المساعد الشخصي الرقمي

مشاهدة النسخة كاملة : ساداتكو وحادثة المروري وناس الحركة



ابراهيم العمده
04-15-2009, 11:38 AM
...
بسم الله والصلاة والسلام علي رسول الله محمد بن عبد الله وعلي آله وصحبة ومن والاه
والحمد لله من قبلُ ومن بعد والشكر لله من قبلُ ومن بعد هو المُقدر وهو اللطيف وهو الكافي
ثم أما بعد
تعرض أخونا السادات يوم أمس الثلاثاء الرابع عشر من أبريل الجاري الساعة الثامنة صباحاً لحادث مروري وإصطدمت عربتة بوكس بعربة تانكر وبقدرة الله ورحمتة لم يصب بأذي برغم دمار البوكس من الأمام دماراً شبه شامل وقد أُصيب زميلنا وكان بصحبة ساداتكو بكدمة قليلة في يدة اليمني وضربة صغيرة إثر إصطدام رأسة بالزجاج الأمامي للعربة وتكسيرة للزجاج
وأغرب ما في الموضوع أن عساكر المرور وصلوا موقع الحادث بعد ساعتين من إبلاغهم وذهبنا جميعنا لمدينة مروي بعد رسم الحادث لتكملة الإجراءات وحتي السادسة مساءاً لم تكتمل
إجراءات المرور وبعد المغرب ذهبنا للسيد وكيل النيابة لتصديق الضمانة في منزلة وللأسف لم يكن موجوداً وظللتُ أنتظرة حتي الساعة العاشرة والنصف مساءاً وبعد ذلك أخبرني بأنة كان بمدينة كريمة
ليحضر مباراة تشلسي وليفربول في بطولة الاندية الأبطال الأوربية وسبب ذهابة إنقطاع الكهرباء في مروي بعد المغرب وعن الحادث سألني هل هو الحادث الذي حصل في السد الساعه تمانية صباحاً
قلت ليهو ياهو زااااااتو وضحك ثم تعجب وقال سبحان الله والمغرب يادوب يجيبوكم لي ثم تضجر كثيراً
من أفراد المرور وقال لي هم غير جادين ولا يعرفون مهامهم واعطاني رقم هاتفة بحكم أني مسئول عن السلامة بالموقع وقال إذا حدث لكم أي شئ من هذا القبيل أن تتصلوا بي قبل الذهاب للبوليس
وتأسف لما حدث وبعدها سألتة أين كنت تعمل قبل مروي فذكر لي مناطق في السودان وسألتة عن بعض الشخصيات القانونية مع العلم بأن معظم إخوتي واقاربي يعملون في الجهاز القضائي وبتجازب أطراف الحديث بيننا في النهاية إكتشفنا إننا أهل سبحان الله وطلع بلدياتنا وقريبنا عديل كدي
المؤسف في الموضوع كان متواجداً معنا مسئول السلامة للشركة الصينية التي تخص العربة التانكر وهو صيني ومسلم إسمة موسي وعند المغرب سأل بتعجب شديد عسكري المرور كم حادث عندكم اليوم فأجابه هذا الحادث فقط فقال له ماذا أنتم فاعلون لو حدث في مروي عشرين حادث في يومِ واحد ثم إنصرف دون حوجتة لسماع الإجابة .
والسادات الآن ذهب إلي مروي لتكملة إجراءات التأمين وشطب البلاغ نهائياً وتسوية الموضوع وإستخراج التقرير النهائي لشركة التأمين بوعد من السيد وكيل النيابة أمس بحل الموضوع نهائياً
كما سنوافيكم بصور الحادث لاحقاً إنشاء الله ونأسف للإطالة لكن الموضوع أكثر من مجرد حادث كما رأيتم وقرأتم
ودمتم ودام السودان رمزاً للصبر الجميل والعفو عن المقدرة وعند غير المقدرة
...

