المساعد الشخصي الرقمي

مشاهدة النسخة كاملة : روائع عقد الجلاد



ابراهيم العمده
09-12-2008, 10:17 AM
بسم الله الرحمن الرحيم
أحبائي أُخصص هذا البوست لأرشفة
روائع الرائعين الذين أثروا ساحة
الغنا في هذا البلد بكل ماهو جميل
ونبيل والذين تغنوا لأبسط الطبقات
في بلادي الفقراء والمساكين ولم
يمدحوا الاغنياء ليدروا عليهم المال
بل كانت ولازالت لهم قضية يدافعون
عنها فلهم منا التحية ولمسات الوفاء
متمنين لهم السير قدماً إنشاء الله
كما أتمني أن ينال إعجابكم
وشكراً

ابراهيم العمده
09-12-2008, 10:21 AM
الاهليه
كلمات:محمد ود الرضى
الحان: فاطمه بت بابكر


بسم الله ابتديت متل البرق لاحت

فى الشين والفسل بقينا نتباحت

طال الكان قصير والعالى اتاحت

والصولات حليلن ملكتن راحت



مالك يا زمان شبعتنا هولا

لبست الناس تيابا حاشا مى هولا

يات من كان يجي دماعو مبهوله

ولله راحت بقت البواجهولا



مالك يا زمان شبعتنا وح ووحيح

صح الدون كضب

كضب العوالى صحيح

يات من كان انا جعلتو لى صليح

عقرب حزّه لى ويا نفسي زين ومليح



فى احوال الزمن صار الفكر حاير

والياباك خلو عندو شن داير

فوق اهل الفكر كاس الوحيح داير

نفد سوق النفاق سوق السمح باير



تب الشباب ان بقا كواس

تب الصبى ان قطع المروة خلاص

تب الشايب ان بقى وسواس

تب الاقربين الاتفاتتو الامغاص

ابراهيم العمده
09-12-2008, 10:23 AM
الخرطوم
الحان/ مستر كيم اوق مان
كلمات/ التجاني حاج موسي



يا جمال النيل والخرطوم باليل

ياراضعة من نيلين حضنوك من ازمان

يا قبلة الزائرين يادرة السودان

ضمك شذى الياسمين والورد والريحان

عشاق سمر باليل سحرم جمال النيل

اجمل ليالي هنا لما القمر يظهر

والونسة تبقي غنا والغنوة تتنقل

وتفوت علي امدرمان وهناك تكون اجمل

لوبس تطول ياليل وتزيد جمال النيل

ابراهيم العمده
09-12-2008, 10:26 AM
الطمباره والغناى

للشاعر/ محمد طه القدال لحن الاستاذ/عثمان النو

نحن اهل الفرحه جبنا

لا المدامع وقفتنا ولا الحكايات الحزينة

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولا برجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد... ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

موراجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

ابراهيم العمده
09-12-2008, 10:27 AM
باب السنط
محجوب شريف
حمزة سليمان




ود باب السنط والدكة والنفاج

والحوش الوسيع للساكنين افواج

واللمة التى ربت جنا المحتاج

والنار الدغش

والريكة جنب الصاج

والسكسك المنضوم

حول الجبينة نجوم

والفنجرية تقوم

تقهوج الحجاج

طق طرق يا بن

القهوه كيف ومزاج

طق طرق يا بن

خلي النعدل الراس

ونحصل الترماى

ابراهيم العمده
09-12-2008, 10:30 AM
تبتبا
اشعار محجوب شريف
الحان شمت محمد نور


تبتبا تبتبا تبتبا تبتب

باكر تعرف تقرا وتكتب

وياما ترتب

نحنا بنحلم وكم نتمنى

هي تحقق كل ما تحب

تبني حياتا الند بالند

اي مكانة وخانة تسد

هدهدا هدهد كل الورد ينوم ويفرهد

زي عصفورة تطير وترك

تحبا وتمسك وتاني تفك

سيبا تفكفك سيبا تلكلك عايزة تنطط

بكرة حترسم وياما تخطط

بكرة حا يبنوا مدائن ضو

ما بيعكر صفو الجو صفارة حرب

تشطب من قاموس الدنيا

الضرب الشك الخوف

ينعموا كم بالشم والشوف واغاني الحب

افتح بابك آمن تب

زي ما النهر بيلقى مصب

اي حمامة بتلقى الحب

تلقى الورده الندى في الكم

تلقى حداها جناها الام

يرضع صافي حليب الحب

نقدل نحنا الجد والعم

تملا عيونا كهارب سد

باباً جاب الهم والزم والصد ينسد

نفرح لما ندمع جد

مد البصر الامل يمتد

العمل يشتد البنا ينتم الغنا يمتد

هدهدا هدهد

اكتبي اكتبي الف المد

حمام وسلام وسعادة بجد

اكتبي اكتبي ياء المد

سرير وعصير وعبير ينشم

اكتبي اكتبي واو المد

حقول وعقول تقرا المجهول كتاب الغد

اكتبي علم وسلم

لا حد يئن لاتسمع بم

لا ينزف دم

لا يعجز رد

لا يعجز طب

لا دمعه في خد

تبتب

ابراهيم العمده
09-12-2008, 10:32 AM
حاجه آمنه
كلمات : عبد الوهاب هلاوى
الحان : شريف شرحبيل احمد


حاجه أمنه اتصبرى عارف الوجع في الجوف شديد

عارفك كمان ما بتقدرى

جاهلك شكى وجاهلك بكي

في بيتك المرق اتكي والشي البحيرة وما بحير

مابيه ياحاجه الزكاة

طلع الصباح لو ليك مراد ياحاجه ما تطلع شمس والليله عندك زى امس

لسه الرويدى مع الصباح يا حاجه ماجاب ليك خبر كان جوفو زى جوف العيال

من مده داير ليه حجر والله على الزمن الحجر المابي بالصبر اتكرى

ومشيتي لي برج الحمام برجك صفيحتين ما بزيد ومشيتي لي برج الحمام كان تلقي

ليك جوزاً جديد يمكن بعد طلع الصباح يغشاكي زولاً يشترى

هبشتي جاى فتشتي جاى كان تلقي سكر بس محال باقى الرطيل الفي الكرت

ياحاجه سفوه العيال ياحليل زمان وسنين زمان ياحاجه لو تتذكرى

وسمعتي صوت جاك من بعيد وبعد قليل بابك ضرب وسمعتي صوت جاك من بعيد شالك تعب ختاك تعب

ياحاجه ناس المويه جوك.. اصلو الشهر روح جرى

بعد صراع وصراع طويل ياحاجه بينك والمحال مالقيتي في داك النهار

شيتا يجو و ياكلو العيال حبة عدس مابسوى شي وينو البصل وينو اللحم

حبة عجين مابسوى شي وينو الدقيق وينو الفحم من جاى لجاى فتشتي

جاى هبشتي جاى لازمك كتير تتقدرى ويا حاجه امنه اتصبري

ابراهيم العمده
09-12-2008, 10:34 AM
حصار

اشعار : سعد الدين ابراهيم

الحان : ابوذر عبد الباقي

اقول باختصار لانك كانك هموم الحصار

اهو بعدت عنك فايه يعني صار

احبك تصور بكل الحواس

لانك كانك براك انت ناس

مشاعلك يضون بما لا يقاس

ويخبن تجاهي ويصيبن نعاس

احبك حمائم لاجل السلام

فوق الغمائم تحلق دوام

وما القى منك برغم الهيام

سوى طيف وعودك كلام في كلام

احبك تصور برغم الحواجز

برغم الاماني الوساع العواجز

اريدك تصور وافتح نوافذ

يجي الفجر باكر منور وناجز

ابراهيم العمده
09-12-2008, 10:37 AM
ساجور
كلمات : جمال حسن سعيد
االحان : طارق جويلى



