المساعد الشخصي الرقمي

مشاهدة النسخة كاملة : الجنس .. و التربيه



روبي
08-14-2014, 08:30 AM
ما بين التربيه السودانيه و الاوربيه الواحد محتار
اهلنا لا كلمونا لا حكو لينا حاجه و خلونا معتمدين علي المعلومات السمعناها من البنات (قليلات الادب )الكانو معانا في المدرسه و من المشاهد السريعه في الافلام العربيه و الاجنبيه زمان ( قبل تشديد الرقابه )
و بقيه المعلومات كانت في شكل صدمه :w00t: ليله الدخله
قبل يومين انتهت اجازه الصيف و بدا العام الدراسي الجديد و البت الكبيره اول ما صحت من النوم جات تنطط و تكورك
( هورررررررا انا دخلت سن المراهقه :banana::banana::banana:)
(:12::crying:يعني شنو)
( موش ناس سنه 5 كلهم مراهقين و انا السنه في سنه 5 يعني انا كمان بقيت مراهقه:banana::banana:)
هي فرحانه بسن المراهقه لكن طبعا انا في و رطه


بصراحه شديده
كيف كلمتو اولادكم عن الجنس
و نصحتوهم بشنو
و شنو حدود المعلومات الاديتوها ليهم
و شنو النصيحه الممكن تقدموها لام البنات في اوربا
السؤال ده موجهه للكل نساء و رجال

ايمن بشير
08-14-2014, 11:12 AM
روبي تحية طيبة ظل المجتمع السوداني منذ وجوده كواحد من الشعوب المتفردة والمحافظة في التقاليد والاعراف والتنشئة الاجتماعية العفيفة يعرف كيف يقود ابناءه وبناته للممارسة الحياتية والانسانية المختلفة اذكر اننا كنا نعرف مراحل دخول سن الرجولة او المراهقة منذ السنة الرابعة في الابتدائي في حصة العلوم كما ان الشارع كان مراقبا ومربي وعلي حسب ماكان يذكر ان البنات في سن المراهقة كن يحظين بمراقبة خاصة والادلا لهن كان ياتي من الام والاخوات والجارات والمعلمات حتي وسائل الاعلام ودور السنيما كانت توصل الفهم بطريقة رومانسية وفي اتجاه هذا لايحصل الامع شريكة المستقبل زوجه او حبيبة كل هذا واشياء اخري كانت تمثل الكتاب الذي يتعلم منه افراد المجتمع السوداني بشقيه الذكوري والانثوي .
ام الان اصبح الوضع مختلف تماما والتنشئة الاجتماعية والثقافية لحياة الانسان اصبح يتحكم فيها العالم اجمع بعد الثورة التكنولوجية الضخمة التي اجتاحت جميع دول العالم حتي الفقيرة لذا اعتقد ان الدور اصبح المسئول منه الاول والاخير هو الاسرة في عدم الكبت في تلقي المعلومات في معرفة هذا لماذا خلقه الله وكيف يجب استخدامه وماهي المضار في سلبية استخدامه والاعتماد علي كلمة اننا مجتمع مسلم وماحافظ ويجب ان نحترم هذه القيم جيدا لكي لاتتفكك الاسرة واعتقد اننا اذا لم نكن نحن من يلقن المعلومات لابناءانا سبحثون عن من يوصلهم لمعرفة ماذا ولماذا ؟ وربما يكون ذلك عن طريق المواقع والمنتديات المنحرفة والتي تتحدث عن هذه الثقافة بطريقة حيوانية وشرسة تفتك بالذوق الانساني الفضيل وتزلق الارجل في الانحراف الاخلاقي والجنسي
في اخر تعقيبي هذا اعتقد ان الزوج والزوجه لا بد منهما في التفكير في اعطاء الجرعات وبطريقة منفردة مرة للزوج ومرة للزوجه وان يكون هذا من ضمن التخطيط في بناء بيت الاسرة حتي لايعمر بالجدران والتحف والالوان ويفقد اهم مافيه الترابط الاسري الذي يقوم علي الاحترام والصدق في التعامل بين كافة افراده

ايمن بشير
08-14-2014, 11:34 AM
نصيحتي لكل الامهات من جلدتنا في اوربا ان يتعاملن بكل وضوح مع البنات بالذات في ايصال المعلومات في ان البنت اصبحت في سن تحتاج فيها لغريزة اخري مثلها مثل الاكل والشرب وان تستخدم الفاظ علمية ويجب الحرص منهن علي المحافظة علي اننا كمجتمع مسلم وعربي وسوداني لنا تعامل ومفهوم غير الذي يعيشه الغرب وان المجتمع الاروبي مجتمع منفتح للغاية في حرية الممارسات الحياتية المختلفة وان يضربن مثل بالخمرة والمخدرات في انها اشياء منبوزة الا انها متوفرة في تلك المجتمعات خاصة ان الذين في سن المراهقة يلجؤنا لها ليحسوا ان حياتهم قد تغيرت لمرحلة اخري اكثر حرية ويجب ان يعرفن ان حرية الانسان في المقدرة علي السيطرة نفسه وعدم سجنها من اجل الحصول علي الملذات والاغراء ت الفاسدة .

