المساعد الشخصي الرقمي

مشاهدة النسخة كاملة : مكتبة كلمات الفنان القدير مصطفى سيد أحمد



ولد هندسة
07-05-2009, 05:50 PM
مصطفى سيد أحمد ــ سيرة ذاتية



مصطفى سيد أحمد المقبول مختار عمر الأمين سلفاب.
من قرية ود سلفاب ـ الجزيرة ـ عام 1953 م.
قدم جده الأمين سلفاب من شمال السودان ، منطقة الشايقية وأستقر جنوب غرب الحصاحيصا على بعد 7 كيلومتر منها ، وغرب أربجى بحوالي 13 كيلومتر " أربجى القديمة " والتي تقع آثارها على النيل مباشرة ، ثم تأسست أربجى الحديثة بحيث تكون القديمة بينها وبين النيل ، وكان قدوم الأمين ود سلفاب للمنطقة حوالي عام 1700 م.
وأستقر في مكان قرية ود سلفاب الحالية والتي كانت أصلاً قرية للدينكا ، أبادهم وباء الجدرى وما زالت هياكلهم العظمية ترقد تحت تراب القرية ، إلاّ إذا أخرجها حفر المطامير أو أساسات المبانى العميقة المعاصرة فتخرج مع حفنات من السكسك والخرز .
عمل سكان ود سلفاب بالزراعة المطرية لبعدهم عن النيل ولوفرة الأمطار وكان ذلك قبل مشروع الجزيرة ، وبعد قيام المشروع توفر الرى الصناعى والموروث من المعرفة بالزراعة القادمة معهم من شمال السودان لذلك كان والده فلاحاً بالفطرة ، إحتقنت دماؤه بعاطفة الأرض والزراعة فكان محصلة لها بمصطلحاتها النوبية القديمة فيعتقد فى إرتباط الحياة فى الأرض بالنجوم وحركاتها وبالرغم من أنه كان يتمرد كثيراً على التعاليم الرسمية والجدولة الزمنية التى كان مفتشو الغيط يطلبون تطبيقها ، إلاّ أنه كان دائماً وقت الحصاد يكون من أوفر الناس إنتاجاً .. ولكن كان إعتقاده دائماً أن ذلك يتم فى إطار قاموس الطبيعة .. وتكملة لهذا القاموس وإلتزاماً به كليةً كان ينفق فائض الإنتاج على المحتاجين حتى لا يتبقى منه ما يقابل إنتاج العام الجديد .. لم يتخرج فى كلية غردون التذكارية بل كان أمياً ولكنه علمنا ما ما لا نجده فى دور العلم .
ويقول مصطفى : بل أحمل فى داخلى منه الزاد الذى لا ينفذ فى كل مراحل عمرى ..
ويقول : لدى سبع شقيقات وأخ شقيق واحد توفى فى عام 1970 م ، وكان عمره سبعة وعشرين عاماً وكان يكتب الشعر ويغنى وتنبأ منذ وقت مبكر بأنى سأكتب الشعر أيضاً وأغنى أفضل مما كان يغنى .. وكان صوته جميلاً ..
وفى حوالى عام 1965 وفى مناسبة زواج أحد أبناء القرية من فتاة فى قرية " العيكورة " وفى الحفل الذى أقيم فى هذا الزواج سمعت مغنياً من القرية شارك فى الحفل يشدو بأغنية شعبية ميزت منها فى ذلك الوقت " الفريق أصبح خلا .. جانى الخبر جانى البلا .." وملامح اللحن كانت مشحونة بالعاطفة .. وفى لحظة صفا ذكرت لشقيقى المقبول ملامح اللحن والمعانى التى تدور حولها القصيدة وأخبرته أن هناك إحساساً قوياً يهزنى فى هذا اللحن وهذه المعانى وقد وافق ذلك فيه ظرفاً نفسياً خاصاً فكتب نص أغنية " السمحة قالو مرحّلة ".
أثبت هذه المعلومة إحقاقاً للحق وتوضيحاً للغموض الذى قد يحسه من لهم صلة بالأغنية القديمة عندما فاجأتهم الأغنية الجديدة .. كانت أول كتاباتى بعد أن توفى شقيقى " المقبول " وأول قصيدة مكتملة كانت فى رثائه .
درس الأولية والمتوسطة " المدارس الصناعية " وكان مبرزاً حيث جاء ثانى السودان على مستوى الشهادة الفنية ... لم يواصل فى المدارس الفنية حيث إلتحق بمدرسة " بورتسودان الثانوية " ومنها لمعهد إعداد المعلمين بأم درمان ، حيث تخرج فيه وأصبح مدرساً بالمدارس الثانوية العامة .
إلى جانب ما أشتهر عنه من ممارسته لهواية الغناء ، أيام دراسته بمدينة بورتسودان ، كان موهوباً فى مجال الرسم وفنون التشكيل ...عندما لم يسمح له أثناء عمله بالتدريس بالإلتحاق بمعهد الموسيقى والمسرح قدم إستقالته وعمل فترة مصمماً للأقمشة بمصنع النسيج ببحرى .
إلتحق بمعهد الموسيقى والمسرح وأكمل خمس سنوات بقسم الموسيقى " قسم الصوت " إلاّ أنه لم ينتظر حتى ينال شهادته الأكاديمية
متزوج وله طفلان " سامر وسيد أحمد " له من الأخوات سبع وشقيق توفى عام 1970 م " المقبول " وهو شاعر غنى له مصطفى .
عانى من المرض كثيراً فقد لازمه الفشل الكلوى مدة طويلة " 15 عاماً" أجرى خلالها عملية زراعة كلى بروسيا أواخر الثمانينات إلاّ أنه تعرض لإنتكاسة جديدة بداية عام 1993 بالقاهرة وإنتقل منها للعلاج بالدوحة حيث ظل هناك يباشر عملية الغسيل الكلوى ثلاث مرات فى الإسبوع إلى أن توفاه الله مساء الأربعاء 17 يناير 1996م.

