المساعد الشخصي الرقمي

مشاهدة النسخة كاملة : مسكين اخوى



محمدحمزة
02-13-2009, 08:50 PM
الزّول شقي ومن قام صغير
بي موية الفول إنفطم
عامل بسيط يكدح يكد
ياكل شقا ويجغم لو هم
كل الظروف ماشّابو عكس
والدّين كتر فوقو اتردم
مرتو التّقول فقّاسه بس
دستة عيال مخمومه خم
واحد بدور حق الفطور
واحد بدور ياخد قلم
واحد مرض داير علاج
علشان يزول منّو الألم
امّا المدام ..كاوبوي عديل
مافيش عذر ...لا لن ولم
في البيت كمان ضافراه ليك
ساقياه من كاس الندم
يوم بالكمش خاتّالو كع
حنكو انفتل سنّو اتشرم
جلدوه بالمفراكه زين
كفتوه ليك كف محترم
قالت لو قوم جيب الخدار
جيب الرغيف جيب الفحم
ماهيتو ما بتجيب خدار
مسكين اخوي ..ماهيتو كم ؟؟
في الفول وفي العيش انتهت
واتبددت صارت عدم
كبّاها في السوق اب جضوم
ياحليلا ماهية السجم
مسكين اخوي ..من تاني يوم جيبو اتخرم
ومن الندم ...مسك اصبعو
وعضّاهو ليك ...لمن قرم

Abdelazim
02-14-2009, 08:05 AM
هذه شكلها دعوة للامتناع عن الزواج

عادل القاسم
03-11-2009, 04:58 PM
يامحمد حمزة الزواج حلوة والله...

علوب عبدالشكور
03-11-2009, 05:50 PM
يامحمد حمزة الزواج حلوة والله...


اي شي بيبعدك من العزابة وبيتهم حلو يا عدولا