المساعد الشخصي الرقمي

مشاهدة النسخة كاملة : مسرحيه خماسيه الفصول بطوله معز بطحات



وليدادريس
10-05-2009, 05:33 AM
نصوص من المسرحيه ....
يظهر خلف الكواليس صلاح ادريس وبرجاس وعمادالطيب..اجتماع سري
برجاس ÷ ياصلاح مافي طريقه الحكم دا ماقلنا ليك قابلو وحل الموضوع
صلاح÷ يابرجاس انت جنيت ماقلنا ليك الحكم دا مالي ما من موزبيق وزمبابوي
بعدين المره دي الكاف قطعها لينا في راسنا وشتت لينا الحكام واحد من مصر والتاني من مالي
يتدخل عماد الطيب في الموضوع ÷ يابرجاس غايتو الحكم دا التزم بي ضربه جزاء لكن قال طرده موبوتو دي مابقدر عليها
ينتهي هذا المشهد ...
ويظهر مشهد اخر داخل استديوهات الرياضيه ...يوسف السماني يجلس القرفصاء (القرفصاء دي مابعرف معناها بس عجبتني) وبجواره ندويه القلعه تلبس لبسا محتشما
السماني ÷ وهو يقترب رويدا رويدا من ندويه ..اها ياندويه الليله حنغلب كم؟ ..
ندويه ÷ وووب علي يايوسف وحات الشريف حق نيجريا غالبين تلاته
(هنا نبههم المخرج بأن هنالك اطفال يشاهدون ويستمعون للاذاعه الرياضيه )
وفجأ يتصل مشجع هلالي ...
معاكم النور كورمبينا من امبده الحاره 39 ..والله الليله ن.... الجماعه ديل لمن يأمنو
ويقطع المخرج الاتصال ...ويدخل بصوت سميه حسن وهي تغني الليله الليله ياهلانا يومك الليله
وينتقل بنا مخرجنا المميز لملعب المباره وهناك ماشاء الله ..موبوتو موليتا مونوقو ممممم
اللهم احفظنا اجسام العاب قوى بس...
الحكم صفر وتوووووووش عينك ماتشوف الا النور
الدقيقه واحد ديمبا يخطف هدف التقدم ..(وحات الله الدنيا ضلمت قدامي)..
اها قبل مايجيني مسكول من هلالابي اشوف ليك واحد من ناس مازيمبي مشتت بهناك جه الماسوره اسامه التعاون
وتووووش المعز منبطح والكوره معلقه ..والمزيع شبكنا ليك دا الحزرت منو ..واناقلت موبوتو دا خطير والمايكرفون
للزميل عبدالرحمن عبدالرسول ..حاولت اسمع عبدالرحمن دا قال شنو ..غلبني تب ..ماسمعت شئ قضاها كلها طنتطنه
وينتقل المشهد مره اخرى لبرجاس وصلاح وعماد وقد انضم لهم الممثل القدير فوزي المرضي..
وهنا هتف صلاح قائلا÷ الحق يابرجاس ارمي الفيوز اطفي النور ..نفذ الخطه 2
برجاس÷ النور بي وين ياصلاح انابخاف تطقني كهرباء..
صلاح ÷ يازول قلت ليك امشي اطفئ النور قبل موليتا يجيب قون ..
فوزي÷ ياريس اناحطفي النور بس اناقلت ليكم ندفن حمار جديد انت لا.
(ويذهب فوزي ويطفئ الانوار .)
صلاح ÷ ياعماد ياخي الدنيا مضلمه ماتمشي تجافز الحكم دا مره اخيره
عماد÷ ياريس والله القروش المعاي كلها انتهت بعدين الحكم دا مصعبه شويه
شويتين كده دا جا رئيس بعثه مازمبي ..مودينقا
مودينقا÷ كرهبجونا مانجونا كريوكي مابركوبي نهي كومبي
(ترجمتها, شوفو بطلو حركات والله الليله للصباح راجنكم هنا ونبيت هنا نلعب نص النهار احسن تولعوها )
وهنا نسمع وقعات ارجل في الظلام وهي تتجه نحو المقصوره ..ويسود الصمت ..
صلاح÷ خافتا,,,دا منو دا؟
برجاس ÷ والله ماعارف لكن شايف لي شعر طويل .زول كلو شعر
فوزي ÷ اسكتو ياجماعه دا كمال شداد .
شداد ÷ شوف ياصلاح وبرجاس وباقي الكرور حركاتكم دي مابتنفع معاي والله ماتولعو النور دا انا امشي
اجيب رتاين السودان كلها وأولعها ووحات الله الليله اكان بي شمع تلعبوها ..هو انتو قايلين كلها طبيخ
صلاح ÷ يطنطن وهو يتوعد شداد بالويل والانسحاب ويأمر برجاس بأعاده الاضاءه
(وتعود الانوار تتلأ في مسرح الجريمه في زريبه العيش)
ويفي الحكم بوعده وتوووووووش عمك هيثم انزارات يجيب قووون
ولكن كان لصحبه موبوت رأي اخر ..ومره اخري يوسف محمد يوسف يطنطن
دا الانا حزرت منو ..انا حزرت من مبوتو ومن نمره 7 ونمره 9 ونمره 6 ونمره 14 ونمره 8
المهم كانت جوه الشبكه ..
وانافي هذه اللحظات انشغلت مع المريض وقطع انتباهي سماعه الراديو ويوسف يردد مساوي مساوي مساوي
يكملها في الشباك ..اها قلت عمك يوسف امبده دا جن والله شنو ؟؟؟ طيب مش يكورك ويقول مساااااوووي قووووون
لكن لقيتو ليك شابك مساوي يضعها شمال المعز ...هوي يامخرج انت جنيت ؟؟ واللا انسطلت ؟
المشهد دا كده مابجي ..ناس نخبه السودان بقولو المخرج دا سكران ..؟المهم شويتين المخرج فمهني انو
مساوي جاب قون في نفسو ..قلت للمخرج طيب مش احسن كامبوس يطلع مساوي وينزل زرياب ..المخرج
زعل مني وقال زرياب شطبو انت مالك عوير كده.؟؟المهم خجلت وسكت ..
تاني يوسف قعد يكورك مساوي مساوي مساوي لا يامساوي لا لالا لا يامساوي
قلت مساوي دا سوى شنو ياربي؟؟لقيت عمك مساوي شال طق بي موبوتو الواطه
عمك الحكم المالي ولاكضب فيها قال ضربه جزاء ..اها عمك يوسف شبكنا
عشمنا فيك كبير يامعز ..ويللا يابطل ..المهم هو المعز ارجل من مساوي يعني
قام انبطح وومسك الكوره وفكاها جوه الشبكه ...هوي يامعز دا شنو دا؟
وهنا هتف صلاح ادريس ÷ يابرجاس امشي اطفي الزفت دا..
برجاس ÷مافي طريقه مراقب المباره قاعد جنب المولد الكهربائي وكمان حارسين معاهو ناس همد وقريش ..
وفي هذه الاثناء مدرب مازيمبي يجري تعديلا يخرج لاعب مدافع ويدفع بمهاجم ثالث
هوي ياناس قولوا لمدرب مازيمبي دا انت غالب دا شنو البتسوي فيهو دا؟ مدرب مازيمبي طنطن قال يعني ماناكل المولد
والحمام الميت دا ؟
وفي هذه الاثناء هتف المخرج في الجميع ÷ يللا ياشباب لمو الكاميرات والاجهزه دي والستائر وقفلو المسرح دا خلونا ننوم
شويتين تسمع الجمهور يكورك هووووي يامخرج اعمل حسابك نزل راسك ..المخرج قعد يصرح ..قنبله قنبله قنبله
وهنا رد صلاح ادريس÷ قنبله شنو ياعوير الجات ماشه فوق راسك دي كوره شايتها واحد من نص الميدان شكلها ماشه للمعز دقيقه الاتصل اوريهو الكوره جايه عليهو في الشبكه ...(عفوا هذا المشترك لايمكن الوصول اليه )برجاس برجاس برجاس ألحق كلم المعز اصلو تلوفونو مقفول ..
برجاس ÷ هوي ياريس انت شنو كلو ماتتزنق برجاس برجاس ..خليها تجي هو انت اصلك مااديتنا قروشنا وغشيتنا
بعد شويتين ...الكوره معلقه في الشبكه ..
عمر بخيت ÷ كلو منك ياديمبا
ديمبا÷ مني انا ياماسوره كلو من التعاون
هيثم مصطفى÷ الغلطه بتاعت القون من احمد الباشا ..
كاريكا÷ هي يابرنس انحنا لاعبين كوره الهلال مش المنتخب احمد الباشا شنو يازول ؟