ولد هندسة
07-05-2009, 05:56 PM
الحزن النبيل

ابوزر الغفاري

وبقيت أغنى عليك ..
غناوى الحسرة والأسف الطويل
وعشان أجيب ليكى الفرح
رضيان مشيت للمستحيل
ومعاكى فى آخر المدى
فتينى يا هجعة مواعيدى القبيل
بعتينى لى حضن الأسى
وسبتينى لى الحزن النبيل
***************
ومشيت معاك
كل الخطاوى الممكنة
وبقدر عليها .. وبعرفا
أوفيت وما قصـّرت فى حقك
ولا كان عرفة غيرك .. أصادفا
وقدر هواكى يجيبنى ليك
جمـّع قلوبنا .. وولـّفا
وكتين بقيتى معايا .. فى أعماقى
فى أعماق مشاعرى المرهفة
لا منـّك إبتدت الظروف
ولا بيكى أنتهت الأمانى المترفة
***************
ندمان أنا ؟
أبداً وحاتك .. عمرى ما شلت الندم
ما أصلوا حال الدنيا .. تسرق منية
فى لحظة عشم
ندمان أنا؟
وأنا عندى ليك كان الفرح
رغم إحتمالى أساكى يا جرح الألم
وكان خوفى منك
جايى من لهفة خطاك على المواعيد .. الوهم
ندمان أنا؟
أبداً وحاتك .. عمرى ما شلت الندم
أهو نحن فى الآخر .. سوا
باعنا الهوى
وماشين على سكة .. عدم

ولد هندسة
07-05-2009, 05:57 PM
البت .. الحديقة
خطاب حسن احمد
حتجى البت .. الحديقة
شايلة أنسام فى طريقا
.. وشاتلا ألوان
*******
حتجى البحدث بريقا
ضجـّة الضو فى المكان
حتجى المن بدرى جات
.. من ظلامات السكات
شايلة قمرين فى عيونا
.. وفاتحا ليلين بى جنونا
.. وطاوية ساحات إنتمت لى فجر ..
فات
وتنتمى لى عصور جديدة
********
حتجى البت البريدا
ضاحكة .. منتصرة .. وعنيدة
آملة .. مزدهرة .. وجديدة
ناقشة فى الزول .. أغنيات
حتجى المن بدرى جات
.. من ظلامات السكات
واصفة لى الناس الطريقة
.... ولى العصافير .. الجهات

