المساعد الشخصي الرقمي

مشاهدة النسخة كاملة : روائع الشعر السوداني



Abdelazim
07-30-2008, 12:24 PM
قصيدة: إنشودة الجن
الشاعر: التيجاني يوسف بشير


قم يا طرير الشباب غنِِ ِ لـنا غنِِ ِ
يا حلو يا مستطاب أنشــودة الجن
وأقطف لى الأعناب وأمـلأ بها دنى
من عبقري الرباب أو حرمِ ِ الفن ِ
صِح فى الرُبى والوهاد واسترقص البيدا
وأسكب على كل نـاد ما يسحر الغيدا
وفـجر الاعـواد رجعـاً وترديدا
حتى ترى فى البلاد من فرحةٍ عيدا
وامسح على زرياب واطمس على معبد
وأمش ِ على الاحقاب وطُف على المربد
وأغشى كنار الغاب فى هدأة المرقد
وحدث الأعراب عن روعة المشهد
صور على الأعصاب وأرسم على حسي
جمـالك الهياب من روعة الجرس ِ
واستدنِ ِ باباً باب وأقعـد على نفسي

كورينا
09-10-2008, 09:06 PM
يا عبدالعظيم
شكرا لرائعة التيجاني
ياخ ما تذكرنا كلام الانسان القمة
الشاعر الذي قال
انت السماء بدت لنا واستعصمت بالبعد عنا
ادريس محمد جماع

ابراهيم العمده
09-18-2008, 10:32 AM
تسلم والله ياحبوب
وكم أحب سماعها بصوت المبدعه
حنان النيل

Abdelazim
09-18-2008, 10:49 AM
كورينا لك التحية وشكرا علي المرور
ود العمدة غالي والطلب رخيص نحاول نفتشها ليك

كورينا
09-18-2008, 02:10 PM
عزيزي عظيم
الكلام للناس الكبار بس
تصور كلما تجي سيرة الابداع اتذكر المبدع ادريس جماع اتذكرة كانني أراه...
فاكر تما انه كان يسعى برجلة وهو في حالة ذهول ....
رجل طويل ولابس جلابية ويمشي مسافات طويلة جدا ....
كان يقال انه يمشي كدة لساعات
ترى في أي شئ كان يفكر؟؟؟؟؟
هكذا يضيع مبدعي بلادي الحبيب!!!!!
هيننا تستخفة بسمة الطفل قويا يصارع الاجيال حاسر الرأس عند كل جمال مستشفا من كل شئ جمال
باله لو عندك القصيدة دي انشرها....

Abdelazim
09-18-2008, 04:23 PM
العزيز كورينا اهدي لك قصيدة انت السماء للشاعر إدريس محمد جماع


أعلى الجمال تغار منا
ماذا عليك إذا نـظرنا
هى نظرةً تنسى الوقارَ
وتسعدُ الروحَ المعنىّ
دنـياى أنت وفـرحتى
ومنى الفؤادِ إذا تَمَنىّ
أنتَ السماءُ بدتْ لـنا
واستعصمتْ بالبعدِ عنا
هلاَّ رحـمتَ مـتيمـا
عصفت به الأشواق وهنا
وهفت به الذكرى فطاف
مع الدجى مغنى فمغنى
هـزته مـنك مـحاسن
غنى بها لـمّـَا تـغنَّى
يا شعلةً طافتْ
خواطرنا حَوَالَيْها وطــفنــا
أنـسـت فيكَ قداسةً
ولــمستُ إشراقاً وفناً
ونظـُرتُ فـى عينيكِ
آفاقاً وأسـراراً ومعـنى
كلّمْ عهـوداً فى الصـبا
أسألْ عهـوداً كيف كـُنا
كـمْ باللقا سمـحتْ لنا
كـمْ بالطهارةِ ظللـتنا
ذهـبَ الصـبا بعُهودِهِ
ليتَ الطِـفُوْلةَ عـاودتنا

ابراهيم العمده
09-18-2008, 05:26 PM
والله يا عبدالعظيم بتبالغ عديل كدي
ياخ شوية شوية علينا إنت داير تجننا ولاشنو
الإبداع ده كلو في يوم واحد بودينا التيجاني الماحي عديل كدي
ياخ الليلة أديتنا درة التانية أدينا ليها بعد إسبوع عشان نركز ولاشنو
علي العموم واصل ونحن حنرجع ليها بعد إسبوع اهي قاعدة في الجهاز وكدي
ولاشنو

كورينا
09-20-2008, 01:24 PM
الاعزاءعظيم والعمدة
ايه السعادة دي كدة من الصباح
الواحد يفتح عينة على المنتدى ويجد الجديد والجميل...
مداخلة في مشروع العودة والمبدع ادريس جماع هنا...
شكرا لك
للمعلومية انا متاكد اننا املك ديوان جماع (لحظات باقية) بس وين هو الان؟؟؟؟
والله الغربة ضيعت عمرنا و الجميل من مقتنياتنا....

Abdelazim
09-20-2008, 01:48 PM
الاعزاءعظيم والعمدة

ايه السعادة دي كدة من الصباح
الواحد يفتح عينة على المنتدى ويجد الجديد والجميل...
مداخلة في مشروع العودة والمبدع ادريس جماع هنا...
شكرا لك
للمعلومية انا متاكد اننا املك ديوان جماع (لحظات باقية) بس وين هو الان؟؟؟؟

والله الغربة ضيعت عمرنا و الجميل من مقتنياتنا....



العزيز كورينا والغالي ود العمدة
ونحن هنا نلملم ما فقدنا أو ما أضاعته منا الغربة
لكم التحية

كورينا
09-20-2008, 04:00 PM
يا عظيم
جميل انك لسه موجود
تقدر كمان ترسل
ما له ايقظ الشجون فقاست وحشة الليل واستثار الخيال
ماله في مواكب الليل يمشي وحيدا يناجي اشباحة والظلال؟؟؟؟؟


انا راجل طماع وما بشبع من الكلمات الجميل.....
لك المودة

ام احمد
09-20-2008, 04:11 PM
قصيدة شاعر الوجدان والاشجان
للرائع ادريس جماع

ماله ايقظ الشجون فقاســــت *** وحشة الليل واستثار الخيالا
ماله فى مواكب الليل يمشى *** ويناجى اشباحه والظـــــلالا

هين تســتخفه بسمة الطفل *** قــــوي يصـــــارع الاجــــــيالا
حاسر الرأس عند كل جـمال *** مستشف من كل شئ جمالا
ماجن حطم القيود وصـــوفى *** قضى العمر نشــــــوة وابتهالا

خلقت طينة الأسى وغشتها *** نار وجد فاصبحت صـــلصـــالا
ثم صاح القضاء كونى فكــانت *** طينة البؤس شاعراً مثــــــالا
يتغنى مع الريــــــــاح اذاغنت *** فيشجى خمـــيله والتـــــلالا
صاغ من كل ربوة منبراً يسكب*** فى سمعه الشجون الطـوالا
هو طفل شاد الرمال قصــــورا *** هى آمـــاله ودك الـرمــــــالا
كالعود ينفح العطـــــــر للناس *** ويفنـــــى تحــرقاً واشــــتعالا

