المساعد الشخصي الرقمي

مشاهدة النسخة كاملة : حرامي نص الليل



Abdelazim
03-11-2013, 08:34 AM
في الزمن الجميل كانت او العائلة كلها بتنوم في الحوش ودا زمن الدنيا بخيرها والجو ذاتو كان عديل وكان سمح فكنت تجد الشباب ينامون في جزء من البيت بينما البنات في جزء ثاني قريب من الوالد والدة.
كان الاخوان في البيت يتسامرون قبل النوم وكانت كثير من مآسي ومشاكل النهار بين الاخ واصحابه تُحل في رقدة المساء لما الناس تلصق سرايرا جمب بعض وكل واحد يحكي للاخ الكبير الحصل ليه وتلقي الأخ الاكبر يتوعد ويقول بكرة انا الزول دا بكتله ليك وبكرة بعمل ليه وقد يعمل او لا يعمل ولكنك تنام مطمئن ومسرور.
كنا زمان لما يجينا ضيف نحجز ليه سرير وسطنا ونفرش ليه المرتبة من بعد غروب الشمس حتي اذا ما جاء وقت النوم وجد المرتبة باردة لينام فيها وسطنا وكما اسلفت نتسامر قليلا قبل النوم.
مرة ونحن نايمين بالليل فجأة كدا واحد من أخواني وقد اشتهر بخفة نومه سمع صوت حركة فقام بفتح عينه فاذا هو حرامي يحاول التسلل الي غرف البيت وترك الحرامي حتي دخل جوة الغرفة وقام بايقاظ اخواني ومعهم خالنا الذي صادف وجوده معنا ليلتها وقاموا سريعا بالتوجه الي الغرفة واحاطو بها من كل جانب ليمنعو الحرامي من الخروج وبعدها نادو علينا انا واخي وطلبو مننا احضار ما يمكن من سيطان او عصي او شئ تقع عليه اعيننا حتي يلقنو الحرامي درسا في الاخلاق الحميدة لن ينساه طوال حياته وما أن سمع الحرامي صوت اخوتي حتي فكر في الهروب ولكن كيف وهم قد احاطو به من كل جانب وحاول الخروج من الشباك ولكن الشباك الحديدي لن يسمح له بذلك ناهيك عن ان هناك من يحرس كل شباك والطريق الوحيد للخروج هو عبر الباب ففكر وفكر الي الي ان قرر الاندفاع وبكل قوته عبر الباب ولكنها كانت فكرة غبية جدا وعندها أمسك به اخوتي وخالي ورموه ارضا كالتور وقامو بضربه ضربا :punish2: جعله يصيح باعلي صوته مستنجدا باهل الحارة واثناء صياحه اتينا انا واخي بالعصي والسيطان وبدأ البيت كله في جلد الحرامي وقمنا بتربيطه وجره الي اقصي ركن في البيت وهاك يا جلد والحرامي يصيح باعلي صوت له واستيقظ بعضا من شباب الحارة وعرفو ان بيتنا هو مصدر الصياح فجاءو وبدأو هم ايضا بجلد الحرامي واصبح المشهد كأنك تشاهد في فيلم والجميع يضرب وبعض الناس يقول يا جماعة براحة عليهو الزول دا بموت في يدكم وتبقو في بلوة لدرجة ان الحرامي نفسه بقي يحنس فينا ويقول يا جماعة بخاف اموت في يدكم وتبقي تهمة ومش كدا وبس حتي الحرامي عرف بعض اسماء الناس البتضرب فيه وكان أطرف موقف انه نادي علي خالي باسمه وقال ليه يا .... براحة علي ما تكفتني كدا؟ واثناء ضربنا له سمع بعض رجال السوراي المارين بالقرب من البيت صوت صياح الحرامي وضربنا له فتسلقو جدار منزلنا وامرونا بالتوقف عن ضربه واقتادوا الحرامي الي مركز الشرطة القريب من البيت وفتحو بلاغ تعدي ضده.
أغرب مافي القصة أن جارنا الذي كان نائما في بيته ولم يصحو من نومه الا بعد حضور رجال السواري واقتياد الحرامي الي قسم الشرطة هو من قام بفتح البلاغ ضد الحرامي وهو من إدعي أنه من قبض علي الحرامي.

كانت ايام جميلة
:drag: :drag: :drag:

عادل القاسم
03-11-2013, 09:03 AM
تسمح لي اقول ليك انت استاذ ومعلم اجيال..
عبدو انا عاوز توقيعك وعاوز اصور معاك..