ولد هندسة
07-05-2009, 05:59 PM
يا مطر عِز الحريق


من الواسوق أبت تطلع
من الأبرول أبت تطلع
من الأقلام أبت تطلع
من المدفع طلع خازوق
خوازيق البلد زادت
يفيض النيل .. نحيض نحن
يظل حال البلد .. واقف
تقع محنة
ولا النيل القديم ياهو ... ولا يانا
نعاين فى الجروف تِنهد .. ولا يانا
رُقاب تمر الجدود تِنقَص .. ولا يانا
متين إيد الغُبُش تتمد
ولا قِدّام
تتِشْ عين الضلام بى الضو
تفرهِد شتلة لا هدّام
ولا فيضاً يفوت الحَد
عُقُب يا نيل تكون ياكا
ونكون أهل البلد بى الجد

يا مطر عِز الحريق
يا مصابيح الطريق
يا المراكبيى البتجبِد .. من فك الموج الغريق
جينا ليك والشوق دفرنا
يا نشوق روحنا ودمَرنا
يا المحطات الحنينى القصّرت مشوار سفرنا
ياما شايلك بينى حايم
لا الليالى المخمليى
لا العمارات السوامق .. لا الأسامى الأجنبيى
تمحى من عينى ملامحِك
وإنتى جايى المغربية
.. دايشى .. داقسى .. المغربيى
وشِّك المكبوت .. مكندك
سمسونايتك زمزميى
كون شِبِر .. طوريى .. مُنجَل
سِبحِى .. فانوساً مدردح
قلتى بيهن لى زمانِك
يا زمان الحاجى عِندك
يا زمان الآهة حدّك
لا تَطَى الوردة الصبيى

ولد هندسة
07-05-2009, 06:00 PM
والبقية قادمة باذن الله
ولكم التحية

ولد هندسة
07-06-2009, 07:57 PM
نشوة ريد
قاسم ابو زيد


نشوة ريد .. إحساس إكليل
وردة وصلك .. جنـّة أصلك
نجم الليل الوصل جميل
**********
نحنّ مشينا الخطوة الأولى
وإنتى معاى مشوارنا بيقصر
بكرة بنحكى الشوق للذكرى
نار الريد الغابت .. تظهر
*********
الأطفال يافاطنة بغنوا
الأفراح لابد من ترجع
الأحلام الدونك فاتت
لو واصلنا صباحا بيطلع

ولد هندسة
07-06-2009, 07:59 PM
واقف براك

واقف براك
والهم عصف
ريحاً كسح زهرة صباك
ليلاً فتح .. شرفة وجع
قمراً رحل فارق سماك
*******
مطر الحزن عاود هطل
جدد عذاب الأرصفة
ضى المصابيح البعيد
أتعب عيونك .. وإنطفا
لمتين مواعيدك .. سراب
والريد شقا .. حرقة .. وجفا
********
بعد المشاوير البقت .. ممدودة فى نبض التعب
بتعود وتلقى رِجاك زول
حفظ الوداد زمناً صعب
والباقى من ليل الهوى
وعطر الصبابة الما أنسكب
والباقى من كل الغنا
وسيل الكتابة ..
الما نضب

ولد هندسة
07-07-2009, 03:42 PM
ونواصل...............

ولد هندسة
07-07-2009, 03:48 PM
أسئلة ليست للإجابة
يحي فضل الله

ما معنى أن نحيا .. ولا ندرى
بأن العشق قد يبقى سجيناً فى الخلايا
ما معنى أن نشهد موات الأغنيات
ما معنى هذا الصمت الذى لا ينتهى
وبرغم حوجتنا الصراخ
***********
هل يختفى الظل الذى لا ينتمى
إلا لمعرفتى وجهلى
وهل نودع بعضنا ونذهب فى سراب الذكريات
كيف تبدو الذكريات
كيف يبدو طعم أيام الشجن
من يعلم ذكريات كل أشكال التداعى ..
والرحيل المر دوماً
حين يختلط المدى بالمآسى .. والمخاوف
وأحتراق الأمنيات
*********
تعِبٌ هو البرق الذى لا يضيءُ أقبية الخبايا
لا ينتمى للسحبِ ..
والعشبُ الذى لا يرتوى
إلاّ بطعمك يا عصيراً من خليط الدهشةِ الأولى
وأحتراق الأغنيات
***

