المساعد الشخصي الرقمي

مشاهدة النسخة كاملة : طلاب جامعيون يتبادلون الحب مقابل السندوتشات



Abdelazim
08-19-2008, 05:11 PM
مشهد لافت في بعض الجامعات السودانية ان تجد طالبات يستعن على السباحة في بحور الغرام بإنفاق ما في جيوب حقائبهن عسى أن يأتيهن ما في الغيب عشقاً وهوى ، وربما تجد طلاباً يقتاتون من ما تدره براعتهم في طق الحنك ، فينسجون من حلو الكلام على طريقة ، حبيبي مسكل لي وانا اضرب ليك .. شباكاً وافخاخاً لجلب طيور الحب واسماكه فيعيشون ملء الرضا ، طق الحنك ، قال احدهم وهو يروي قصته مع طق الحنك الجامعي مررت بمثل هذه التجربة فـالبت الحبيتها غنية جدا و ابوها وزير ولا شنو ما عارف ، وامورها ماشه تش .. كانت تتكفل بدفع رسومي الدراسية ومصاريف اليوم .. وطبعا البنات نقطة ضعفهن تكمن في الكلام السمح ، وانا عايش دور الولد الرومانسي وفي المقابل هي تقوم بدور الكفالة والحب معاً .
بعض طالبات الشهادة العربية هن الاكثر وقوعاً في براثن الحب مقابل الغذاء ، كما جاء على لسان الهادي يقول :
بعض طالبات الشهادة العربية هن الاكثر وقوعاً في براثن الحب مقابل الغذاء كما جاء على لسان الهادي يقول : بعض طالبات الشهادة العربية حنينات ، ولانهن عشن حياة مقفلة فانهن ينبهرن بالواقع العاطفي ويتعاطفن مع الفتيات وغالباً ما يميلن الي الاولاد الخشنين والذين هم فقراء بطبعهم لذلك عندما تربطك علاقة باحداهن فان حياتك تكون باسطة .. والطلاب يسمون انفاق فتيات الشهادة العربية عليهم بانه ضريبة اغتراب ولكن الغريب ان طلاب الشهادة العربية من الشباب لا يتعرضون لمثل هذه الدقسات .
ندي حسن وسناء محمد ومياده الهادي يخفين خلف قسماتهن الجميلة ذكاء وشطارة ويقلن انهن لم يتعرضن لاي نوع من الحنك لمعرفتهن باساليب الاولاد ... تتنوع اساليب بعض الطلاب في طرق وسبل كسب العيش في الجامعات ووتتفاوت براعتهم . ولكن تبقى الطرائق محفوظة ما بين طالب يدعي فقدان رسومه الدراسية وآخر يدع لخياله الخصب نسج حكاية تدر عليه الجنيهات وهناك من يطفح به الكيل فيمثل مسرحية الضيق والزهج وفي النهاية فان كل الطرق تفتح حقائب الفتيات وينعم الطلاب بكفالة تنتهي بانتهاء مراسم الدراسة .

ام احمد
08-19-2008, 05:20 PM
والله فعلا دا الحاصل ودا البعانوا منوا طلاب الشهادة العربية
الحمد لله شهادة سودانية

بنونة بت المك
08-19-2008, 05:23 PM
يا جماعة كلامكم يخوف والله العظيم
نحن في ومننا ما كان في كلام فارغ زي دا والحمد لله

ود الصراف
08-19-2008, 06:06 PM
كان بقت علي المصاريف مافي مشكله
المصاريف هينه كدي شوفوا لينا حل في قصة الزواج العرفي
و قصة الايدز المنتشره في الجامعات

تخريمه /

(عايز اقراءشوفوا لي جامعه مليانه شهادات عربيه )

Abdelazim
08-19-2008, 06:15 PM
كان بقت علي المصاريف مافي مشكله
المصاريف هينه كدي شوفوا لينا حل في قصة الزواج العرفي
و قصة الايدز المنتشره في الجامعات

تخريمه /

(عايز اقراءشوفوا لي جامعه مليانه شهادات عربيه )


قديمة ألعب غيرا
كايس الملح؟

الكليس
08-19-2008, 08:16 PM
التحيه ياشباب ,,,

نحن دقسنا كان كده , كان يكفلنا زميلنا الملازم معاش ( شوف ملازم معاش دي )
(محمد حسبو )

فكل مايطلبه منا هو أن نذهب معه عصر الخميس لسوق ليبيا ونحضر معه الشوالات
المليانه بـ ( الزي المدرسي بتاع الفقراء , شنط , أحذيه , أقلام بالربطه , وووو ) . وأن
نساعده على عتالتها ورفعها في التاكسي وتخزينها في الغرفه (34 ) بداخلية طوكر
ونسهر الليل في الخط والرسم عليها بألوان الزيت وغيره .

إلى أن يأتي التاكسي قجراً , نلم الشنط وغيره ويذهب( محمد حسب الرسول ) للدلاله
ونخلد نحن للنوم . كان محمد يقوم بجهد كبير , وتجده يصيح بخبرته :
( دلاله دلللي ,, زبون مايجلي , يشيل مايخلي ) وغيرها , وكان يحضر في المساء
بكل الإحتياجات ( صعوط , سجاير , ساعات , روادي , مصاريف الإسبوع ..... ) .

وسوف أحكي لكم كيف فقدنا حسبو عندما إنتقل للكليه الحربيه وقصة ملازم معاش

ـــــــــــــــــــــــــــ
ودام الود

وطواط
08-19-2008, 08:32 PM
والله نحن اهلنا ما قرونا
الدعم الفني كان بيجي من حبايبنا
البنات مصروفهن اكتر مننا
يعني عادي حق الفطور والبارد واحتمال تدفع هي حق المواصلات
ما بعيد تجي راجع بي قروش وتكون ربحان ليك الف الفين زيادة علي القروش المرقت بيها
وكمان تصور ليك المقرر
فاتك والله يا الكليس
ويا ود الصراف نشوف ليك طريقة في الأحفاد
عشان الرطوبة هناك عالية

ابو امنية
08-20-2008, 11:24 AM
الحب بالسندوتشات
الزواج بشونه بيبسى ولا إيسكريم
الشهادة العربيه دى شنو
أنا عندي شهادة عربية تمبول
أرجاء تقديمى لإى جامعة أنشاء الجامعة الأمريكية

حتى الحمام يأكل فول

Abdelazim
08-20-2008, 05:22 PM
الحب بالسندوتشات
الزواج بشونه بيبسى ولا إيسكريم
الشهادة العربيه دى شنو
أنا عندي شهادة عربية تمبول
أرجاء تقديمى لإى جامعة أنشاء الجامعة الأمريكية

حتى الحمام يأكل فول


مشكلتك يا ابو امنية انك فات فيك الفوات يعني بتتعب ساي
الجكس ما بعاين ليك
ناس وطواط لسه طالعين في الكفر
وانتو ناس قريعتي راحت تمشي البحر وتجو عطشانين