المساعد الشخصي الرقمي

مشاهدة النسخة كاملة : مسطول بيحكي قصة حياتو!!!!



2ta
05-09-2009, 12:14 AM
مسطول يحكي قصته وهو في بطن امو!!



في البداية لما كنت نطفه كنت قايل روحي إني من كريات الدم البيضاء!!!!
ماعرفت إني من بني البشر إلا لما قالت الدكتورة لأمي مبروك يا مدام إنتي حامل
أمي طبعا من الفرحة ختت ايدها على بطنها في المكان الأنا موجود فيه .. عرفت إني المقصود وفهمت إني مشروع بني آدم!!
بيني وبينكم أتضايقت .. قلت مالي ومال وجع الراس أطلع لعالم تاني وأبقى إنسان وفي حساب وعقاب وقراية ودرس عصر..
همس لي عقلي قال أحمِد ربك حتطلع ويبقى عندك إيميل ، وماسنجر 8 ، صحي أنه يطفش بس ما مشكلة, وبعدين تخش في المنتديات وتخش مدرسة وجامعة وتجكس والحاجات دي..
قلت في بالي لا كان كده ما مشكلة!!!!
الفرحة طبعا قربت تشرطني و قلت خلاص أطلع هسا قال لي بدري لسه باقي تسعة شهور (غايتو جنس احباط )
ولما بقى عمري خمسة شهور كنت حاسي إني ذكر بس قلت يمكن أكون أنثى!!
بقيت أقطع من الشعيرات الدموية وأقول غلام .. فتاه.. صبي.. صبيه.. ولد.. بنت
قعدت أمصمص صباع كراعي الكبير لحدي نمت..
أثناء ماانا نايم أمي الله يهديها شربت مويا بكميات كبيره على غير العادة صحتني من نومي, بس والله انبسطت قعدت ألعب بالمويا بكرعيني وكنت داير أسبح بس للأسف ما لقيت لي مايوه, وخفت ابل شعري ساي!!!
لما جاء الشهر السابع مشت أمي ومعاها أبوي للدكتورة عشان تتطمن على صحتها..
طبعا رقدوها فوق السرير وأبوي واقف جنبها بيحسسها بالأمان (قلت ليه هي حامل بوحش ولا شنو؟؟؟؟)
الدكتورة ختت جهاز على بطن أمي وبدت تحرك يمين يسار فوق تحت وهم شايفني على الشاشة..
بقيت أنا بعد داك أتدلع وأحرك كرعيني وأفتح عيوني وأغمضها بنعومة وأمص صباعي وأوزع ابتسامات والحاجات بتاعة الشفع دي..
وأمي وأبوي قاعدين يكشفوا لبعض ويتبادلوا نظرات الحب والرومانسية ويتبسموا لحدي الدكتورة شالت الجهاز وانقطعت عن الرؤية...
وأنا أقول أحسن زاتو, تقول عمرهم ماشافوا ليهم شافع..
أمي بعد داك سألت الدكتورة متين موعد الولادة قالت ليها لسه باقي شهرين..
سمعت الخبر وجاني انهيار عصبي شهرين يامفتريه خلاص أنا طفشت أنكتمت الجو حار مافي إلا مكيف صحراوي و ماببرد كمان..
قلت يا زول بعد ده مابصبرنا غير النوم ونمت شهرين ( نومه أهل الكهف)..
صحيت من النوم وحسيت بملل وفراغ قاتل حاولت أرفّه عن نفسي وبقيت ألعب لعبة نط الحبل باستخدام الحبل السري!!!!!
وبقيت أنطط وأغني قمر شمس نجوم كواكب هواء واحد اثنين ثلاثة هيييييييييييييييه
وفجأة من قوة التنطيط بتاعي اتزلقت وانقلبت, بقى راسي تحت وكرعيني فوق قامت أمي قعدت تكورك..
ساقها أبوي على طول لأقرب مستشفى الدكتور قال دي ولادة, لما سمعت الخبر فرحت شديد وقلت أخيرا حنطلع من الكتمة دي..
وبديت أقشر وارتب حالي استعدادا للقاء الأول مع صديقتي بالحضانة..
وأمي كل شوية تتعالى صرخاتها ختوها فوق السرير سايقنها لغرفة الولادة وأبوي ماشي جنبها..
وشابكها ماتخافي أنا معاكي وهي ترد ليهو خايفة أموت وانأ بولد , أبوي رد عليها والدموع تنهمر من عينيه ما تقولي كده إن شاء الله يومي قبل يومك وأنا قاعد أقول لسه ماوصلنا غرفة الولادة؟؟؟ إنكتمنا يا عالم انكتمنا باهوه هوّوووووووونا
طبعاً ختو أمي في السرير الموجود بالغرفة وجاء الدكتور ومعاه النيرسات..
الدكتور قال لأمي زفيييييييييير أمي من الخلعة فهمتها عكس أدتها شهييييييييييق وبقيت انا بتشفط وأخش جوّووا ضربت أمي بكوعي..
قلت ليها قال ليك زفير زفير الظاهر أمي سمعتني وزفرت زفرة ودفرتني شديييييد وأنا طلعت سرعتي 180 ميغابايت..
وطلع كل شي فيني إلا نخرتي قلت لاحولا أهو ده الانا كنت خايف منه!!!!
الدكتور استدعى الطاقم الطبي عشان يطلعو نخرتي حاولوا المرة الأولى والثانية مانفع وبعد ثالث محاوله طلعوها (الثالثة ثابتة..)
قعدت أبكي واصرخ وأقول للدكتور غض البصر يا حيوان..
بعد داك شالتني النيرس ولفتني بذاك البشكير الأبيض..





