المساعد الشخصي الرقمي

مشاهدة النسخة كاملة : حقيبة الفن



ابو مازن
07-22-2008, 03:21 AM
قصيدة من الأسكلا وحلا لود الرضي



من الاسكلا وحلّ قام من البلد ولّى
دمعي للثياب بلّ
بى داهى العذاب حلّ وبى تذكاره بتسلى
قلبي الذاب واختلّ وين بدر التمام هلّ
صفر ودع الوابور حاجزين قمره أتنين دور
الوابور مرّ بالمجرور شال ظبيا سكونو خدور
جبل أوليا حبيبي غشا وحصل في القطينة عشا
يا قلبي الطفش وفشا الما آليته ينكفشا
حل زى الصقر خوى بالبدر الدويم ضوّى
عاد لا حول لا قوّه حبيبي الليله في الكوه
صباح الخير على ام نفلين أهني البيها محتفلين
سيد الحسن رب اللين شرف كوستى والجبلين
هنيئا حان وقت زهاك الرنك احتفل ببهاك
وين الليله يا النشهاك يا ليت كنت في جلهاك
يا كاكا الحبيب طلاك بعده الزاد نفوسنا هلاك
يا ملوط حليل نزلاك يازمن الفراق نسلاك
بقدومك كدوك أصبح سوقو من الكساد ارباح
انا من نياحى صرت ابح كأنى فى مبرك المذباح
زاد من بعدك الانكال قلبى البالهموم انكال
شاطري العاصمه يا ملكال توفيقيه صبرى انا كال
شامبى أضحى بيك مسرور بعد المنقلا يا سرور
يا جوبا حي أنا المضرور بعده النوم بقى لي ضرور
من دا الهم ما بنجى حبيبي الليله في تونجا
يا خالق الخلق تنجا تركاكا حلت العنجا
سلام متنامى ما غبّ ما مرّ النسيم صبّ
يرضى ال للعفاف ربى ويخدم كامل الرتبا
صب يا دمعي لا تكون جاف وياقلبى البقيت رجاف
البدر الخفا الانجاف اليوم شرف الرجاف

ابو مازن
07-22-2008, 03:22 AM
اغنية : هواك وهواى بى جارو
للشاعر:محمد عبد الله الامي




هواك وهواي بي جارو وسبن افكاري نظراتـــــــــــك
احب تعطف تثير وجدى احب كل البحب زاتـــــــــــــــك
احب لونك احب لونك واحب يا حبي نفحاتـــــــــــــــــك
احب في خدك الزهره واخاف ترميني بلمحاتــــــــــــك
اخاف صدك اخاف جورك اشوف بين توهاتـــــــــــــك
اخاف نهدك يجرحني احب تتهني بحياتــــــــــــــــــــــك
احبك حبي للعافية وكمان يا سيدي وحياتـــــــــــــــــــك
احب فيك الحياء الفطري واذوب من احلي صيحاتـــك
اذا في حبكم ضعت واذا اقبر في ساحاتـــــــــــــــــــــك
اكون للحظ دوام شاكر واقبل انت راحاتــــــــــــــــــــك
احب انظر جمال محيك واخاف تسحرني بسماتـــــــــك
واحب طيفك يأنسني واحب تسمعني نغماتـــــــــــــــــك
واخاف هجرك يطول بي واخاف تحرمني كلماتـــــــــك
منعم يا فريد عصرك سعيد او سعيدة ساعاتـــــــــــــــك
مكمل يا نزيه او صافي وعفافك فطري ما فاتــــــــــــك
وديع وبديع مثال راقي حشيم والريم هوي صفاتـــــــك
اسرت فؤادي يا ضامر و دمعي خضاب في كفاتــــــــك
زيد يا دمعي في سيلك و زيد او زيد يا صدري زفراتـك
حبيبك ودعك راحل زيد يا طرفي عبــــــــراتــــــــــــــك
حمام الايك حن مرة تعال اسمعني نبراتــــــــــــــــــــك
طريت ام در مقر املي زماني كفاك عباراتـــــــــــــــك

ابو مازن
07-22-2008, 03:23 AM
كلمات الاستاذ/محمد بشير عتيق


أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور

كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور

الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في قبطة في نشوة وحبور

يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري

ابو مازن
07-22-2008, 03:23 AM
ما بنسي ليلة
كلمات الاستاذ/ محمد بشير عتيق

ما بنسي ليلة كنا تايهين في سمر
بين الزهور انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر

ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر

الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر

شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر

انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

ابو مازن
07-22-2008, 03:24 AM
من حور الجنان
الشاعر سيدعبدالعزيز

من حور الجنان أم أنت إنسان الكمال
هل أنت الملاك جيت تورى الناس الجمال
سبحان من أنشاك حسناً فى غاية الكمال
يهواك الجنوب واليك ينقاد الشمال
وما أظن يحصوا حسنك لو يحصوا عدد الرمال
وبايه يقدروك يا ملك ملوك عصر الجمال
سلطان بهجتك محروس بجيوش الجلال
ويغار من صفاء حسنك صفاء ماء الزلال
فى مراية خدودك أِشوف تأكيد سحر الحلال
وأِشوف فى سما حسنك كل يوم يسطع هلال
صفا ماء الجمال فى مجال جمالك راق وجال
زى ماء الحياء فى عيون ربات الحجال
وما فعل السلاح تفعل عيناك النجال
مكسور الطريف كسر قلوب الرجال
يا خلاصة المعاني الصار معناك موضع مثال
فوق المحسنات حايز لطف وكرم خصال
الهة الجمال يعترفوا ليك ماليك مثال
تتمنى البدور تقبيل يداك بامتثال
يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
ليك من الغزالة جبين وقاد وعيون غزال
الحور من مناصبها لى قدرك تكتب نزال
يالغصن الرطيب عاجبنى فيك الإنهداك
اللادن قوامك من ملين وذو اعتدال
جوهر حسنك الصافى وسيرك طاهرات عدال
آيت بينات مافيهن للكافر جدال
شاركت الغمام والموج مناظر وإرتحال
شاركت الظبا فى نفرتن والاكتحال
شاركت القلوب فى موضعهن وعلى كل حال
نفداك بالنفوس وفدا النفوس كان المحال

