المساعد الشخصي الرقمي

مشاهدة النسخة كاملة : ليل الغلابة



ساداتكو
04-24-2009, 09:20 AM
ليل الغلابة

كلمات :- الأستاذ إبراهيم أبنعوف

غناء:- الراحل المقيم يسن عبد العظيم

ليل الغلابة
يالله يا ليل الغلابة ولمني
ولفني وأبلعني في جوفك هناك وضمني
بسألك بالفيك مسك قلبو وشهق
بالبيبكي وداير تشقو العبرة طق
بالكتم سر حبو لا باح لا نطق
قولي مخلوق حظي منك ول من حظي إتخلق
وإنتظر حدثني لا تعجل تفوت
يبقى ما تلقاني بكرة وراك اموت
وده إن حصل ألبس سوادك وحدني
ومالك إتحيرت يا ليل في الكلام
وماك شايف الدنيا في عيني ظلام
والقليب عميان يفتش في الزحام
لي قلوبا طيبة ما عرفت خصام
في زمنا الطيبة راحت ومتلقت
وفوق دريبا جريتا والكرعين حفن
البقول يمسح دموع عيني يزيدا يتمن
أه عزابي أنا...
أمبقيت ما عرفت إسمي تعالي جاي
ما أنا الزول المسطر فوق جدار صمتك غناي
ما أنا الروح المعذبة في منامي وفي صحاي
ما انا الفي الواطة قاعد وشايفو فوق نجمك مناي
ليك حق لو ما عرفت مين انا انا ما الوليد الشفتو قبال كم سنا
وهسه جيتو لقيتو شايب وفوق عصي الريد متحني
ما غريبة الحب يقرض الزول قرض
انا ياني واحة من حطامو على الأرض
والغريب انو الظروف تفرض فرض
إني أعيش في دنيا لا طول لا عرض
القدر يلعبي بين يمنا وشمال
وأبقا زي عصفور كسير في إيد عيال
وكيف يطير وجناحو مكسور متني
وا عزابي أنا...
وليلي أسري بي تعال شد الرحال
ولي عوالم بي نجومك من خيال
أجيهو وأرجع ألقى ظلم الدنيا زال
يالله قبال تطفى شمعاتي الرياح
وقبل ما ينزل على الدنيا الصباح
وقبل ما تنزل مصيبة تطبني
وا عزابي انا...