سارة عمر
03-11-2013, 09:08 AM
تسمح لي اقول ليك انت استاذ ومعلم اجيال..
عبدو انا عاوز توقيعك وعاوز اصور معاك..


يا عادل القاسم كسير التلج شنو من الصبــاح
ومالك بتقول العريس البنغالي قال داير يتم قرايتو قدام الناس
احرجتني ياااااااخ
وتجي تكسر في التلج بجاي :evil:

Abdelazim
03-11-2013, 09:22 AM
تسمح لي اقول ليك انت استاذ ومعلم اجيال..
عبدو انا عاوز توقيعك وعاوز اصور معاك..


يا عادل ياخ انت زول راقي شديد وشيل صورتي العندك ووقع عليها ياخ :drag:

Abdelazim
03-11-2013, 09:23 AM
يا عادل القاسم كسير التلج شنو من الصبــاح
ومالك بتقول العريس البنغالي قال داير يتم قرايتو قدام الناس
احرجتني ياااااااخ
وتجي تكسر في التلج بجاي :evil:




يا عشــامــر عادل دا ما كسار تلج ولا شي
عادل دا موراقب ساي :drag:

أبو صديق
03-11-2013, 09:38 AM
ياخي خلاس عرفناها القصة الفازت بالوسام
وعملت لينا بيها وجع وش :10:
اريتو الحرامي كان كسر رقبتك وريحنا منك

أبو صديق
03-11-2013, 09:39 AM
تسمح لي اقول ليك انت استاذ ومعلم اجيال..
عبدو انا عاوز توقيعك وعاوز اصور معاك..
هو حرامي نوص الليل وإنت تسرق الموية من العين
آل أراب ايدل آل :bounce:

عصام فرص
03-11-2013, 09:40 AM
بالله انتا الكنت مشارك بالقصة دي
المهم
قلب وويسام ما حاجة كده ... ادعوا لاخوانكم في سوريا وفلسطين .
يا سوك سوك بموناسبة الوسام
انا عايز اعرف منو الـ صوت لي
لانو كل مرة يصوت لي مافي واحد بيتنيهو بديت اتشأم منو ياخ .

أبو صديق
03-11-2013, 09:40 AM
يا عادل ياخ انت زول راقي شديد وشيل صورتي العندك ووقع عليها ياخ :drag:
ياخي ما تنغر وتصدق المورجفين
بالموناسبة بتاع اراب ايدل ده طلع زي هناي :36_11_6[1]:

أبو صديق
03-11-2013, 09:43 AM
انا عايز اعرف منو الـ صوت لي
لانو كل مرة يصوت لي مافي واحد بيتنيهو بديت اتشأم منو ياخ .


يعني يا ابو رغد السوط حار للدرجة دي
ما قلنا بلاش هناي
الموهم
الصوت ده ما غريب علي
سامعو قريييييييب :36_3_11[1]:

Abdelazim
03-11-2013, 09:45 AM
ياخي خلاس عرفناها القصة الفازت بالوسام
وعملت لينا بيها وجع وش :10:
اريتو الحرامي كان كسر رقبتك وريحنا منك


ياخي نحن مش اتفقنا انو كولو زول ينزل قصتو هنا :punish2:
انت ليه بتعاملني كدا ياخ :drag:

أبو صديق
03-11-2013, 09:47 AM
ياخي نحن مش اتفقنا انو كولو زول ينزل قصتو هنا :punish2:
انت ليه بتعاملني كدا ياخ :drag:
أها خوم وصُور مطامير حالف بالتقطعو إلا إنّزل
بوست الهناي في القرف:smilie19:

Abdelazim
03-11-2013, 09:51 AM
هو حرامي نوص الليل وإنت تسرق الموية من العين
آل أراب ايدل آل :bounce:

ابو صديق ياخ عادل دا براحة عليهو :drag:

Abdelazim
03-11-2013, 09:54 AM
بالله انتا الكنت مشارك بالقصة دي
المهم
قلب وويسام ما حاجة كده ... ادعوا لاخوانكم في سوريا وفلسطين .
يا سوك سوك بموناسبة الوسام
انا عايز اعرف منو الـ صوت لي
لانو كل مرة يصوت لي مافي واحد بيتنيهو بديت اتشأم منو ياخ .