Abdelazim
04-15-2009, 11:58 AM
الف الف حمدا لله علي سلامة ابو رؤي
والحمد لله انها جات في الحديد

ام احمد
04-15-2009, 01:15 PM
حمداً لله علي سلامتك ياساداتكو(ابورؤي)
والله يخليك لي رؤي وامها

Abdelazim
04-15-2009, 01:37 PM
ساداتكو اتصلت عليك من شوية لكن ما رديت

وطواط
04-15-2009, 02:01 PM
الف سلامة ليك يا السادة وبركة الما بيتا في الحراسة لأنو اخوك شاف مبيت اجارك الله
واصلا دي اجراءاتنا عاملة كدا مرمطة وشحططة وعدم اهتمام غريب واجراءات عقيمة
بس البركة في رويحتك دي
ويا ود العمدة ياها المحرية فيك
اخو اخوان وشيال التقيلة

سيف الاسلام
04-15-2009, 06:21 PM
سلامتك سلامة كبيرة يا ساداتكو

Rahal
04-15-2009, 06:26 PM
ألف حمدا لله علي السلامه يا ساداتكو وما تشوف شر إن شاء الله

تخريمه :
والله يا ودالعمده ناس المرور خجلونا عديل كده في حادث صغير زي دا يعملو كده . . . بعدين دا شنو دا في مروي ذاتا محل الرد الرد هي السد السد الكهرباء بتقطع . . . كان الله في عونك وطني الحبيب

علوب عبدالشكور
04-15-2009, 07:54 PM
حمدا لله الف علي السلامة

ساداتكو
04-16-2009, 09:59 AM
...

ود العمدة والمتداخلين تباعاً سلامات عليكم...

شكراً والحادث كان قضاء وقدر...

الله يمتعكم بالصحة والعافية

....

ابو امنية
04-16-2009, 12:18 PM
ساداتكو
ألف سلامه عليك

ام روعه
04-16-2009, 05:09 PM
كفارة وسلامتك والف عزيز كرامتك
الف سلامة عليك وبركة الجات فى الحديد
معليش على التأخير لكن الخبر هسه جانى

عادل القاسم
04-16-2009, 09:08 PM
ساداتكو يارائع..
ياخي سلامتك الف سلامة وما تشوف شر...
ان شاءالله هسة تمام التمام....
الحمدلله...

يوسف يعقوب
04-16-2009, 10:06 PM
ســـــــــــــــــــــــــلامات ،، وألف حمدالله على السلامة ،،العزيز / ساداتكو
الظاهر دى عين ( صينية ) حفظك الله وحماك من كل شر ،،آمين

جبر الدار محمد جبر الدار
04-17-2009, 11:27 AM
الف كفاره ليك الاخ السادات وسلامتك

والجاتك فى عربيتك سامحتك

المدرع
04-17-2009, 07:02 PM
بركة الانت طيب يا ساداتكو

فاطمة ميرغني
04-18-2009, 03:00 PM
الف سلامة ليك ساداتكو -
الاسم صعب شوية
المهم - سلامتك

أم مصطفي
04-18-2009, 04:15 PM
كفارة وسلامتك والف عزيز كرامتك
اسفه للتاخير

ام السعود
04-18-2009, 05:08 PM
الف سلامه و انشاء الله ماتشوف شرياسادتكو
والجاتك في مالك سامحتك
وتحياتي لي ود العمده

ساداتكو
04-19-2009, 09:57 AM
...

اللهم كل من دعى لي بالصحة والسلامة أبدله صحةً خير من صحته وعافيه في بدنه وماله وأهله يارب العالمين

شكراً نخبة السودان

...

ا. الهادي ابراهيم محمود
04-20-2009, 11:20 AM
الاخ العزيز ساداتكو
الف سلامة ليك وحمد الله على السلامة .............. سحروك ولا ادوك عين

كبلو
04-24-2009, 10:16 PM
سلامتك ما تشوف شر