
عمك جزازي شاف الحلاقة وكتب الاهداء انا أعمل شنو؟
بجهز في نفسي عشان أشتغل ليك في الركشة ...

أم مصطفي
11-15-2008, 09:24 PM
اقول ليك يا ود القاسم النيو لوك دي بيني وبينك ما في زول اعرف
امس رسلته السوق وما جاب كل الحاجات قمتا ليك علي بي مكنة الكهرباء وعملتا لي سرابات في شعره
تخريمه: عامل فيها حالق نمره2
اها رايك شنو

2ta
11-15-2008, 10:28 PM
عفيت منك يا ام مصطفى!!!
وانت ياابو مصطفى والله ما رضيتها ليك!!
بس عشان تكون عظه وعبره للغير
والجاتك في شعرك سامحتك!!!
بس احتمال كبير شعرك يتخلع ما يقوم!!!!

Rahal
11-16-2008, 08:23 AM
اقول ليك يا ود القاسم النيو لوك دي بيني وبينك ما في زول اعرف
امس رسلته السوق وما جاب كل الحاجات قمتا ليك علي بي مكنة الكهرباء وعملتا لي سرابات في شعره
تخريمه: عامل فيها حالق نمره2
اها رايك شنو

ام مصطفي اولا حمدا لله علي السلامه بس الكلام دا كان قبل صلاة الجمعه ول بعدها؟؟؟

Abdelazim
11-16-2008, 10:40 AM
ام مصطفي اولا حمدا لله علي السلامه بس الكلام دا كان قبل صلاة الجمعه ول بعدها؟؟؟


الحمد لله انك كنت شاهد يا أبو محمد

yosra
11-16-2008, 11:47 AM
ياخوانا وطواط دا نعمل ليهو شنو
كل يوم كضبة جديدة
الببسي مدتو منتهية دي مافيها كلام
والقصة الأصلية ان بتاع الدكان جارو نحنا سامعنو وهو بتكلم معاهو،،،،،
داير منو قروش وعندو حساب شهرين ما دافعو فقال ليهو ما بديك بارد،،،،
هو اتحرج مننا وقال لي بتاع الدكان اديني اي شي،،،
بتاع الدكان طوااااااااااااالي اداهو الببسي المدتو منتهية،،،
انا وصحبتي عرفناهو قلنا ليهو اننا مابنقدر نشربو وعشان ما يزعل شلناهو في الشنطة،،،،
واول سبت وسخ جنبنا رمينا فيهو:36_13_13:

yosra
11-16-2008, 11:49 AM
بالمناسبة اي زول بقيف مع وطواط اكيد عندو معاهو مصلحة

بنونة بت المك
11-16-2008, 04:38 PM
اقول ليك يا ود القاسم النيو لوك دي بيني وبينك ما في زول اعرف
امس رسلته السوق وما جاب كل الحاجات قمتا ليك علي بي مكنة الكهرباء وعملتا لي سرابات في شعره
تخريمه: عامل فيها حالق نمره2
اها رايك شنو



انتي نسيتي والا شنو مش قتي ابا يغسل العدة برضو

الحفيان
11-16-2008, 04:49 PM
بالمناسبة اي زول بقيف مع وطواط اكيد عندو معاهو مصلحة


وطواط دا احسن ليكن تبعدو منو
الزول دا فردتي

سمير الروح
11-16-2008, 05:09 PM
ازيكم يا ناس الدكان ماء شاء الله شكلها شماراتكم تلخم
اخوكم شماراتي كبييييييييييير

شماراتي كبير ولي هسا ما سمعنا منك ولا شماراية

Abdelazim
11-16-2008, 07:38 PM
الليلة جيتكم بي شمار عادل القاسم
ضربت ليه الليلة اشوفو مالو مطول من المنتدي
يا زول اسمع ليك صوت القاسم وياسمين وروعة جايطين جوطة شديدة
المهم بعد شوية روعة مسكت التلفون وقالت لي امي مرقت مشوار وخلتنا مع بابا
هسي ياسمين عاملة وعاوزين ناكل وبابا عمل لينا اكل حجار بس
وعادل القاسم حالف بي ركشتو انو الكلام دا ما حصل

عادل القاسم
11-16-2008, 07:45 PM
يعني الواحد مايحكي ليك حاجة...
بعدين انا عملت الحاجات دي علي حسب التعليمات منها..

وطواط
11-17-2008, 06:33 PM
ياخوانا وطواط دا نعمل ليهو شنو
كل يوم كضبة جديدة
الببسي مدتو منتهية دي مافيها كلام
والقصة الأصلية ان بتاع الدكان جارو نحنا سامعنو وهو بتكلم معاهو،،،،،
داير منو قروش وعندو حساب شهرين ما دافعو فقال ليهو ما بديك بارد،،،،
هو اتحرج مننا وقال لي بتاع الدكان اديني اي شي،،،
بتاع الدكان طوااااااااااااالي اداهو الببسي المدتو منتهية،،،
انا وصحبتي عرفناهو قلنا ليهو اننا مابنقدر نشربو وعشان ما يزعل شلناهو في الشنطة،،،،
واول سبت وسخ جنبنا رمينا فيهو:36_13_13:
يسرا يا بتاعة الزلابية
في زول يجي محل بيتزا يطلب زلابية؟؟؟؟
الزولة دي لاقيتها في محل البتزا الجمبنا قالت دايرة زلابية وصفت ليها محل ادروب بتاع اللقيمات
بعدين تعالي هنا...
بيبسي شنو الضارب ؟؟
انت موش كركعتي القزازة كلها وبعدها اتكرعتي لينا في المحل خليتي ريحتو دمعة دمعة؟؟؟
البت دي مزلوعة خلاص
ياخ دي الوحيدة الفي بيتهم ضعيفة
دا يكون من اكل الميتات
تحبي العزايم زي عيونك

عادل القاسم
11-18-2008, 09:34 AM
يعني يسرا تمشي محل البيتزا وتطلب زلابية... وعمها عبدالعظيم بالنيولوك الجديد... وود العمدة عريس.. وانا اعمل عملية عشان حشرة عضتني... والاستاذ وطواط كل يوم يقولو عليه ما عزمهم بيبسي ولمن يجيب ليهم البيبسي يقولو مدتو منتهية!!....
السؤال ركشتي ممكن تجيب كم في السوق؟..
اسئلة لابد من طرحها في مجلس شورى المنتدي؟؟؟

أم مصطفي
11-18-2008, 12:16 PM
وطواط دا احسن ليكن تبعدو منو
الزول دا فردتي
هو انتا الحفيان اكون فردتك كيف يعني فهمنا

ابراهيم العمده
11-18-2008, 03:13 PM
ياشباب وطواط ماقصر معانا في السوق لانو بعرف الأصلي من المضروب
وحتي الريحة والمامتذكر إسمها دي شنو زاتو بعرفا
وكان داير يدفع الشيرنق حلفت عليهو يخلي للرواية
أها وود الخدر كان داير يأجر لي تاكسي
قلت أبو القاسم حالف طلاق علا نمش بي ركشتو
المهم اليوم داك عدا بي سلام والحد لله

عادل القاسم
11-18-2008, 05:29 PM
انا ماحلفت ولا حاجة بس وطواط قال ليا بدفع ليك وانا لازلت منتظر حق التوصيل..
اكلو اخوان واتحاسبوا تجار..