ولد هندسة
07-07-2009, 03:50 PM
مابين زمناً متمنيهو


مابين زمناً متمنيهو
وزمناً منك .. زادنى أسيـّة
طفت الدنيا عشان .. أنساكِ
وأنسى الحزن الطارد .. ليـّا
كان البحر الما خـلاّنى .. أعيش فرّادى
كانوا أخوان فى الإنسانية
قعدت معاهم .. وإتفاكرنا
كم لفـّينا .. وكم سافرنا
وكم مازحنا ليالى الصيف
كم غنينا لى الحرية
كم دارينا الحزن الأكبر
بين الصيف .. وجمال المنظر
************
كنتِ بتطلعى من عينيهم
وكتين يفرحوا .. أو يندهشوا
أو يفترشوا سواعد بعض
أو يتكلموا عن الأرض .. وسلام العالم
وكنت غريب الوجهِ .. معذب
**********
ما أحلاهم ..
شالوا معاى الهم بى الجملة
.. وهتفوا .. البحر .. البحر
جوة المركب .. فِضلوا يغنوا .. يغنوا
شوية .. شوية ..
وسكتْ المركب
كل الناس إتنين .. إتنين
فرح إتكلم بى لغتين
... كنت برايا
وجانى حنين الكون .. إتكوّم
غوّر .. غوّر .. جوة فى صدرى
وإتمنيت لو كنتى .. معايا

عادل القاسم
07-08-2009, 01:01 PM
ود هندسة يا جميل .... ارجو المواصلة لتوثيق هذه القصائد الجميلة للفنان الراحل المقيم مصطفي سيد احمد ... بس ارجو كتابة اسم شعراء القصائد....
وشكرا لك ياراقي...

الواثـق
07-25-2009, 08:17 PM
احيك دي احسن حاجه
وااااااااااااااااااااااااااااااااااااااااااااااااا ااااااااااااااااااااااااااااااااااااصل

ابوشهدولينا
07-26-2009, 12:51 AM
التحيه ودهندسه لهذا العمل الرائع

بس اعتقد محل الكلام دا الفيديو والوصوتيات
حتى نتمكن من توثيق الكلمة مع اللحن
ولاشنو ياوجيه

دمت صديقي

ولد هندسة
07-26-2009, 07:29 PM
الاخ ابو شهد
لك التحية
شكراً علي الراي
ولكن انا لا املك كل الاغنيات صوت ولكني احب القراة ولذلك املك معظم الاغتيات كتابة ومن هنا جاءت فكرة انزال الاغنيات مكتوبة ولك الشكر

ولد هندسة
07-26-2009, 07:31 PM
أظنك عرفتى
جمال حسن سعيد أظنك عرفتى
عواصفك مهبـّى
أبارى فى خيالك .. يسوقنى ويودّى
ونهرك يعدى
ويجهل مصبّى
هواجسى البتزرع
وظنـّى البربى
****
لقيتك خواطر
بتصحى .. وتساور
وطيفك يزاور
وروحك تحاور
تجيبنى فى زمانك
موشـّح أساور
أقول بس نسيتك
وجرحك .. يتاوِر
*****
أظنك عرفتى عذاب المغنى
وطبلو المجدّع
شظايا التمنى
حروفو البتجزع
فى لحظة تجنى
خطاهو البتهرع
متين تطمئنى
****
مسرِّج خيالك .. حصانى القبيل
معربد غبارو
وخلّى الصهيل
مسافر .. مسافر .. وفاقِد دليل
أظنـِّك عرفتى ..
هموم الرحيل

ولد هندسة
07-26-2009, 08:12 PM
طوريتك
محمد طه القدال

طوريتك في الطين مرمية
وكوريتك فاضية ومجدوعة
لاغيبتك كانت مرضية
ولا فوتك كانت مبلوعة
اللهب الضوى الليل قناديل
في عيون النجمة القبطية
والتعب المد ضراع النيل
سجادة فقراء مزاورية
سائلين عنك ويوماتي رحيل
لموالئ المدن النفطية
وشقيش ما تقبيل يا ابو الحيل
في قلوبنا مواجعك متكية
وابعتلك شال الحب مرسال
تايهين في بحور مراكبية
وبكتب علي صدر الموج امال
اطفال عمال ومزارعية
كيف حال يا ابوي
كيف حال ياخال
بتمسي بيوتنا الكاكية
حزنانة بتبكي مال الحال
والزمن السابهم ايدية