Abdelazim
09-20-2008, 04:11 PM
العزيز كورينا تفضل طلبك




ماله أيقظ الشجون فقاست وحشة الليل واستثار الخيالا
ماله في مواكب الليل يمشي ويناجي أشباحه والظلالا
هين تستخفه بسمة الطفل قوي يصارع الأجيــالا
حاسر الرأس عند كل جمال مستشف من كل شيء جمالا
خُلقت طينة الأسى وغشتها نار وجد فأصبحت صلصالا
ثم صاح القضاء كوني فكانت طينة الأسى شاعرا مثّالا
يتغنى مع الرياح إذا غنت فيشجي خميله والتــلالا
صاغ من كل ربوة منبرا يسكن في سمعه الشجون الطوالا
هو طفل شاد الرمال قصورا هي آماله ودك الرمالا
كالعود ينفخ العطر للناس ويفنى تحرقا واشتعـالا

Abdelazim
09-20-2008, 04:14 PM
أخي كورينا
من جمال الكلمات وجمال ادريس جماع القصيدة نزلتها ام احمد قبلي
ولكني لجمال الكلمات فسوف لن أمسحها

لك التحية ولكم جميعا

Abdelazim
09-20-2008, 04:31 PM
العزيز كورينا:
إهداء آخر عله ينال إعجابك يا جميل



فى ربيع الحب كنا نتساقى ونغنى
نتناجى ونناجى الطير من غصن لغصن
ثم ضاع الأمس منى
وانطوى بالقلب حسرة
اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا
كانت الجنة مأوانا فضاعت من يدينا
ثم ضاع الامس منى
وانطوى بالقلب حسرة
أطلقت روحى من الأشجان ما كان سجينا
أنا ذوبت فؤادى لك لحنا وأنينا
فارحم العود اذا غنوا به لحنا حزينا
ثم ضاع الامس منى
وانطوى بالقلب حسرة
ليس لى غير إبتساماتك من زاد وخمر
بسمة منك تشع النور فى ظلمات دهرى
وتعيد الماء والأزهار فى صحراء عمرى
ثم ضاع الامس منى
وانطوى بالقلب حسرة

كورينا
09-20-2008, 04:43 PM
شكرا يا عظيم
على هذه الرائع....
كانت تلك ايام ...
ماذا يغنوا اليوم والله الواحد حتى اسماء المغنين ما عرفها....
واظنهم هم نفسهم ما يعرفوا اسماء بعض..
للمعلومة في كم كبير من المغنين في الساحة
هل فيهم من يستحق ان نسمعه؟؟؟؟؟؟
لو في بالله خبرونوا...
محتاجين نسمع حاجة تخرجنا من الرتابة...

كورينا
09-20-2008, 04:47 PM
الف شكر يا عظيم
بالله تأمل معي ما قالة جماع في هذه الابيات....
حاسر الرأس عند كل جمال مستشفا من كل شئيا جمال
خلقت طينة الاسي فغشتها نار وجدي فاصبحت صلصالة

هل يوجد من يقول مثل هذا الكلا م
هل يوجد من مثل هذه الاحاسيس
ليس في السودان فقط بل في كل العالم العربي؟؟؟؟؟

كورينا
09-20-2008, 04:49 PM
شكرا يا ام احمد
دي كلام لا يوجد له مثيل
من انسان ضاع منا والناس كانت تتفرج عليه وهو يهوي نحو المجهول
لك التحية سيدتي

Abdelazim
09-20-2008, 05:29 PM
شكرا يا عظيم

على هذه الرائع....
كانت تلك ايام ...
ماذا يغنوا اليوم والله الواحد حتى اسماء المغنين ما عرفها....
واظنهم هم نفسهم ما يعرفوا اسماء بعض..
للمعلومة في كم كبير من المغنين في الساحة
هل فيهم من يستحق ان نسمعه؟؟؟؟؟؟
لو في بالله خبرونوا...

محتاجين نسمع حاجة تخرجنا من الرتابة...



صدقت والله لا يوجد من نستمع لهم الآن
والفنانين الموجودين الآن بيحاولو يقلدو القدام
فطمسو الفن السوداني الجميل للأسف الشديد
ونحن ذاتنا هسي ما علرفنهم فنانين والا مداحين

كورينا
09-20-2008, 09:04 PM
عارف يا عظيم
من اخر مداخلة عن الشعر بعد الظهر ومداخلة ام احمد برائعة جماع.
وانا منتظر متين الواحد يفضى عشان يقترح ان يصبح البوست دا عن روائع الشعر السوداني....
حتى اذا لم نجد مشجعين يكفي نعيد تذكر ما كاد يندثر من الشعر الجميل...
شنو رايك وراي ام احمد
طبعا ممكن نفتح بوست خاص لو ما راقت ليكم حكاية نقلب دا شعر...

بنونة بت المك
09-20-2008, 09:14 PM
عارف يا عظيم
من اخر مداخلة عن الشعر بعد الظهر ومداخلة ام احمد برائعة جماع.
وانا منتظر متين الواحد يفضى عشان يقترح ان يصبح البوست دا عن روائع الشعر السوداني....
حتى اذا لم نجد مشجعين يكفي نعيد تذكر ما كاد يندثر من الشعر الجميل...
شنو رايك وراي ام احمد
طبعا ممكن نفتح بوست خاص لو ما راقت ليكم حكاية نقلب دا شعر...


والله فكرة رائعة يا اخي كورينا فقد اضاف ابو مصطفي شعراً جميلاً لانشودة الجن من الروائع
وحقيقة الواحد وجدها استراحة شعرية جميلة
فتعالوا نوثق روائع الشعر الشغر السوداني هنا

Abdelazim
09-21-2008, 01:07 AM
العزيز كورينا
الحاجة بنونة
تم عمل اللازم وتغيير اسم البوست إلي روائع الشعر السوداني
وأتمني أن تتحفونا بالمزيد من الروائع
شكراً كورينا وبنونة

كورينا
09-21-2008, 01:17 AM
يا عظيم
لك التحية والتقدير
دا انت رائع والله
ان شاء الله سوف يكون اجمل بوست.
نعدكم بالكثير...
بس كما لز الناس التانية باين في ناس كثير عندهم من روئع الشعر السوداني

Abdelazim
09-21-2008, 01:21 AM
يا عظيم

لك التحية والتقدير
دا انت رائع والله
ان شاء الله سوف يكون اجمل بوست.
نعدكم بالكثير...

بس كما لز الناس التانية باين في ناس كثير عندهم من روئع الشعر السوداني



كورينا الجميل لك الود
ودائماً ما تُخجل تواضعي بجمالك
دُم فينا بخير
لك الجمال

كورينا
09-21-2008, 01:31 AM
مريّا

رائعة صلاح احمد ابراهيم
ليت لي ازْميل " فدياس "

وروحاً عبقرية

وأمامى تل ُ مرمر

لنحت الفتنة الهوجاء

في نفس مقاييسك

تمثالاً مُكبر

وجعلت الشعر كالشلال

بعضُُ يلزم الكتف

وبعض يتبعثر

وعلى الأهداب

ليلاً لا يُفسر

وعلى الخدين

نوراً يتكسر

وعلى الأسنان

سُكر

وفماً كالأسد الجوعان

زمجر

يرسل الهمس به

لحنا معطر

وينادى

شفة عطشى

وأخرى تتحسر

وعلى الصدر نوافير جحيم

تتفجر

وحزاماً في مضيقٍ

كلما قلتُ قصيرُُ هو

كان الخصر أصغر

*****

يا مريا

ليت لي إزميل فدياس

وروحاً عبقرية

كنت أبدعتك

يا ربة حسنى بيديَّ

*****

يا مريا

ليتني في قمَّةِ " الأولمب "

