المساعد الشخصي الرقمي

مشاهدة النسخة كاملة : معاي انت؟؟؟ القصة ليك! أأأي ليك انت دا..



تينه
08-28-2012, 07:08 AM
رأى احد الملوك بالمنام ( أن كل أسنانه تكسرت)
فأتي باحد مفسرين الأحلام، فقال له الحلم ..
فقال المفسر :أمتاكد انت؟
فقال الملك نعم.
فقال له: لاحول ولا قوة الا بالله، هذا معناه أن كل اهلك يموتون أمامك. !!
فتغير وجه الملك وغضب على الفور وسجن الرجل . واتى بمفسر آخر فقال له نفس الكلام وأيضا سجنه!
فجاء مفسر ثالث،
وقال الملك له الحلم ،
فقال المفسر: أمتأكد أنك حلمت هذا الحلم يا أيها الملك؟ مبروك يا أيها الملك مبروك. قال الملك لماذا؟!
فقال المفسر مسرورا: تأويل الحلم أنك ماشاء الله ستكون أطول أهلك عمرا،
فقال الملك مستغربا: أمتأكد؟
فقال: نعم.
ففرح الملك وأعطاه هدية!
سبحان الله لو كان أطول أهله عمرا،
أليس من الطبيعي أن أهله سيموتون قبله؟
لكن أنظرو الى مخرجات الكلام كيف تتكلم؟
اذا دعونا ننتقي بدقة ماذا نقول...

جسور الود
08-28-2012, 08:17 AM
رأى احد الملوك بالمنام ( أن كل أسنانه تكسرت)
فأتي باحد مفسرين الأحلام، فقال له الحلم ..
فقال المفسر :أمتاكد انت؟
فقال الملك نعم.
فقال له: لاحول ولا قوة الا بالله، هذا معناه أن كل اهلك يموتون أمامك. !!
فتغير وجه الملك وغضب على الفور وسجن الرجل . واتى بمفسر آخر فقال له نفس الكلام وأيضا سجنه!
فجاء مفسر ثالث،
وقال الملك له الحلم ،
فقال المفسر: أمتأكد أنك حلمت هذا الحلم يا أيها الملك؟ مبروك يا أيها الملك مبروك. قال الملك لماذا؟!
فقال المفسر مسرورا: تأويل الحلم أنك ماشاء الله ستكون أطول أهلك عمرا،
فقال الملك مستغربا: أمتأكد؟
فقال: نعم.
ففرح الملك وأعطاه هدية!
سبحان الله لو كان أطول أهله عمرا،
أليس من الطبيعي أن أهله سيموتون قبله؟
لكن أنظرو الى مخرجات الكلام كيف تتكلم؟
اذا دعونا ننتقي بدقة ماذا نقول...



الغاليه تينة صدقتى والله .. اى انسان ممكن يوصل للطرف التانى البيخاطبو اى شئ باسلوب جميل يتقبله حتى فى العتاب تجد ناس عتابهم حلو ومقبول لما تستحى منهم وفى ناس تانيه يعاتبوك بشكل وزعل تنفر منهم .. ياريت كل الناس تستفيد من القصه الجميله دى .. لك كل التقدير اختى تينه وكل سنه وحضرتك بألف خير وعافيه
مودتى

تينه
08-28-2012, 09:21 AM
الغاليه تينة صدقتى والله .. اى انسان ممكن يوصل للطرف التانى البيخاطبو اى شئ باسلوب جميل يتقبله حتى فى العتاب تجد ناس عتابهم حلو ومقبول لما تستحى منهم وفى ناس تانيه يعاتبوك بشكل وزعل تنفر منهم .. ياريت كل الناس تستفيد من القصه الجميله دى .. لك كل التقدير اختى تينه وكل سنه وحضرتك بألف خير وعافيه
مودتى

ومودتي اختي جسور الورد..وانتي بكل خيير يارب ومرحب بيك منورة تاني...الكلمة الطيبة بخور الباطن

الكلمة الطيبة صدقة..وما احلى العتاب بين الناس بكل طيب

alsharif
08-28-2012, 10:30 AM
ام ريم تقبلى تحياتى

الكلمة الطيبة صدقة وآمان وراحة بال وتقرب ومحبة

الانسان يحب ان يظهر فى احسن واجمل صوره ويبحث عن الكلمات التى تذيب الجليد بين اعداءه لكن قليل من وفقهم الله فى حسن الخطاب وانتقاء الكلمات .

دائما علينا بأختيار أجمل الكلمات واروع الاساليب لتوصيلها وتعطى معانيها

بشير ود تهامي
08-28-2012, 12:29 PM
دي الحكمة يا تينه
(ومن أوتي الحكمة فقد أوتي خيرا كثيرا)






هبشه
عشان ننتقي مثل هذا الرد علا نمشي نقرأ (فلسفه) وكده..؟!