ساجور ما انفكّ فى رحم الغيب ما انفكّ

ما باح الغيم بي سر الضيم والناس نضيم فى الفارغة

ساجور ما انفكّ سؤال فى القمر الخنق فى الحلة

ما اندق صفيح

ما انشدّ بليلة

بليلة وفال

ما اتغنى مديح

وما فكّ ضفايرك للريح

والناس بتصيح فى الفارغة

ابراهيم العمده
09-12-2008, 10:39 AM
ساره

تراث



زانقوا ماني لريري

رونا ســــــــــاره

زانـــــقوا ســـاره

مالنــــجيا سيسـي

ايي منفو كــــــــــو

ســـــــاره ليـوسي

اي را من فوكـــــــو

ساره ليوسي

ابراهيم العمده
09-12-2008, 10:40 AM
عطبرة

إشعار : جمال عبد الرحيم

الحان : طارق جويلي



من قمت من بيتنا ومشيت

بطاقتي صورة مصغرة

شايل معاي شنطة صفيح

حزمة هموم

ولدا متين بقي للسفر والاغتراب والدردرة

كان الزمان لسة رضى

والناس ظروفها مقدرة

وأنا في القطار اصغر صبي

أمال تفيض متفجرة

لما القطار صفر وقف

بهرتني صورة عطبرة

دي محطة الوطن الكبير كانت تضج متحضرة

ونزلت ماشي على الرصيف

اغبش هدومي مغبرة

الهجرة من زمناً قديم زي ساقية فينا مدورة..

عائلة أبوي عبد الرحيم من حلفا جات متهجرة

اديلة او والله رن فجلي

بلد نفاي اموقا كجلي نورين موقو

كن جواب كفاي

دقيتني نفص كورين لوجي

نفس القطارات والسكك

يوم مقبلة ويوم مدبرة

كان عمري 12 سنة

شايل التقيلة مبكرة

رحال بدون زاد لا متاع

كان لي كتاب ومفكرة

لميت شتات بعض الحروف

وقرابتي تبدو مكسرة

من قمت من بيتنا ومشيت

بطاقتي صورة مصغرة

شايل معاي شنطة صفيح حزمة هموم

ولدا متين بقي للسفر والاغتراب والدر درة

ابراهيم العمده
09-12-2008, 10:42 AM
عيناك

اشعار : احمد محمد الغالي

الحان : عثمان النو



عيناك لى سقيا وحلاوة اللقيا

ان غابت الاصحاب وتركت مقهورا

عار بلا انخاب

اتلصص السقيا من فارغ الاكواب

عيناك

قلبي عليك يمور يا قارب البلور

من لحنك المكسور

الكف صار عليل

لا يرسم اللوحات ولا يحمل الازميل

ان غابت الاصحاب

وتركت مقهورا عارا بلا انخاب

اتلصص السقيا من فارغ الاكواب

عيناك ......

عيناك ........

ابراهيم العمده
09-12-2008, 10:43 AM
كل الخير
كلمات : عماد الدين ابراهيم
الحان : عثمان النو


لانك عندى كل الخير

وجيهك فرحة الدنيا

ودواخلك زى شعاع النور

عرفتك وكنت زى شفتك

قبل القاك

وزى انك بتنبعي من فرح جواى

تمسحي عن رؤاى الضيم

وتضحكي للزمان الجاى

وتتفجر مسامك ضي

مع الصبح الغشانا شوى

كأني معاك كائن حي

كأنو صفاك كأنو الحل

افارقك والعمر عندك

زهيراتاً غشاها الطل

واحاسيسك بتتكمل

غنيواتك بتتبارك مع

الايام وتتجمل

افارقك والزمان اجمل عشان

تشعل ملامحي ضياك كل مانجيمه

تتحول

وشان تفضل ملامحك فيّ زى ماكنتي في الاول

ابراهيم العمده
09-12-2008, 10:46 AM
مسدار ابو السرة لي اليانكي
الشاعر : محمد طه القَدّالْ
اللحان : عثمان النو




أُمّاتِي القِبيلْ



بي حِنّهنْ لجّـنّي


كَرفة وقَلدة


كيف شوق اللّبن رَجّني


حُزناً جاني في مَيْع الصِّبا يلَجِّني


أطلعْ مِنِّي يا جلدي المِنمِّل جِنيِّ


واطلعْ مِنِّي يا حُزناً بِقى مكَجِّني




خَلّني أبدا مُسداري


وأودي قفايا لي داراً بِقَتْ مِي دَاري


جِيتَا ..


وجِلْدِي بينو وبين عضاي الشّحَمَة


إلا النّار بِقَتْ قِدّامي


جِلْدِي اللّيلة بينو وبين عَضَايَ المافي


إلاّ تراني شَوّالْ الكِبِسْ


نِفّيخْ جَراريب الوَرَمْ هَدّامِي


في جِلدي الورم قُولَنْلي


وللاّ صَحِي الورم عَضّامِي


سفريتك مِي الفي النيّة


وميها الكانت محريّة


خابراكْ عِرِّيفْ ..


