المساعد الشخصي الرقمي

مشاهدة النسخة كاملة : العرس خشم بيوت , يا تلحق يا يفوت



الاخطبوط
02-10-2009, 11:38 AM
تغنى ابو عركى البخيت
بوعدك يا ذاتى يا اقرب قريبه ( بكره ) اهديك دبلة الحب والخطوبه
واعداّ حبيبته بانه مستقبلاّ سيحضر دبلته خاطباّ اياها وذلك غالباّ للظروف الاقتصاديه فالمسأله دايره صبر
ولاحقاّ تغنن البلابل
عشه صغيره كفايه علينا عشه صغيره نفرشها ليك بحرير ايدينا
وهنا تظهر سياسة الجود بالموجود وعلى قدر لحافك مد رجليك وبالواضح كده فكه مافى نتمها رومانسيات
وجاء دور ابو داوؤد فتغنى قائلاّ
نادو لينا البناء يبنى لينا الجنه يرمى طوبة حب ويرمى مونه محنه
بالكتاب والسنه يعقدوا لينا اهلنا وتنتصر يا حب ونبقى نلنا املنا
وواضح اخوتى انه معدم كالاخرين وقنع تماماّ من طوب الكمائن مفضلاّ طوب الحب وذلك لضعف الامكانات الماديه
اما صاحبنا هذا فنراه يقول
ست البنات يالسمحه ان جاييك عريس لى كتب الكتاب يالملكه مالك ما رخيص
وواضح هنا اخوتى انه متردد فهو يريد الزواج ويستكثر المال لكل ماذكر انفاّ يتضح جلياّ ان الجميع متفقون على مبدأ الزواج وهذه محمده ويتفقون على ان الظروف الماديه تقف عقبة كوؤد امامهم.
فتفاصيل الزواج كما نعلم جميعاّ كثيره ومكلفه فهنالك والحمدلله فتح الخشم . قولة الخير . تحقيق الخطوبه . سد المال . الشبكه . الشيله الكوافير . الزفاف . وووووووو الخ
لا ادرى ربما لتسهيل الاجراءات . وربما للترويج للزواج بعد عزوف الكثيرين عنه ظهرت عدة انواع للزواج
( والحمدلله)
الزواج التقليدى
بكل طقوسه ما يلزم وما لا يلزم فيهو ..عجبك تخش ما عجبك شتت .
زواج المسيار
يعنى انت موجود هذا يعنى انك عريس انت ما مافى خلاص . وده للناس البيسافروا كتير يجوز للرجل ان يقترن بالمراة . بشرط ان تتنازل عن حقوقها المعروفه . النفقه والسكن . والاقامه وغيره .فقط تحتفظ بحق المعاشره حال توفر الزوج .
زواج الايثار
وفى هذا النوع من الزواج تتخلى الزوجه عن كل حقوقها . يعنى العريس يجى بشنطته بس . نظام تعال بالعندك ابويا بسندك . لدرجة السكن ما عندك مشكله.
الزواج العرفى
وهذا يختص غالباّ بشريحة الطلاب ( وكتسهيل للامر يتغاضون عن الماذون وولاة الامر والدعوه _الاشهار _وتجهيز العروس وكل ما ليس له لزوم) .وده حرام شرعاّ
ياشباب الراى شنو فى الكلام ده ؟
وليه التنازل من البنات بس؟
وفكرة التسهيلات دى ما (بتخل) بقدسية الزواج؟

ام احمد
03-05-2009, 01:38 PM
ياشباب الراى شنو فى الكلام ده ؟
وليه التنازل من البنات بس؟
وفكرة التسهيلات دى ما (بتخل) بقدسية الزواج؟
الموضوع دا مااتناقش

ابراهيم العمده
03-14-2009, 05:54 PM
والله ياعزيزي الزواج بقي
تكبر جيبك وتكتر قرياشاتك ولا تشتت
لانو أهل البت لو خلوك والله أهلك مابخلوك
هم دايرين حقهم من تجهيز للبيت وتجديد شامل كامل
ولبس وغيرة من أشياء كثيرة ومملة لدرجة لو أنت مامختنع
بالفكرة ومامتحمس شدييييييييييييييييد عادي ممكن تحردوا ليهم
وناهيك عن إنهم هم البكلفوك مرات فوق طاقتك لأشياء العروس
لكي يتفاخروا بشيلة ومال وشنطة إبنهم أمام الأهل والجيران
قبل النسابة ويقولو ليك لازم ترفع راسنا فوق جيب أحسن
وأغلي حاجة في السوق وجيب وجيب وجيب ............
الله يكون في عون الناس الماعرست
غايتو أنا تاني توبة نصوحة من حاجة زي دي ...