جالس

وحواليَّ العرائيس

وأنا في ذُروة الإلهام

بين المُلهماتْ

أحتسي خمرةَ " باخُوس " النقيَّة

فإذا ما سرتْ النّشْوةُ فيَّ

أتداعى وأُنادى :

يا بنات

نقٍّّروا القيثار في رفقٍ

وهاتوا الأغنياتْ

لمريا

*****

يا مريا

ما لعشرينين باتت في سعير

تتقلب

ترتدى ثوب عزوف

وهي في الخفية ترغب

وبصدرينا " بروميثيوس "

في الصخرة مشدوداً

يعذب

فبجسم الف نار

وبجسم الف عقرب

*****

أنتِ يا " هيلينُ "

يا من عبرت تلقاءها بحر عروقي

ألفُ مركبْ

يا عيوناً كالينابيعِ

صفاءْ ... ونداوة

وشفاهاً كالعناقيدِ

امتلاءْ ... وحلاوة

وخُدوداً مثل أحلامي

ضِياءْ .... وجمالا

وقواماً يتثنّى

كبرياءْ ... واخْتيِالا

ودَماً ضجَّتْ به كلُّ الشرايينِ

اشتهاءْ

يا صبيَّة

تَصْطلي منهُ صباحاً ومساءْ

غجريَّة

*****

يا مريّا

أنا من إفريقيا

صحرائها الكبرى وخطِّ الإستواءْ

شحنتْني بالحراراتِ الشُموسْ

وشوتني كالقرابينِ

على نارِ المجُوسْ

لفحتني

فأنا منها كعودِ الأبنوسْ

و أنا منْجمُ كبْريت

سريعِ الإشتعالْ

يتلظَّى كلًّما اشتمّ على بُعدٍ

تعال

*****

يا مريا

أنا من إفريقيا

جوْعانُ كالطِّفلِ الصَّغيرْ

و أنا أهْفو إلى تُفاحة حمراء

من يقربها

يصبح مذنب

فهلُمي

ودعي الآلهةَ الحمقاءَ

تغضبْ

وانْبئيها

أنها لم تحترم رغبة نفسٍ بشرية

أيُّ فردوسٍ بغيرِ الحبِّ

كالصَّحراءِ مُجدبْ

*****

يا مريا

وغداً تنفخُ في أشرِعتي

أنفاسُ فُرْقة

و أنا أزدادُ نأياً

مثْل " يوليس "

وفي الأعماق حرقة

رُبما لا نلتقي ثانيةً

يا مريا

فتعالى

وقّعي أسمك بالنار

هُنا

في شفتي

وقولى

وداعاً

يا مريا

ام احمد
09-21-2008, 03:28 AM
والله دي فكرة جميلة جداً
روائع الشعر السوداني

ابراهيم العمده
09-21-2008, 11:18 AM
الشكر كل الشكر للرائع عبد العظيم والأنيقة أُم أحمد
والعزيز كورينا والحنينة بنونه
ولم لانوثق الروائع
فلْنُوَثِقُهَا ولِنُوْثِقُهَا

كورينا
09-21-2008, 01:22 PM
قطار الغرب

عفوا عفوا يا أجدادى شعراء الشعب
يا من نظموا عقد الكلمات بشكة سهم
أنا أعلم أن الشعر يواتيكم عفو الخاطر
عفو الخاطر
وسبقتونى فى هذا الفن : وداع الأحباب
خضتم أنهار الدمع وراء أحبتكم
بالاكتم بالدعوات مسار أحبتكم
من أسكلة الخرطوم الى الجبلين الى الرجاف
قاسيتم، وأنا يا شياخى قاسيت
كل السودان يقاسى يا شعراء الشع
فدعونى أسمعكم شجوى
شجوى أدعوه قطار الغرب

اللافتة البيضاء عليها الإسم
باللون الأبيض باللغتين عليها الإسم
هذا بلدى والناس لهم ريح طيب
بسمات وتحايا ووداع ملتهب
كل الركاب لهم أحباب
هذى إمرأة تبكى
هذا رجل يخفى دمع العينين بأكمام الجلباب
"سلم للأهل ولا تقطع منا الجواب"
وارتج قطار الغرب، تمطى فى القضبان
ووصايا لاهثة تأتى وإشارات ودخان
وزغاريد فهناك عريس فى الركبان

ها نحن تركنا عاصمة الإقليم
ودخلنا وادى الصبر
كل الأشياء هنا لا لمعة تعلوها
كل الأشياء لها ألوان القبر
الصبر الصبر الصبر
الكوخ المائل لا يهوى
والشجر الذاوى ليس يموت
والناس لهم أعمار الحوت
أحياء لأن أبا ضاجع أما
أولدها فأسا يشدخ قلب الأرض
يحتاز كنوز الأرض ويبصقها دما
لتظل البورصة حاشدة والسوق يقام
وقطار الغرب يدمدم فى إرزام
تتساقط أغشية الصبر المترهل حين يجئ
ألوان الجدة فى وديان الصبر تضئ
والريح الناشط فى القيعان يمر
يا ويل الألوية الرخوة
يا ويل الصبر

ساعات الأكل تعارفنا
الصمت الجاثم فى احجرات انزاح
وتبادلنا تسآل فضوليين
تحدثنا فى ساس يسوس
وتحذلقنا عن جهد الإنسان الضائع
فغرسنا كل الأنحاء مزارع
جئنا بالجرارات حرثناها
هذى الأرض الممتدة كالتاريخ
حبلى بالشبع وبالخصب المخضل
والناس هنا خيرات الأرض تناديهم
لا أذن تصيخ
دعنا منهم – وتدارسنا تحديد النسل
وتجولنا عبر الدرجات
عربات شائخة تتأرجح بالركاب
ومقاصير للنوم بها أغراب
الأولى خشخش فيها الصمت
والرابعة العجفاء بها إعياء
ضاعت تذكرة المرأة ذات محط
ورجال يكتتبون ورجرجة وضجيج
ومآذن فى الأفق المدخون تضيع
كوستى وأناس ينصرفون بلا توديع
وأناس يشتجرون على الكنبات

ها نحن دخلنا ما بين النهرين
الناس هنا جنس آخر
فقراء وثرثارون ولهجتهم فى لين القطن
والباعة ملحاحون وحلاقون
ولهم آذان تسمع رنة قرش فى امريخ
هذا نوع فى كل نواحى اقطر تراه
جنس رحال منذ بدايات التاريخ
أرض الذهب البيضاء بهم ضاقت
رغم الخزان المارد والذهب المندوف بهم ضاقت
فانبثوا فى كل متاهات السودان
الشئ المفرح أن لهم آذان
وعيونا تعرف لون اللص الرابض للقطعان
وسواعد حين يجد الجد تطيح

هذه ليست إحدى مدن السودان
من أين لها هذه الألوان
من أين لها هذا الطول التياه
لا شك قطار الغرب الشائخ تاه
وسألنا قيل لنا الخرطوم
هذى عاصمة القطر على ضفات النيل تقوم
عربات
أضواء
وعمارات
وحياة الناس سباق تحت السوط
هذا يبدو كحياة الناس
خير من نوم فى الأرياف يحاكى الموت
ما تعسها هذى الأرياف
ما أتعس رأسا مشلول الأقدام
ما أتعس راسا لا تعنيه تباريح الأقدام

