المساعد الشخصي الرقمي

مشاهدة النسخة كاملة : فصيده عن المعاق تاليف اسما الشريف



شموس
04-15-2009, 01:59 PM
من حقنــا نتلاقـــي ونحلم ونعيش الدنيـــــــا ذي الباقيـــــن
ايه ذنبنا لوكــــــــان ناقصنــا السمع..القول..أو حتي العين
ولو نحــن في يـــــــوم اتشلينا أوقطعوا ايدنا أو الرجليــــن
ماتقســـــوا علينا وتنسونـــا كلنا في الأخـــر بني أدميـــــن

ولونحن فقدنا بصرنا في يوم بصيره الزول ح تبقي معيــــن
والخطوه الماقدرنا عليها ما أظن من دونها نكون عاجزين
مااراده الأمـــــل الجوانـــا بتخلي خيالنا يكون جنحيــــــــن
والعجز الكامن في الاجساد مابعطل روحنا ورب الديـــــــن

ومهما نقاسي من الايام حامدين المولي دوام شاكريـــــن
مابنلعن يوم لي أقدارنا وعمرنا مابنصبح ناس يائسيـــــن
خلونا نكون ديمه معاكم اخوان في الله سوا متحابيــــــــن
ح تلقوا مواهب مدفونه فاقدنها ناس واعيين وعاقليـــــن

بنحب الدنيا وبنريدكم وجوانا علـــم وابداع وحنيـــــــــــــن
بنتمني دوام تبقوا معانــا شاركونا حياتكم ياحلويــــــــــــن
وتعــــــــــــــالوا لدنيتنا وشوفوا ح تطلعوا منها مبسوطين
مين غيركم انتو بيرعانا ومن دونكم كيف بنكون عايشين

كورينا
04-25-2009, 10:43 AM
شموس
لك التحية والتقدير
والف شكر للرائعة اسماء...
وننتظر المزيد من الابداع ....

Abdelazim
04-25-2009, 02:08 PM
الاخت شموس لك وللاخت اسماء وافر التحايا
تحريمة: اليومين ديل منتداكم والصفحة الرئيسية الحاصل عليهم شنو

شموس
04-29-2009, 02:12 PM
شموس
لك التحية والتقدير
والف شكر للرائعة اسماء...
وننتظر المزيد من الابداع ....

الاخ كورينا شكرا للمدخله ولك التحيه وطولنا منكم

شموس
04-29-2009, 02:15 PM
الاخت شموس لك وللاخت اسماء وافر التحايا
تحريمة: اليومين ديل منتداكم والصفحة الرئيسية الحاصل عليهم شنو

اخونا عبد العظيم شكرا للمداخله الموقع له قريب الشهر ماشغال والشخص الماسكوا كل يوم يجيب لي عزر وانا لوحدي مابعرف اعمل فيهو حاجه لكن قرب اشتغل شكرا للهتمام وربنا يخليك لينا ولكل اعضاء المنظمه