Abdelazim
11-19-2008, 07:20 AM
انا ماحلفت ولا حاجة بس وطواط قال ليا بدفع ليك وانا لازلت منتظر حق التوصيل..
اكلو اخوان واتحاسبوا تجار..



كيف ما حلفت ؟ حلفت والله وانا شاهد بي اضاني
تتذكر لما وطواط ضرب لي تلفون وانت كلمتني
انت يا ود القاسم كان خرفت كلمنا ما تخجل

ساداتكو
11-19-2008, 08:08 AM
...

اها يا ناس خبر ود العمدة شنو؟

قال العرس جايب ياتو فنان في المداحين

...

كدي امشي اشوف الولية دي بتكورك خبارا واجيكم تاني


...

أم مصطفي
11-19-2008, 09:57 AM
يا ود القاسم انتا عارف ابو مصطفي هو الخرف وكان راجي ليك قروش من وطواط وطاطك صبحت
العوض عند الله

عادل القاسم
11-19-2008, 10:39 AM
يعني نقول الحمدلله العملوهو فيه ناس الضرايب!!!
الله يعوضني في قروشي... لكن ياود العمدة كمان اقول ليك الحقيقة..
الحاجات الاشتريتها دي هدية جاية لوطواط وقال ابيعها ليك واتفق مع الراجل المشيتو اشتريتو منو الحاجات دي يعني باعها ليك النص بالنص واسأل يسرا وبت المك وام مصطفي وام احمد وتوتا وباقي السيدات الفاضلات.. بس انا ما قلت ليك حاجة..
اوكي عشان ود العمدة ده صاحبي... ووطواط وعمو عبدالعظيم صحباني كمان..

بنونة بت المك
11-20-2008, 06:54 AM
انا شاهدة علي كلام عادل القاسم يا ود العمدة

ابراهيم العمده
11-20-2008, 07:50 AM
انا شاهدة علي كلام عادل القاسم يا ود العمدة

يخسييييييييييييييييي ياوطواط والله ماكان العشم

Abdelazim
11-20-2008, 08:57 AM
وطواط اليومين ديل مدروش درشة شديدة مع الشغل الجديد
وام وطواط امس قالت لي وطواط بقي ينوم من المغرب
وقالت لي مشلهت شلهتة شديدة وبيصحي من الفجر
وقررررب يتغير من وطواط لي زول عادي

ابراهيم العمده
11-20-2008, 10:41 AM
وطواط اليومين ديل مدروش درشة شديدة مع الشغل الجديد
وام وطواط امس قالت لي وطواط بقي ينوم من المغرب
وقالت لي مشلهت شلهتة شديدة وبيصحي من الفجر
وقررررب يتغير من وطواط لي زول عادي

تهانينا للعزيز وطواط
ونتمني له من أعماق قلوبنا التوفيق والسداد
وإنشاء الله الشغل مبروك

Abdelazim
11-20-2008, 05:21 PM
نتوقع حضور مكثف لوطواط يومي الجمعة والسبت

عادل القاسم
11-20-2008, 05:30 PM
انا عارفو اشتغل وين.... بس الكلام ده سر ...
ربنا يوفقو ويزلل ليه كل العقبات امامه..
وياحبة بالمساء ذي ما اتفقنا تجي تسوق الركشة..

Abdelazim
11-20-2008, 05:39 PM
يا فردة جيت حسب الإتفاق أسوق الركشة
لكن لقيت ود العمدة طلع بيها قال ماشي يقابل الحنان

ابراهيم العمده
11-21-2008, 07:58 AM
الحنان الزي حنانو قولو لي وين مكانو

ومنتظرين وطواط اليوم وبكره

عادل القاسم
11-22-2008, 02:22 PM
المفاجاءة انو وطواط قالو اختاروه كورس مع فنان من الشباب ديل مابتزكر اسمو لكن قالو ليه صوتك جميل.. وتعال شيل معانا.. والايام دي شغال معاهم عشان يحفظ يقول شنو.. الكلام ده من مصادر موثوق بها .. بس سر ماتكلمو زول...
وقال كمان عاوز يصاحب الفنان عشان يجيبو يغني في عرس ود العمدة.. احييك ياوطواط.. لكن الحقيقة السمعتها بعد داك... مافي داعي... قالو شال من ود العمدة جهاز كمبيوتر قال ليه اصلحو ليك وبعد داك خربو وقال لود العمدة خلاص الفنان علي....
الكلام ده قالتو ليا سارة بت خشم البنات..

ساداتكو
11-22-2008, 02:29 PM
المفاجاءة انو وطواط قالو اختاروه كورس مع فنان من الشباب ديل مابتزكر اسمو لكن قالو ليه صوتك جميل.. وتعال شيل معانا.. والايام دي شغال معاهم عشان يحفظ يقول شنو.. الكلام ده من مصادر موثوق بها .. بس سر ماتكلمو زول...
وقال كمان عاوز يصاحب الفنان عشان يجيبو يغني في عرس ود العمدة.. احييك ياوطواط.. لكن الحقيقة السمعتها بعد داك... مافي داعي... قالو شال من ود العمدة جهاز كمبيوتر قال ليه اصلحو ليك وبعد داك خربو وقال لود العمدة خلاص الفنان علي....
الكلام ده قالتو ليا سارة بت خشم البنات..

...

يا جنا حديثك بالحيل فيه شمارات جديدة علينا علا بس ود ا لعمدة يجي ونسعلوا من الفنان بقى علي منو فيهُن

...

Abdelazim
11-22-2008, 05:10 PM
انتو سارة بت خشم البنات دي مني؟
أوعي تكون بت السمكة خشم البنات؟
:23_33_7:

ابوشهدولينا
11-23-2008, 03:47 PM
ماتقولو لينا عندكم شمار حار بجاي..
افضي ليكم من بكرة انا معاكم .. عشان كلو زول يقول الحقيقة في ود البصير...

ابراهيم العمده
11-24-2008, 11:55 AM
ماتقولو لينا عندكم شمار حار بجاي..
افضي ليكم من بكرة انا معاكم .. عشان كلو زول يقول الحقيقة في ود البصير...

إتا يا أبو البتين النضم لو مادخلوا فوقوا فنانين ماك كنت جايينا ؟؟؟

عادل القاسم
11-24-2008, 12:58 PM
عندي قصيدة جديدة واخونا الفنان (ابوشهد ولينا) قال عاوز يغنيها...
بس ماعاوز يدفع حقها وقال ليا بدفع ليك بالاقساط. ... انصفونا ياناس ود البصير..
في قصيدة الايام دي بالاقصاد... يعني كلو شهر اسلمو بيت منها ولغاية مايكمل قروشو كلها.... راي الادارة في ود البصير شنو...؟؟؟؟

Abdelazim
11-24-2008, 01:12 PM
والله يا عادل يا أخوي الزول دا بتاع شِبك أحسن تديو ليها بالتقسيط
الزول دا كان ختا عينو علي القصيدة وما اديتا ليه بيرفك من الشغل

الكامل ادم جقلاب
11-24-2008, 02:28 PM
يللا يا حبايب مدوا لي صندوق بارد "ما عشان اشربوا"عشان اقعد فيهوا ونشوف اخر شماراتكم ....
حتخلوني ملطوع كدا لمتين يعني ؟
وبعدين انا بالطريقه دي حامص دمكم كلو ...
سرييييييييييييييييع..