ابو مازن
07-22-2008, 03:25 AM
هجد الانام
الشاعر عمر البنا

هجد الانام وأنا وحدي مساهر
والنحول علي جسمي ياحبايب ظاهر
أسبابي الحب الطاهر
أسباب سقامي وبكاء طرفي الساهر
لأذاي بعادك مضي سيفه وشاهر
مره أندب حظي ومره أهتف أظاهر
أشكو دهري وأناجي النجم الزاهر
إنت عادل وظالم إنت ناهي وآمر
يتمني البدر ليك يبقي مسامر
كونك دواما في نوراليه مخامر
إمتيازك عنه إنت هادل وضامر
بالبان والاسي مال قوامك ظافر
علي صدرك قنبل كم أسلم كافر
العيون والضمره والوريد الوافر
من محاسنك غارن الغزال النافر
كل ما أكتم حبك دمعي بيه يجاهر
مابفيدني طبيب مهما يكون ماهر
طبي مابين كوثر فاك وبين جواه
سنك اللماعه والخديد الزاهر
عار صفاه التبري من صفاك الناضر
ياخلاصة الحسن في العصر الحاضر
الملوك ليك تخضع لنداك تقول حاضر
تخشي سطوة حسنك وفيك يتلو محاضر
بي وصالك جاحد وبي جفاك مبادر
كاليزيد في الجبره وفي بخاله مادر
بجمالك وحسنك يالفي عصرك نادر
لي أرحم حلمك راعي لاتكون غادر

ابو مازن
07-22-2008, 03:25 AM
احرموني

كلمات / محمد ود الرضي

احرموني ولا تحرموني سنة الاسلام السلام

* * *

عطفكم يا من الموني كالاشعة الاسهم رموني
والشجون بالليل نادموني الانين والنوح علموني
لو معنعن قولي كلموني حبي طاهر لم تظلموني
برضي قابل الظلم احترام

* * *

يا النفوني كفى اعرفوني ساهي ساهر ساجات جفوني
في هواكم يا من جفوني لا الوم ان لم تنصفوني
انعكاس الاحوال كفوني ايضا الايام عرفوني
يوم سموما ويوما غمام

* * *

كل ما النسمات عطروني فاجأوني دموع مطروني
رب اغفر للعكروني في وداعة الباقي العروني
رب وقت يتزكروني او يقول القايل دروني
او يحدث عني المنام

* * *

طاف خيالك والليل طافر شفت بدره المتجلي سافر
صك غاضب لقى دمعي دافر قالي طبع الريم اصله نافر
فاله حجله وعقده الاظافر قلت عليه تريم النوافر
عل راء الريم تبقى لام

ابو مازن
07-22-2008, 03:26 AM
في الطيف

كلمات / عمر البنا


في الطيف أو في الصحيان زورني ياحبيبي أنا عيان
*
مالو لـو فـي بعـض الاحيـان**** تسمح لـي صحـوا اراك عيـان
تاخذ ياحبيبي عـن حالـي بيـان**** عسي تبقي قلوبنا في الغرام سيـان
*
ياالفريد في حسنك وبهجة امدرمان**** لي من شوفتك يا حبيبـي زمـان
أنا ساهر ونـوم عينـي حرمـان **** وانت بين اترابك في نعيم وامـان
*
النحول علي جسمي يا حبيبي بيان**** وانت جسمك نامي وبالنعيم طربان
لو رأك الناسك المـن الله جبـان **** بيك يفتن ويصبح بالغـرام تعبـان
*
قبل حسنك قط مارايـت انسـان **** فاق العسجد لمعة والحريـر لمسـان
كيف يحصر وصفك ياحبيبي **** لسان والبان اتعلم من قامتـك الميسـان
*
مالـدرر لثنـاك مابنـت الحـان **** للمـاك وايـه نفحـة الريـحـان
انت حسنك كامل لكـن لمحـان**** خدك قاسـي وقلبـك ماحـان

