المساعد الشخصي الرقمي

مشاهدة النسخة كاملة : تلاتة يوم في الخرطوم



عاشق الترحال
07-13-2012, 01:48 PM
أنا خلاااص زهجت من بلداً ليلها ونهارها واااحد
ناساً ساكنه فوووق بين السلاـلـــــم والمصــاعد
عمارات وعربات حرأام وحلال المهم هواها بارد
وناس تبحث في القمامه و من أجل العيش تكــابـد
وناس لافه نهارها كلو و فيييي نص الظلط تشاحد
لا جار يعرف جار .. و لا غني للمساكين يســــاعد
أنا يـــــاربي ياحي يـــــــاقيوم ما ليهو ولد ولا والد
بيني وبين هذه البلد زي المشرق و المغرب تباعد
فوارق عجيبه وناس من مختلف الأجناس تشـاهد
مساجد كتييييره والعاصين اكتر من البعبدو الواحد
جرائم عجيبه ... اختطاف .. اغتصاب .. قتل راااقد
سترهم الجبار فضحتهم الدار نشرت الأخبار بالواحد
عمت الأخبار من مدني لى سنار وانتشرت المفاسد
غلا وفواحش وبرضوا بيقولو حكمنا شرع الماجد
في الجامعات . الولد والبت باسم حضاره قالو واحد
شوف عيني متلصقين جهأأاراً نهاراً في مقعد واحد
المواصلات مافي مروءه عمك واقف وصغير قاعد
كفايه خلاص تلاأأته يوم ورتني العجائب و المشاهد
يااارب ياكريم .... انا لابوسقره واهلي راجع وعائـد
وفي عيشة البنادر كان دي الحاله يا ناس انا زاهــد
أنا يـــــاربي ياحي يـــــــاقيوم ما ليهو ولد ولا والــد
بيني وبين هذه البلاد زي المشرق و المغرب تـباعد



القصيدة دي كتبا اخوي ود عمتي في اخر زياره له للخرطوم

http://www.abusugra.com/vb/showthread.php?p=53196#post53196

حبوبة
07-13-2012, 05:03 PM
مساجد كتييييره والعاصين اكتر من البعبدو الواحد

في الجامعات . الولد والبت باسم حضاره قالو واحد
شوف عيني متلصقين جهأأاراً نهاراً في مقعد واحد
المواصلات مافي مروءه عمك واقف وصغير قاعد



http://www.abusugra.com/vb/showthread.php?p=53196#post53196

أ. الهادي قال أححححح وانا بزيد أححححححححححححححححححححححححححححححححححححححححححححححححح ححححححححححححححححححححححححححححح
كلام اخوك حار زي الجرح الختو الفوقو الملح يا عاشق

قول ليهو
حبوبة قالت ليك عاد شن نَسَو
النفوس من ذكر الله صارت خو
ضاع الحياء والفضيحة بقت عيان من ضو
البلد دايرالا صاروخ أرض جو
أو نشحد الله مطر فضيلة يغسل للمضامين شَو
يمكن وعسى ولعل ولو .. وقول يا لطيف يا قَو

عاشق الترحال
07-13-2012, 05:35 PM
أ. الهادي قال أححححح وانا بزيد أححححححححححححححححححححححححححححححححححححححححححححححححح ححححححححححححححححححححححححححححح
كلام اخوك حد زي الجرح الختو الفوقو الملح يا عاشق

قول ليهو
حبوبة قالت ليك عاد شن نَسَو
النفوس من ذكر الله صارت خو
ضاع الحياء والفضيحة بقت عيان من ضو
البلد دايرالا صاروخ أرض جو
أو نشحد الله مطر فضيلة يغسل لمضامين شَو
يمكن وعسى ولعل ولو .. وقول يا لطيف يا قَو

حبوبة ،،سلام ..
من شفت مشاركتك طوالي جريت علي الفيس قلت يمكن القا قاعد واورهو لكن لقيو بره الشبكه ،،بعدين بتصل عليهو وبديهو الرابط ..


قايتو انا شكو كده مامورتي دي بتوكن في رمضان وده الانا ما دايره لانو اححححححح بتاعتي مازي بتاعتكم
وحاتك من اشوف لي بنطلون ساي جواهو بت احاتي بتزيد ،،وتاني احححححححححححح