ام مهجة
08-28-2012, 06:37 PM
ومسااءااات ....

والله يا تينة موضوع روعة وانتى كل الروعة ..
واحلى حاجة فى الدنيا الكلام الطيب لأنو جواز سفر
وفعلا الكلمة الطيبة صدقة كما قال اخونا شريف ..
والكلمة الحلوة والله ما بتكلف اى شى بل بالعكس
بتترك انطباع جميل على المتلقى وبيحس انو فى عالم تانى ..
والواحد عشان يعرف يرد رد طيب وحلو عليه ان يتريَث فى الاجابة ..
جزاك الله عنا كل خير تينة ..
موضوعك جميل وانتى جميلة وكونى بكل ألق الجمال ...

تينه
08-28-2012, 07:30 PM
ام ريم تقبلى تحياتى

الكلمة الطيبة صدقة وآمان وراحة بال وتقرب ومحبة

الانسان يحب ان يظهر فى احسن واجمل صوره ويبحث عن الكلمات التى تذيب الجليد بين اعداءه لكن قليل من وفقهم الله فى حسن الخطاب وانتقاء الكلمات .

دائما علينا بأختيار أجمل الكلمات واروع الاساليب لتوصيلها وتعطى معانيها

هي نعمة من الله يا ابا مصعب...هي نعمة منو....شوف الخصمين الجو لسيدنا داؤود عليه السلام واحد فيهم قال شنو؟؟...(وعزني في الخطاب) يعني داك حيفوتني نضمي سااي بس....
وسيدنا موسى عليه الصلاة والسلام لمن طلب مرافقة هارون اخوهو عليه السلام ليش؟؟؟ لانو قيل انو سيدنا موسى كان الدغ..يعني حتى حسن التعبير مرفق بجميل الكلام وفصاحته مطلوب لادخال القبول في نفوس الاخرين..وكمان لمن ربنا سبحانه وتعالى رسلهم لفرعون..ما قال ليهم خشو استفزوهو ..وطاعنوهو وشاكلوهو ونهروهو ونبذوهو...لا قال لهم
(فقولا له قولا لينا) مع العلم انهم هم الاعلون صح؟؟؟بقدرة الله وبأياته لكن في حكم من ذلك

ياا حليلنا غايتو الله يغفر لي انا جنس لتيخ للناس...اعفو لي بالله عليكم

وتقديري ابو مصعب

تينه
08-28-2012, 07:44 PM
دي الحكمة يا تينه
(ومن أوتي الحكمة فقد أوتي خيرا كثيرا)






هبشه
عشان ننتقي مثل هذا الرد علا نمشي نقرأ (فلسفه) وكده..؟!



ايووواتك ياعم بشير ..دي خير ونعمة من ربنا...ربنا يرزقنا ليهم

علوب عبدالشكور
08-28-2012, 07:45 PM
اخت تينه قصة تحمل كثير من العبر والمعاني
توصيل الكلمة او المعلومة دا في حد ذاته فن لا يجيده كثير من الناس

تينه
08-28-2012, 07:47 PM
ومسااءااات ....

والله يا تينة موضوع روعة وانتى كل الروعة ..
واحلى حاجة فى الدنيا الكلام الطيب لأنو جواز سفر
وفعلا الكلمة الطيبة صدقة كما قال اخونا شريف ..
والكلمة الحلوة والله ما بتكلف اى شى بل بالعكس
بتترك انطباع جميل على المتلقى وبيحس انو فى عالم تانى ..
والواحد عشان يعرف يرد رد طيب وحلو عليه ان يتريَث فى الاجابة ..
جزاك الله عنا كل خير تينة ..
موضوعك جميل وانتى جميلة وكونى بكل ألق الجمال ...

مساك سعيد وباهي ومبارك باذن الله:

وانتي عسل واجمل يا ام ريل...والله يا ام ريل مرات بكونو طيبين طيبة عجيبة ونفسهم بسيطة لكن اللسان بيفلت...او كمان لا يجيدو التعبير ..ربنا يسهلا عليهم وعلينا يارب..انا مرات وكتين اتحمق بهرج جنس هرجي لكن بحاااول اتحاشي اطلع سب او صفة لزول...بجاهد فلو طلعت اعفو لي

دمتي بكل خير

تينه
08-28-2012, 07:50 PM
اخت تينه قصة تحمل كثير من العبر والمعاني
توصيل الكلمة او المعلومة دا في حد ذاته فن لا يجيده كثير من الناس


انا والله اخوي د. علوب لقيتا ليك في قروب نسائي بالفيس استأذنتا صاحبتا وشلتها ..عجبتني شديد...ذكرتني ربنا يجزيك خير اكتب منقول نسيتا...

انا شخصيا لا اجيد هذا الفن بتعب بجاااهد ربنا يقدرني

مروركم مقدر