تخيل انو دا انا ظاط نفسي بالذات
وبالله انت برضو شاركت في الموسابقة وما عارف انو انت الصوطا لي روحك :drag:

Abdelazim
03-11-2013, 09:57 AM
ياخي ما تنغر وتصدق المورجفين
بالموناسبة بتاع اراب ايدل ده طلع زي هناي :36_11_6[1]:

عارفو طلع ما موستحمي بس برضو براحة عليهو :drag:

Abdelazim
03-11-2013, 09:59 AM
يعني يا ابو رغد السوط حار للدرجة دي
ما قلنا بلاش هناي
الموهم
الصوت ده ما غريب علي
سامعو قريييييييب :36_3_11[1]:




الصوط دا ما غريب عليك سمعتو في الاسكايب واللا وين :drag:

Abdelazim
03-11-2013, 10:00 AM
أها خوم وصُور مطامير حالف بالتقطعو إلا إنّزل
بوست الهناي في القرف:smilie19:


اومممممك كووووولو الا الهناي يا علي :drag:

خال محمد
03-11-2013, 10:13 AM
السلام عليكن الجميع ،، نحن بخير وأنتو كيف ؟؟؟؟؟ الحبيب مطاميرو والله العظيم مشتاقون شديد خالص ، لكن ما قلت رايك شنو فى حرامي الليل دا ...؟؟؟؟؟؟؟

سارة عمر
03-11-2013, 11:01 AM
بالله انتا الكنت مشارك بالقصة دي
المهم
قلب وويسام ما حاجة كده ... ادعوا لاخوانكم في سوريا وفلسطين .
يا سوك سوك بموناسبة الوسام
انا عايز اعرف منو الـ صوت لي
لانو كل مرة يصوت لي مافي واحد بيتنيهو بديت اتشأم منو ياخ .


:rofl::rofl::rofl::rofl:

Abdelazim
03-11-2013, 12:33 PM
السلام عليكن الجميع ،، نحن بخير وأنتو كيف ؟؟؟؟؟ الحبيب مطاميرو والله العظيم مشتاقون شديد خالص ، لكن ما قلت رايك شنو فى حرامي الليل دا ...؟؟؟؟؟؟؟


انا خايفو يجي يقول لي فكت منك :drag:

ام صبا
03-11-2013, 12:42 PM
ياخي خلاس عرفناها القصة الفازت بالوسام
وعملت لينا بيها وجع وش :10:
اريتو الحرامي كان كسر رقبتك وريحنا منك



:36_11_6[1]::36_11_6[1]::36_11_6[1]::36_11_6[1]::36_11_6[1]:

ام صبا
03-11-2013, 12:46 PM
انا خايفو يجي يقول لي فكت منك :drag:



والبخوفك شنو هو انت فكة منك الليله ولا امبارح ماهي فاكة من زمان
حكمه والله

الق
03-11-2013, 12:51 PM
القصة دي شايفاها في محل لكن وين ماعارفة

Abdelazim
03-11-2013, 12:55 PM
والبخوفك شنو هو انت فكة منك الليله ولا امبارح ماهي فاكة من زمان
حكمه والله


يا خالتو ياخي ما فكت ولا شي
لسه في خمسة وتلتين صامولة رابطات :drag:

Abdelazim
03-11-2013, 12:56 PM
القصة دي شايفاها في محل لكن وين ماعارفة


اذا صوتي ليها تكوني شوفتيها في القصة القصيرة :drag:

حبوبة
03-11-2013, 01:55 PM
العبرة فيها التكاتف (حتى جاركم في كضبتو داير يثبت وقفتو) زمن جميل

جميلة يا Boss

ام صبا
03-11-2013, 02:12 PM
يا خالتو ياخي ما فكت ولا شي
لسه في خمسة وتلتين صامولة رابطات :drag:



ابقى عليهن عشرة ما يفكن

Abdelazim
03-11-2013, 02:48 PM
العبرة فيها التكاتف (حتى جاركم في كضبتو داير يثبت وقفتو) زمن جميل

جميلة يا Boss


نعم والله ايام زمان وناس زمان ديل ما بتعوضو
وربنا يرحم جارنا ويغفر ليهو كان موتخصص في اقسام الشرطة :drag:

Abdelazim
03-11-2013, 02:48 PM
ابقى عليهن عشرة ما يفكن


ما تخافي يا خالتو لافيهون في منديل واديتون اوم موصطفة شايلاهون لي لوكت العوزة :drag:

الق
03-11-2013, 03:06 PM
اذا صوتي ليها تكوني شوفتيها في القصة القصيرة :drag:
الغريبة ماسوطت ليها
كان قلبي حاسس انك سارقا

العمده
03-11-2013, 04:25 PM
انا معجب بالقصه بس ما بالكاتب :36_13_6[1]:

الق
03-11-2013, 04:33 PM
انا معجب بالقصه بس ما بالكاتب :36_13_6[1]:
المشكلة انها مسروقة الحكاية دي
وسيدا زاااااااااااااتو جاء شكا لي انو في زول سرق شقي عمرو
وخلا قفاهو يقمر عيش