ونزلنا فى الخرطوم بلا استقبال
فتذكرت الحشد المتدافع فى إحدى السندات
برتينتهم وقفوا فى وجه اريح
وأطل من الشباك فتى القرية
قد عاد أفنديا إبن القرية
وانهالت بالأحضان تهانيهم
وأنا لا حضن سوى الشارع
يتلقفنى، يتلقف أجدادى الشعراء
هم فى الطرقات وفى المذياع بكاء
خلف المحبوب من الجبلين الى الرجاف
ما أحلى أياما لا تحمل إلا هم الحب
ها نحن الآن تشبعنا بهموم الأرض
وتخلخلنا وتعاركنا بقطار الغرب
إنى يا أجدادى لست حزينا مهما كان
فلقد أبصرت رؤس انبت تصارع تحت الترب
حتما حتما ستطل بنور الخصب ونور الحب
حتما حتما يا أجدادى شعراء الشعب

كورينا
09-21-2008, 01:39 PM
خاص بعبدالعظيم وام احمد
في راسي قصيد بالدارجي لشاعر اسم حسن ساتي
لا اعتقد انه الصحفي.
فاكر منها
بتذكر وقت كنا في الحلة ونلعب في كيعب وشليل
ونتجمع مع المغرب قبال بيتكم وكنت بتسمعي التهليل
وكنت صغيرة وكنا مع صغرتك نمشي وراك نبراك ونطيل الكيل
وكنا نقول انك بعد عشرة تروي الناس تعب وبهديل
؟
؟
؟
؟
أكيد حصل كده
؟ مين يكمل

Abdelazim
09-21-2008, 02:01 PM
كورينا الجميل
ما احلي ابداعاتك
بس عليك الله عدل النصوص شوية لأنو في كلمات ملصقة مع بعض
تسلم يا ذوق

كورينا
09-21-2008, 02:01 PM
عجباّ!ّ! يقول الناس إنك هاجرى
وأنا الذى ذوّبت فيك مشاعرى
سبّحت باسمك والنجوم سوامرى
حتى بكى قلبى .. بدمع محاجرى

****

قل لى بربك ، كيف تنسى الموعدا؟
واليل أحلام ... وشوق غرّدا
والجدول الهيمان ..حولنا عربدا
كانت ذراعاك ... لرأسى مرقدا
عجبا أتنساها ؟ وتنسى المشهدا؟

****

أنسيت أنك فى شعورى وفى دمى؟
مهما بعدت ... وزاد منك تألمى
سأعيش بعدك ... راهبا فى مأتم
وتعيش أبدا .. ذكرياتك فى فمى
ما دام حبّك ياحياتى ملهمى

كورينا
09-21-2008, 02:03 PM
نأسف لدخول الحروق في بعضها يبدو ان هناك خطأ ما في النسخ واللطق.....

د.حاتم عثمان
09-21-2008, 02:50 PM
قمة فى الابداع .

Abdelazim
09-21-2008, 03:42 PM
قمة فى الابداع .

دكتور حاتم لك ولأهل البحرين التحية
ونشكرك علي المرور

ام احمد
09-21-2008, 05:54 PM
أغدا ألقاك ؟ يا خوف فؤادي من غد
يا لشوقي واحتراقي في انتظار الموعد
آه كم أخشى غدي هذا ، وأرجوه اقترابا
كنت استدنيه ، لكن ، هبته لما أهابا
وأهلّت فرحة القرب به حين استجابا
هكذا أحتمل العمر نعيما وعذابا
مهجة حرى وقلبا مسه الشوق فذابا
أغداً ألقاك؟
****
أنت يا جنة حبي واشتياقي وجنوني
أنت يا قبلة روحي وانطلاقي وشجوني
أغدا تشرق أضواؤك في ليل عيوني ؟
آه من فرحة أحلامي ، ومن خوف ظنوني
كم أناديك ، وفي لحني حنين ودعاء
يا رجائي أنا ، كم عذبني طول الرجاء
أنا لولا أنت لم أحفل بمن راح وجاء
أنا أحيا في غدي الآن بأحلام اللقاء
فأت، أو لا تأت أو فافعل بقلبي ما تشاء
****
هذه الدنيا كتاب أنت فيه الفكر
هذه الدنيا ليال أنت فيها العمر
هذه الدنيا عيون أنت فيه البصر
هذه الدنيا سماء أنت فيها القمر
فارحم القلب الذي يصبو إليك
فغدا تملكه بين يديك
وغدا تأتلق الجنة أنهارا وظلا
وغدا ننسى ، فلا نأسى على ماض تولى
وغدا نسمو فلا نعرف للغيب محلا
وغدا للحاضر الزاهر نحيا ليس إلا
قد يكون الغيب حلوا ، إنما الحاضر أحلى
أغدا ألقاك؟

كورينا
09-21-2008, 09:39 PM
يا ضنين الوعد

.....................

يا ضنين الوعد أهديتك حبى

من فؤاد يبعث الحب نديّا

إن يكن حسنك مجهول المدى

فخيال الشعر يرتاد الثريّا

كلما اخفيته فى القلب تنبىء

عنه عيناك ولا يخفى عليّا

أنا إن شئت فمن أعماق قلبى

أرسل الألحان شلالا رويّا

وأبث الليل أسرار الهوى

وأصوغ الصبح ذوبا بابليّا

لا تقل إنى بعيد فى الثرى

فخيال الشعر يرتاد الثريّا

كان بالأمس لقانا عابرا

كان وهما.. كان رمزا عبقريا

كان لولا أننى أبصرته

وتبينت إرتعاشا فى يديّا

بعض أحلامى التى أنسجها

فى خيالى وأناجيها مليّا

ومضة عشت على إشراقها

فانقضت عجلى وما أصغت إليّ

كلمة خبأتها فى خافقى

وترفقت بها برا حفيا

من دمى غذيتها حتى غدت

ذات جرس يأسر الأذن شجيا

وافترقنا وبعينىّ المنى

قالها الدمع فما أبصرت شيئا

إن تكن أنت جميلا فأنا

شاعرً يستنطق الصخر العصيا

أو تكن انت بعيدا عن يدى

فخيالى يدرك النائ القصيا



الشاعر السودانى / صديق مدثر

كورينا
09-21-2008, 11:24 PM
عجباّ!ّ! يقول الناس إنك هاجرى
وأنا الذى ذوّبت فيك مشاعرى
سبّحت باسمك والنجوم سوامرى
حتى بكى قلبى .. بدمع محاجرى

****

قل لى بربك ، كيف تنسى الموعدا؟
واليل أحلام ... وشوق غرّدا
والجدول الهيمان ..حولنا عربدا
كانت ذراعاك ... لرأسى مرقدا
عجبا أتنساها ؟ وتنسى المشهدا؟

****

أنسيت أنك فى شعورى وفى دمى؟
مهما بعدت ... وزاد منك تألمى
سأعيش بعدك ... راهبا فى مأتم
وتعيش أبدا .. ذكرياتك فى فمى
ما دام حبّك ياحياتى ملهمى

reena
09-22-2008, 12:32 AM
كلمات جميلة جدا للرائع عمر الدوش



أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك من طوَّل
لسّه معاي
ولى بُكْرَهْ

Abdelazim
09-22-2008, 12:38 AM
أنسيت أنك فى شعورى وفى دمى؟
مهما بعدت ... وزاد منك تألمى
سأعيش بعدك ... راهبا فى مأتم
وتعيش أبدا .. ذكرياتك فى فمى