ابو مازن
07-22-2008, 03:26 AM
خليل فرح

في الضواحى وطرف المداين

يلا ننظر شفق الصباح

قوموا خلو الضيق في الجناين

شوفوا عز الصيد في العساين

يله نقنص نطرد نعاين

النهار أن حر الكماين

كلبي يا جمجوم أصله خاين

شوفوا كيفن يبرأ الملاين

هب شال وكشح المراح

للقنيص الخيل خف راسن

نحن ما بنخاف من مراسن

المكارم غرقنا ساسن والمجاهل

مين غيرنا ساسن

ان عطشنا نمز مر وآسن

وأن عشقنا بنعشق محاسن

فى المحاسن كفي يومنا راح

في الخميلة انجلت المحاسن

عيني حايرة ومشي قلبي جاسن

بعض حسنك هي يا محاسن

الحرير حين قدميك داسن

والزهور حين شفتيك باسن

والغصون من لدنك مياسن

والنسيم فاح بكر الملاح

يا الطبيعه الواديك ساكن

ما في مثلك قط في الأماكن



يا جمال النال في ثراكن

ياحلاة البرعن أراكن

في قفاهن تور قرنه ماكن

لا غشن لا شافن مساكن

في الخزام والشيخ والبراح

شوف صباح الوادي وجماله

وشوف خضاره وصيده ورماله

شوف يمينه وعاين شماله

ابو مازن
07-22-2008, 03:27 AM
خليل فرح

في الضواحى وطرف المداين

يلا ننظر شفق الصباح

قوموا خلو الضيق في الجناين

شوفوا عز الصيد في العساين

يله نقنص نطرد نعاين

النهار أن حر الكماين

كلبي يا جمجوم أصله خاين

شوفوا كيفن يبرأ الملاين

هب شال وكشح المراح

للقنيص الخيل خف راسن

نحن ما بنخاف من مراسن

المكارم غرقنا ساسن والمجاهل

مين غيرنا ساسن

ان عطشنا نمز مر وآسن

وأن عشقنا بنعشق محاسن

فى المحاسن كفي يومنا راح

في الخميلة انجلت المحاسن

عيني حايرة ومشي قلبي جاسن

بعض حسنك هي يا محاسن

الحرير حين قدميك داسن

والزهور حين شفتيك باسن

والغصون من لدنك مياسن

والنسيم فاح بكر الملاح

يا الطبيعه الواديك ساكن

ما في مثلك قط في الأماكن



يا جمال النال في ثراكن

ياحلاة البرعن أراكن

في قفاهن تور قرنه ماكن

لا غشن لا شافن مساكن

في الخزام والشيخ والبراح

شوف صباح الوادي وجماله

وشوف خضاره وصيده ورماله

شوف يمينه وعاين شماله

ابو مازن
07-22-2008, 03:28 AM
ياناعس الاجفان
كلمات عتيق
لحن وغناء كرومة

ياناعس الاجفان انا من صفاك مسحور
بالله انت ملاك ؟ ولا من حسان الحور
تذرف عيونى بحور اقضى الليالى قيام مابين شوق وهيام
وارعى النجوم فى سحور
وفؤادى آه منحور مقتول بغير سلاح واقول بكل صراح
سببى العيون الحور
فيك الكمال محصور اكظمت كل حسود وحسنك مقامه
يسود على كل جيل فى عصور
وطرفك لحاظه تريع اسدا شجاع وهصور
ليك نفرة الغزلان مع جبرة الفرسان فى هيبة المنصور
أهيف رشيق متبور تتهادى تيه ودلال مابين غرف وظلال
نعمة وترف وحبور
وسهمك على مهبور ايه ذنبى غير هواك انا ياجميل
بهواك من قلبى مامجبور
ياالبى العفاف مشهور
ندك عبير فياح وقوامك المياح
أينع ثمر وزهور
فى حبى دمعى جهور
انا فى دجاك ياليل نجمك بقالى خليل
فارقت نومى دهور
انا لى زمن مأسور
هجرانى ماهماك ياللى قاسى لماك
من طول جفاك محسور
وحياة خديك وجيدك وطريفك المكسور
انا شعرى مابيوفيك مهما ابالغ فيك
منظومى والمنثور

ابو مازن
07-22-2008, 03:29 AM
الشوق و الريد
أداء إبراهيم الكاشف
الشوق و الريد
و الحب البان في لمسة إيد
وأغاني نقولا
أغاني نقولا نقول و نعيد
والدنيا زهور
الدنيا زهور في عينينا
تصبح كل يوم زي طفل وليد

***
كل الأشواق
آهة بتجرح قلب المشتاق
ديل يا هاجر ليك رسالة
لو روحك يوم تنسى دلالا
تشوفنا قريب ما تتعالى
تسألنا و نسأل عن حالا
و نعيد الكان
***
نعيد الكان حليل الكان
نخلي الحب يسرح بينا
يبقى جناحين و يطير بينا
نشوف الدنيا ربيع و زهور
نسكت و تتكلم عينينا
و نعيد الكان
***
ليك رسالة
لو روحك يوم تنسى دلالها
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّ

ابو مازن
07-22-2008, 03:29 AM
أنة المجروح
كلمات : سيد عبد العزيز
الحان : الحاج محمد أحمد سرور

يا أنة المجروح يا الروح حياتي تروح
الحب فيك يا جميل معني الجمال مشروح
للحب لهيب فى الجوف زيو الزناد مقدوح
منه الجبابرة تلين لصوت بلابل الدوح
تصاحبو النسمات تفضل معاها تدوح
من نغمة الأشواق ومحاسن الممدوح
الناس تحب رؤياك بالخاطر المشروح
يا ملفت الأنظار يابسمة المفروح
حوريه فى السودان بحبى ليكى أبوح
عنب جناين النيل أتمنى منه صبوح
وانشد فؤادى الضال بين الرياض مذبوح
أرى الهلال فى ظلال تلك الخميلة يلوح
أنا لو ضمنتو رضاك اكون سعيد ممنوح
يا من تسر رؤياك تفرح تنسى النوح
تكسو النهار بجمال خديك جمال ووضوح
منو الغزالة تقف فى موقف المفضوح
من الوله للقاك دمعى العزيز مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح

ابو مازن
07-22-2008, 03:30 AM
زهـــــــــرة الروض
الشاعر عمر البنا

لحن وغناء كرومة
يا زهرة الروض الظليل
جانى طيبك مع النسيم العليل
زاد وجدى نوم عينى اصبح قليل
يا زهرة طيبك جانى ليل
اقلق راحتى وحار بى الدليل
امتى اراك مع الخليل
واجلس امامكم خاضع ذليل
دايما انوح واقول حليل
صفى القلب القدره جليل
كيف لا اسهر واكون عليل
انا فى الثرى وهو فى الاكليل
يا الليك عفافك دايما زميل
يا المن طيبك طيب زهر الخميل
لو مر نسيمك على الف ميل
يخلى العالم طربا ثميل
يا اهيف يا ذا الطرف الكحيل
يا الصدرك عالى وخصرك نحيل
مناى فى الدنيا قبل الرحيل
ارى شخصك لكن مستحيل
يا زهرة روضك يبعد عن الـ
عاشق ومحال للقاك ينيل
بستانك نضير ساقيه نيل
الحياة ومحصن بالدردنيل
امتى تعود ايامى القبيل
يا حبيب واوجد للقاك سبيل
ومعاك اتحادث فى قبيل
شفاء داء قلبى الوبيل
قال لى صحيح جسمك هزيل
وجمر الغرام فى عضاك نزيل
لو ما بخاف عاذلى الرذيل
لكنت اوصلك ولعياك ازيل

ابو مازن
07-22-2008, 03:30 AM
نسايم الليل

الشاعر / عمر البنا

نسايم الليل زيدينى
بالشذى والطيب عودينى
زاد الشوق لى يهون امتى وصاله
يا نسايم الليل آنسينى
فى رجوعك لا تنسينى
بى طيب الحب آسينى
من بعد الضر ماسينى
انا برضى عشوق مهما جيوش الحب صالوا
يا نسايم ما بترعينى
ما بفيدنى شذاك دعينى
لو قصدك لى تعينى
ارجعى بى دمعة عينى
للمعشوق قوليلى ينوح ونومه عصالو
فى الهوى يذداد تمكينى
يا بلابل الدوح حاكينى
فى نواحى دوام شاركينى
فى الحب ابكيك وابكينى
اصيح مفروق لى بروق ثغرك لالو
طيفك لامتى يجينى
وفى لذيذ النوم يناجينى
من سهم البين ينجينى
ويبرد نار سجينى
وفؤادى يروق واناجى ملاك طيبه خصاله
سلامى بعد تجنينى
عليك وليالى سنينى
بعد شعرى وتفنينى
فى وصفك وعد حنينى
يغشاك مرفوق مع النسام وروحى خلاله