ولد هندسة
07-26-2009, 08:14 PM
سافِر
سافر ..
مطارات الوداع ضجت قدامك .. وراك بيضا
وسماك غنـّاى
مساحات الأسى الفى عيونّا
تتفجر مدينة وناى
بطاقات دعوة الرجعة .. تساب عينين من الفرحة
دموع للحاضرين فجت
زغاريد غطت الدنيا
وعاد .. فرح الرجوع منية
صداك الريح .. ومتل السنبل الغناى
........
كتير بنعاتب الحاضر
ولا أسفاً على الماضى
صدق الرؤية من قلبك .. بين الشوف وإنسانك
نغم فنان يعيش راضى
مداك إتعدى حد الشوف
دخلت على الشعر .. إنسان
وهواك .. إتختّ جوة الجوف
وإنتحر النهار .. هسـّة
نغنيك لى مدن .. شاخت
معاك أحلامى .. ما تنسى
تغنيك القرى الراحت
خلاص يا غربة .. ما ترسى
غنيناك .. وبنغنى
وبتحدى الزمن .. فنان ..

ولد هندسة
07-26-2009, 08:19 PM
لكم العتبي ولكنني لا اعرف كل شعراء القصائد فاذا كان هنالك من هو اعرف منا فلا يبخل علينا باسماء الشعراء ولو اخطانا في احد الشعراء فدلونا ولكم الشكر يا نخبة

الواثـق
08-01-2009, 01:24 PM
القصيده \ الشاعر
الحزن النبيل \ ابوزر الغفاري
البت الحديقه \ خطاب حسن احمد
يامطر عز الحريق\ حميد
نشوة ريد \ قاسم ابو زيد
اسئله ليست للاجابه\ يحي فضل الله


دال العرفتهم

ولد هندسة
08-03-2009, 03:41 PM
هردت لهاتى

محمد الحسن سالم حميد


سني على النضال ..أيدي ..
سوكي بالهتاف فمي
شوارعك لي دويها على ..
إذا ما آخر العلاج الكي
مراويدك حمر يا أمي ..
هردت لهاتى بالغنوات
وقت يبرد حشاك يا أمي ..
من التعب البلا صالح
تفيقي تروقي تنجمي
تسوى مكانسك المطره
تضوي البيت وتنجمي ..
تمرقي صبوحة للجيران
قدح فوق ايد وفى ايد المى
يلاقوك شفع الكتاب نضاف وظراف بلا النسمى
يغنولك غناوى الساب
وفى بيوضة مافى سراب جبال كجبى وفيافى الكاب ..
تفيض بالخضرة منقسمه
فيافي الصى وبيوضة ....
البراسيم فيها مطلوقة..
خضارها يرارى شوف عينى
على الأبواب طواريها وحواريها وقماريها .. ....
بقت روضة ..
بقت تشرب من الحامداب ..
تشوفوا رهاب بعد نجمي ..
اشوفو قريب قرب نضمى ..
واشوف العالم التحتاني ..
هيلا هوب وقف ناهض وهد عمايد الفوقاني ..
جوه الجب رمى العارض
وفى السابو الدمار افراد ..
عريق الحب نبض قابض
متل قبض الحروف اسمو غناوينا القبيل رقراق ..
علينا تصب برد قارص واجر النيل .. وادوبى لهاتى بالغنوات
عقب يبرد حشاك يا امى ..
وطنى ولا ملى بطنى
بليلتي ولاضبايح صي .. سكاتى ولا الكلام الني
قليلتي ولا كتر سمي ..
سلام لا هكمي لا دكمي .. سلام يا امي سلام يا امي