ذم العُربانْ واللاّ قِيام الوردية


مالكْ ؟؟؟


تَرْيَانْ ومندِّي


كاسي الكِتّان والهندي


قولَكْ كِكّيفْ ترجى البيشان


واللاّ الغُربة البي الزِّنْدي


برقاً عِبْدِللِّي الوَزْنِ


يا طاشْ .. يا جاب المُزْنِ


فَرِّقْ يا الضّيفْ


فِعْل الغَضْبان ..


أم فِرفيرات الحُزْنِ


وشِنْ القَعدة


يا أبو السُّرة


في ضُل العمارات أم كمرةً برّة


ضُقْنا الحَنْضَل اليانكي


وبَلَعْنا المُرّة


كِمْلَتْ كوتة التُّمبَاك


صَقَعْنا الجِّـرّة


ووكت إتقفّلَتْ شِقّيشْ

قَبَلْ بي المرّة



نَرْمي أمُرنا في بلد المعاني الحُـرّة


الشّمْ خَوّخَتْ


بَرَدَنْ ليالي الحّـرّة


والبرّاق بَرَقْ ..


مِنْ مِنّا جاب القِرّة


شوف عيني الصِّقير بجناحو كَفَتْ الفِرّة


تلقاها ام خدود الليلة مَرَقَتْ بَرّة


مَرَقَتْ بَرّة تغلي مديدة الحِلْبة التَسَمِّن رِدْفَها


السَمِنْ المبَسْتَرْ يانْكي


والويقود بعيرات الدُّخان في العين


وفي الفَشْفَاشْ يسوِّي عمايلو


شِنْ فايدة مديدة الحلبة والويقود بشيلو اليانكي ؟؟


يا ابو السُّرة


قامت من دخاخين العمى تلمِّع وشِيها


اليانكي مِسْتَنِّيهَا


كان اليانكي مستنيها في مراية السَجَم في اللّيل


لقيتها مِتِلْ فريخ الطّير


مَرَقْ ود عينها من ود عينها


رجّافة المزمّلْ حُمّى


جَفَلَتْ مِنّو


وَقَعَتْ عندي


صدرها بغلي


يا ابوالسُّرة


شُفْتَ اليانكي في ود عينها


سُقْتَها للبحر


يمكن يغسِّل عينها من اليانكي


فُتْنَا الحَجْرة بالكَتّة وغطسنا مسافة


تبقى قَدُر مسالك الرّيدة


ما لاقانا من يغبانا في البحر الفَدَرْ تحتاني


ناس عارفاها


ناس عارفاكا


ناس عارفاني


ناديت القعوي والبُلْطي


قرقور السّمَك ودّاني لي دابي الخُشَشْ


نادينا عُمّال الطّمِي


عُمّال الطّمِي الصّارقيلا


والقَرْمُوط


وود الموية


فُتْنَا عليها


كانت نايمة


عَجّال البحر حارساها كانت نايمة


بين حجرين وضُل ساسوية كانت نايمة


وعُمّال الطّمِي الصّحونا لّمُو حصى البحر


قسموهو ياتْ من كان سبع جمراتْ


دابي الخُشّة قال :


أدُّوها في الجمرات تلات سبعاتْ


قُلْنا :