ابو مازن
07-22-2008, 03:31 AM
ولهان هامى دمعى
الشاعر عبيد عبد الرحمن

ولهان هامى دمعى ..وسهران ساهى بالى
بعدك لى ميسر..... وقربك ليه ابالى
بى ذكراك معذب......كل ما الليل مسالى
قلبي يزيد حنانو.....وقلبك ليه قالي
جرت وجار زماني ....وخاطرك طاب نسالى
مهما جد بينك.....صابر مانى سالي
*****
ابكي حبيبي بعدك ..... ايامى الخوالي
انشد فيك صفاهن...وانشد فيك موالى
لولا مسيل دموعي.....بلانى وروالى
حرقت جسمي نارك ...وحرق الكان حوالي
*****
صده سبب نحولي.....وبعده سبب ملالى
حبه ملك فؤادي.....وأتمازج خلالي
أما سبب شقاي ....ودائي واعتدالي
نور محيه الهلالي....ونور خده البلالى
*****
بعدت عنى دارك....ومنع الحظ رحالي
حبك زاد ىنحولى ...وشوقك زاد محالى
أنا ولهان وراضى.....ومرك عندي حالي
والليمنى فيك.....ياحالى يصيبه حالي
*****
لحظك دار كؤوسه...راح الروح سقالى
كنت سمير هناى....وكنت نشيد مقالي
قصدي أتم شرابي......لكن ما بقالي
عنب الشام بحبه..... إلا عصيره غالى

ابو مازن
07-22-2008, 03:31 AM
اغنية مرضان باكى فاقد
الشاعر محمد على عثمان بدرى

مرضان باكي فاقد......فيكى علاج طبيبي
قالوا ترك سكونك .....يادار وين حبيبك
******
يادار من بقاياك...فوحي وجيبي طيبي
أو عاتق شميم ......النرجس من رطيبي
ماردت سؤالي.......وأجابت دار حبيبي
سدت حلقي عبره.....نفسي متين تطيبي
******
أنا لي مدة طالت .......ما شاهدت قمري
ما شاهدت غصن .....اليانع فيه ثمري
أنا ماشفت محبوبى.......البفيداه عمري
اسكر من عيونه ....هي كأسات فيها خمري
******

حبي الغير خافي.....ياالانت بتخبرى
اسألي منه قلبك......ومن نيراني تبرى
مروا على ناسك....وليك شالوه خبري
هل عرفوني حائر.....وهل ادوك خبرى
******
كيف طغى لي حبك....دائي متين تزولي
لولاك ما نزلت .....عن مقدار نزولي
ليك بنثر جواهري...... وبلغيها زولي
قالت كترت عليه......صديقي الما عزولى
******
فاكهه جميلة يانعه.....شتاها طاف بدري
دره يتيمة انسه.....ظبيه حواها خدري
حوره فى نعيمه......طواها جبينها بدرى
انا فى ناره ساهر....باكى أريتها تدرى
******
لو كلمتي طيفك .......قلت يزور ضريحي
أو قلتيلو داوى.......علل عاشقي وجريحي
لا باس من عذابي.....وبكاء جفني القريحى
ما دام انت نائمه....... وهادئه وتستريحي
******
أنا غافل غرامك.......دون اعلم شحني
دمعي إذا طريتك....بين الناس فضحنى
أنا شاعر فؤادك....في الحب امتحنى
برضك جافيه نافره ....لي متين تحنى

ابو مازن
07-22-2008, 03:32 AM
أفكر فيه و اتأمل
الشاعر عبيد عبدالرحمن
آداء سرور
افكر فيه واتامل *** اراه اتجلى واتجمل
هلالى الهل واتكمل
تفاصيل قولى والمجمل*** ساصبر ياأخى ايه اعمل
اذا قلب الفتى اتحمل***مصايب الدهر والامه
ارى الصبر الجميل اجمل
حديثى ودمعى يتسلسل***فصول فى رواية تتمثل
اقيف فى مواقف استبسل***وعن رؤيا الحبيب حالا
ابين فى مناظر اتوسل
هواه بجسمى يتخلل***مجارى الدم الدم اذا اتحلل
وقيع لى رضاه اتذلل***وما هماه يا سيدى
دا واحدا اصله بيتدلل
ترك افكارى تتضلل***بعذره البيه يتعلل
فما شرع الهوى حلل***لقان نهار ولا
فى ليل اذا أليل
صريح قانون هواك خول***هلاكى وقلبى ما اتحول
حقيقة وليس تتأول***صريع لحظات سيوف لحظك
وحالى ان شفته تتهول
تذكر عهدنا الاول***صحى الايام بتدول
قريب يوم داك ما طول***مضت ايام ويا حليلن
بقت احلام وتتأول

ابو مازن
07-22-2008, 03:33 AM
خمرة هواك يامى صافيه وجليه....

الشاعر / احمد حسين العمرابى
خمرة هواك يا مي صافية وجلية.....هي اللاعبة بالألباب لا البابلية
*************
كم ليل أنوح سهران والناس خليه......عيني سهاد ودموع أمست مليه
شاهدي اضطراب ونحول ظاهر علىّ....راضى وبشوف هجرك اكبر بليه
***************
مي الفؤاد بهواك فاقد شليه......لو طال جفاك يضيع باقي التليه
يا تائهه سيبى الجور حلمك علىّ.....ليك منى ما شئت والوجد ليّه
************
أنا لم أزل لهفان وانت الابيه....... سنيتي أن تحيي دائما خبيه
لو فى النساء رسل كنت النبيه......مابسلي ريدك لا وحياة ابيه
************
هاك منى بإخلاص الماسه ديه......دررا تنافس الدر وأزهار نديه
هلم روحي إليك يا مي هديه .....كان النبي المعصوم قبل الهديه
***************
ليك منى الف سلام والفيى تحيه......تصباك مع النسام بروح سحيه
ما قال محب وعلى محبوبه حيا.........وتقر عيونك يا نور المحيا

ابو مازن
07-22-2008, 03:34 AM
اندب حظى أم امالى.
الشاعر / احمد حسين العمرابى


اندب حظي أم امالى.....دهري قصدني مالو ومالي
*******
شوف الخيره يارمالى....أظن كاتبني عن عمالي
عارض يعترض اعمالى.....أبنى وأملى ما تمالي
********
لا تقول ضعت من اهمالى ...أنا عامل الحزم رأس مالي
بس ايامى ما با سمالى..........همومي الزايدة متقاسمالى
********
بين الناس حميدة افعالى..........أصلى من الجناب العالي
حبك وحبي مانافعالى................يوم ينعوني لا تنعالى
********
قلبي المن الوساوس خالي............اليوم انشغل ياخالى
لو كان في اللحد ادخالى.............أحلى من العذاب ياخالى
********
دوام آيات محاسنك تالي...........زيد في هجري لا ترتالى
مقسم عن هواك ما تالي.......... طرفك بالهلاك أفتى لي
*******
حبك كاتمه زاد انحالى.......من فرطه الدموع فاضحالى
الشاقنى ومغير حالي.............حسنك واللهيج الحالي
*******
هاك شكواي لو تصغالى...............العدو حن لي رقالى
سهران والدموع راشقالى.........وحياة حبي ليك يا غالى

ابو مازن
07-22-2008, 03:34 AM
قلبى هام مالو...
الشاعر / ابوصلاح

قلبى هام مالو....اه خديدك وجمالو
معذب فى هواك مالو
بدر حسنك لاح والقلوب مالو
لي هواك وشوق قلبي عمالو
يا فريع ياسمين متكي في رمالو
قول لي عاشقك وين ضاعت امالو

شعرو حاكي الغيم حاجبو هلالو ..
فر بسمو نغيم والبروق لالو ..
مافي مانع لو قتلي حلالو ..
افدي جوز تفاح صدرو لولالو

الجوهر الفردي ما اتلقى مثالو ..
قلبي ليهو يلين وقلبو يقسالو ..
حبو صابحني و حسنو مسّالو ..
غير وسيم خدو دموعي ما سالو

الشادن المكحول قلبي يصبالو ..
واخشى من لحظو ومن رمي نبالو ..
كم جريح بي سهام عينو ضاربالو ..
و بيها لا يدري ولا على بالو..