ولد هندسة
08-03-2009, 03:42 PM
سِفر السكوت

فيصل محمد صالح

طوبى للرجال العصافير
كلما حطّ طائرهم فوق غصن
غنوا بشجيى الكلام .. بديع الصور
وبؤساً لنا نحن الرجال .. الشجر
تهاوت جذور الكلام
جفت ينابيعنا
وأرهقتنا ليالى السفر
تؤرقنا الذكرى
توقِد نار المواجد فينا
فيوجعنا الشوق فى صرة القلب
يتأبى حتى السكون الذليل
نخرج الآن من جلدنا
ونخدش صمت السؤالات
نركض عبر الطريق الطويل
من أى ثقبٍ فى الحكايات جئنا
ومن أى بابٍ فى السماواتِ .. كان إلتماس السكينة؟
ومن أى ذنبٍ عصىٍ
تعلم القلب سفر الرحيل
الطيور قطعت رحلتها ثم عادت
والأمانى إستكانت
والليالى ما عاد صمتها مستحيل
والنساء اللائى علمننا
العشق فى زمانات النداء الجميل
نسجن كعادتهن من كذوب الروايات
ما يخلع الدفء عن جسد الحب
ثم تذوقن للحبيب البديل
يا صديق المسافات أركض
ما عاد فى الحزن متسع
لصفير الجراحات ــ قلبى وقلبك ــ
ولا صبر فى الأفق لإنتظار الخيول
كل المراكب تاهت
أنكرتنا الشموس
والحبيبات خانت
لفظتنا البحار
فهل يستطيع البنفسج أن يكون الكفيل ؟
أيوجعك الوصف ؟
آه .. من زمنٍ كنا ننتقى فيه العبارات
من فصوص المحار
نتمشى فى مفاصل الشعر
تأخذنا كل ساعةٍ فى مدار
آه .. من آه .. ثم آه
من كل ذاك الزمان النبيل
أصرخ الآن .. أو
أخرج الآن .. أو
إنزف الآن .. أو
أكتم الشدو فى الفؤاد العليل

ولد هندسة
08-03-2009, 03:50 PM
حليوة في ليلة المولد

محمد طه القدال


بقول غنوات .. واقول غنوات
في البلد البسير جنياتها لي قدام ..
بقول غنوات
وفى الولد البتل ضرعاتو في العرضة
ويطير في الدارة صقرية ..
ولو السمحة تلت إيد
ومدت جيد يقوم شايلاه هاشمية
يشيل شبالو وختفة ريد وفرحة عيد ..
وريدة روح وحمرة عين وإيدية
بقول غنوات .. بقول غنوات
وفى الولد البشيل مدقاقو قولة خير على القمرة
يقابل الجاية متحزم ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
و قبال حول تغيم غيمة قبلية
ترش الدارة والحدبة الصعيد الحلة
يا فرحه بتطارد الصفقة في النسمة الصعيدية
وياجهرة نهار الليلة بدرية
رحيح جنياتنا في
الحدبة الصعيد الحلة
يا قمحاتنا هو لبلب ...
يا سمحاتنا هو لبلب
و يا اللوز الفتق في الوادي هو لبلب
ويا البحر الطمح مدادى هو لبلب ..
ويا حجواتنا يا دعواتنا هو لبلب
سألتك بالذي ركز الأرض معبد
وسوى الناس عليها مقام
سألتك بي حجا الأمات ودعواتنا ..
سألتك بي كبيداتن و دمعاتنا
شليل وين راح ..
يكون ضل الخريف فاتنا
وشليل وين راح
وزي برق السماك الجابها دغشية
وزي زغرودة البطن الكبارية
مرق من شامة القمرة
مهيقت بي وداعة الله ومقدم بالعديل يبرا
تعالوا ابشروا ياجنيات
شليل ما راح .. شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مشوار.. شليل مسدار
شليلنا أرضنا يا جنيات
شليل قائم نصاصي الليل يتمتم ليلو وردية
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
مزارع بات على عشقين تراب بلدو
وسماح فوق بت مزارعية

ولد هندسة
08-03-2009, 04:26 PM
القصيده \ الشاعر
الحزن النبيل \ ابوزر الغفاري
البت الحديقه \ خطاب حسن احمد
يامطر عز الحريق\ حميد
نشوة ريد \ قاسم ابو زيد
اسئله ليست للاجابه\ يحي فضل الله


دال العرفتهم


الاخ الفرعون تسلم ياراقي علي الافادة
وتم التعديل

ولد هندسة
09-22-2009, 12:00 PM
سمحة وسمريه
محمد طه القدال

سمحة وسمريه محبوبتي ولفتاته غزالة
خضرة ومسقية جنب النيل مشتولة النالة
بهواك يا بنية
كتبتو قصيدة بقولة مقالة
بتفتحي فيَ معاني غناي تشيلة مجالة
زهرة وبرية بشوق الأرض عيونا كحالة
تريانه ندية بعرق الناس والناس في بالة
يا خوفي عليَ عقل وثبات ماها الولوالة
من فرحي إلى قلعت الخوف وكستني ببسالة
قلت ليها النية متين نتلم والحال بطالة
قالت لي غنية وانت معاي مستورة حالية
برت سودانية محبوبة ولفتاته غزالة.

