المساعد الشخصي الرقمي

مشاهدة النسخة كاملة : بعد عشرين سنة؟؟؟ (مبارك إبراهيم الأمين.



مبارك إبراهيم الأمين
07-04-2012, 08:21 PM
بعد عشرين سنة!!!
,,,,,,,,,,,,,,,,,,,,,,,,,
شعر مبارك إبراهيم الأمين
,,,,,,,,,,,,,,,,,,,,,,,,,

بعد عشريـــــــن سنة
الغربــــــــــــــــة طالت
وكترت علـيك الأمكنة
عشرين سنة الغربة حااااارة
والله زي فـــرق الجنا
ومهما تحلف أو تقول
برضو دايرنك هنا !!
ما إنت الضرع
دُر الحلـــــــيب
ومنك نصـــــنٍع أجبنة
ومعاها كم كلمة تودد
يا أخـــــــي أصبر
بالله سيب العكننه
الوضع عندنا جد صعب
الإيجار ما بنحـــمل
ولابد نبني المسكنا
وقِدرة فول وهآآآآيس
تفرح نفوســنا وطمنا
وإنت جالــس يا مسيكين
مرت سنين فوق السنين
وردمــــت عليك الأزمنة
هيا أرجع وشوف عقابك
ناس محاســــن وسوسنا.
__________________

مبارك إبراهيم الأمين
07-22-2012, 10:58 PM
بعد عشريـــــــن سنـة إتغيرت ملامح حيًنا
والإتغربنا مــــــن أجلهم لا إتهنوا هم ولا أنا
الغربة حاااارة والبي هناك كتــــــرت عليهو البشتنا
يا عظمة أخوي مافي داعي للفراق يا الكل بي هناك أو بي هنا.

عاشق الترحال
07-23-2012, 02:26 AM
جمال الحروف وصدق المعاني
اريحية البوح ووفاء المشاعر
تناغم اللحن الطروب
وهمس الريش للعود
اخذني بعيداً بذاكرتي
يوم كنت مفارقاً
وطني الصغير
راحلاً في رحاب وطني الكبير
ودمت ودام ذلك الوطنُ
ونتمني لكم سلامة العودُ
سالمين وغانمين
بكم نفرح وننطربُ

مبارك إبراهيم الأمين
07-25-2012, 01:01 PM
عاشق ماتنسي زول في الحلة إلا تسلم عليهو وتحضن إيديهوووووو
الله يرحمك ياصالح الضي ويرحم كل مبدعي بلادي
نسأل الله في هذا الشهر المبارك أن يرد كل متغرب عن دياره لعشه الهادي في الوطن الحبيب
وأن يمن الله علي بلادنا بالأمن والإستقرار وشكرا علي الإطراء الجميل عاشق
وشكرا علي كلمات الدفع المعنوي التي تحثنا دوما للسير قدما في طريق الإبداع سلمت يداك عاشق.

عاشق الترحال
07-26-2012, 03:33 AM
عاشق ماتنسي زول في الحلة إلا تسلم عليهو وتحضن إيديهوووووو
الله يرحمك ياصالح الضي ويرحم كل مبدعي بلادي
نسأل الله في هذا الشهر المبارك أن يرد كل متغرب عن دياره لعشه الهادي في الوطن الحبيب
وأن يمن الله علي بلادنا بالأمن والإستقرار وشكرا علي الإطراء الجميل عاشق
وشكرا علي كلمات الدفع المعنوي التي تحثنا دوما للسير قدما في طريق الإبداع سلمت يداك عاشق.

يشهد الله الجمال جمالكم
والنور ضيـــــــائـــــــــــكم
وسماحة البوح هي خصالــــكم
نسعد كثير بي مداخلاتنا ومشاركاتكم



ودالمبارك ياسلام عليك والله ،،دايماً بتخليني اطلع حاجات حلوه
وتمنيت ان اكون تلميذك ..

مبارك إبراهيم الأمين
07-26-2012, 11:54 AM
يشهد الله الجمال جمالكم
والنور ضيـــــــائـــــــــــكم
وسماحة البوح هي خصالــــكم
نسعد كثير بي مداخلاتنا ومشاركاتكم



ودالمبارك ياسلام عليك والله ،،دايماً بتخليني اطلع حاجات حلوه
وتمنيت ان اكون تلميذك ..

يا حبيبي منــــــــكم أنا أتعلم
إنتو قمرة حجاي لي سماي الضَلَم
أنا التلمـــــــــيذ وأنتم قرطاسي والقلم
لو أنا القاعـــــــــــــــدة أنتم رأس الهرم