ساداتكو
11-24-2008, 03:11 PM
هوي سلام عليكم يا عجايز؟...

ويا الزعيم حمدلله على سلامتك الجيت بي هدومك والمرة دي اسمك سمح بالحيل من الفات

واخونا التاني برضو اسمو بالحيل موزون المرة دي...

اها يا ناس اخونا ميقن اخبارو شنو اول امس شايفو حايم كايس ليه فردة نعال رايحة منو في الجامع

...

ابراهيم العمده
11-26-2008, 10:26 PM
يا أخوانا خلاص الضحية جات وخلصَّت الشمارات ولاشنو؟؟؟

ود الصراف
11-27-2008, 12:25 AM
نتوقع حضور مكثف لوطواط يومي الجمعة والسبت

كان معكم في النشره الجويه ابو مصطفي

Abdelazim
11-27-2008, 11:16 AM
كان معكم في النشره الجويه ابو مصطفي



انت ما تقول لي الجـاك عديـل وتبطل اللولوة

الكامل ادم جقلاب
11-27-2008, 12:22 PM
هوي سلام عليكم يا عجايز؟...

ويا الزعيم حمدلله على سلامتك الجيت بي هدومك والمرة دي اسمك سمح بالحيل من الفات

واخونا التاني برضو اسمو بالحيل موزون المرة دي...

اها يا ناس اخونا ميقن اخبارو شنو اول امس شايفو حايم كايس ليه فردة نعال رايحة منو في الجامع

...

؟؟؟؟؟؟؟؟؟؟؟؟؟؟؟؟؟؟؟؟؟؟
ما فهمت حاجه ...
هو شنو هو الاسمي سمح المره دي و المره الفاتت ....؟
انا بعرفك من وين يا زول ....؟
ويتواصل مسلسل محاولات التلصق من جانب "نخبة السودان "في سعادة الزعيم ....

ساداتكو
11-27-2008, 03:12 PM
؟؟؟؟؟؟؟؟؟؟؟؟؟؟؟؟؟؟؟؟؟؟
ما فهمت حاجه ...
هو شنو هو الاسمي سمح المره دي و المره الفاتت ....؟
انا بعرفك من وين يا زول ....؟
ويتواصل مسلسل محاولات التلصق من جانب "نخبة السودان "في سعادة الزعيم ....

...

ما تزعل يا زعيم انت بس...

وبعدين انت ما تشيل فيها حاجة كبيرة لانو بس شبهنا عراقيك اللابسو دا بي عراقي بتاع واحد كدي لاقانا في حتة تانية قبل المنطقة دي...

ودحين نضاراتك السمحات ديك وديتن وين؟؟؟

واكان لي التلصق يا اخوي ما اتلصقنا عشان دايرين حاجة بي قروشنا وبناخد من الدكان دا بي حقنا واكان ما عندنا بنشخت في الحيطة الفحم المجدع راااااااااااااقد ومجان بس تمشي تحت القدرة...
وباقي ليك شرف هو اكان الواحد حصل ليه البتقول فيه دا؟؟؟

...

عالم زي ناس بوابة الخليج

بنونة بت المك
11-27-2008, 05:06 PM
والله يا جماعة ام احمد دي منقطعة ليها مدة طويلة انا خايفا يكون زودها قطع منها الانترنت عشان ما تخش هنا وبيت العزابة

وطواط
11-27-2008, 05:12 PM
هوي...
الشمار الجد جد
انو الشغل حقي الجديد جيران نسابة ود العمدة
اليومين ديل بتاوق ليهم شغالين جير

ود شمبات
11-27-2008, 05:27 PM
هوي...
الشمار الجد جد
انو الشغل حقي الجديد جيران نسابة ود العمدة
اليومين ديل بتاوق ليهم شغالين جير



دا الشمار والا بلاش
مبروك يا ود العمدة

الحفيان
11-27-2008, 06:02 PM
ام احمد قالو راقدة في المستشفي
قالو ابو احمد داقيها

Abdelazim
11-27-2008, 07:51 PM
ام احمد قالو راقدة في المستشفي
قالو ابو احمد داقيها


يا الزول الما بيلبس نعلات بطل الاشاعات

Abdelazim
11-27-2008, 07:53 PM
يا ابو القاسم الليلة وطواط ظهر وجانا بي شمار ناس العرس
وشمار وطواط ذاتو انت ما اظنك عارفو
تعرف زولك مشي محل شغلو القديم وخش النت ملح

Abdelazim
11-27-2008, 07:56 PM
يا عادل الخضر عندي ليك شمار عن وطواط
الليلة ناس الـ art السودان اتصلو علي وقالو لي كرتك مضروب
وح نلغيو ليك
اها قمت لاقيت وطواط في المسنجر وعمل لي مجنون
وقال لي ذات الشامة اتعلمت الشغل وما عندك مشكلة ح تزبط ليك الكرت
اها هسي انا قاعد في البيت خشمي ملح وتلفزيوني بقي زي الخرطوم بالليل
ولحدي هسي ما عارف اعمل شنو
عليك الله شوف لي صرفة مع زولك دا

عادل الخضر
11-27-2008, 08:58 PM
يا عادل الخضر عندي ليك شمار عن وطواط
الليلة ناس الـ art السودان اتصلو علي وقالو لي كرتك مضروب
وح نلغيو ليك
اها قمت لاقيت وطواط في المسنجر وعمل لي مجنون
وقال لي ذات الشامة اتعلمت الشغل وما عندك مشكلة ح تزبط ليك الكرت
اها هسي انا قاعد في البيت خشمي ملح وتلفزيوني بقي زي الخرطوم بالليل
ولحدي هسي ما عارف اعمل شنو
عليك الله شوف لي صرفة مع زولك دا



يا عمو بطل إشاعات في صاحبي دا ،،،

الراجل نزيه وبخاف الله ما تسوي ليه سمعة ساي

وقالوا الما بتلحقو جدعو ....

ثم ثانياً وطواط بقى مسعول كبير وما فاضي لي جنس الكلام دا

لو عندك أي كلام قول لي ،،، حالياً وطواط عندو مؤتمر صحفي في الهيلتون عن

دور الكهرباء في تنمية المجتع

عادل القاسم
11-28-2008, 12:07 AM
اها النزيدكم من الشعر بيت... ود العمدة ده الجير بتاعو لونو اخضر.. صاح..
الحكاية انو قال لوطواط جيبو ليا لونو ابيض... قالو لمن جات الكشة وطواط اتلخم وشال ا لجير الاخضر وجري ركب الكارو.. اولا عشان مايدفع قروش الجير وثانيا لانو كان شايل كمية كبيرة من الكروت...
بس الحمد لله ركشتي كانت بعيدة مافي المنطقة ديك...

ود القلعه
11-28-2008, 01:13 AM
ياعادل
كده انت الجير دا خلي اي لون بمشي في الزمن دا لكن الشمار المغربل هاك ليه عارف ود العمده مشي مع الشيله شفتا ذي الكلام دا في حياتك قبل كده عريس يمشي في شيلته
راكب البوكسي ومتحكر قدام مع السواق ويوصف في البيت ولمن وصل ينزل في الحاجات مع الجماعة غايتوا سمع عيني نسوان الحله قالن سجمنا دا عريس شنو الملقلق دا واحده شفتها با اضاني دي قالت دا يعني بجينا لابس بدله يوم قعود العروس اجي من ذي العرسان ديل اسي في داعي يا وطواط صاحبك يضيع حفيظتنا نحن الرجال كده مع الحريم عقل زولك دا يا الكليس

ابراهيم العمده
11-28-2008, 08:34 AM
أستغفر الله العظيم
هذا بُهتانٌ وإفكٌ مبين
وياود القلعة أحسن ليك سيب الكضب
ولا هسي بوري الناس ديل شمارااااتك كلها

ود القلعه
11-28-2008, 09:24 AM
أستغفر الله العظيم
هذا بُهتانٌ وإفكٌ مبين
وياود القلعة أحسن ليك سيب الكضب
ولا هسي بوري الناس ديل شمارااااتك كلها




ود العمده

يعني انا كضاب طيب عاوز اجيب ليك صورتك با البلتوث عشان تقتنع كلامك دا قولوا لا زول ما عندو موبايل فيه كميره يعدين طيب انا برسل صورتك وانت شايل شنطه الشيله في ايميل وطواط والكليس وابومصطفي ونعرف منو الكضاب اتفقنا ذي ما قالت ندي القلعه

ابراهيم العمده
11-28-2008, 03:15 PM
ود العمده

يعني انا كضاب طيب عاوز اجيب ليك صورتك با البلتوث عشان تقتنع كلامك دا قولوا لا زول ما عندو موبايل فيه كميره يعدين طيب انا برسل صورتك وانت شايل شنطه الشيله في ايميل وطواط والكليس وابومصطفي ونعرف منو الكضاب اتفقنا ذي ما قالت ندي القلعه
وياود القلعة أحسن ليك سيب الكضب
ولا هسي بوري الناس ديل شمارااااتك كلها
أحسن ليييييييك يازول فتح عويناتك

Abdelazim
11-28-2008, 05:29 PM
وياود القلعة أحسن ليك سيب الكضب
ولا هسي بوري الناس ديل شمارااااتك كلها
أحسن ليييييييك يازول فتح عويناتك


ياود العمدة سيب الراجل في حالو
خلي يطلع لينا المستور
انت ناسي انو دا بوست الشمارات؟

عادل القاسم
11-28-2008, 11:45 PM
ياود العمدة اول مرة نسمع لينا بعريس يمشي مع الشيلة....
لكن ياود القلعة ايمكن الناس فعلا مابعرفو بيت العروس وين عشان كده قال اوصف ليهم..
دي استشارتك انت ياعمو عبدالعظيم...

ود القلعه
11-29-2008, 08:37 AM
يا عادل
البيت ظاهر شديد الاعماء بيصل بعدين يا عادل طبعا العروس بت اختي طوالي ود حقيقه ما شمار وبيت اختي ظاهر بس زولك دا عمل ليه حركه في حركتين وبيني وبينك يكون في واحد اداهو الشورة المهببه دي وطواط اكيد يكون عاوز اضحك عليه وزولك راسو خفيف وزن الريشه وذي ما قلتا انت عبدالعظيم ليه الضلع الاكبر في الشغله دي



عبدالعظيم
دا خلي انا بجيب شماروا ما يهمك منو اصبر انت بس تسمع با شتن كتر

Abdelazim
11-29-2008, 08:37 AM
انت يا ود القاسم انا دخلي شنو في الكلام دا

ود القلعه
11-29-2008, 10:18 AM
انت يا ود القاسم انا دخلي شنو في الكلام دا


شنو يا عبد العظيم عملتا فيها ما بتعرف الراجل وانت صاحب الشوره الشمار الجانا انو ود العمده بسمع كلامك في اي شي المهم نحن موضوع الشيله دا خلينا منو حصل وخلاص
ما يجي حفله القعود لكن انا خائف يجي دق الريحه كمان

Abdelazim
11-29-2008, 10:24 AM
شنو يا عبد العظيم عملتا فيها ما بتعرف الراجل وانت صاحب الشوره الشمار الجانا انو ود العمده بسمع كلامك في اي شي المهم نحن موضوع الشيله دا خلينا منو حصل وخلاص
ما يجي حفله القعود لكن انا خائف يجي دق الريحه كمان


والله يا ود القلعة محنك محن
اي نعم ود العمده بيسمع كلامي
لكن دي والله ما شورتي
وانت وكت قمت علي السواطة
خليني النقول ليك دي نصيحة عادل الخضر ووطواط

الكامل ادم جقلاب
11-29-2008, 01:20 PM
...

ما تزعل يا زعيم انت بس...

وبعدين انت ما تشيل فيها حاجة كبيرة لانو بس شبهنا عراقيك اللابسو دا بي عراقي بتاع واحد كدي لاقانا في حتة تانية قبل المنطقة دي...

ودحين نضاراتك السمحات ديك وديتن وين؟؟؟

واكان لي التلصق يا اخوي ما اتلصقنا عشان دايرين حاجة بي قروشنا وبناخد من الدكان دا بي حقنا واكان ما عندنا بنشخت في الحيطة الفحم المجدع راااااااااااااقد ومجان بس تمشي تحت القدرة...
وباقي ليك شرف هو اكان الواحد حصل ليه البتقول فيه دا؟؟؟

...

عالم زي ناس بوابة الخليج

والله التلصق ما عشان القروش بس ....
وجاهات ساااااااكت كدا .....
وتاني حاجه انا علاقتي بالعراقيات دي زي علاقة هيثم مصطفى بالاخلاق ........

ساداتكو
11-29-2008, 04:27 PM
والله التلصق ما عشان القروش بس ....
وجاهات ساااااااكت كدا .....
وتاني حاجه انا علاقتي بالعراقيات دي زي علاقة هيثم مصطفى بالاخلاق ........


...

بس نعلك صدقت كلامك دا انت؟؟؟

...

Abdelazim
11-29-2008, 05:04 PM
...



بس نعلك صدقت كلامك دا انت؟؟؟



...



الله يجازيك يا أبو رؤي انا والله صدقت وابيت ارد

عادل القاسم
11-29-2008, 06:43 PM
سمعنا من حوة برسيم اخت شكيرا بت ناس حوش اضان الفيل... وديل جيران وطواط قالوا النسوان معسكرات جمب بيت ناس وطواط وبأسرهم قالوا شنو وطواط وعدهم بالحج النسة دي وقال ليهم بوديكم واها قالوا معسكرات وسمعنا تحت تحت قالوا ود العمدة العريس مشي يزور وطواط ماسكنو رهينة!!! وطواط مرة سكوه وهو جاري وبحلف ليهم انا ما وطواط انا اخوه التوم.... وبحلف ليهم...
الكلام ده سمعناه من الزبير ود ضنب التمساح...
ارجو التحقيق في هذا الموضوع لانو الركشة بتاعتي سايقها وطواط..
وبما انك ياعمو المدير العام ارجو افادتنا بادق التفاصيل...

