المساعد الشخصي الرقمي

مشاهدة النسخة كاملة : = امدرمان =



ابو الملكات
10-31-2009, 02:30 AM
بسم الله الرحمن الرحيم

وبه نستعين

= امدرمان=



امدرمان ا صالة تاريخ عريق وحضارة

كل حى من احياء يمثل فى الحقيقة ا مارة

دى بقعة المهدى الحاضنة كررى الجسارة

رمز الوحدة ا لوطنية ا لوحدت جميع ا نصارة

-------------------------------------------------

تعال نزورها ياخلى وفى احياها نطوف

خلينا نبداء من الهجرة وحى ا بوروف

نقوم بجولة فى بحرو والى شبابو نشوف

كبارهم وصغارهم ديل بنجدو الملهوف

بناتهم ماصلات وستات جمال معروف

اولادهم منزوع من قلوبهم ديل الخوف

ماصلو جدهم ا لقبيل الامير على ا بوروف

----------------------------------------------

يلاك نزور الحى الفيه المحنة خصا ل

المشهور من زمن المهدى وخليفتو بيت الما ل

بناتم مكملات ا دب وعفة وذوق وجما ل

اولادهم للرجولة هم دائما تلقاهم مثا ل

ماتشيل هم همومك بشيلة ليك رجا ل

ديل معروفين من زمنا بعيد قلوبهم سندا ل

-----------------------------------------------

ارح الى احياء وددرو وود اليدر ومكى ود عروسة

هم الدائم معروفين تلقاهم للرجال خوسة

الشجاعة والكرم بيها اختسوا غيرهم كوس ليك كوسة

بناتم درر الماس دائما برجال محروسة

اولادهم عيونهم شرارلو قصدت الشر بلحسوك الموصة

ديل عيال ام در البيهم ام در صبحت عروسة

------------------------------------------------

تعال نمشى حى الشهداء ونزور حى السور

ديل للموت عن حماك ياام در وقفوا طابور

رفعوا رايات المهدية فى كررى والخور

بناتم بيهم جمال بغيرو منه بنات ا لحور

اولادهم رضعوا الا صالة من سلفا بيها كان مشهور

ديل حداهم قبة المهدى اليها ا لخلق بزور

-----------------------------------------------

قوم نمشى للحى الموردة نزور بوابة عبدالقيوم

نشاهد تاريخ جدودنا العشان حماك تركوا النوم

ديل المنك انتى ياالموردة وهبووفتحوا الخرطوم

بناتم جمالن ماليه مثيل ده مسك مختوم

اولادهم فوق وجوهم العزم مرسوم

ديل وحدوا الكلمة وشدوا العزم وقادوا القوم

--------------------------------------------------

نواصل المسيرة لديم سعد ونزور حمد النيل

ديل اهل المروة والكرامات من الزمن القبيل

اهل دين وعزة واصالة فى الدنيا برضوا بقليل

بناتم وجوهم قمر وفى اكتافن الشعر نازل ليل

اولادهم زينة الشباب الدائم بشدوا الحيل

ديل فرسان عازة الخالدة الغنا ليها خليل

-----------------------------------------------

يلاك نزور حى بانت وابو كدوك ونخش حى الملازمين

ديل اهل السيف والقلم من زمان هم معروفين

تاريخهم شرف وبطولة غرة على الجبين

بناتم جمالن يجذب الاباب ويسحر العين

اودهم فى ميدان الرجولة هم مكملين

ديل حراسك يا ام در تعيشى وتسلمين

------------------------------------------

ارح نزور حى العرضة ونخش الامراء وحى العباسية

ديل معروفين الواحد منهم يوازى المائة

هم فرسان خيل وسيف وبندقية

بناتم ذوق وجمال وشباب وحنية

اولادهم عند الحارة بقول ا نا اخوك يابنية