ما دام حبّك ياحياتى ملهمى



يا سلام عليك يا كورينا
يا ريت لو سمعتنا ليه بي
صوت الراحل المقيم عبدالعزيز محمد داؤود

كورينا
09-22-2008, 12:57 AM
reena
لك التحية والشكر على رائعة الثاني الدوش وردي
نحن لا نشبع من الابداع

reena
09-22-2008, 01:15 AM
أقول
والشمس في عز الامل
تهت ومشيت
أقول يا نحن يا انتو
وبكيت
مواعيد
يا صباح من غير وسم
تهت ومشيت
ما ضلمتْ
ما بتْعْرف الزول البِجِيك
ولا البجيك
بيعرفك
حتى الشبابيك
والزوايا الكان بتجمع
في حناياها الشكوك
ضلمت
اغْشاك يا نفسي الغربيهْ
من همومي أطلعك
القاك واقفهْ علي الطريق
أحزان بتفرح
وتشْتيك
أفراح بتحزن
وترْتبٍَك
لمن رحلت مع الغنا
عز الأماني و
ضلمت
مديت علي الأمل القريب
أشواق كثيره و
قصرت
في زواية من الشجون
جابت ظنونا و
قليت
كلمت أشجار الخريف
عن شوق نما
في الوحشة والزمن الأسيف
دلتني اْفتش
في المغارب
والمشارق
عن علامات
أو رصيف
ترقد الأزهار عليهو
يا بنفسج
كحلي غالي
وبرتقالي
امشوا انتو
انا البقيف
ماضلمتْ...

reena
09-22-2008, 01:34 AM
أحبك حبا أذل فؤادى واعمى البصيرة

أحبك حب الذى يشتهيك بعين بصيرة

وأيد قصيرة

أحبك حب المشرد في حبه دون مأوى وزاد

وحب الذى في سبيل رسالته قبل الأضطهاد

وحب الذى حرمته المقادير من كل شيء سواك

((أحبك حبين، حب الهوى وحباً لانك أهلُ لذاك))

وحباً لو أنت طلبت عيونى اقتلعتهما ومشيت كفيفا

أنقر بأسمك أوتار عودى ، لانى أحبك حباً عنيفا

إذا احتملت بعضه الراسيات

ارتمت جاثيات

وحبا اذا مس قلب الفيافى

تفجر بالأنهر الجاريات

كما يتفجر قلبى قوافي

أحبك حبا عظيما ...أليما ..مقيما ..فريدا

اعيش به طول عمرى سعيدا

فإن فؤادي الحزين الحزين إذا ما أحب أحب شديدا

وإن مات مفترشاً جمره والجراحات، مات شهيدا

***

غداً يا حبيبى ستمضى بعيدا

ستسلب منا الليالى هوانا، وتترك لي من شذاك القصيدا

فإما عبرت البحار العراض وصرت فريدة عقد اللدات

هناك بممتنع لا يُواتى

يُسهيك عنى الملهيك ، مستدرجا غفلات الصبا فيك

يغريك : خذ من لذيذ وهات

وإما استلنت لأضغاث حُلمك غاف، ومستسلماً لسُباتِ

أفيق، وتذكر على البُعد واف ، رنا يرتجيك

يحدق في الأفق المدلهم وراء الدياجي

يناجي سناك، ويسمو إليك قواف قوافٍ

يمجد ذاك الذي لا يُنال

ولا يمحى أو يُزال

ولا سيتبدُّ به الإبْتِذالْ

ويرصدُ نجمك حتى الممات

يرددُ إسمك في لهف - لإبتهالْ

حبيبي قُل لي متى أنت آت

أحبك حباً يرجُ كياني ويجتاح ذاتى

حبيبي،..

حبيبي،..

حبيبي،..

تعالْ

كورينا
09-22-2008, 04:15 AM
reena
رينا الرائعة تقتحم علينا الروائع القديمة بالروائع الحديثة
شكرا لك رينا...
حتى لا نعيش في القديم نرجو ان تواصلي...
والتحية لعشاق الشعر

كورينا
09-22-2008, 04:16 AM
كانت لنا ايام
في قلبي ذكراها..ما زلت اطراها
يا ليتنا عدنا
او عادت الايام

ان انسي ما انسي
ذكراك يا سلمي
وبكينا .....
والصمت قد عما
تحلو لنا الشدوي
والحب والنجوي
لن انسي نجواك
والهمس والبسمة
وحرارة الانفاس
في قبلتي لما
ضمتك يمناي
يا سعد دنياي
وغفوت في صدري
نشوانه بالأحلام

كانت لنا ايام
...
كيف انسي ايامي
يافكرتي الكبري
يا وحي الهامي
ملهمتي في الذكري
ذكري لياليك
في خدر واديك

الليل اهواه
في شعرك الناعم
والنور والنوار
في طرفك الساهر
لكن تباعدنا
دهرا وما عدنا
للوكر ياسلمي
او عادت الايام

abuelgefari
09-22-2008, 08:43 AM
اشكرك عبدالعطيم علي الدعوة, و هذه قصيدة يا فتاتي

للشاعر : محمد سعيد العباسي
؛؛؛؛؛؛؛؛؛
يا فتاتى..ما للهوى بلد
كل قلب فى الحب يبترد

وأنا ما خلقت فى وطن
الهوى فى حماه مضطهد

فلماذا أراك ثائرة
وعلام السباب يضطرد

والفراء الثمين منتفض
كفوؤاد يشقى به الجسد

الأن السواد يغمرنى
ليس لى فيه يا فتاة يد

أغريب؟.. ان تعلمى فأنا
لى ديار فيحاء ولى بلد

كم تغنيت بين أربعه
لحبيب فى ثغره رغد

ولكم زارنى وطوّقنى
بذراعيه فاتن غرد

أى ذنب جنيت فاندلعت
ثورة منك خانها الجلد

أو ذنبى فى قبلة خطرت
مع نسيم اليك يتئد؟

ألهذا فالنهد مضطرب؟
ولهذا العيون تتقد؟

ولماذا هذا الصليب يا ترى
بين نهديك راح يرتعد؟

خبرينى ذات الفراء فقد
جف جنانى وأجدب الرشد

أيمر النميربي ألقا
وأنا ظامئ ولا أرد؟

أو غيرى هواك ينهبه
وفؤادى لديك مضطهد؟

ألى الهجر والقلى أبدا
ولغيرى الشفاه والجسد؟

لى كغيرى يا زهرتى أمل
وفؤاد يهوى ولى كبد

لى بدنياي مثلما لهمو
لى ماض وحاضر وغد

فالوداع الوداع قاتلتى
ها أنا عن حماك أبتعد

سوف تنأى خطاي عن بلد
حجر قلب حوائه صلد

وسأطوى الجراح فى كبدى
غائرات وما لها عدد.