روبي
08-14-2014, 01:56 PM
نصيحتي لكل الامهات من جلدتنا في اوربا ان يتعاملن بكل وضوح مع البنات بالذات في ايصال المعلومات في ان البنت اصبحت في سن تحتاج فيها لغريزة اخري مثلها مثل الاكل والشرب وان تستخدم الفاظ علمية ويجب الحرص منهن علي المحافظة علي اننا كمجتمع مسلم وعربي وسوداني لنا تعامل ومفهوم غير الذي يعيشه الغرب وان المجتمع الاروبي مجتمع منفتح للغاية في حرية الممارسات الحياتية المختلفة وان يضربن مثل بالخمرة والمخدرات في انها اشياء منبوزة الا انها متوفرة في تلك المجتمعات خاصة ان الذين في سن المراهقة يلجؤنا لها ليحسوا ان حياتهم قد تغيرت لمرحلة اخري اكثر حرية ويجب ان يعرفن ان حرية الانسان في المقدرة علي السيطرة نفسه وعدم سجنها من اجل الحصول علي الملذات والاغراء ت الفاسدة .

كلامك جميل جدا يا ايمن
اتمني ان اقدر علي التطبيق

عادل القاسم
08-14-2014, 02:29 PM
والله يا روبي فعلا مشكلة... لكن بيني وبينك وذي ما قال ايمن العيال مع ثورة التكنولوجيا دي العارفنو نحن ما عارفنو..




بس ربنا يستر علينا..

روبي
08-14-2014, 03:31 PM
والله يا روبي فعلا مشكلة... لكن بيني وبينك وذي ما قال ايمن العيال مع ثورة التكنولوجيا دي العارفنو نحن ما عارفنو..




بس ربنا يستر علينا..


ما هي دي المشكله
وجود فجوه ثقافيه بينا و بين اطفالنا
تلقي الطفل بيتكلم معاك بكل بساطه و علي اسس علميه
في موضوع انت اصلا ما فكرت قبل كده فيهو و تقعد تتكبكب و تمتم
:sweatdrop:

عاشق الترحال
08-14-2014, 04:08 PM
خالتو ازيك..

في البداية احييك علي الموضوع الجميل واحي فيك شجاعتك لطرح هذا الموضوع المهم وبأكد ليك في ناس كتير محتاره تعمل شنو وماقادرين يسألو او يوصلو المعلومة بطريقة صحيحه وده بيرجع لثقافتنا وتنشأتنا وتقاليدنا الاتربينا عليها.
نحن مجتمعنا خجول وما ندر تلقي الوالدين بتكلمو عن المواضيع دي مع اولادهم وبوريهم شنو مرحلة المراهقة او سن البلوغ وبتركو الاولاد لحاهم مع المراقبة من بعيد لبعيد ..في المرحله دي . انا بحبذ الام في الفترة دي تكون قريبة شديد لبنتها اكثر من اي وقت تاني وتكون مراقباها مراقبة لصيقة والصراحة أهم شئ لانو الغلط بجلب الغلط لو طال الزمن او قصر.. اما الوالد فالمثل بقول ابنك لو كبر خاوي ..اي ابقي ليهو اخو وصاحب وخلي يكون صريح معاك ويكون قريب من بي كده بتقدر تربي اولادك تربية سليمة وما بتخاف علية كتير لانك مسبقا من صحبتك ليه وصراحتو معاك بتكون واثق فيه و عارف اخلاقياتو ودارس نفسياتو. .
نصيحتي ليك ياخالتو صاحبي بنتك شديد اكتر من اي وقت مضي واكيد بمقدرتك وخبرتك في الحياة بتقدري تطلعي من الموضوع ده بسلام. .

روبي
08-14-2014, 04:58 PM
خالتو ازيك..

في البداية احييك علي الموضوع الجميل واحي فيك شجاعتك لطرح هذا الموضوع المهم وبأكد ليك في ناس كتير محتاره تعمل شنو وماقادرين يسألو او يوصلو المعلومة بطريقة صحيحه وده بيرجع لثقافتنا وتنشأتنا وتقاليدنا الاتربينا عليها.
نحن مجتمعنا خجول وما ندر تلقي الوالدين بتكلمو عن المواضيع دي مع اولادهم وبوريهم شنو مرحلة المراهقة او سن البلوغ وبتركو الاولاد لحاهم مع المراقبة من بعيد لبعيد ..في المرحله دي . انا بحبذ الام في الفترة دي تكون قريبة شديد لبنتها اكثر من اي وقت تاني وتكون مراقباها مراقبة لصيقة والصراحة أهم شئ لانو الغلط بجلب الغلط لو طال الزمن او قصر.. اما الوالد فالمثل بقول ابنك لو كبر خاوي ..اي ابقي ليهو اخو وصاحب وخلي يكون صريح معاك ويكون قريب من بي كده بتقدر تربي اولادك تربية سليمة وما بتخاف علية كتير لانك مسبقا من صحبتك ليه وصراحتو معاك بتكون واثق فيه و عارف اخلاقياتو ودارس نفسياتو. .
نصيحتي ليك ياخالتو صاحبي بنتك شديد اكتر من اي وقت مضي واكيد بمقدرتك وخبرتك في الحياة بتقدري تطلعي من الموضوع ده بسلام. .

مع انك زول صغير
الا انو كلامك جميل و موزون
ربنا يحفظك و شكرا للنصيحه

عاشق الترحال
08-14-2014, 10:45 PM
مع انك زول صغير
الا انو كلامك جميل و موزون
ربنا يحفظك و شكرا للنصيحه

اللهم امين يارب ويحفظ جميع بناتك ويحفظكم في غربتكم.. .
ياخالتو انا زماااااااااان كنت صغير لكن هسي بقيت كبييييير وكمان بلبس جزم مقاس 43 ..

تكويشة : عندي ليك شمار لكن افتحي اضانك البهناك..