المساعد الشخصي الرقمي

مشاهدة النسخة كاملة : كلمات أغنية مسيحية.... للفنان عاطف السماني...



ولد هندسة
10-14-2009, 04:51 PM
قصه ريده بين اتنين بين مسلم ومسيحيه
احلف ليها بالاسلام وتحلف بالمسيحيه
ولي عقيده مابتتفات وديني كمان عزيز ليا
الا الريده مابتعرف قيود واديان سماويه
وتدخل في قلوب الناس زي افراح ربيعيه
انا شاب اسمر من السودان اصيل وقبيلتي جعليه
حفيد ناس ملو التاريخ قصص وامجاد بطولية
في أقصي الشمال شبيت هناك في قريه عاديه
اصلي واصوم واهدي الناس وجيت من اسره دينيه
صدري عريض سدر تربال وكل سماتي ريفيه
وعندي خشونه في صوتي وكمان معروفه أيديا
اجي والقاك بلا ميعاد سماتي فكري ريفيه
انتي مابتختلفي عن ناسنا الهناك في قريه عاديه
وفيها النيل وفيها نخيل وساقيه تنوح وطوريه
عينيك زي بنات بلدي وافراحك بطوليه
وبس لكن خضر عينيك ونحن عيونا خمريه
وصوتك انتي لما ينوح صوت اذان وقمريه
وفي خديك زهور نايرات مفتحه منقه هنديه
سألتيني عن السودان والخضره الطبيعيه
عن الابنوس وسن الفيل وغابات استوائيه
قالوليك وحوش ناسنا بياكلو الميته والحيه
انتي جيتي تحققي الرؤيه تشوف ادله مرئيه
سريع اتمازجت روحنا فاضت ريده وحنيه
أتبادلنا بالاحضان ودبتي هوي وغرام تيه
أتفارقنا من يومداك وما اتواعدنا بالجيه
شفتا الناس يشوفوني يقولو بحب خواجيه
شفت الناس يشوفوني يقولو بريد مسيحيه
بكره يسمعو ناسنا بالقصه قصه حب مسيحيه.
قصه ريده بين اتنين بين مسلم ومسيحيه
احلف ليها بالاسلام وتحلف بالمسيحيه
ولي عقيده مابتتفات وديني كمان عزيز ليا

في حاجه عايز اقولها وفي كتيرين ما عارفنها
اول حاجه الاغنية دي اغنية قديمة وحقت الفنان المبدع محمد كرم الله فنان الطمبور المشهور باغنية الطيف
حتى الطيف رحل خلاني ماطيب لي خاطر
يما النوم ابى وجافاني واصبح داجي ساهر
وعاطف السماني اعاد تلحينها واشتهر بها في الآونة الاخيرة لكنها مسجله في الاذاعة بصوت الفنان محمد كرم الله بلحنها الاول
وهذا مالزم توضيحه
وشكراً

ساداتكو
10-14-2009, 05:39 PM
...

لكن يا ود هندسة والله دي اغنية انا اعجبتني شديد

زي قصتي انا مع المسيحية

هي تحلف لي وانا احلف
هي تحلف وانا احلف
هي تحلف وانا احلف
هي تحلف وانا احلف
هي تحلف وانا احلف

لحدي ما الواطا غابت والماسنجر كلو مليناهو حليفة سااااااااكت وفي النهاية قلنا نتم الحليفة باكر

ههه
...

قلبي العنيد
10-18-2009, 12:59 AM
تسلم يا قلب علي التوضوح والمجهود
في نقل او كتابه الكلمات والشكر الاكبر
في التوضيح الاخير

ولد هندسة
11-26-2009, 03:28 PM
...

لكن يا ود هندسة والله دي اغنية انا اعجبتني شديد

زي قصتي انا مع المسيحية

هي تحلف لي وانا احلف
هي تحلف وانا احلف
هي تحلف وانا احلف
هي تحلف وانا احلف
هي تحلف وانا احلف

لحدي ما الواطا غابت والماسنجر كلو مليناهو حليفة سااااااااكت وفي النهاية قلنا نتم الحليفة باكر

ههه
...

اها حليفت منو المشت في النهاية يا ..............

ولد هندسة
11-26-2009, 03:33 PM
تسلم يا قلب علي التوضوح والمجهود
في نقل او كتابه الكلمات والشكر الاكبر
في التوضيح الاخير
دا اقل واجب لتوثيق الكلمات الرائعة لشعراء وفنانين بلدي الجميلين
لك الحية يا عنيد
وكل عام وانت بخير

المتيم
09-07-2010, 12:42 AM
تسلم على الكلمات الجميلة ... بس ياريت لو تنزل الاغنية نفسها ...

ولد هندسة
09-12-2010, 10:46 PM
تسلم على الكلمات الجميلة ... بس ياريت لو تنزل الاغنية نفسها ...

المتيم
جدا من عيوني
انت تأمر بس