ولد هندسة
10-15-2009, 02:12 PM
عجاج البحر

للشاعر : حسن بيومي



يراقصني عجاج البحر


يرد داخلي الامطار

يكلمني تراب الارض



يشدد قلبي الاوتار


اغنيكم …… اغنيكم


اغني جذوة النار التي فيكم


والعن ذلك البرد المدثر


روحكم برماد موتاكم


اغنيكم ……


وابني في عيون الشمس


مملكتي تباديكم


نسور تعشق الترحال


في الافاق تبغي الكون حرية


فان شئتم


تعالوا الان نرقص رقصة البدء


ونعلم ان نمد الكف


نحو الشمس للدفء


تعالوا ايها الجوعاء


تعالوا ايها الفقراء

ولد هندسة
12-27-2009, 11:07 AM
نواصل يا حلوين في كتابة كلمات الاغاني للفنان الراقي مصطفي سيد احمد

ولد هندسة
12-27-2009, 11:08 AM
يا ضلنا
يا ضلنا المرسوم على رمل المسافة
وشاكى من طول الطريق
قول للبنيـّة الخايفة من نار الحروف
تحرق بويتات الفريق
قول ليها ما تتخوفى
دى النسمة بتجيب الأمل
والأمل بيصبح رفيق
والأصلو فى الجوف إندفن
لا بتنسى .. لا بنمّحى
لا بنتهى منو الحريق
********
والفينا من آهات أليمة
فى حكاوينا القديمة
لا بيرحل عن عيونـّا
ولا بتغشاهو الهزيمة
والقبيل راجِنو نحن
يوم تبشـِّر بيهو غيمة
لما تمطر يوم علينا
الفرح يملا المدينة
والبلودات الحزينة

ولد هندسة
12-27-2009, 11:12 AM
الشجن الأليم

عارفنى منك
لا المسافة ولا الخيال يشغلنى منك
عارفنى
*********
ببقى بعدك فى الأسى
وتبقى إنت الظالم .. القاسى .. النـِّسى
وغصب عنى أشيل ظنونى
وأقول عليك .. إنت المسامح
فوق شجونى
أعيش زمان بالفرقة جارح
وفى إحتمالى وبالى إنـّكْ
إنت سايق فينى ظنك
**********
تحرمنى منك
والمواعيد لا بتشيل منـّك .. تودِّى
لا الشجن قادر قادر يسوقنى عليك
.. أعدِّى
لا التحايا وىلا المشاعر الحيـّة
فى عمق الحنايا
لا رسالة تجينى منـّك
لا خبر طمنـِّى عنك
وإنت سايق فينى ظنك
رغم إنك .. إنت عارف
إنـّو منك .. لا الزمن يقدر يحول قلبى عنك
لا المسافة ولا الخيال يشغلنى منك
********
يا هوى الألم النعيم
خليك على الوعد القديم
وخلينى فى الشجن الأليم
وأبقى فى كل المداين
سكتى .. وسفرى الجحيم
تبقى أيه الدني من بعدك .. تكون
وأبقى أيه بعدك .. أكون؟
عارفنى منك ...

ولد هندسة
12-27-2009, 11:34 AM
kالــــقاك ويـــــــــــــــــــــــــــــــــــن
قاسم أبو زيد
ألقاك وين ..
كان الفرح قفل مسامات الضياع
غناك مزمار الزمن إرشيف عشق ..
أصوات نغم وتر التراخى موشحات ..
القاك وين ..
من غبت.. ما شرقت شمس
والدهشة ساساق الدروب ..
لي وين تمش...
نار النضال لو تنهبش ..
توقد سنون .. المتعبين
تعقد زفاف آخر ضمير ..
إتباع مقنن بالقرش
ألقاك وين ..
كان التعب ما خت أيدو على جبين تربال
.. يخم رمل الشقا .. المليان غلب ..
دقست قوافلو مع السراب ..
رابط جليد الهم سعن ..
محزوم خشيمو من الصبر..
راجي السحاب ..
نلقاك وين ..
أنا وإنت والنيل والأرض
والبور مشتت متنسى ..
نجامة التعب الكعب ..
ما كان عول ..
ريدى الصبح صفصاف هدير
البر ..
أيامي توب شحاد .. هذاه خم و خم ..
أنا ما لقيتك ليه.. طعم الفراق دم دم ..
ختيتى فوقى الليل .. والليل سقاني السم
أنا خاطري في المطرة ..
ريحة الدعاش
والشم