المساعد الشخصي الرقمي

مشاهدة النسخة كاملة : مواعيد سودانية%



ابو مازن
07-21-2008, 12:52 PM
مواعيد سودانية%

--------------------------------------------------------------------------------


طبعا معروف عننا احنا السودانيين انو دائما بنجي متاخرين حتى اصبحت هذه سمة ملازمة للجنسية السودانية اي زول مواعيده ما مظبوطة بقولو عليهو سوداني والادهي والامر بقينا بنتغنى بذلك
مثل :
- تجي بكرة او بعد بكرة
- او غيب وتعال تلقانا نحنا يانا نحن
- انتظرتو لما ماجاء رحت زرتو
وكمان في الاخبار يعني سيتم في غصون الشهور القادمة افتتاح .......
يعني احنا السودانيين مابنحترم الزمن والزمن مابحكمنا لكن احنا بنحكموا ودي كانت مشكلة في السودان لكن الان اصبحت سمة نعرف بها يقول ليك مواعيد انجليز والا مواعيد سودانية

ياجماعة ده كلام ده

Abdelazim
07-21-2008, 12:55 PM
انتظرني الساعة 5 لوجات الساعة 6 انتظر لحدي الساعة7 لوما جيت الساعة 8 الساعة 9 أمشي
هذه هي مواعيد السودانيين

jazzazi
07-21-2008, 01:44 PM
ملعوبة ابو مصطفى
بس الله يكون بعون الذي يواعد اثنين في نفس اليوم

عادل القاسم
08-17-2008, 12:55 PM
ذي المسطول محتار قال مواعد اتنين الساعة واحدة ولا واحد الساعة اتنين....

وياريت نغير هذه النظرة فينا ...
وطرحك جميل ابومازن..
بس سؤالي ليك وين انت خليك في الصورة وماتختفي لانو معظم مواضيعك حلوة......
ودمت اخي الكريم

Abdelazim
08-17-2008, 01:43 PM
والله يا ابو القاسم نحن أبو مازن دا ذاتو حيرنا
قبل اسبوعين قال اسبوع ويظهر
ولليلة ما ظهر

عادل القاسم
08-17-2008, 04:16 PM
عندي مواعيد الساعة خمسة وهسة خمسة وربع...
اتأخرت مش كده.. اتصلت بالراجل قال ليا هي المواعيد اليوم...
-----
احكي ليك قصة غير الموضوع المتداول في البوست..
طبعا الشرطة في قطر كانت 60% منهم سودانيين..
مرة قالوا سوداني عمل حادث مع سوداني جنب بقالة صاحبها هندي..
جاء بتاع المرور طلع برضو سوداني... غلطو الهندي بتاع البقالة...
----
اها في الحالة دي انا اتأخرت ولا الزمن جرى.. ماتظلمونا ياعبدالعظيم..
وما تتأخر حانجيب الكشة للعزابة يوم الخميس عشان قصة الضبان بتاعة باقي خروفي ما تنسي وتعال في المواعيد..

ود الصراف
08-17-2008, 05:50 PM
يا عادل
خميس الاسبوع ده 0000
و لا خميس الاسبوع التاني 0000
بعدين هو الحمل الصغير ده سميتو خروف

Abdelazim
08-17-2008, 06:16 PM
عندي مواعيد الساعة خمسة وهسة خمسة وربع...
اتأخرت مش كده.. اتصلت بالراجل قال ليا هي المواعيد اليوم...
-----
احكي ليك قصة غير الموضوع المتداول في البوست..
طبعا الشرطة في قطر كانت 60% منهم سودانيين..
مرة قالوا سوداني عمل حادث مع سوداني جنب بقالة صاحبها هندي..
جاء بتاع المرور طلع برضو سوداني... غلطو الهندي بتاع البقالة...
----
اها في الحالة دي انا اتأخرت ولا الزمن جرى.. ماتظلمونا ياعبدالعظيم..
وما تتأخر حانجيب الكشة للعزابة يوم الخميس عشان قصة الضبان بتاعة باقي خروفي ما تنسي وتعال في المواعيد..


غايتو شرطة قطر بالغت عديل
وانت اوعي تكون زيهم