خصرو ناحل وزاد جسمي إنحالو ..
طرفو ناعس نام وطرفي يصحالو
الفريع السيل دمعي سحالو ..
يا نسيم ارجوك شوفو كيف حالو ..

شوف لحاظو سيوف حاجبو هدالو ..
حرسو حولوا يدور إستعدالو ..
الخديد يلصف حسنو يندالو ..
البدر لو غاب يضوي في بدالو

ابو مازن
07-22-2008, 03:35 AM
عيونى وعيونك
الشاعر / احمد ابراهيم فلاح

عيوني وعيونك أسباب لوعتي
أسباب تشوقي نظرتك وأسباب نفورك نظرتي
هواي يعجز فكرتك وجمالك يعجز فكرتي
في الصد تزيد في جبرتك...في الحب أزيد في خبرتي
دائما اردد ذكرتك ............هل مره فهت بذكرتى
**********
أنت الذي اتعبتنى.......... وأنت الذي بك راحتي
لو آن هلاكي....ولى دنيت أحيا وتحل بى فرحتي
كم استغثت وكم شكيت من سقمي وإتلاف صحتي
كم رددت آهاتي كم دوى في الأفق صدى صيحتي
****************
سندس وعسجد حلتك....... ولما أنا الهوى حلتي
ماذا جنيت يا معبدي........ماذا جنيت يا قبلتي؟
ما ضر يا محبوبى...... لو تنظر لحالتي بالتي
هي أحسن النظرات.......ثم تريني فيك اهلتى
**********
هلا تركت تصددك..........هلا حببت مودتي
هلا رضيت تمازج .......الحب بيننا لافادتى؟
رفقا بمن يهواك .....يا من أنت صفوة سادتي
رحماك بى ضاق الفضا رحماك طالت وحدتي
***************
جيوش اشتياقي هزمتني......... زادت انتى
لو كنت قربى لأسرها.... اجعل لحاظك سنتي
ياروحى ياراحى.... ويا نورى يا ناري يا جنتي
بهوي الهلاك في هواك.. ليتخذ العوازل سنتي

ابو مازن
07-22-2008, 03:36 AM
الشاغلين فؤادى
الشاعر / المساح

الشاغلين فؤادي وتايهين فايقين
يفتى البى ذارف دمع المايقين
*******
تال القبلة شايف لي برقا لمع
والصيد في الخما يل ياناس اجتمع
قوموا يا أحبة نسترق السمع
ما يطيق القعدة والمايق دمع
*********
البلابل صاحت في الليل الهجيع
سهرانات عيوني وجافيت الضجيع
من الحاله ديه اولا لي النجيع
وا حسرة شبابي الما لقيت لي وجيع
******
كلف احبابى لي يا مولاي قدروا
انسلبت لحومي واعضائى خدرو
لاموني العوازل بى حالي ازدروا
هم تايهين دلالن ساهين ما دروا
********
سامرت الكواكب لما الفجر لاح
منادى الفجر نادى وقال ياهل الصلاح
صلوا الوقت حاضر قام أهل الصلاح
وانا الليل قايمو لا خيال لي راح
******
النسيم عاودني أقوم من نومي تاب
مدهوش فكرى حاير مشطوب انشطاب
يا نسيم بلاهى جيب رد الخطاب
اوع الجاهلة نية وما بتحمل عتاب
*******
حليل القدرو سامي فوق الجيل فريد
حليل روحي بقت ليه طوق في الوريد
بكتب ليه خطابي وعذري عذر مريد
يا نسيم بلاهي طبق ليه البريد
***********
انكسرت اعضائى من كسرة الولوع
وابكي العبره خانقه وانا ليها البلوع
أصبح قلبي يرجف خلى من الخلوع
يا ناس روحي شاهقة هيه ناوية الطلوع

ابو مازن
07-22-2008, 03:36 AM
جوهر صدر المحافل
ياجوهر صدر المحافل روحي معاك اتلطفيله
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله

ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وانتي القمره بتنسبيله

الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله

المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله

يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة

أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله

يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله
هل يرضيك كدا ياجميله
هل يرضيك كدا ياجميلهغني القمري على الغصون


غنى القمري على الغصون ذكرني الدر المصون
فريد عصره الما متله شىء

قمرنا الليك مطرف يصون يالغصن البزري الغصون
ملاك محروس داخل الحصون شمس الكون تشبه مشيه
فريد عصره الما متله شىء

قاسي سماع لهجه الحنون عظيم كالمال حلو كا البنون
بي لهجه يداوي الجنون شعاع محيه العين تختشيه
فريد عصره الما متله شىء

جميل متلك ما أظن يكون حيا ورقة وعفة وسكون
يالبدر الليه روحي كون في حسن الكون ما خلى شيء
فريد عصره الما متله شىء

ليك عالي العالم يهون يالرشا يا اللدن المصون
مناظرك فيك يتنزهون يالمطران مما مشيه
فريد عصره الما متله شىء

ابو مازن
07-22-2008, 03:37 AM
سألته عن فؤادي
الشاعر / محمد على عبدالله ( الأمي )

