المساعد الشخصي الرقمي

مشاهدة النسخة كاملة : لما طيفك مره جاني



الاسمرانية
03-04-2010, 09:39 PM
دربي في حبك رماني
ماني عارفه ايه خلاصي...
من هواك يا حلو تاني
كيف اصارحك بي هواي...
وكيف اترجم للمعاني
عايز اصارحك بالبحسو
وايه يفك عقدة لساني
كل مرة اقول اصارحك ...
اللقى عقلي سبق نهاني
خوفي زعلك يا امير...
وابقي في حق نفسي جاني
شعرت بي كل السعادة...
لما طيفك مرة جاني....
الزهور اتفتحت.....
والكون صبح لونو ارجواني
الطيور جات لي تبارك....
تشدو بي اجمل اغاني
حتي القمر ارسل شعاعو...
يزف لي اعذب تهاني
فضلت اناجي في خيالك...
والاماني معذباني
عايز احكيلو الحصل...
كيف عواطفي مجنناني
قبل ما ابدأ الحكاية...
عدى طيفك وما رجاني
فضلت انادي عليهو ...ارجوك
كان يحن يرجع لي تاني
الا فات خلاني روح....سابني للاحزان.... اعاني
العبرة خنقتني وبكيت...
سالت دموعي مغرقاني
القمر غاب من سماي..
والزهور ذبلت عشاني
يا حبيب ارحم شقايا...
اوع لا تفارق مكاني
اصلي ما بحمل فراقك ..
حتى لو كان بالثواني
ارجوك بس خليهو طيفك...
لو قليل يرجع لي تاني

كلمات اعجبتني فاحببت ان اسردها لكم:7:

الوسيم
03-04-2010, 09:51 PM
الاخت الغالية الاسمرانية
كالعادة مبدعة وكلمات تهز مرهفات المشاعر
وتدخل بدون استئذان لقلوبنا
نتلهف دائماً للمزيد
دمت لنا ودام ابداعاتك
يسلمووووو اياديك الغالية

ياسر صلاح
03-04-2010, 10:19 PM
كلام حلو شديد يدل على زوقك المرهف..بس البكا الكتير ..عنده مضار كبيرة

الاسمرانية
03-05-2010, 08:37 PM
الاخت الغالية الاسمرانية
كالعادة مبدعة وكلمات تهز مرهفات المشاعر
وتدخل بدون استئذان لقلوبنا
نتلهف دائماً للمزيد
دمت لنا ودام ابداعاتك
يسلمووووو اياديك الغالية


الاخ الغالي الوسيم يا وسيم
دخول تلك الكلمات الى قلبك دون استئذان لاتعني شيئا سوى رقه مشاعرك وقلبك الدافئ

الله يسلمك يا زووووووق:blushing:

الاسمرانية
03-05-2010, 08:39 PM
كلام حلو شديد يدل على زوقك المرهف..بس البكا الكتير ..عنده مضار كبيرة


تسلم يا عمو ياسر
بس يا ريت لو ببكي كتير يمكن كنت ارتاح شويه
مشكلتي دموعي ما بتنزل بالهين
لو عندك شي يبكيني قول لي


ثانكس:53:

عادل القاسم
03-05-2010, 08:46 PM
فعلا كلمات جميلة جدا...
احييك علي اختيارك الموفق...


بالمناسبة هي اغنية مش كدي..

ياسر صلاح
03-05-2010, 09:22 PM
قالوالى انساه وامسح من خيالك زكرياته
انسى كل الماضى وابعد عن طريقه وعن حياته
فات وخلاك للزمن ضاعت امالك سدا
ليه تحن من تانى ليه تفكر فى صلاته
السنين العشت فيها معاك هنايا
اقوى من قول العوازل واسمى من كلمة وشاية
لو خلاص قلبك نسى الايام معايا
برضى راضى فى الغرام كم من ضحايا
بس تأكد ياحبيبى انو حبك فى دمايا
بالامل صبرت قلبى وعشت فى دنيا الامانى
اهدهد الشوق بين ضلوعى واترجم الالام اغانى
واروى للناس سر عذابى واحكى ليهم ماشجانى
لانفع دمعى السكبته ولاشفع عندك حنانى
الغريب عن وطنه مهما طال غيابه
مصيره يرجع تانى لى اهله وصحابو
ينسى آلامه وشجونه ينسى حرمانو وعذابو
الا قلبى ياحبيبى فى هواك طال اغترابوا

2ta
04-10-2010, 11:00 PM
كلمات حلوه
ورغيغه
تسلمي حبيبه

اركمانيه
04-11-2010, 01:18 AM
تسلمي كتير
أختي سمراء على الاختيار
الجميل.
وياريت نعرف أسم الكاتب أو الكاتبة
لتعم الفائدة.