أدُّوها في الجمرات تلات سبعاتْ




مَسَكْنَا دَرِبْنَا


عُمّال الطّمِي الصّحوها


خابرين الدّروبْ


مَرَقوبنا فوق مُشْرَعْ مسارب الضّيْ


لقينا الدُّنيا تترجّانَا


قُوقَا القِمْري


خَوّى صِقيرْ


وعَوّى حِديْ


وعُمّال الطّمِي الصّحونَا


لَمُّو على البعرفو الصّيْ


حَصَى القيزان


دوابي الدّارْقَة


والسِّحْليّة


والنّاسْ التِّحِتْ


النّاسْ التِّحِتْ خابرين عَمايْل اليَانْكي


مَرّة معونة لي اللّغّاف


ومَرّة دَوانْكِي


شِنْ معناهو جيبها إن كان ملوهو بوانكي


صوتها مكتِّمو القَرَبين سيوف وسَوانْكِي




قولَنْ لي الأَخْلو ديارو


دمّكْ فَرْهَدْ في نارو


غَوّرْ في الأرض


طارو صَقْرين


ولاد الأرض ما طارو


لحمي غَطّى بِنْ عَمِّي


شو صار حالو يا إمِّي


منديل العِرْضْ في بيت الدِّينْ


دمِّي ما يخلِّي دمِّي


إمنّا من دير ياسينْ


صِرْنا في جِزْر التّين


عَمْ نسقى بعضْ


حُبّ الزّيتونْ بدّو يرجع للطينْ




صابرا تحت الدورية


صابرا فوق الدورية


صابرا فوق الدورية


يا حال الضِّدْ


لحم الطِّفلين نابت غُصنْ الحريّة


جِذْري مو في شاتيلا


ما قال حالي يا ويلا


حِنّا في الأرضْ


أرضِ فلسطين


يا إمِّي هيلا هيلا


يا إمِّي هيلا هيلا


يا أُمِّى هيلا هيلا


هيلا


هيلا


هيلا




هيلا وهيلا يا ابو السُّرة كُجْ العين


تخبر الشّينة من الزّينْ


تَفُرْز الطّاري من السّاري


يا ابو السُّرة كُجْ العينْ


ومدُّو صباعك السّبابي


قول لي الغَافي هويْ يا زول


هوي يا غافي يا زول هويْ


أرخي الغُردة للعَنّافي


شِدْ القمري بالحوبابي


في مسدارنا

شِلْنا نهارنا



في إيدينا من ساسو البحر عقدينْ


مَسَكْنا دَرِبْنا


عُمّال الطّمي الصّحونا


خابرين الدِّروب مرقوبنا في مُشْرع مَسَارب الضّيْ


لقينا الدُّنيا تترجّانا


قوقا القِمري


خَوّى صقيْر


وعَوّى حِدَيْ


وكُنّا جماعة


دابّات الأرض والسّايمة


عَوّامة البحر والطّيرْ


وحتى الغيمة قصّاصة الأَتَرْ


فوق راسنا شايفة الدّربْ


ضِنيب اليَانْكي


قال القمري لي الضُّليلة :


خَلِّكْ صاحية زوغ اليانكي لا يودِّرنا


قال الدّابي :


إن يغباها ما بيغباني


ولمّا الشّمْ مودِّعة غاربة


وَصّتْ جملة الصّقّار عيونهنْ كَارْبة :


أبقو أَلِفْ


بَفوت لي المِتْلَكُم ناهضينْ


وفوق ديناب عريباً غادي


قال السِّحْلي لا نغشاهم


ديل عُربانْ توابع اليانكي


قال الجمع لا نغشاهم


ديل عربان توابع اليانكي


خَلُّوها العريب الغايبة


والسّراقْ طبيقو معاهو


تيجاناً عروشها الخروعْ ..


الهَشْ ..