سألته عن فؤادى وعن سبب هيامه

أجابني ما هو عارف

عشقته وجماله نظمته فى فنونى

جفانى صدى عنى تركنى لشجونى

اذا تلاشى صبر وترعرت جنونى

واذا أنبرى فؤادى لعهدى ما بخالف


حبيبى يا مدلل بحق صفا كمالك

حرمتنى وصالك وملت عنى مالك

أنا صريع محاسنك وانا أٍير جمالك

تعال شوف تعال زفيرى والعواطف


يا فرحة الحزانى ويا زينة المواكب

يا ربرب الخميلة ويا زهرة الكواكب

زمانى جار معاك وهاهو لى ناكب

بعدك الصلانى يادرة المعارف


جمالك المكمل لهانى عن سواك

وتيهك او دلالك رمونى فى هواك
حبيبي أنت ومين يكون دواك

أظن عفوك عنى ورضاك لى يوالف

أهوى الذى ضنانى وغزانى بى نباله

ولا سأل فى حالى ولا خطر بباله

يرانى أو أراه وأقيف ذليل قباله

واقوله أنت سيدى وفيم عنى صارف

ابو مازن
07-22-2008, 03:38 AM
محمد الحسن سالم حميد
نوررررررررررررررة

هي .. أقيفن .. نورة فيكن
نورة نقاحة الجروف ..
نورة حلابة اللبيني .. للصغيرين والضيوف
نورة ساعة الحر يولع .. تنقلب نسمة وتطوف
تدي للجيعان لقيمة
وتدي للعطشان جغيمة
والمخلي الحال مصنقر ..
في تقاة الليل تندقر .. تدي لي باكر بسيمة
تكسي للماشين عرايا وفوقا إنقطع هديما
ما عرفتن نورة إنتن .. قولن إنتن شن عرفتن
نورة بت الواطة أخيتي .. نورة اخت كل الغلابة
نورة حاحاية الشقاوة .. نورة هداية الضهابة
الاراضي الياما أدت .. نورة بقت من ترابا
وماشي في الأعماق سحابا
مشتهنها .. والله جابا
للجنوب طبلاً يهدهد .. لي مشاعر ناس تعابة
وللشمال طنبور يسكت .. دمعة الميتين كآبة
ما عرفتن نورة إنتن .. قولن إنتن شن عرفتن
نورة عايز تقرأ قالت
فوقا حيطة الدنيا مالت
ختت الكراس وشالت
منجلاً صالت به جالت
لامن إنجرحت به شالت
للتراب فوق إيدا كالت
ومرة يوم في الدونكا لدغت
جاء الفقير بالليل حواها
ويوم ملاها الهم قطايع .. جاء البصير بالنار كواها
ونورة ما قدرت تمانع .. تقنع الناس المعاها
ومرة شافت في رؤاها طيرة تاكل في جناها
حيطة تنمغى وتفلع .. في قفا الزول البناها
في جنينة سيدي سمعت .. تمرة تصقع للوراها
الأرض لابد ترجع للتعب فوقا ورعاها
شافت النيل موجو لاها
الخليقة بقت إلاها
الشمس طبقت ضحاها
نار عقاب إنساب مكسر .. فوق تكليات متاهة
وضو من الله .. رهاب مكتف في وتيد الليل معاها
بين حضر بلدا وخلاها
فسرت للناس رؤاها
وقالوا جنت ومو براها
ونورة زادت فوق شقاها
وصدت الأيام تخش
تبني لي عصفورة عش
في السواقي تشوف عزاها
لما شوقا يسوي .. وش
تسقي تزرع
تسعى تصنع
للنهار في الليل تخش
عرفت الشقا والشقاوة إلا ما عرفت تغش
شايلة طولة البال من الله .. ومن أراضينا الإثارة
وماشي تكدح طول نهارا
وترجى لما الليل يفلل .. تسرق ألمي عشان خدارا
عشان صغارا
ولما ترجع لي ديارا
تنزف أحلام الفقارى
من عويناتا الحيارى
لي غبار الحال تقش
فوقو للآمال ترش
نورة تقعد صاحي تحلم .. بي بيوت بي نور ودش
وبالمحبة تشق دروبا .. ولي قلوب الكل تخش
نورة تحلم بي وجود
ما مشت بينو القيود
أفضل أفضل بي كتير .. بي وطن من غير حدود
نورة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
نورة تحلم .. ولما تحلم نورة ترجف
ولما ترجف نورة تحلم ..
ولما ريح الواقع المر .. لي عشيش أحلاما ينسف
نورة تنزف
ولما تنزف بالا يهتف .. يوم حا تنصف يوم حاتنصف
وتبدأ تحلم .. ولما تحلم نورة ترجف
ولما ترجف نورة تحلم
صاحي تحلم.. وصاح بتحلم
صاح بتحلم

Abdelazim
07-22-2008, 08:55 AM
الله عليك يا صديقي العزيز علي هذا التوثيق الجميل.

تخريمة:
قصيدة محمد الحسن سالم حميد الجابا مع الحقيبة شنو

السعدني
08-03-2008, 10:59 AM
مشكور أبو مازن على هذه الدرر ..
ستبقى أغاني الحقيبة محفورة في وجدان الشعب السوداني إلى الأبد ..
الثابت لا يتغير أبداً ..
والأصل ما ببقى صورة ..

مع تحياتي ،،،،

أبو علي

monty
08-06-2008, 10:52 PM
الاخ ابو مازن
الا الامام بوست جميل وممتلئ درر
واصل فنحن متابعون
فالحقيبه اجمل ما طرح الفن السوداني في الساحه حتى الان


تخريمه
الحقيبه ليست حقبه بل مدرسة فن

:36_13_13::36_13_13:

عادل القاسم
08-07-2008, 04:10 PM
تتخيل معظمهم كانوا يرتجلون الشعر..
ويلحنوا القصيدة في نفس اللحظة.. وكانت وستكون اجمل اغنية
ولليوم اللحن نفس اللحن.. ماقدرو يغيرو فيها حاجة..
قصائد خالدة... والدليل لليوم الصغير والكبير يردد هذه الاغنيات..
انهم اناس عطرو زمانهم وزماننا بأجمل الكلمات..
ولك الشكر.. مونتي.. فارجو المزيد منها&&&&&&
:15_8_212: :15_8_211:

monty
08-11-2008, 11:07 PM
كدي اعفص هنا يا ابو مازن ووريني رايك
http://www.sudaneseonline.com/SudaneseMusic/music/EbrahimAlkashif/EbrahimAlkashif@sudaneseonline.mp3 (http://www.sudaneseonline.com/SudaneseMusic/music/EbrahimAlkashif/EbrahimAlkashif@sudaneseonline.mp3)

monty
08-11-2008, 11:10 PM
عليك الله شوف الموقع ده مباااااااااالغه
بعدين شامل
لاكين الما بيبدا بي الكاشف ما يبدا
ولاشنو
ههههههه


http://sudani.ws/music/ibrahimalkashif/

ابو مازن
09-09-2008, 02:39 PM
monty
انت الروعه يارايع
انا من زمان داير واحد زيك كده
اخبارك مشتاقين الاهل والاحباب كيفنهن وناس البلد
تحياتي من صميم قلبي
لك الود والاحترام :23_33_7::15_8_211::15_8_211::15_8_211:

monty
09-09-2008, 06:14 PM
ابومازن صديقي
ابدعت واتحفتنا فاتحفناك واصل الحقيبه فهي دم الغناء السوداني
اعفص لي هنا

http://youtube.com/watch?v=0ucG-HiaGpY&feature=related (http://youtube.com/watch?v=0ucG-HiaGpY&feature=related)
شان تستمتع بي حاجات جميله من السودان
اتمنى انك تكون برره السودان شان ما تطالك يد البطش السودانيه وتقدر تستمتع بي يوتيوب الممنوع في السودان