خالد محجوب محي الدين
11-16-2013, 12:45 PM
في الزمن الجميل كانت او العائلة كلها بتنوم في الحوش ودا زمن الدنيا بخيرها والجو ذاتو كان عديل وكان سمح فكنت تجد الشباب ينامون في جزء من البيت بينما البنات في جزء ثاني قريب من الوالد والدة.
كان الاخوان في البيت يتسامرون قبل النوم وكانت كثير من مآسي ومشاكل النهار بين الاخ واصحابه تُحل في رقدة المساء لما الناس تلصق سرايرا جمب بعض وكل واحد يحكي للاخ الكبير الحصل ليه وتلقي الأخ الاكبر يتوعد ويقول بكرة انا الزول دا بكتله ليك وبكرة بعمل ليه وقد يعمل او لا يعمل ولكنك تنام مطمئن ومسرور.
كنا زمان لما يجينا ضيف نحجز ليه سرير وسطنا ونفرش ليه المرتبة من بعد غروب الشمس حتي اذا ما جاء وقت النوم وجد المرتبة باردة لينام فيها وسطنا وكما اسلفت نتسامر قليلا قبل النوم.
مرة ونحن نايمين بالليل فجأة كدا واحد من أخواني وقد اشتهر بخفة نومه سمع صوت حركة فقام بفتح عينه فاذا هو حرامي يحاول التسلل الي غرف البيت وترك الحرامي حتي دخل جوة الغرفة وقام بايقاظ اخواني ومعهم خالنا الذي صادف وجوده معنا ليلتها وقاموا سريعا بالتوجه الي الغرفة واحاطو بها من كل جانب ليمنعو الحرامي من الخروج وبعدها نادو علينا انا واخي وطلبو مننا احضار ما يمكن من سيطان او عصي او شئ تقع عليه اعيننا حتي يلقنو الحرامي درسا في الاخلاق الحميدة لن ينساه طوال حياته وما أن سمع الحرامي صوت اخوتي حتي فكر في الهروب ولكن كيف وهم قد احاطو به من كل جانب وحاول الخروج من الشباك ولكن الشباك الحديدي لن يسمح له بذلك ناهيك عن ان هناك من يحرس كل شباك والطريق الوحيد للخروج هو عبر الباب ففكر وفكر الي الي ان قرر الاندفاع وبكل قوته عبر الباب ولكنها كانت فكرة غبية جدا وعندها أمسك به اخوتي وخالي ورموه ارضا كالتور وقامو بضربه ضربا :punish2: جعله يصيح باعلي صوته مستنجدا باهل الحارة واثناء صياحه اتينا انا واخي بالعصي والسيطان وبدأ البيت كله في جلد الحرامي وقمنا بتربيطه وجره الي اقصي ركن في البيت وهاك يا جلد والحرامي يصيح باعلي صوت له واستيقظ بعضا من شباب الحارة وعرفو ان بيتنا هو مصدر الصياح فجاءو وبدأو هم ايضا بجلد الحرامي واصبح المشهد كأنك تشاهد في فيلم والجميع يضرب وبعض الناس يقول يا جماعة براحة عليهو الزول دا بموت في يدكم وتبقو في بلوة لدرجة ان الحرامي نفسه بقي يحنس فينا ويقول يا جماعة بخاف اموت في يدكم وتبقي تهمة ومش كدا وبس حتي الحرامي عرف بعض اسماء الناس البتضرب فيه وكان أطرف موقف انه نادي علي خالي باسمه وقال ليه يا .... براحة علي ما تكفتني كدا؟ واثناء ضربنا له سمع بعض رجال السوراي المارين بالقرب من البيت صوت صياح الحرامي وضربنا له فتسلقو جدار منزلنا وامرونا بالتوقف عن ضربه واقتادوا الحرامي الي مركز الشرطة القريب من البيت وفتحو بلاغ تعدي ضده.
أغرب مافي القصة أن جارنا الذي كان نائما في بيته ولم يصحو من نومه الا بعد حضور رجال السواري واقتياد الحرامي الي قسم الشرطة هو من قام بفتح البلاغ ضد الحرامي وهو من إدعي أنه من قبض علي الحرامي.

كانت ايام جميلة
:drag: :drag: :drag:

مسكين الحرامي وقع مع جعليين يديهم طرشاء هههههههه وكمان فتحتوا فيهو بلاغ ماكفاية انكم هردتوهو هرد :36_11_6[1]: