المساعد الشخصي الرقمي

مشاهدة النسخة كاملة : نادي الجمال



الكامل ادم جقلاب
01-20-2010, 12:12 PM
أعلن اليوم لكل أعضاء مننتديات نخبة السودان الاكارم عن إفتتاح "نادي الجمال"بعد طول إنتظار وترقب ...
النادي مفتوح لكل الاعضاء على مدار ال24 ساعة..
رسوم الاشتراك في النادي تتمثل في:
أ-بيت قصيدة لأي شاعر كان
ب- قصيدة كاملة لأي شاعر كان
ج- كلمة أو كلمتين نثر على الاقل لأي كاتب كان
د- كل ما تراه جميلاً
كل أنواع الادب متاح هاهنا في هذا النادي ان كان باللغة العربية الفصحى أو أدب شعبي بالدارجية السودانية أو باي لهجة من لهجات قبائل السودان المختلفة
يحق لاي عضو المشاركة عدة مرات في اليوم الواحد
أتمنى ان يكون النادي عامر برصين الاحرف وبجميل القوافي..
إلى من يأنس في نفسه الكفاءة ان يقص شريط الافتتاح باي نص يراه مناسباً...
شكراً
مع تحيات إدارة النادي

الدمهشري
01-20-2010, 03:19 PM
الكامل اشتراك بالدين لحدي اخر الشهر بس ممكن


عاطف خيري
الجسد مصلاية الروح

الروح المفوته كم وكت

الوكت الموهط في النزوح

طالع أعالي الفوق تحت

تحتك ينقز في سطوح

رهن الأصابع ومنفلت

فالت إذا كنت الجنوح

وحدك منادي ومتلفت

(2)

كان القلب..مضيفه,

والألم,

كماعضَّ الطفل

ثدي امو

صار جبانه في البلد

البقت ما أمو

والفاتوني

في طرف البحر ينْحَمو

أو شالو الحجر وانْحَمو

لي قمريه من فَرْط الشجر صاحت

إلى قمري وأجاب

منْ ثمْ

هدر دمو

(3)

يا خيل..

يانبي.. يابراك

ياليس من مُرضِع بَلاك

لو شفتَ جوه النار جنين

فاطِنو من سقية هلاك

كان شفت جوه الجنه طين

بالِنو لى آدم سواك,

وكان تكفي جقمه من الحنين

وتقنع من الموج الهناك

وماكُنا في جوف الكمين

غنينا غُنوات الفِكاك

صنارة العدم السَنين

صارقيلا وحشه وارتباك

(4)

يا غربه نحن مشينا وين

من طَلعتِك نخلة هواي

ومديت أصابعي على المَدين

فتحت ما شايف سواي

غمضنا.. الله ادانا عين

كورَكتي آدم..دم..دم في الغياب

إتصنَّتك كل الجراد الفيني

مسغبة الرتيلا..

الطحلب .. الشوك..اللُعاب

لسان الواطه يتعَرَفْ على طعم الخطايا

أتَر البهايم في التراب

تَحلِب بصيرة الراعي من شوفتو اللبن

اللغه في زريبة ربها

تعجِن حنوط المعنى في قرع السكوت

هسيس توب يرقه

قلعت خوفا في شط النوايا

إبليس حبيس العِلّه في كلمة سجود

والدود يجيك من شَدّه في لفظة تخمُر

تسمع حنين الشمس لي ضل البيوت

همهمة الجرِح لحظة تعود

من غُربة الجسد الخلايا

لَجَنَة لسان الضو إذا نطق الزوايا

ودُخلَة الكاف الصبي

على نوناً يّرِن خلخالا في قلب النبي

وتسمع زغاريد العدم

(5)

تشوف الغيمه

في مقلة مراية السَهَلَة راخيه رموشا

تنَتْ في ام شديده القهوه

جاتا الدوشه

في طاقة منام هلواسا لاوذ ود قُزَح

طربان وشايلا الهوشه

خَطَفت توبا

قالت... أخ!

نِست باب حوشا .. فاتح

والمطور الليله كيف مَلبوشه

دسيهو منك فيهو

أو سميهو في الخيل الصحاب

البِخشو الحَضره دون مانوبه

من غير ما يدقوا الباب

البَدَسو الفكره في ضحكة بنات نَعَشْ

البِنادَن قمره, تغسل جمره,

في ريق السحاب

البحرسو الخمره, في النخل

البَصَحي التمره, نص الليل

إذا نقص الشراب

دِسيهو منك فيهو

أو همباتي
غارِز في أتّر شوفتِك

على رمل المناظر ناب

دسيهو منك فيهو

جملة أولياء النحت

سابقين الحواس بي ركعه

نهاضين وينقِفوا من حلوق الشوف

حصان في ضحكتك مربوط

مرق من ليلى ليلك جَنَ

من دُبُرْ اليقين مقدود

كل ما الموج راودك عن نفسو

تعطشي فيني؟!

تفتحي أطلس الخوف

كل ماالليل زاد نجمةفي كتف العسس

جرت العصافير المطار

دخل الشِعِر وَكَر المباشره

والبنات ..

طَفوا الرتاين و....وَلَعَنْ؟!

الخَمَروك فتحوك إنداية ومَشَنْ

الكلما صابحتهِن

سرقَن نهارك ومغربن

الفي صدور هرطقه

وإشلاق حليب

بت الذين أحبهم

أنة صريف في كُرنُق الروح

المطر ما ببقى لي زول

المغارب لابسا أقصر من خيال المُفترِي

ونحن مديونين نسيم

تلقاها في أول شريعتا غافيه

فارده شرودا

في الموج الحَتَلْ في بالا ظنّهَاطافيه

غامْتَه حنانا

في إيدا وينقع عافيه

تشبه في الوقع من عشو,

خوفو وكت يطير,

لا يلقى قِبله

لا طفل في إيدو نبله

ولا غصن ذو شوك رحيم..

والبادي أجمل

(6)

دجيت لوجه الله

مسقط غربتي

وخارب طبع هذا المجاز

لدودي في الغياب

مُشرع ضلمة بقَتي

حتفي..

حبيبي..

ومشتهى أسفي

محاذاتي..

وعلوقي إذا أهنقْ

وفطمتني !

شكرا حزينا

جل من يسهو, ويغمِض فيكا غاية يشبهَك

جالبني في وادي الضريسه

القلبِ فرناغه

وسألتك ذات مشيمه:

_ النهر أعوج من قفاي - أعفيني

من هادي البلاد الذهلله

أعفي الجبال منَ الصدى

والشارع التحتاني من خمج النسيم

أحلاك مكندك في أَمَسَ الإلفه

بالزول الغريب

أجمل من المركب تَطَلْوِح فِلقه

آه أجمل من الخطا

صاح.....شنو؟!

الدم دميره,

النار تَجَقلِب مالا؟!

ماطَعْم الرياح تِنجَم!!

صلي على الهجيج كالنيل

مسك خصر البلاد

ورقص الرقيص الما بيتسمى

طرد من بالو نقنقة البوابير,

لايوق الأغاني

يغازل في البيوت,

غمَر كل الكماين

وما جناهوالعاشق المخبول من قيف الحبيبه

وصاح:

دخلتنا..مروق هذا النتن

والجندب الوطني

إذا لابد من هذا الكنيف.

ساداتكو
01-20-2010, 05:00 PM
...

مبروك علينا النادي يا حبان

بجيكم تاني بس امشي سريع سريع كدي اسجل خروج من نادي كدي واشيل باقي حقوقي العندهم وبجيكم هواء

...