ابو مازن
09-10-2008, 12:59 PM
يديك العافيه ياحبيبي
والله قمه الروعه
لا لا اخوك الحمد لله بره السودان
وداقي خروج 20 سنه من السودان من دون عوده ماتخاف وعامل احتياطي
لاكن الجماعه ديل برضو ساكننا بالضرائب والزكاه ............

كورينا
09-12-2008, 01:52 AM
عزيزي monty
أسف ياخ انا حشري رغم انك موجه الرابط لابو مازن .
سقطت عليه وقطعت الخط وكاني شعرت انه حاجة ما تتفوت ويجب ان اسمعه
وكان ان استمتعت به وانا جالس وانا حائم وانا نائمة
شكرا لك وشكرا للقمة الكاشف....

monty
09-12-2008, 11:43 AM
الرائع كورينا
الجمال والفن للجميع
استمتع وادعو غيرك ليستمتع

تخريمه
هالك الرابط ده
في اليوتيوب شان المتعه تتم
http://www.youtube.com/watch?v=cNd6BoW4hVU (http://www.youtube.com/watch?v=cNd6BoW4hVU)

كورينا
09-13-2008, 01:14 AM
عزيزي monty
لك التحية والاجلال.
اعدتنا عشرات السنين واحيت فينا ما كنا نظن ان البعد قد اقبره.
لو ممكن الاشياء الجديدة عايزة معاها رشته حتى لا تمر عابرة دون ان تترك اثر!!!
يعني حاجة زي مين الفنان ووين كان و المناسبة...
لك الشكر

ابراهيم العمده
09-20-2008, 10:15 AM
أين هؤلاء الشباب
مونتي وأبومازن وكورينا
إنشاء الله تكونوا طيبين
ولكم كل الشكر
لمساهماتكم
الفنية

Abdelazim
10-23-2008, 06:44 PM
عزة في هواك للراحل خليل فرح

عزة في هواك عزة نحن الجبال
وللبخون صفاك عزة نحن النبال
عزة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمــال
ولا أبتغيت بديل غير الكمــال
وقلبي لي سواك ما شفتو مال
خذيني باليمين وانا راقد شمال
عزة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما أشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
عزة في حذا الخرطوم قبال
وعزة من جنان شمبات حبال
وعزة لي ربوع ام در جبال
وعزة في الفؤاد دوا يشفي الوبال

Abdelazim
10-23-2008, 06:48 PM
الفي دلاله
للراحل سيد عبد العزيز


الفي دلاله ماأعظم جلاله
إستحل هلاكي ولي حرم هِلاله
الهلال الشغل الناس هِلاله
الظلام حين شاف محيه أنجلالهُ
نضرة خدوده وبالأنوار يلالو
راح أنفسنا وريحانة لخِلاله
المنعم توب العز كِساله
مثال النعمة وماأعظم مِثاله
جداول ديسه في وردانه سالو
طيبه يعبق كل ما الليل أمساله
شالو فاله الناس يتمنوا حاله
مثاله الباسم وحتى الغيم سِحاله
ومن ضميري حب الغير محاه
نائم وخِلى الكان نائم صِحاله
المدلل ما أكرم خصاله
حسنه وافي ومافي لسان حصاله
عالي سماه بي بعيد وصاله
المحاسن في مراية جماله
رطب قوامه وخمر التيه أماله
يتلو قلبك عند قلت شماله
وتدعيله عليه يدوم كماله

Abdelazim
10-23-2008, 06:50 PM
الرشيم الأخضر
الراحل محمد بشير عتيق

الرشيم الأخضر في الخديد الأنضر
هم سبب آلامي
فكري أضْحى مبحتر من غرايب سحره ومن عيونه الفُتَّر
حكمة لو يتمايل أو سَفَر واتْبخْتَر
أيه بثينة وعَزّة وأيه عُبيْلة عنْتر
هاهو حسنه أمامي
مين سِواك يتجسَّر في فؤادي وحبك ليه عامل سَنْسَر
قلبي بيك اتأسر وفيه حبك أثّر
ونوم عيوني اتعسّر .. آه
بانكسار لحظاتك حظِّي أضحى مكسَّر
يا رفيع يا سامي
السحاب ما أمطر اروى ساحة ربعك ومن شذاك اتعطّر
ما تغزّل شاعر في محاسنك سطّر
هاك سلامي الخالص يا جميل يا مبطّر
وليك جزيل إكرامي

Abdelazim
10-23-2008, 06:51 PM
انت حكمة
كلمات الراحل محمد عبد الله ( الأمي)


انت حـكمـة انـت آيـة ولا إنسـان
انت صاحي ولا نايم ولا طرفك من طبعه نعسان
انت راحـي انت روحـي انـت إنسـان
عيـني يا صـاحي وانت احسان
انت نـادي انت هـادي انت ميـسان
انت ظافـر انت ضافـر اسود وفرسان
انت شـادن انت لادن انت فتّـان
إنت ضـامر انت سـامر انت هـتان
انت نـادر انت ناضر انت بستان
انت صـافي انت نـافي زور وبهتان
يا حيـاتي يا ممـاتي هاك سـطران
الصبـابة ومر عذابهـا وقلبي اقران
وانت سـاهي وانت لاهـي انت بطران
يا صفـاي يا وفـاي هاك برهان
عن غرامي وطول هيـامي السابني ولهـان
عـزّ قربـك أما بعـدك مالـو لي هـان
قلبي خافـق هل توافـق قدري ينهان
يا حبيبي كـن طبيبي أمـري حـيران
طول نهـاري ثم ليلي ساهـي سهران
طال عذابي وصاح غرابي جوِّي عكران