كورينا
09-22-2008, 12:51 PM
الاعزاء
نأسف للخطأ في العنوان
كانت هذه كانت لنا ايام
الوكر المهجور قريبا... ان شاء الله

كورينا
09-22-2008, 12:58 PM
رائع يا
abuelgefari
واحدة من روائع الشعر السوداني
وشاعر من فحول شعراء العرب
شكرا للجميع ونتابع بالجميل

كورينا
09-22-2008, 02:21 PM
ده الجاني منك ومن تباريح الهوى
وصفو بصعب ياجميل
وبعدت عنك ولما طال بي النوى
بقى لي اسيبك مستحيل
تبقى سيرتك هي الكلام
وتبقى صورتك هي الرؤى الحلوه
البعيشا في صحوتي اوحتى في عز المنام
ويبقى اسمك هو الغنا
وهو البخفف لي عذابت الضنى
ماالشوفتو منك يامنى الروح يا انا
وصفو بصعب ياجميل
وبعدت عنك ..... ولما طال بي النوى
بقى لي اسيبك مستحيل
* * *
بشكي ليكم يامظاليم الهوى
اصلي مجروح مرتين
يمكن القى الزيي فيكم
ضاق جراح الحب ومتعذب سنين
ويمكن القى وصفه تنفع
ولا يمكن القى حاجة تخفف الجرح القديم
حاجة تشفع
***
ده الجاني منك ومن تباريح الهوى
وصفو بصعب ياجميل
وبعدت عنك ولما طال بيا النوى
بقى لى اسيبك مستحيل

abuelgefari
09-24-2008, 01:42 AM
مساء الخير كورينا
تباريح الهوى
هي قصيدة للشاعر التجاني الحاج موسى

كورينا
09-24-2008, 04:28 PM
عزيزي abuelgefari
شكرا لك على المعلومة
فعلا دي اول مرة اعرف انها من كلمات التجاني الحاج موسى
شكرا لك

كورينا
09-25-2008, 02:36 AM
أعلى الجمال تغار منا
عليك إذا نـظرنا ماذا
هى نظرةً تنسى الوقارَ
وتسعدال الروح المعني
دنـياى أنت وفـرحتى
ومنى الفؤادِ إذا تَمَنىّ
أنت السماء بدت لنا
واستعصمتْ بالبعدِ عنا
هلاَّ رحـمتَ مـتيمـا عصفت
به الأشواق وهنا
وهفت به الذكرى فطاف
مع الدجى مغنى فمغنى
هـزته مـنك مـحاسن
غنى بها لـمّـَا تـغنَّى
يا شعلةً طافتْ
خواطرنا حَوَالَيْها وطــفنــا
أنـسـت فيكَ قداسةً
ولــمستُ إشراقاً وفناً
ونظـُرتُ فـى عينيكِ
آفاقاً وأسـراراً ومعـنى
كلّمْ عهـوداً فى الصـبا
أسألْ عهـوداً كيف كـُنا
كـمْ باللقا سمـحتْ لنا
كـمْ بالطهارةِ ظللـتنا
ذهـبَ الصـبا بعُهودِهِ
ليتَ الطِـفُوْلة عاودتناَ

Abdelazim
09-25-2008, 08:48 AM
كورينا الجميل
أبو الغفاري
رينا
وجميع المرور لكم التحية علي هذا الجمال

كورينا
09-25-2008, 02:10 PM
سيد احمد الحاردولو
ياناس
...
]أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا
-3-
تقول لِى شنو
وتقول لِى منو ،
-4-
تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْ
وأمى مهيرة بتْ عبودْ
وأخويا المهدى ..سيد السيفْ
والخلى النصارى تقيفْ
هناك ..فى القيفْ ،
-5-
تقول لِى شنو
وتقول لِى منو ،
-6-
ونحن الشينْ
ونحن الزينْ

ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
تقول لِى شنو
وتقول لِى منو ،
-8-
ونحن الصّافى
والوَافى ،
ونحن الشّافى
والكافِى ،
ونحن الزادْ
ونحن العِينه
والزِيّنه ،
ونحن – يمين – أهالينا
أهلى سرورْ
ووكَتين ينزل المستورْ
تَرَانَه النور
-9-
تقول لِى شنو
وتقول لِى منو ،
-10-
ونحن الجبنه واللبريقْ
ونحن قداحنا سَاوات ضيقْ
ونحن بيوتنا مفتوحاتْ
مَسَاىْ .. وَصباحْ
ونحن وشُوشنا
مطروحاتْ
مَسَاىْ وصباحْ
ونحن السَمحه
والقَمحه
ونحن الطله .. واللمحه ،
ونحن الصِيدْ
ونحن العيدْ ،

Abdelazim
09-25-2008, 03:32 PM
كورينا انا والله كنت قايل الكاتب هو اسماعيل حسن
شكرا علي الابيات والمعلومة

كورينا
09-25-2008, 03:46 PM
يا عظيم
كل عام انت والجميع بخير والنخبة اكثر ازدهارا وتألق...
سيبك من اسماعيل حسن وخد دي
من المقاس التقيل ومن الزمن الجميل....

العاقب محمد الحسن
هذه الصخرة

يا حبيبي ظمات روحي
وحنت للتلاقي
وهفا قلبي الي الماضي
وناداني اشتياقي
انا ظمان الاقي
من حنيني ما الاقي
فاسقني .. واملا من النور
لياليا البواقي
انت تدري ما بقلبي
من عذاب وشجون
يا ضنينا حرم اللقيا
على غير ضنيني
هذه الكاس .. تروي ظما
الروح الحزين
فمتى تلقاك عيني
ايها الغرئب عني
انا وحدي
فيك ياشك
قريب فاعيني
فرقت طيب الليالي
بين احبابي وبيني

abuelgefari
09-27-2008, 05:37 AM
الاخ كورينا
كل سنة و انت طيب
هذه الصخرة قصيدة جميلة من كلمات : الشاعر مصطفى عبد الرحمن
و أداء وألحان : العاقب محمد الحسن

يا حبيبي ظمأت روحي وحنت للتلاقي وهفا قلبي إلى الماضي وناداني اشتياقي
ونظم ألاقي من حنيني ما ألاقي
فأسقني وأملئي من النور لياليا البواقي
أنت تدري ما بقلبي من عذاب وشجوني
يا ضنيناً حرم اللقيا على غير ضنيني
هاتي لي كأسي تروي ظمأ الروحي الحزين
طال شوقي وحنيني أه من طول حنيني
هذه الصخرة جئناها صباحاً ومساءاً
وروينا قصص الحب عليها سعداء
ما الذي فرق شملينا فرصنا غرباء
أتمنى والمنى لا تسمع اليوم رجاءا
أنا وحدي فيك يا شط غريب فأعني
فرقت أيدي الليالي بين أحبابي وبيني
أه من حالي و آمالي ومن جائر حزني
فمتى تلقاك عيني أيها الغائب عني
عد إلى الشاطئ نحيي فوق تلك الربواتِ
ما تولى من عهود وأمانن باسماتِ
نشهد الدنيا على نور السنا والبشرياتِ
ونغني للهوى سر المعاني الخالداتِ
يا حبيبي ظمأت روحي وحنت للتلاقي
وهفا قلبي للماضي وناداني اشتياقي
ونظم ألاقي من حنيني ما ألاقي
فأسقني وأملئي من النور لياليا البواقي

Abdelazim
09-27-2008, 10:14 AM
السودان الحبيب ملئ بشعراء كتبوا أجمل الشعر
لماذا لم يسمع العالم العربي بهؤلاء النخبة؟
سؤال يحتاج اجابة