:36_7_19::36_7_19::36_7_19:

Abdelazim
11-30-2008, 10:14 AM
والله يا أبو القاسم انا كلامك دا يطرشني ما سمعت بيه
لكن آخر شي سمعت بيه انو ود العمدة قال لي خطيبتو إنو ما ح يغسل العدة
وهسي المشاورات جارية بين ام العروس وام العمدة علي هذا الموضوع
غايتو الله يستر

ساداتكو
11-30-2008, 11:11 AM
والله يا أبو القاسم انا كلامك دا يطرشني ما سمعت بيه
لكن آخر شي سمعت بيه انو ود العمدة قال لي خطيبتو إنو ما ح يغسل العدة
وهسي المشاورات جارية بين ام العروس وام العمدة علي هذا الموضوع
غايتو الله يستر

...

وتحت تحت قالوا يمكن يعملوا تسوية بيناتهم ويعمل ليه تلاتة حلل بتاعات عدس في الاسبوع بي سلطة (وياربي اكان الزمن بقى مافيه سلطة خضراء العمل شنو؟)...

...

أم مصطفي
11-30-2008, 11:37 AM
هي يا ساداتكو وود القلعه مالكم علي الراجل دا
الراجل دا مسكين ح تخوفه انتو والمراة ما ممكن تبقه انت والزمن علي

ابراهيم العمده
11-30-2008, 02:19 PM
هي يا ساداتكو وود القلعه مالكم علي الراجل دا
الراجل دا مسكين ح تخوفه انتو والمراة ما ممكن تبقه انت والزمن علي

آآآآآآآآآآآي عقليهم يا أم مصطفي

ساداتكو
11-30-2008, 02:58 PM
آآآآآآآآآآآي عقليهم يا أم مصطفي



...

شايفك اتكيفت بالحيل لكن دا كلام جرايد يا اخوي نحنا وراك والزمن طويل

...

عادل القاسم
11-30-2008, 08:24 PM
انت ياعمو وطواط قاصد شنو بانك ماحاتلحقو... لاعبين سك سك وله شنو؟؟؟

الحفيان
12-01-2008, 07:22 AM
يا عادل القاسم وطواط يكون قاصد الما بتلحقو جدعو

ساداتكو
12-01-2008, 03:22 PM
...

يا ناس الشافلو خروف بيجي جا جاري بي جاي منو؟

اليومين دي بقت في صعلكة خرفان كمان

...

Abdelazim
12-01-2008, 04:22 PM
انت ياعمو وطواط قاصد شنو بانك ماحاتلحقو... لاعبين سك سك وله شنو؟؟؟


يا عادل يا صديقي الراجل قاصد انو مشتاق لي بالاكثر

عادل القاسم
12-02-2008, 09:47 PM
...



يا ناس الشافلو خروف بيجي جا جاري بي جاي منو؟


اليومين دي بقت في صعلكة خرفان كمان



...




اها الشمار الجديد قالو بعض الشباب في المنتدي الفي منطقة واحدة قالوا بسنو في سكاكينهم عشان عاوزين يطلعو العداد في العيد... الحمدلله ..
ونحن هنا لو ما البلدية كان الواحد طلع ليهو كمية من العدادات...
وبعدين ابوشهدولينا وعمو عبدالعظيم قالوا حايتشاركو الخروف...
بعد ماقالو ليا رسل لينا من قروش التبرعات بتاعت بطني المقدودة دي...
وطبعا انا رفضت لانو بعد ما اشتريت الخروف كمان اشتريت حبة حاجات للركشة... بالمناسبة الخروف ما جبتو بالركشة جيت جاريهو من سوق كرور... الحمدلله... وشايل الاربجي بيدي التانية...

Abdelazim
12-03-2008, 09:34 AM
اها الشمار الجديد قالو بعض الشباب في المنتدي الفي منطقة واحدة قالوا بسنو في سكاكينهم عشان عاوزين يطلعو العداد في العيد... الحمدلله ..
ونحن هنا لو ما البلدية كان الواحد طلع ليهو كمية من العدادات...
وبعدين ابوشهدولينا وعمو عبدالعظيم قالوا حايتشاركو الخروف...
بعد ماقالو ليا رسل لينا من قروش التبرعات بتاعت بطني المقدودة دي...
وطبعا انا رفضت لانو بعد ما اشتريت الخروف كمان اشتريت حبة حاجات للركشة... بالمناسبة الخروف ما جبتو بالركشة جيت جاريهو من سوق كرور... الحمدلله... وشايل الاربجي بيدي التانية...


والله يا أبو القاسم ما شاء الله عليك
الجماعة قالو شافوك ماشي في السوق زي ديجانقو
يد فيها الخروف ويد فيها أر بي جي
هسي الاخطبوط وانا امس اتفقنا نشتغل ضباحين
قلنا نطلع حق ضحيتنا من الضبيحة
تعرف هنا البهيمة بيضبحوها بمبلغ كبير جدا
وممكن بعد العيد نتشارك سوا نشتري لينا ركشة كمان

عادل القاسم
12-08-2008, 08:21 PM
ياعمو عاوز اقول ليك سر.. بس اوعدني ماتكلم زول...
ابوشهدولينا جاب الخروف وعامل لينا فيها خروف سوري خروف كبير وسمين وشابكنا انا من الكلاكلة ونحن بنعرف للخروفان ونعرف التني من ماتعرف داك شنو وانا وانا وانا.. قدانا قد.... وقال لينا اول يوم الضبيحة عندي...
اها شلنا العيال وجينا الصباح عشان نشوف الضبيحة وصاحبنا جاري الخروف... بالصدفة الخروف اسف الخروفة عاوزه تبول الساعة النشوف ليك البول الما عديل... طبعا اخوك مستني فرصة ومعايا كم واحد من الشباب المستني فرصة في ابوشهدولينا... وقلنا ليه ده نعجة يازول...
الزول... والله ما لاحظتة ليه...
اها ذي ده تعمل ليه شنو؟؟؟
بس اوعدني الموضوع ده يكون سر ياعمو...

ساداتكو
12-09-2008, 09:38 AM
ياعمو عاوز اقول ليك سر.. بس اوعدني ماتكلم زول...
ابوشهدولينا جاب الخروف وعامل لينا فيها خروف سوري خروف كبير وسمين وشابكنا انا من الكلاكلة ونحن بنعرف للخروفان ونعرف التني من ماتعرف داك شنو وانا وانا وانا.. قدانا قد.... وقال لينا اول يوم الضبيحة عندي...
اها شلنا العيال وجينا الصباح عشان نشوف الضبيحة وصاحبنا جاري الخروف... بالصدفة الخروف اسف الخروفة عاوزه تبول الساعة النشوف ليك البول الما عديل... طبعا اخوك مستني فرصة ومعايا كم واحد من الشباب المستني فرصة في ابوشهدولينا... وقلنا ليه ده نعجة يازول...
الزول... والله ما لاحظتة ليه...
اها ذي ده تعمل ليه شنو؟؟؟
بس اوعدني الموضوع ده يكون سر ياعمو...



...

ههه
الله يجازي محنك يا جنا انت هسي مالك ومال الفضايح

وبعدين هو اكان بعرف الخرفان بالجد يا حبوب كان يقوليك (النعجة لحما اكتر من الخروف ودهنا اكتر برضو) الودك يعني...

...

عادل القاسم
12-09-2008, 04:29 PM
ياساداتكو انت عارف المنتدي فاضي الايام دي ليه... الشباب وكما قال عمو عبدالعظيم... شغالين ضباحين...
وشوف بالله الحمدلله انا شغال بمزاج في العيد ده بالركشة وبرضو بجي اشارك في المنتدي... اها العيد بكمل.. والقروش بتكمل وبترجعوا.... وبنشوف..