Abdelazim
10-23-2008, 06:54 PM
الراحل صالح عبد السيد (أبو صلاح)
يا سمير بي نظرتك

يا سمير بي نظرتك أوفي الميـعاد
العيـون الشافـتك ما أسعدا
من هواك أنا جسمي دايماً في ارتعاد
أمّا نومي الفرّ ما منظور يعـاد
يكفي وجدي يكفي هجري والبُعــاد
رِقْ وجود وانظر لراحة قلبي عاد
لو رِضاك ينجز حظوظي يساعدا
يا نسـيم نومـي فـرَّ وزاد عنـاد
إستعد وأصـبح عليـك الاسـتناد
إجتهد في السُّرعة زي قدْح الزنـاد
تلقى سيّاف لحظه صاحي وطرفه ناد
احتفل بيهُ ولفّـو بي توب الندى
قول لو يا المكحول طبع من غير سماد
للصديره شـال وخصرو مــاد
يا المحجّب في غُـرف ذات العمـاد
لو سهم عينيك صدف راس الجماد
غير شـك دكّ الحجارة وهمّدا
ليلي طـال عتّم نشر توب الحَـداد من نجومه توشّح الـدرر الجُـداد
طرفي سـاهر يتـلو آيـات الوداد
الشّجر أقـلام جميع والنيـل مداد
لو كتب أشواقي ليك ما عدّدا

Abdelazim
10-23-2008, 06:56 PM
جناين الشاطئ لخليل فرح

بين جناين الشاطىء وبين قصور الروم
حي زهرة روما وأبكي يا مغروم
دره سالبه عقولنا لبسوها طقوم
ملكة آسرة قلوبنا تبين عليها تقوم
في الطريق إن مرت بالخلوق مزحوم
كالهلال الهلّ الناس عليها تحوم
شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم
خلي جات متبوعة الصافية كالدينار
في القوام مربوعة شوفا عالية منار
موضة آخر موضة هيفا غير زنار
روضة داخل روضة غني فيها كنار
شوف جبينا الهل ضوّ فوقه فنار
منه هل الشارع منه بقّ ونار
طالعة ما بتقابل زي لهيب النار
تحرق البتهابل والبعيد في نار

كورينا
12-04-2008, 09:01 PM
الاعزاء جميعا
لكم التحية والاحترام
على هذا الزخم الجميل لناس عشقوا الوطن
وهاموا حبا فيه وفي النصف الحلو
وسطروا ادبا سودانيا راقيا ورفيعا
اكد اقول لنا يتكرر

الدمهشري
11-08-2009, 04:18 PM
المساح
الشاغلين فؤادي
ابراهيم الكاشف
الشاغلين فؤادي وتاييهن فاييقين
اصلي البي نازف دمع المايقين


النسيم عودني اقوم من نومي تاب
مشغول فكري سارح مشطوب انشطاب
يالنسيم بالله تجيب ردالخطاب
أوع الجاهلة نيا وما بتحمل عتاب

من القبلي لاح لي برق لمع
والصيد في الخمايل يا ناس اجتمع
قومو يا احبة نسترق السمع
ما بطيق القعدة والمايق دمع

**
شوق احبابي لي مولاي قدرو
انسلبت لحومي وعضاي خدرو
لاموني العوازل بي حالي ازدرو
هم شايفين دلالو وتايهين ما درو (وفي مقولة اخر :هم شاغلين فؤادي وتايهين ما درو)

سامرت الكواكب لما البدر لاح
منادي الفجر نادى وقال يا اهل الصلاح
صلو الوقت حاضر .. قامو اهل الصلاح
وانا الليل قايمو .. لا خيال لي لاح



البلابل ناحت في الليل الهجيع
سهرانات عيوني ومابيات الضجيع
من الحالة ديك اخير لي النجيع
واحسرة شبابي ما لقيت لي وجيع

سلاوة
12-23-2009, 10:34 AM
أنة المجروح
كلمات : سيد عبد العزيز
الحان : الحاج محمد أحمد سرور

يا أنة المجروح يا الروح حياتي تروح
الحب فيك يا جميل معني الجمال مشروح
للحب لهيب فى الجوف زيو الزناد مقدوح
منه الجبابرة تلين لصوت بلابل الدوح
تصاحبو النسمات تفضل معاها تدوح
من نغمة الأشواق ومحاسن الممدوح
الناس تحب رؤياك بالخاطر المشروح
يا ملفت الأنظار يابسمة المفروح
حوريه فى السودان بحبى ليكى أبوح
عنب جناين النيل أتمنى منه صبوح
وانشد فؤادى الضال بين الرياض مذبوح
أرى الهلال فى ظلال تلك الخميلة يلوح
أنا لو ضمنتو رضاك اكون سعيد ممنوح
يا من تسر رؤياك تفرح تنسى النوح
تكسو النهار بجمال خديك جمال ووضوح
منو الغزالة تقف فى موقف المفضوح
من الوله للقاك دمعى العزيز مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح


الله ....الله ....الله


على الفن واهله ...حقيقة ....كل من يكتب عن الحقيبة ...معروف زوقه وين حدوده..ما ليه حدود

شكرا جميلا ليك يا راقي ...ياني ساكنة بيجاي

الدمهشري
01-16-2010, 02:13 PM
ياناس عاوز غنية ياقائد الاسطول

الدمهشري
01-25-2010, 12:13 PM
الشرف الباذخ
نحن ونحن الشرف الباذخ
دابي الكر شباب النيل
قوم وم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل

الدمهشري
01-25-2010, 12:15 PM
كلمات الاستاذ/ محمد بشير عتيق

ما بنسي ليلة كنا تايهين في سمر
بين الزهور انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر

ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر

الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر

شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر

انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

الدمهشري
01-25-2010, 12:18 PM
ياكافي البلاء الناس دي ماله
قائد الاسطول

يا قائد الأسطول تخضع لك الفرسان
ياذو الفخار والطول أرحم بنى الإنسان
مين لسماك يطول ما يطولك اللمسان
معناك شرحه يطول والله يا إنسان
أصدق كفانا مطول ياذو الحسن إحسان
أنا عقلى بيك مختول والناس عقول ولسان
ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان
يا من تحق القول قتل النفوس حرمان
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
أصبح زهر مشتول وفاح ملا الجيران
يا علة المعلول كم أومى ليك بنان
كم من أٍسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ما ببدلهم بجنان
يا حبيبي كون ممهول وليكون ماكان
الفى غد مجهول والماضى أسمه الكان
نفديك شباب وكهول ونبقى ليك أركان
فى حبك المأهول ونخدم السكان
يالفى سماك مفصول تنشاف عيان وبيان
ما عرفنا ليك وصول وما دنيت أحيان
إنت الخطاك أصول يعلم الديان
مثلت فينا فصول ما بدرسها النسيان