ياسلاااااااام وأخيرا انتهت معاناتي

منقوووووووووووووول

محمدحمزة
05-09-2009, 10:02 AM
والله يا 2ta مسطول عجيب. والظاهر عليك انتى زاتك قاعدة تمشى البحر معاهو

غريب
05-09-2009, 10:56 AM
والله يا 2ta مسطول عجيب. والظاهر عليك انتى زاتك قاعدة تمشى البحر معاهو

بس كده ولا زياده.........:12_7_21:

أم مصطفي
05-09-2009, 03:01 PM
مسطول فاهم

عادل القاسم
05-09-2009, 10:36 PM
نفس القصة دي حصلت لي لكن زمان ...
محمد حمزة انت لسة زعلان.... عشان الهادي قال ليك صلعتك كبيرة... ياخي صلعتك ما كبيرة...
شمبات شمبات شمبات...

غريب
06-01-2009, 06:09 PM
نفس القصة دي حصلت لي لكن زمان ...
محمد حمزة انت لسة زعلان.... عشان الهادي قال ليك صلعتك كبيرة... ياخي صلعتك ما كبيرة...
شمبات شمبات شمبات...

وانت يا بو نص هو ازعل ليه ؟؟؟؟

عادل القاسم
06-11-2009, 04:00 PM
وانت يا بو نص هو ازعل ليه ؟؟؟؟

غريب انتباه... فتح عيونك ما اكلم ليك التونسية...

امير الشايقي
06-11-2009, 04:16 PM
بس بحب اعرف البنقو الدخلو ليهو منو؟

غريب
06-12-2009, 04:11 PM
غريب انتباه... فتح عيونك ما اكلم ليك التونسية...
:36_1_42[1]::36_1_42[1]: طبنجتى جنبى ما تخاف أصلوا الايام دى انا فى الصحراء

سيف الاسلام
06-12-2009, 07:13 PM
2ta الزول دا انتي متأكدة ما كنتي معاو
:36_19_1[1]:

باسل
06-12-2009, 07:26 PM
عجيييب وغريييب

عادل القاسم
06-12-2009, 07:34 PM
:36_1_42[1]::36_1_42[1]: طبنجتى جنبى ما تخاف أصلوا الايام دى انا فى الصحراء

دخل الطبنجة مع الصحراء شنو؟؟؟؟

عادل القاسم
06-12-2009, 07:37 PM
بس بحب اعرف البنقو الدخلو ليهو منو؟

سؤال وجيه؟؟؟
هسة الجاب البنقو ودخلو للراجل ده شنو؟؟؟
لكن اتخيل لي ممكن يكون بشرب اساسا بنقو؟؟؟
ممكن تكون خالت امو عندها ودعمهم عندو صاحبو عندو جيرانهم خالهم صاحبو بشرب بنقو؟؟؟
احتمالات واردة كلها؟؟؟

عادل القاسم
11-10-2014, 03:07 PM
هههههههههههههههههاي