ساداتكو
12-10-2008, 08:09 AM
ياساداتكو انت عارف المنتدي فاضي الايام دي ليه... الشباب وكما قال عمو عبدالعظيم... شغالين ضباحين...
وشوف بالله الحمدلله انا شغال بمزاج في العيد ده بالركشة وبرضو بجي اشارك في المنتدي... اها العيد بكمل.. والقروش بتكمل وبترجعوا.... وبنشوف..


...

يعني المعنى (بجي الخريف واللواري بتقيف)

...

Abdelazim
12-10-2008, 05:03 PM
ياعمو عاوز اقول ليك سر.. بس اوعدني ماتكلم زول...
ابوشهدولينا جاب الخروف وعامل لينا فيها خروف سوري خروف كبير وسمين وشابكنا انا من الكلاكلة ونحن بنعرف للخروفان ونعرف التني من ماتعرف داك شنو وانا وانا وانا.. قدانا قد.... وقال لينا اول يوم الضبيحة عندي...
اها شلنا العيال وجينا الصباح عشان نشوف الضبيحة وصاحبنا جاري الخروف... بالصدفة الخروف اسف الخروفة عاوزه تبول الساعة النشوف ليك البول الما عديل... طبعا اخوك مستني فرصة ومعايا كم واحد من الشباب المستني فرصة في ابوشهدولينا... وقلنا ليه ده نعجة يازول...
الزول... والله ما لاحظتة ليه...
اها ذي ده تعمل ليه شنو؟؟؟
بس اوعدني الموضوع ده يكون سر ياعمو...


بالله طلعت نعجة؟؟؟
عشان كدا ليو كم يوم ما جا المنتدي!!!
انت عارف اليوم الاشتري فيو البهيمة ضرب لي وقال لحمتك عندي
وقال لي كلمت رحال وود القاسم بي رحلة تالت يوم في العيد بمناسبة البهيمة وكدا
وطبعا يا عادل زولك قال لي اهلي جزارين وانا بعرف للبهايم
غايتو اليوم داك ورم فشفاشي
وبعد دا طلعت نعجة!!!

ساداتكو
12-11-2008, 02:51 PM
...

أها يا ناس اخباركُن شنو تاني؟

الفضّل ليهو ربيت منو؟ لأنو ود العمدة قال يسمّو في الضحية ما ضاقا لظروف طارئة

وبعدين بدور يتسدّى حقّو في اللحمة

...

Abdelazim
12-12-2008, 03:51 PM
ود العمدة ما قال مضحي مع امو
كيف يعني الكمونية ما ضاقا؟؟؟

عادل القاسم
12-12-2008, 06:31 PM
ياخي الراجل عريس تجيب ليه سيرة الكمونية....

Abdelazim
12-13-2008, 10:01 AM
ياخي الراجل عريس تجيب ليه سيرة الكمونية....


طيب المرارة كيف؟؟؟

عادل القاسم
12-13-2008, 05:30 PM
امكن اكل الخروف بالجنبة الشمال....

سمير الروح
12-13-2008, 05:45 PM
والله الخبر السمعناو قالو ابراهيم العمدة كان غاتس ليه في جردل شربوت هو ومعاو وطواط

عادل القاسم
12-13-2008, 06:14 PM
ودالعمدة اتاريهو ظهر الا وطواط حصلوه ما يكون غرق...

ساداتكو
12-14-2008, 03:10 PM
ودالعمدة اتاريهو ظهر الا وطواط حصلوه ما يكون غرق...




...

دا يا اخوي في بحور الشوق مسافر

...

ابراهيم العمده
12-14-2008, 04:58 PM
طيب المرارة كيف؟؟؟

أخير الكمونية إنتو يا أخوانا
العيد ده مافيهو غير أكل الواعين
بس ولاشنو وشارم كمان

وزي ماقال السادة مسافر وين كدة ماعارف

علوب عبدالشكور
12-14-2008, 05:22 PM
ودالعمدة اتاريهو ظهر الا وطواط حصلوه ما يكون غرق...



وطواط والله الظاهر غرقان لي اضنينو في الشربوت

عادل القاسم
12-17-2008, 08:55 PM
ياريتني غرقت معاكم ياود العمدة ووطواط....

عادل القاسم
12-18-2008, 07:10 PM
ياشباب اعلان بيع لركشتي خلاص وعامل مزاد علني البيع لاعلي سعر... وماعاوزين وسطاء... يعني عمو عبدالعظيم ووطواط يطلعو منها..

ساداتكو
12-19-2008, 08:40 AM
ياشباب اعلان بيع لركشتي خلاص وعامل مزاد علني البيع لاعلي سعر... وماعاوزين وسطاء... يعني عمو عبدالعظيم ووطواط يطلعو منها..


...

المشكلة ديل الناس العندهم كاش الوحيدين

اكان كدي ماك داير تبيعا سااااكت يا ابو الرجال

...

عادل القاسم
12-19-2008, 10:04 AM
عمك الايام دي مقرش .. الله يزيدو اتصل علي وقال ليا انا فزت بجائزة سيارة وباعها عملت معاه 75000 ريال وحتي قلت ليه رسل ليا منها 5000 الف قال ليا ان شاء الله وللحين انا منتظر... وسمعنا تحت تحت قالو رسل لوطواط عشان عاوزين يعملو معهد كمبيوتر... الله يزيدهم بس السؤال فجاءة عمو يقرر يفتح مشروع ضخم بهذا المستوى سؤال محير....!!!!؟؟؟؟
بس ياساداتكو الموضوع ده سر بيني وبينك عشان مايقيفو ليا في السوق ويرمو سعر ركشتي اوكي...

عادل القاسم
12-22-2008, 11:33 AM
ياشباب سمعنا ود العمدة ووطواط الايام دي محبوسين للعرس.... صحي الكلام ده ياعمو؟؟؟

ود شمبات
12-22-2008, 04:42 PM
ياشباب سمعنا ود العمدة ووطواط الايام دي محبوسين للعرس.... صحي الكلام ده ياعمو؟؟؟

ود العمدة محبوس لأنو عريس وطواط مالو؟
والا قصدك مسجونين؟؟؟؟

عادل القاسم
12-22-2008, 06:45 PM
حبسة العرس ياخوي الله لاجاب سجن....
قالو الحنة تلخم... والوزير وطواط..... قالو اي حاجة يعملها باستشارة وطواط....
ربنا يتم ليه علي خير..
وسمعنا كمان قالو الفنان وطواط...

Abdelazim
12-22-2008, 07:36 PM
حبسة العرس ياخوي الله لاجاب سجن....
قالو الحنة تلخم... والوزير وطواط..... قالو اي حاجة يعملها باستشارة وطواط....
ربنا يتم ليه علي خير..
وسمعنا كمان قالو الفنان وطواط...


وانا مستغرب من قبيل الجعارين الحايمة بي جاي ديل شنن
هو اتاريهو الفنان وطواط!!!!