الكامل ادم جقلاب
01-23-2010, 02:11 PM
الان أجلس والامطار تجلدني..على ذراعي على وجهي على ظهري
فمن يدافع عني ... يا مسافرةً مثل اليمامة بين العين والبصر
كيف أمحوكِ من أوراق ذاكرتي وأنتِ في القلب مثل النقش في الحجرِ
أنا أحبكِ..يا من تسكنين دمي إنت كنتِ في الصين أو إنت كنتِ في القمرِ

الكامل ادم جقلاب
01-23-2010, 02:14 PM
الأنيق الدمهشري..
والله إنت كدا بقيت داير مننا كتير خلاص..
والله فعلاً كان قص الشريط ممتع لأبعد الحدود...
بس نحنا دايرين كل عضو يعتبر نادي الجمال دا بمثابة تسجيل حضور للقسم الادبي..
لكي يصبح واحة ظليلة نرتاح فيها كل ما هجم التعب على دواخلنا...
شكراً على الابداع...

الكامل ادم جقلاب
01-23-2010, 02:25 PM
...

مبروك علينا النادي يا حبان

بجيكم تاني بس امشي سريع سريع كدي اسجل خروج من نادي كدي واشيل باقي حقوقي العندهم وبجيكم هواء

...
سادتكو الجميل..
في إنتظار حرفك الخارق..

الكامل ادم جقلاب
01-25-2010, 11:10 AM
أحبكِ جداً وأعرف أن الوصول لعينيك وهم ..وأعرف أن الوصول إليكِ إليكِ إنتحار
يلا يا جماعة دايرين نشاط أكتر...

الدمهشري
01-25-2010, 01:10 PM
خليل عازة
عازة في هواك عازا نحن الجبال
وللبخوض صفاك عازا نحن النبال
عازة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عازا ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عازة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عازة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عازة ما أشتهيت نوم الحجال
ولا السوار بكي في يمينا جال
وعازة في الفريق لي ضيق مجال
قبيلة بت قبيل ملأ الكون رجال
***
عازة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عازة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
***
عازة في حذا الخرطوم قبال
وعازة من جنان شمبات حبال
وعازة لي ربوع ام در جبال
وعازة في الفؤاد دوا يشفي الوبال

سطر جديد
01-26-2010, 05:02 AM
.

امواج البحر ترقص وتهيج ..

وصوت الريح يبقى زغاريد ..

ونسايم الشاطئ عليلة تلحن وتعزف بالفرح زغاريــد ..!

سفن الشوق تتحارب وتغرق ..
لما تطل شمسك في المشرق ..

وتفرد شراعات الحنين وتقرّب ..
تعبر محيط الأسى في المغرب ..!

.

صراحة موضوعك ظريف ..
وتقبل مروري ..

.

الدمهشري
01-26-2010, 09:49 AM
همس الشوق
كلمات هاشم صديق


يا ريتنى لو أقدر أقول
فيكِ الكلام الما انْكتب
واجلى المقاطع بالدهب
وافرد صباح حُسنِك وشاح
يمسح عذاب عمرى المسطرّ باللهب
بريدك
كلمه كان رفّت
يِهش ثغر النجوم ويسطعَ
ولما ينادى همس الشوق
يقيف كل الزمن ويسمع
عيونك ديل عيون أهلى
حُنان زى نغمة فى مقطع
وطُهرِك تاج جواهرهُ العزه
وانتى العزه ليك تركع
بحبِك يا صباح العيد
ويا فَرَح العريس السار
واحِسّك فى سما الأزمان
شمس بِتضَوى للمشوار
زمان يا حلوه ساقنى الليل
وغِبْتَ وضعتَ فى الأسفار
ولّما لقيت عيونك ديل
بديت اعشق عيون الدار
وَحَاة ريدى اللى شاف طيفِك
كتير قُباّل يلاقى ويشوف
جراح الماضى بيك نامت
وغابت كلُ رعشة خوف
بحبك ومافى غيرك نور
يهِل ويغمرُ طريق الشوف
وما فى بَلَاك نور بِسْطَع
ولا فرحاً يسوقنى يطوف

الكامل ادم جقلاب
02-01-2010, 10:54 AM
أدخلني حبكِ سيدتي مدن الأحزان ..وأنا من قبلك لم أدخل مدن الأحزان
لم أعرف أبداً أن الدمع هو الإنسان..أن الإنسان بلا حزنٍ ذكرى إنسان
آسف على الغياب

الكامل ادم جقلاب
02-01-2010, 10:59 AM
الغالي الدمهشري...
تدهشنا بابداعك الجميل دائماً وأبداً..
إستمتعت جداً ب"معلقة"خليل فرح...
وأدهشتني رائعة المرحوم صاحب البكائيات المرهفه هاشم صديق....
اللهم لا تحرم القسم الأدبي من "الدمهشري"..آمين..