كورينا
09-27-2008, 01:04 PM
يا عظيم
لك التحية والشكر على ظمئت روحي
تلك الروائع ما كان يجب ان تختفي او ينساها الناس...
اعتقد ان المشكلة كانت ولا زالت هي الانتشار نحن شعب لا نحب التفاخر حتى بما يجب التفاخر به...
وثانيا اجهزة الاعلام عموما تحتاج لدعم لتقوم بنشر ما يستحق...
خذ مثالا الدكتور جعفر ميرغني يعمل من زمن طويل في مجال تاريخ وتراث الشعب السوداني ولم ينشر شيئا حتى الان؟!؟!؟!؟

abuelgefari
09-27-2008, 05:23 PM
من روائع الشعر السوداني من ما كتب بالعامية رائعة الدكتور
ود بادى بعنون :
الرسالة
بت الخير يجيك الخير
وصل جوايك الكاتباهو للولد الحتالي
وكان الظن ترسلي ليه هين هينين من البركاوي
داك الطعمو حالي
ولو بالقل شخاليب دوم
وهنا والله ني ومسيخ وغالي
سؤالك يمة عن احوالي
كان شفتيها تغنيك عن سؤالي
انا اتوكرت في قلب البنادر
زي غريب شرقان مدلدل في الدوالي
جات شايلاني حرّة جوف
انا اتحديت مجالا مومجالي
مصايب الجامعة اكبر من جميع الشفتو
ولا سمعتو في ايام الخوالي
قعاد الكرسي كان شفتيهو
ورم ساقي زي سيد الزلالي
اقلب في الدفاتر من صباحا بدري
لامن تمسي ما بنسي انشغالي
اسوق الليل تحت ضوء الكهارب
وديمة هارب من فراشي
وهادو حالي
ده كلو عشان اجيب نمرا
انافس بيها واستر بيها حالي
والله عاد حالة ما بتسر البال
ومن يوم ما هديت ما انسر بالي
سلاطين العلم يايمة
ينسوا العشرة في فد يوم
يدفروك بره زي دفر الطبالي
وخايف من اجيك مرفود
وهادي الفكرة من ما جيت
معشعشه في خيالي
واخير افتح اضانك
قبل ما تلقي فوق اضني
ملويات حبالي
وكان حصل القدر يايمة لا تلوموني
لومي علي البنادر نورا اقوي من احتمالي
بناتا فيها رويانات جسومن بالدهون
تلصف بلا جلود السحالي
سبيبن ديمة بالحزم الكبار مبهول مردم
فوق قفاهن..وا حلالي
صدورن طامحة زي موية الدميري
الهايجي تكشح في العوالي
عيونن واسعة تبلع مية
زي ولدك تشرك للموحد والضلالي
وحاتك ضُمّه ما بقدر عليهن
ساعة اقيف قدامن
انكس راسي بي قدري وجلالي
مشيهن سوا زي سرب الغزال
لكن نفورن مو غزالي
عدادن مابخبرو
الا وين ما امشي الاقاهن قبالي
وقصاصن ينقّر بي عصاتو
ومايفرّق دربهن
من بين دريبات القماري
بخورن في سماء البندر
يدوخ متل مسك العشاري
رقيصن ينهزنو بلا الفلو
الّلماتو غابن منو في ضل الضهاري
يجمّع في قفاهو وينطرح
يتمطّى تتحتحت مفاصلو
وده ياهو الفاك جباري
دلالكين تجيب الضلّ
علي متاهات الضهاري
غناين اصلو ما سمعنابو
كنت بقول ليكي الا هسع ما ني طاري
وطنبورن مبرقع وحسو فاقع
لا في كنتر لا ودع فوقو بيراري
عشوقن في الرقيص
يتلوي متل سيد المغص
يوم يبقي في حالة طوارئ
والمداين ديمة فايري
زي وحوشا في البراري
والمـآسي كتيرة حاصلة
والمكضب يلاقي بوليس السواري
عاد دي حالتا بقدر اتستر معاها
خلاف احاكي الناس واجاري؟
وانتو راجيني يوم اجيكم بشهادتي
وينبسط ضهري وكباري
وبرضو خايفين من اجيكم بي غربية
وفي خجل قايد صغاري
والقدر بي غادي كاتب ليه شيتا
لاني حاري ولا ني طاري


حاجة واحدة تكون في علمك
اني جايي وتاني راجع لي دياري
وياني حمّيد القديم
الا بس فاقد حجابي وراح سواري
يمة كتري من رضاكي
وسلميلي علي المعاكي
وقولي لي حبوبة زيك
نحن شبنا وماك براكي
سلميلي علي جروفنا وحتى وزينا البكاكي
سلميلي علي بناتنا
وقولي ليهن ماني ناسي
طاري شلاخا مواسي
زي شقوق بيتاً سداسي
طاري نقشا فوق خدودن
بين ضفايرو وشوفو قاسي
جسمي في البندر ممدد الا بينكم بي حواسي
سلميلي علي البكادن والبشتت في التقاوي
في الكرد محراتو قالع
وصوتو فوق تيرانو عاوي
ماحزم بقجة ثيابو وقام فجر لاحق اللواري
اخيرو يحفر في جروفو
مالو مال حفر المجاري
سلميلي علي الضرايح
والفضل من الخلاوي
والفقير الفوق حصبرو
يكتب البخرة ويداوي
مع السلامة ودعتك الله
ولي وصيتك ماني ناسي
لي شفقتك مافي داعي
وابقي عشرة الراعي واعي
في بحور اهل البنادر من زمن طالق شراعي
كان نحجت بجيك غانم
وكان فشلت بجيك ضراعي

كورينا
09-27-2008, 09:27 PM
abuelgefari
يا انسان يا رائع

ياهو دا السودان
ياهو دا السودان
ياهو دا السودان

سوف اعود لك مرة ثانية

كورينا
09-27-2008, 10:47 PM
صه يا كنار
كلمات: محمود أبو بكر
ألحان : الموسيقار إسماعيل عبد المعين
صَهْ يا كنارُ وضعْ يمينكَ في يـدي
ودعِ المزاحَ لذي الطلاقـةِ والددِ
صه غيرَ مأمـورٍ وهـاتِ هـواتناً
دِيَماً تهشّ علـى أَصِـيد الأغـيد
فإذا صغـرتَ فكـنْ وضـيئاً نَيّراً
مثلَ اليراعـةِ في الظـلام الأسود
فإذا وجـدتَ من الفكـاك بوادراً
فابذلْ حياتَـكَ غـيرَ مغلـولِ اليد
فإذا ادّخـرتَ إلى الصباح بسالـةً
فاعلمْ بأن اليومَ أنسبُ من غـد
واسـبقْ رفاقَكَ للقيـود فـإنني
آمـنتُ أنْ لا حـرَّ غيرُ مُقيَّد
وأمـلأْ فـؤادَكَ بالـرجاء فإنها
«بلقيسُ» جاء بها ذهـابُ الهدهـد
فإذا تبدّد شـملُ قومكَ فاجْمَعنْ
فإذا أبَوْا فاضربْ بعزمـة مُفـرَد
فالبندقيـةُ في بـدادِ بيوتـهـا
طلعـتْ بمجـدٍ ليس بالمتبـدّد

صه يا كنارُ فما فـؤادي في يدي
طـوراً أضـلُّ وتارةً قد أهتدي
وأرى العواذلَ حين يملكني الظما
فأمـوت من ظـمأٍ أمامَ المـورد
وأرود أرجـاءَ البـيانِ دواجـياً
فأضـيق مـن آنائـه بالشُّرَّد
أنا يا كنارُ مع الكواكـبِ ساهدٌ
أسـري بخفـق وميضها المتعدّد
وعرفتُ أخلاقَ النجـومِ، فكوكبٌ
يهبُ البيانَ وكوكبٌ لا يهتدي
وكويكبٌ جمُّ الحياءِ وكوكـبٌ
يعصـي الصـباحَ بضوئه المتمرّد
إن كنتَ تستهدي النجومَ فتهتدي
فانشدْ رضايَ كما نشدتَ وجَدِّد
أو كنتَ لستَ تطيق لومـةَ لائمٍ
فأنا الملـومُ على عـتاب الفرقد