وفي اخر المشاهد الدراميه ..الف مليون سلام لفرقه مازيمبي التي حولت ظلام امدرمان لنور واعادت الارانب لحجمها الطبيعي ولتخبر الجميع بأن كل مفتري له يوم وسيرى حسابه ..ولاعاشت بيننا وطنيه هلال مريخ بعد اليوم ..فقد تعلمنا من كلامكم الايام الماضيه معني الوطنيه في بلادي ..ومن هنا اعلمكم جميعا بأن فرحتي بنصر مازيمبي وسحق العدو اللدود الهلال انستني ألام ضرسي وامتحاناتي ..ولتبقى العظه والعبر ..وليعلم كل مستواه الحقيقي ويتنتهي مساحيق التجميل واعلام البنشر وشراء زمم الحكام .. ..ولكم حبي


وليدادريس الساعه الرابعه صباحا .5 اكتوبر

نسمة الصباح
10-05-2009, 10:24 AM
:thumbup::thumbup::thumbup:
:thumbup::thumbup:
وحاة الله ابداع
ابداع
ابداع
بالخمسة ابداع
الضرب في الميت حرام يا جماعة
:36_11_6[1]::36_11_6[1]::36_11_6[1]:
:36_11_6[1]::36_11_6[1]:

ولد هندسة
10-05-2009, 11:13 AM
ابصم باصابعي الخمسسسسسسسسسسسسس55555سة
انك مخرجي من الدرجة الخامسة
وبتستخدم السلم الخماسي بابداع
اديك خمسة شهور وحشيل خمس جوائز

ههههههههههههههههههه:36_1_19[1]::36_1_19[1]::36_1_19[1]:

وليدادريس
10-05-2009, 03:10 PM
الله يخمسكم ياهندسه ونسمه والله مجنس فضايح وياودهندسه داير لي قلم بوينت 5ويوم الخميس الساعه 5 اناعازمكم خمس بارد في شارع واحد وخمسين ..غايتو اناخجلان وشمتان لدرجه شفقان

امير الشايقي
10-06-2009, 12:24 AM
ياوليد كيلو الموز بقى خمسه الكلام ده صحي؟
وقالوا فيه حبتين بايظات