عادل القاسم
12-24-2008, 03:42 PM
ياعسل.... قالو القليب حرق حرقوهو بالنار حرق.... ياناس ودالغرب
ود العمدة قال احسن حاجة انتقم للناس الكانو ماشين الحج ووطواط ركبهم الطيارة الماشة كادقلي... قال اجيبو يغني عشان ينتقم للجماعة...
وقالو السادة ماشي يحضر العرس بختك ياعم....
وكان لي انا.... الركشة بتاعتي ده موسم التزاوج بتاعها...

سمير الروح
12-24-2008, 04:22 PM
قالو وقلنا وقالو لي
ود العمدة خلاص جهز البيت وفي انتظار العروس

عادل القاسم
12-24-2008, 08:32 PM
الاخ سمير الروح.... معزوم العرس...
اصلو عرسنا.... ولمن تجينا بتلقانا نحن الضيوف وانتم اهل الدار..
ده عرس حبيبنا....
بس عمو عبدالعظيم ماحايجي .... لانو السهر مابنفع معاه... وانت عارف الناس الكبار... ديل ناس صفاح بس..

ساداتكو
12-25-2008, 08:00 AM
بس عمو عبدالعظيم ماحايجي .... لانو السهر مابنفع معاه... وانت عارف الناس الكبار... ديل ناس صفاح بس..

...


انا خايف عمكم دا يساهر تاني ما نشوفوا في المنتدى الا بعد اسبوع

...

الحفيان
12-25-2008, 04:47 PM
...


انا خايف عمكم دا يساهر تاني ما نشوفوا في المنتدى الا بعد اسبوع

...


عمكم قالو الاسبوع الفات ساهر يومين ما مشي الشغل

ساداتكو
12-26-2008, 09:06 AM
عمكم قالو الاسبوع الفات ساهر يومين ما مشي الشغل


دا الحديث البنقول فيه من اول امس العصر

...

عادل القاسم
12-26-2008, 11:39 AM
وامبارح عمكم ده مبسوط من غلب المريخ... بصراحة انا زاتو فرحت .. لانو الجماعة المريخاب ديل لسانهم طويل... وقالو موية المطرة..
هاك المطرة دي.. 7/4
طيب ماكان في داعي يسافرو اساسا... ويرسلو ليهم الاربعة دي للاردن والفريق الاردني يرسل ليهم كم شافع عشان يدرنو معاهم...
ياخي حكم والله.. خسارة قروش في الفارغة هسة ركشتي ما كان أولى.. كان اشتريت ليها 3 عجلات وكم زينة كده.. عشان الجكس وكده... وجبت حارس المرمي اشتغل فيها عمل ليه كم مشوار ما كان احسن بدل مايدخلو فيه سبعة...
ذي قصة الكاركاتير بتاع الدعيع (المنتخب السعودي) عندما انهزم في اول لقاء مع المانيا في كاس العالم..
قال للصحفيين انا وعدت الجمهور بانهم ما يسالوني من اول ثمانية اهداف؟؟؟؟
اها زولنا ده قال نفس الكلام ما يسألوه من اول سبعة اهداف...
اوكي ما حانسألك؟؟؟ عمو ماتسألو..

الحفيان
12-26-2008, 05:15 PM
عمو منو ويسأل شنو يا ابو القاسم والله المريخ حيرنا عديل

abuelgefari
01-03-2009, 07:52 AM
مرقتا قاصد دكان ود البصير عشان آخد لي حبات ام تكشو و سمعت ليك مدام باتريك و مدموزيل جون مارك قالن انو رشيدة داتي امينة سر الدولة و وزيرة العدل الفرنسية حامل
قلت ياربي دا خبر شنو؟ المرأة دي ما متزوجة .... اللهم احفظ بناتنا




و الشمار الحار جاء من مدام باتريك, قالت شنو؟ قالت رشيدة ولدت امس الضُهُر و جابت ليها بنت و قالو حا تسميها فاطمة الزهراء, يا اخوانا المرأة دي بتخجل؟
بنت ابوها مامعروف منو بسموها فاطمة الزهراء؟
اللهم احفظ بناتنا

Abdelazim
01-03-2009, 08:29 AM
دا حال الزمن المائل يا أبو الغفاري
ولما سألوها الفي بطنك ابوهو منو
قالت للصحفيين ما تتدخلو في خصوصياتي
حاجات عجيبة وقالو مسلمة!!

بنونة بت المك
01-09-2009, 05:07 PM
قالو العزابة ما خلو للمعازيم حاجة عند ناس ابراهيم العمده

سمير الروح
01-09-2009, 05:43 PM
قالو العزابة ما خلو للمعازيم حاجة عند ناس ابراهيم العمده

ما قالو يا بنونة انا شفت بعيوني ديل

Abdelazim
01-17-2009, 05:26 PM
عادل القاسم قال عملو ليه عملية خُراج تاني في يدو
طبعا الشمار الأصلي عندي انا
بالامس نال زولكم ضرب مبرح من شخصية مرموقة في المنتدى
اها الباقي تمو برااااكم

أم مصطفي
01-17-2009, 08:03 PM
هيا ابو مصطفي انتا ما عارف الحاصل
يد عادل القاسم سببا ام روعه رسلتو لي حاجات بس رفض قامواليك علي هي وامها وابوها كرعلي انفردوا بي وروا( المكشم برا بصله(بس ما تسألوني معناها شنو)

علوب عبدالشكور
01-18-2009, 07:37 AM
هيا ابو مصطفي انتا ما عارف الحاصل
يد عادل القاسم سببا ام روعه رسلتو لي حاجات بس رفض قامواليك علي هي وامها وابوها كرعلي انفردوا بي وروا( المكشم برا بصله(بس ما تسألوني معناها شنو)


علي نفسها جنت براقش
يا أم مصطفي انتي البخليك تتشوبري وتكتبي ليك كلمة ما عارفاها شنو
ما عارفاني لابد ليك لي حاجة زي دي
وانتي وكت ما عارفاها كاتباها ليه

أم مصطفي
01-18-2009, 01:03 PM
السؤال دا بحوله لي ابو الغفاري وقطع شك بجاوب ليك علي

أم مصطفي
01-18-2009, 05:03 PM
كدي انت وريني احلنا الحله بله معناها شنو اول حاجه
يا ود عبد الشكور

علوب عبدالشكور
01-19-2009, 08:01 AM
كدي انت وريني احلنا الحله بله معناها شنو اول حاجه
يا ود عبد الشكور

بله يا ام مصطفي والله قصتو عجيبة شديد
قالو كان مدين ليه ناس قروش لما مشي يجيب قروشو لقاهم مافيشين
قام غشي السوق اشتري الخدار للمرة ورجع البيت
بعد رجع البيت اتغدي ومشي يلعب ضمنة في ركن البيت
هو الموضوع شنو يا ام مصطفي
:23_33_7:

أم مصطفي
01-19-2009, 08:58 PM
هوووووووووووووووووووووووي(بي صوت عالي)
خليك مركز معانا ياود عبد الشكور والا اطلع بره

عادل القاسم
01-29-2009, 06:31 PM
هوووووووووووووووووووووووي(بي صوت عالي)
خليك مركز معانا ياود عبد الشكور والا اطلع بره

اذيك يا ام مصطفي.... اليوم اخبار اللحمة والخدار شنو....
ام القاسم بتسلم عليك... وقالت ليك ما جيتي عرس ود العمده ليه..
الجماعة قالو عمو بقي كراكه ومابقدر يساهر.... وام مصطفي كانت معاهو عشان زول كبير وكده...
لكن الحفلة جميلة خلاص... طبعا رقصنا وهججنا شديد.... والكامل القال ماعشوهو... بعيني المركب فيها نظارات شايفو شايل 3 صحنين بتاعين عشاء..
ياخي انت تشيل زمنك وزمن غيرك خلينا نحن نهجج معاكم شوية... ياعمو ياكراكة..