ديل بيهم ام در صبحت مدينة عصرية

---------------------------------------------

يلاك حى البوستة والسوق والركابية

ديل معروفين من زمنا بعيد اهل وطنية

هم انصار المهدى القادو المهدية

بناتم جمالن اصيل مافى فى اى بنية

اولادهم فى الا صول معروفين صافين النية

ديل ساعة ا لجد معروفين بخلفوا الكية

------------------------------------------

نمشى نزور المسالمة وكمان حى العرب

ديل معروفين عدوهم لو شافهم الديهو ا لهرب

هم اهل الكرم والشجاعة والذوق والا دب

بناتم بجمال معروفات مااصله جمال عرب

اولادهم ساعة الحارة هم اهل الصعب

ديل فطموهم بشجاعة كبريت يداوى الجرب

-----------------------------------------------

تعال نختم البقعة ونزور ودالبصير وحى العمد ودنوباوى

ديل من زمنا معروفين الواحد لجروح بيداوى

هم درسوا الشجاعة من داخل ا لخلاوى

بناتم جمالن فريد ده جمال سماوى

اولادهم زينتة شباب ام در فى الميزان المائة يساوى

ديل الفى كررى الواحد يموت للوطن هاوى

------------------------------------------------------

عشتى ياام در طول عمرك ان شاءالله سعيدة

يابلد ا لشجاعة والكرم ياارض المحنة والريدة

ياام جمالن هادى ياام طباعا حلوة وفريدة

يلاك ياخلى نزور الثورات وام بدة امدرمان الجديدة

خلينا نمرق وقت العيصير عشان نشاهد فى الشوارع صيدة

ياام در ياحتة منى وانا منك الغربة خلت ملاقتنا بعيدة

تعالوا ياشعراء ام در نجلس وكل واحد يقول فى ام در قصيدة

تينه
11-19-2009, 09:35 PM
تعال نختم البقعة ونزور ودالبصير وحى العمد ودنوباوى
ديل من زمنا معروفين الواحد لجروح بيداوى
هم درسوا الشجاعة من داخل ا لخلاوى
بناتم جمالن فريد ده جمال سماوى
اولادهم زينتة شباب ام در فى الميزان المائة يساوى
ديل الفى كررى الواحد يموت للوطن هاوى

ايويويوييييييي....سمح بالحيل

الأسمر
11-30-2009, 01:02 PM
تستحق تلك المدينة أن يكتب فيها الشعر وأن يتغنى بها المغنون .. فهي رمز الاخاء والتعايش الذي نفتقده في وطننا الان ...

ابو الملكات
05-21-2010, 11:03 PM
ايويويوييييييي....سمح بالحيل


توجدك اسعدنى واضاف الكثير لحروفى الخجولة فلك من الاعماق كل الود والاحترام واسف لتاخير الرد ياغالية
تحيتي

ابو الملكات
05-21-2010, 11:07 PM
تستحق تلك المدينة أن يكتب فيها الشعر وأن يتغنى بها المغنون .. فهي رمز الاخاء والتعايش الذي نفتقده في وطننا الان ...


اسعدنى حضورك المميز هنا بين حروفى الخجولة اكيد ام درمان تستحق اكثر لانها هي السودان المصغر بما فيها من كل اجناس الشعب السودانى لك كل الود والاحترام
تحيتي

اركمانيه
05-30-2010, 08:12 PM
عقمة عين البصيرة
في أدراك هذا الوله
وغابت عن امام صورة كانت فرح
فعذراً بعد الشمس كبر الارض
في المكوث على مسارات السطر
هى......
هى.......ميلادي وعشقي ومسكني
هى افراحي وحزني وفرحتي
هى لم يجود الزمن مثلها
مهما نعش بعيداً
أو قربها.
فقد عمية الاعين غيرها

(فينوس انتي يا أحلى عروس
في ربوع أمدر حي من الفردوس)

تسلم ابو الملكات
على هذا الندور.....


إمضاء....
عاشقة امدرمانية حد الثمالة.....