الكامل ادم جقلاب
02-01-2010, 11:05 AM
.

امواج البحر ترقص وتهيج ..

وصوت الريح يبقى زغاريد ..

ونسايم الشاطئ عليلة تلحن وتعزف بالفرح زغاريــد ..!

سفن الشوق تتحارب وتغرق ..
لما تطل شمسك في المشرق ..

وتفرد شراعات الحنين وتقرّب ..
تعبر محيط الأسى في المغرب ..!

.

صراحة موضوعك ظريف ..
وتقبل مروري ..

.
سطر جديد...
الأحرف تدل على إنسان معطون بالحنين..
أسعدني تواجدك الأنيق فاحرص على إسعاد الجيع مرة ثانية وثالثة ورابعة...وإلى ما لا نهاية..
شكراً على الإطراء..

الدمهشري
02-04-2010, 02:54 PM
قلبي مالو اليوم من جسمي فرَّ وراح

دمتّ يامحبوبي ودامت الافراح

+ + +

مالو جنح الليل زودني بي كل جراح
والنسيم من قِبلك هبّ زي الراح
يا طبيب أنا سألك قول لي بكل صراح
النسيم يشفيني أم يزيدني جراح ؟!

+ + +
يا الـ مارأينا جمالك فى عجم وفصاح

يا الشلتّ عقلي الشارد نور جمالك لاح

الشغل افكاري قول ليّ إيه ياصاح

نحنا هل جنينا ام عقولنا نصاح ؟!

+ + +

مالو صدرك بادع
مالو كتفك هادل بي دموعك ماح
رمشك انت يسيل انا راجي منو سماح
أصلو هو القاتلني وهو البيزيدني جراح

الدمهشري
02-13-2010, 04:35 PM
مارأيت في الكون ياحبيبي اجمل منك
في دلالك وتيهك وفي جهالة سنك

الكامل ادم جقلاب
02-15-2010, 10:36 AM
أصيح والسيف مزروع في خاصرتي
والغدر حطّم آمالي العريضاتي
وأنتِ أيضاً ألا تبّت يداكِ
إذ آثرتِ قتلي ..واستعذبتِ أناتي


يعجز الشكر عن إيفاءك حقك أخي الدمهشري...

الاسمرانية
03-04-2010, 09:44 PM
بالعديل والزين زفوك ليا
قلبى يحضن قلبك وعيونك فى عنيا
الليله عيد الفرحه فى كل المكان
تقيف ساعات الدنيا ويشهد لى الزمان
كل الامانى اتحققت والفى بالى كان
وتدق طبول الفرحه فى كل الدهور
الليله بسمه لكل زول مكسور
كل الاشواق تنيت زهور
يارب تدوم لينا فرحه وسرور
الليله ياأجمل الليالى
واتحقق كل الفى بالى
وجنبك ياست الحسان بتحدى الزمان
الليله ياطيور الفرحه غنى يارب تسعد حمادة
وابشر محمول على الاعناق
الليله عيد فرح كل العشاق
على شطء السعادةترسى سفينه الاشواق
زى القمر بالزفاف قدامى
بيك ياحلوة تتحقق احلامى
بى بسمتك اغسل كل الامى



ربنا يوعد كل عاشق

الدمهشري
03-13-2010, 01:56 AM
ياعديله يا بيضاء ياملائكة سيري معاة الليله شوق بي عديلة الله
ود العزة والمهلة عروسو ضوت السهلة