عادل القاسم
02-06-2009, 12:46 PM
الشمار السمعناه من الشباب انو امبارح كان الكراكات رحال وعمو ابوشهدولينا مساهرين مع بعض بغنو وكده... للصباح... اتخيلو ماعزموني... مع العلم كنت معاهم الصباح... الله كريم...
نرجو محاكمتهم من خلال المنتدي وتشكيل لجنة عيليا لذلك...

سيف الاسلام
02-06-2009, 05:48 PM
الشمار السمعناه من الشباب انو امبارح كان الكراكات رحال وعمو ابوشهدولينا مساهرين مع بعض بغنو وكده... للصباح... اتخيلو ماعزموني... مع العلم كنت معاهم الصباح... الله كريم...
نرجو محاكمتهم من خلال المنتدي وتشكيل لجنة عيليا لذلك...


دي عملية ما كريمة وما اسلوب يا كراكات تعملو حفلة للنخبة وما تعزمونا
انا اشجب وادين
والموضوع دا يا عمو عبدالعظيم ما نخلي يعدي علي خير
وانا من دربي دا ماشي اعمل بوست محاكمة في المنتدي العام

عادل القاسم
02-06-2009, 11:09 PM
دي عملية ما كريمة وما اسلوب يا كراكات تعملو حفلة للنخبة وما تعزمونا
انا اشجب وادين
والموضوع دا يا عمو عبدالعظيم ما نخلي يعدي علي خير
وانا من دربي دا ماشي اعمل بوست محاكمة في المنتدي العام

كفو... تسلم ياسيف اسم علي مسمى... بس ياريت في المحاكمة تجي بشراب تاني عشان يكون البرستيج وكده...

عادل القاسم
02-09-2009, 02:04 PM
ياشباب قالو في نادي جديد فتحوه اسمو نادي الكراكات... يعني الجماعة الخلاص العمر الافتراضي بتاعهم انتهي... وقاعدين كل واحد شايل ليه جريدة وبحلو في الكلمات المتقاطعة وبلعبو كتشينة ولو شفتو السفة... والكلام الكتير في اي حاجة...

ود شمبات
02-11-2009, 05:44 PM
ياشباب قالو في نادي جديد فتحوه اسمو نادي الكراكات... يعني الجماعة الخلاص العمر الافتراضي بتاعهم انتهي... وقاعدين كل واحد شايل ليه جريدة وبحلو في الكلمات المتقاطعة وبلعبو كتشينة ولو شفتو السفة... والكلام الكتير في اي حاجة...

اها وسمعت قالو انت الرئيس حق النادي
عليك الله سجل الهادي ورحال وعظمة وعلوب وابو البتين وما تنسي زوجات الكراكات

Rahal
02-11-2009, 08:02 PM
اها وسمعت قالو انت الرئيس حق النادي
عليك الله سجل الهادي ورحال وعظمة وعلوب وابو البتين وما تنسي زوجات الكراكات

شمباتي يا لذيذ يسجل ديل بس وين باقي الناس وخصوصا ناس شمبات

عادل القاسم
02-17-2009, 09:29 PM
وانت ياشمباتي... سمعنا في الاذاعة الليلة قالو القرود بتعيش اكتر من مية سنة... وممكن تتكلم بعد ال80 يعني كده يكون عمرك 85 ...ى دي نمرة واحد الاول
نمرة واحد التاني... انو عمو عبدالعظيم قالو قال لبتاع الاستديو الصورة دي عاوزك تصغرها ليا يعني تدخلها كبيوتر وفوتوشوب وكده وتعمل ليها تصغير... والراجل الهندي قال ليه يعني يمانعمل ليها تكبير... عمو علي طول كبر وقال الله اكبر الله اكبر...

سيف الاسلام
02-18-2009, 08:31 AM
يا عمو عادل ناس شمبات ما ورونا قصة القرود لكن

علوب عبدالشكور
02-18-2009, 04:41 PM
وانت ياشمباتي... سمعنا في الاذاعة الليلة قالو القرود بتعيش اكتر من مية سنة... وممكن تتكلم بعد ال80 يعني كده يكون عمرك 85 ...ى دي نمرة واحد الاول
نمرة واحد التاني... انو عمو عبدالعظيم قالو قال لبتاع الاستديو الصورة دي عاوزك تصغرها ليا يعني تدخلها كبيوتر وفوتوشوب وكده وتعمل ليها تصغير... والراجل الهندي قال ليه يعني يمانعمل ليها تكبير... عمو علي طول كبر وقال الله اكبر الله اكبر...

قصدك انو عمك من الجماعة اياهم والا شنو يا عادل

عادل القاسم
02-18-2009, 07:48 PM
قصدك انو عمك من الجماعة اياهم والا شنو يا عادل

يادكتور جاهز للعيادة... انا قربت اتخرج... وعلي فكرة طوالي داخل عمليات لانو سعرها عالي وكده؟؟

عادل القاسم
02-23-2009, 07:28 PM
ياعمو عبدالعظيم عمك ابوشهدولينا برضو امس حررو ليه مخالفة وقوف في الممنوع... الحاجة ام مقدام زعلانة يعني راتبو كلو مكملو في المخالفات المرورية وكدة...
وبعدين شوفو ليه حل الراجل ده....
الكلام ده سر بينا ماتجيبو ليه سيرة...

عادل القاسم
02-24-2009, 11:08 PM
ياشباب عمو بقي مابخش المنتدي قالو ام مصطفي طردتو من البيت...؟؟؟؟
رسلتو الدكان واتأخر..... هو ليه بتأخر ماكلنا برسلونا بس مابنتأخر... والسبب قالو لقي علوب والكراكة الكبير الهادي وهاك ياطق الحنك وام مصطفي كانت منتظراه يجيب الحاجات من الدكان... ولمن اتأخر قالت ليه شوف ليك مكان تاني تنوم فيه... اها وحاليا يوم ينوم هنا ويوم هناك....؟؟؟

ابراهيم العمده
02-25-2009, 09:25 AM
هي شمشرة و...........................
ده حلو حلا

إزيكم ياناس الشمار والله مُشتاقين لي بهاراتكم كلها
دحين آخر الشمارات شنو والعرسوها من والإتط.....
لاقدر الله منو والدقو منو والربطو لي شنو
يلا يا عادل فلفو لينا وحتو كلو

المدرع
02-26-2009, 05:41 PM
الشمار الحار عندي انا
سيف الاسلام الليلة البنغالي بتاع المغسلة التحتنا شال هدوم سيف الاسلام وشراباتو اياها ورماها في الزبالة وقال ليه سديق تاني انت في جيب ملابس زي دا انا في بلاغ بلدية وقال ليه سديق انا نفر هنا مسكين كل نفر جيب ملابس نديفة انت بس جيب صراصير وقال ليه انا نفر كلو يمشي مغسلة تاني
هسي سيف الاسلام خليتو لافي سلك
عليكم الله في شمار اجر من شماري دا