العَويشْ


الناّر تَعَلِّبْ فوق عُقَال العَرْشْ


ولا خَسّانا بي هادي العروش الهـُرْبة


يا ابو السُّرة .. لا عَقّالْ


مَسَكنا دربنا


والشمس البتوقد فوقنا


ولمّ لميمنا


لمّ لميمنا والشّمش البتوقد فوقنا


شدّ شديدنا لا التِّمثال مَشيّلْ روقنا


عَالَم حُرْ يدوعِلْ فوقنا


لي يوم سوقنا


نبزُق فيهو .. في ود عينو جَرْ واسوقنا


يا شمسي طِلِّي .. طِلِّي


شاوري عَ بيتي دِليِّ


كَيّال الكيل .. ختياري ماتْ


ظِلِّي عَمْ يحرس ظِلِّي


عَادِلْ عَ خَييّ ميلي


خَييّ ما يحمل شَيلي


ما خَفّ الشّيلْ


ثاني المرّات ناطِرْ رصّاصِي سيلي


عيني في الفيل ما ظِلّه


كِلْنا ندريه ما نضِلّه


يا ويل الويلْ


نرمي الجمرات عَدِّ المستشْهِدْ كِلّه

ابراهيم العمده
09-12-2008, 10:49 AM
يا با مع السلامة
اشعار : محجوب شريف

الحان : شمت محمد نور

يابا مع السلامة يا سكة سلامة

في الحزن المطير

يا كالنخلة هامة

قامة واستقامة

هيبة مع البساطة

اصدق ما يكون



راحة ايديك تماماً متل الضفتين

ضلك كم ترامى حضناً لليتامى

خبزاً للذين هم لا يملكون

بنفس البساطة والهمس الحنون

ترحل يا حبيبي من باب الحياة لباب المنون



روحك كالحمامة بترفرف هناك

كم سيرة وسريرا من حولك ضراك

والناس الذين خليتم وراك

وعيونم حزينة بتبلل ثراك

ابواب المدينة بتسلم عليك

والشارع يتاوق يتنفس هواك



يا حليلك حليلك يا حليل الحكاوي

تتونس كانك يوم ما كنت ناوي

تجمع لم تفرق بين الناس تساوي

نارك ما بتحرق ما بتشد تلاوي

ما بتحب تفرق من جيبك تداوي

الحلم الجماعي والعدل اجتماعي والروح السماوي

والحب الكبير



في الزمن المكندك والحزن الاضافي

جينا نقول نفرق نجي نلقاه مافي

لا سافر مشرق لافتران وغافي

وين عمي البطرق جواي القوافي

يا كرسيه وسريرو هل ما زلت دافي

يا مرتبتو امكن في مكتبتو قاعد يقرا وزهنو صافي



يا تلك الترامس وينو الصوتو هامس

كالمترار يساسق يمشي كما الحفيف

كم في الذهن عالق ثرثرة المعالق والشاي اللطيف

تصطف الكبابي اجمل من صبايا

بينات الروابي والضل الوريف

احمر زاهي باهي يلفت انتباهي

هل سكر زيادة ام سكر خفيف

ينده للبنية يديها الحلاوة

والخاطر يطيب

يدخل جنو منو محبوب الشقاوة

يستنى النصيب



الدفو والنداوة السنا والعبير

كالغزلان هناك في الوادي الخصيب

حيث الموية عذبة والغصن الرطيب

كم تحت المخدة اكتر من مودة

للجنا والغريب

عش وعشب اخضر جدول من حليب

يابا ابوي يا يابا

الشمس البتطلع بلت منو ريقا

والنجمة البتسطع فيه تشوف بريقا

الندى في حركتو يطفيها الحريقة

ننهل من بركتو زي شيخ الطريقة

شاييهو وطرقتو والايدي الصديقة

يلا نسد فرقتو حب الناس درقتو

يا موت لو تركتو مننا قد سرقتو

كنا نقول ده وقتو لكنك حقيقة



النفاجو فاتح ما بين دين ودين

نفحة محمدية دفئاً كالضريح

ميضنة كم تلالي جيداً في اليالي

مجداً في الاعالي

مريم والمسيح



قلباً نبضو واصل ما بين جيل جيل

ما بين كان وحاصل او ما قد يكون

ما بتشوف فواصل الا الذكريات

وآلام المفاصل بعضاً من شجون

يابا مع السلامة يا سكة سلامة
في الحزن المطير

ابراهيم العمده
09-12-2008, 10:51 AM
يا ليلي ليلك جن
الشيخ المكاوي

يا ليلي ليلك جن

معشوقك اوه وانّ

يا ليلي ليلك جن

معشوقك اوه وانّ



ام مرحى فوق جبلنا

اصلو الاكسير معدنا

يا ليلي ليلك جن

معشوقك اوه وانّ



الشرب بالكوب والدنه

وكل الغشاهو تهنا

يا ليلي ليلك جن

معشوقك اوه وانّ





وبعد الارض سهلنا

سقنا وتيرابنا شتلنا

يا ليلي ليلك جن

معشوقك اوه وانّ



تربالنا دور وغنا

صاح بالجلاله ورنا

يا ليلي ليلك جن

معشوقك اوه وانّ



مطر الفيوض ما ونا

نبعن سيوف الجنة

يا ليلي ليلك جن

معشوقك اوه وانّ



توريقنا دور ودنا

وعلج رقابو تحنى

يا ليلي ليلك جن

معشوقك اوه وانّ





خدموهو اللبسو شرايتو

وكل زول فرش سرايتو

يا ليلي ليلك جن

معشوقك اوه وانّ



عدد السبعين مضرايتو

صوبروهو غزو رايتو

يا ليلي ليلك جن

معشوقك اوه وانّ

يا ليلي ليلك جن

معشوقك اوه وانّ

عادل الخضر
09-17-2008, 02:23 AM
ودود الإبتسامة

يا ودود الإبتسامة
بشتكيلك منك الحزن الدفين
خلي بالك للغمامة
تملا تملا
ولما تنزل
لا بتحكي ولا بتشكي
إلا تطلع من أنين الأرض وردة وعش حمامة
يا ودود
شفتك أمبارح معايا
كنت بين نايمة وصاحية
تحتويني الريدة والشوق والعنا
وإنت صاحي
ترفع إيدك
للشموس العالية
وتدفق غنا
بنتميلك قلبي يا أب قلباً حنيــــِّن

عادل الخضر
09-17-2008, 02:24 AM
....... لي عودة

Abdelazim
09-17-2008, 11:14 AM
واصلو في الابداع يا مبدعين

ابراهيم العمده
09-17-2008, 12:41 PM
لكم التحايا
ود الخضر وأبومصطفي
لإطلالتكم عبر هذه الروائع
والمشاركة لنا فيها فأنتم كما عودتونا دائماً حضور

عادل القاسم
09-23-2008, 02:17 AM
واصل الابداع ارجوع ولو عندك للقدال... شيخ تلب انزل كب كب .. في الميزنة..

ابراهيم العمده
09-23-2008, 10:24 AM
تسلم ياعادل
غالي والله والطلب رخيص
القصيدة مهداه لك وللإخوة الأعزاء

ابراهيم العمده
09-23-2008, 10:27 AM
شيخ تلب للشاعر القدال

حزينة وجوفك دمدم حزين
حزنت وقلب الحازنك خلى
تعدى الحلم الشفتيهو قديم
وتملا حسارك قلبك ملى
وكل ما هبهب قاصدك نسيم
يلهب جلدك كضباً طلى
فطمت جناك وحضنك رحيم
وحنـّك تب ما صابو البلى
سمعت غناك وصوتك رخيم
شديد اوتارك زايد حلى
عرفت الغم الصارلك نديم
وشفت الكون بى شوفاً جلى
لقيت الكاتلك كافر زنيم
وانت وحيدك قلبك ولى
يا شيخ تلـّب انزل كبكب
وارمى الحترب فى الميضنة
فى الباردة تعب لى الحارة تسب
عجمان وعرب فى المضنة
البس خضرب وادخل قصرب
والحس واشرب فى الميضنة
دى الدنيا تهب شقيش ما تصب
القبلى حرب ..
لى سيدك حب لا تخش ضرب
لى يوسف جب فى الميضنة
دقنا وشنب درويشنا يسوق
تايوتا تكب فى الميضنة
يا شيخ تلب وين الزغلب
الكانو تلب
ديل صبحو غرب
ام اضحو جنب
فى الميضنة
انزل كبكب وارمى الحترب
فى الميضنة
كبس االهم على
والحال قبض يا سيد
غبنا فيا كج
وتادو جنبى معيد
مو جنا تجيب
سلسل جنازرو تقيد
بلا غيبوبة البلد
النصيحو مصيد
كنا تلاتة ...
ود النوق وديك وعتيد
قلنا نكمل الفرض
العلينا نشيـد
جينا عليكى يا المحبوبة
شوقنا يأيـد
بقينا ضهابة متل زولاً
ضرير وبليد
ود النوق مركوبو
العليهو يشفق
بقى يتباطأ
فى خبة مشيهو يلفق
ان جاهو العلوق
صيحة نفاقو تنفق
اصبح جدوا وكل
ما شافلو سلقة يصفق
- وديك الجن
رفيق همى وغنايا وفنى
سوا طريقو فى نخبة
وصبح متهنى
ما هماهو باسط مية
سكرة ينى
كل ما شافلو زفة
جديدة فوقة يغنى
- يا عتيد الرماد
نط الحيط بالزانة
تفضى الخانة
تلقى جنابو سيد الخانة
فارش دارو لى اسيادو
بيت كرخانة
غافل ضبحة الفجرى
وجرى السلخانة
يا حميد اقيف
شوف الخلوق محنانة
كفكف دمعتك
والعبرة فوت خنقانة
عسلك سال بحر
فوقو النحل ونانة
ياد ان طاق غرق
جازاك دباير دانة