صه يا كنارُ، وبعضُ صمتِكَ موجِعٌ
قـلبي ومُـوردِيَ الردى ومخلّدي
أرأيتَ لولا أنْ شـدوتَ لما سرتْ
بي سارياتُكَ والسُّرى لم يُحمَد
حـتى يُثوِّبَ للكمـاة مُـثَوِّبٌ
ليذيبَ تاموري ويحصب موقدي
أنا لا أخاف مـن المنون وريبِها
مـا دام عزمي يا كنارُ مُهنَّـدي
سـأذود عن وطني وأهلك دونَهُ
في الهالكـين فيا ملائكةُ اشهدي

Abdelazim
09-28-2008, 12:07 AM
الله عليك يا كورينا ذكرتنا ايام زمان
ايام الفن الجميل والله للأسف كان عندي ديوان الشاعر الصاغ محمود أبوبكر
أكواب بابل ألسنة البلابل وفيه النص الكامل لقصيدة صه يا كنار
ولكن ضاعت مني كثير من الدواوين الشرية وكتب التاريخ وكتب الادب بعد
هجرتي من السودان الحبيب

وهاك القصيدة مُغناة بصوت عمالقة الفن السوداني:
الراحل اسماعيل عبدالمعين
الراحل أحمد المصطفي
الراحل عبدالعزيز محمد داؤود
الراحل عثمان الشفيع
الراحل سيد خليفة
ومن غير الفنانين:
الراحل زين العادين محمد احمد عبدالقادر

ومعهم نخبة من العمالقة أطال الله اعمارهم
ومن غير الفنانين الاستاذ حمدي بدرالدين

وتفضل الرابط:

http://www.youtube.com/watch?v=D_Xdz9uw_fM&feature=related

كورينا
09-28-2008, 12:25 AM
عزيزي عظيم
انا اصلا لما لقيت نص صه يا كنار كنت ناوي
اكتب انه للعجائز فقط بس خفت ناس كتيرين يزعلوا.
القصيدة اصلا لحنها الانسان المبدع اسماعيل عبدالمعين
وقام بغنائها فرقة البساتين التى اسسها الاستاذ اسماعيل عبدالمعين
للاسف لن استطيع ان اسمع المرفق الان لاني في الشغل
بس اكيد حيكون مشروع للسهرة مع الذكريات القديمة
بس لا اعتقد ان الابداع في اللحن يواكب مستوى الكلمات مهما كان
لان الكلمات عظيمة جدا ملئية بالفخر والعزة وكثير من الاحاسيس.....
شكرا لك للمداخلة وشكرا على الاغنية..

كورينا
09-28-2008, 05:23 AM
يا انسان يا رائع
لك الشكر
لا تدري كم افرحتني هذه اللحظات التي عشتها مع صه يا كنار
والمفاجئة الثاني والاكثر اثارة كانت
أنــــــــــــــــــــــــــــــــــــــــــــــا ســــــــــــــــــــــــــــــــــــــــــوداني



والساعة الان 4:30 صباحا

koko
09-28-2008, 01:53 PM
تانـــي ممكــن نحــن نرجــع



تاني ممكـن نحــنـا نرجـع ونبقـى زي ما كنا واحسـن
ونبقى أحــلى ونبقـى أروع .. والورود من تانى ينـْدَنْ
وتـاني يتـلمــلم شـتـاتـنـا ويـبـقـى دار نـــيليـنـا مسكـن
ونهدى للناس من صفاتنا .. صفوة ما بيناتنــا أرعـَـنْ
ويرجع الفـارق ديارو قـلبـو محبـط وســـاورو الظــنْ
وخلا فرحــو وفـكَّ دربو .. والدموع فى عينى جَمَدنْ
ويـرجــع القـــرّر قـرارو مـا حـيـرجــع تـانـي أبــدنْ
لى مراسيهو وديارو.. وريد صحاب فى الروح تَمَكَّنْ
وتانـي صـوت مكناتـنا يدوي ولـي زلال المويـة كبـّنْ
فى الجداول وتانى تروى .. لى حقــول كادن يجـفنْ
وتانـي تخضــر الأراضي وعـيشــنا قـام قـندولو لبـّنْ
وإكتســت خضرة البوادى .. وبى فرح غزلانا رجَعنْ
وجاتـنا عصفورتين حـلاتـن فوق فريع دوحتـنا ركـّنْ
وغــردن فـاردت جناحـن .. وعمَّــت الأفراح وحَفـَّـنْ
يا جماعة الخيـر تعالـوا وكــلو زول لي ابليسـو يلعـنْ
المــودة وحــب بعضـــنا .. نعمـــة بيها حياتــنا تأمـنْ
وكلو زول يـطلـق جرابـو ويـمرق المدسـوس مـدكـّنْ
الأدب وحلــو المعــــانى .. ونرفـــع الرايــات يرفَّــنْ
دار أشـوف تانـي أب جقادو جايي بي شكــلة ومعكننْ
واللديح وأســد البرارى .. والعشـــق فى العينين سكنْ
دار أشــوف الما مسجـل ودار أشــوف سوداني جـدنْ
وطارق أب صلعة المواظب وعــمرو ماخيبلـنا الظنْ
دار أشـــوف سـيــد البلاغــة الكجــوك الراجـل الفــنْ
ويرجــع الشنداوى شــايل فى جــــرابو إبداع مجّكَّنْ
والسـمنـدل طلـّه حـــرفــو منـتـشـي وراقـــي وملحـنْ
غنى بيهو المايسترو الذوق زاد حلاوة الألحــان وزَنْ
والنـمـر في اوراقـو يكتب بي حـروف أشعـارو دندنْ
وجامعة الإخلاص الوفى والحروف فـوق إسمو خالنْ
والحــبـيـب البـاشـا يـقــدل فــارش الـــديــوان ملـّـونْ
وبى كرام فياض مأصل .. قـال حباب.. مليون مرحباً
ويرجع الطيـر المهاجــر لي صغــارو الدوبو فـقـشـنْ
ومن عشيشو تطير تحلق .. مــن بعد ما ترْبـَى تسْمَنْ
دار أشـــوف كتكوتة تاني ..دار أشوف إيفاء وسوسنْ
وندى فنجـــانا القارئة شـــان تجيب لنــا فــالن حَسَنْ
وبت ملوك النـيل تزغرد ومي وبت الشاطي حضرنْ
وهمس والدهــــباية غنن .. ولى حُلُو الكلمات أنـشدنْ
وشـــلة الراكـوبة تـرجـع والمناقــرة تــانـي تـسـخــنْ
ونلقى كرار فوق حصانو صال وجـال ما ونَّ وسكَنْ
يـروي ابو عـادل حكايتو واركويت بي جمبــوطنطـنْ
وسمــرا جنبــــها كـــل النجـــوم للشمــــارات يتبادلنْ
وشـيخنا حـنبل بي عصايتـو صلى بينا جمــاعة وأذنْ
ويبقى ريدنا شــريعة وحيـاة .. وبيهو ندخل جنة عدنْ
وجانا ابو رهف المهـذب قال حبـــاب وسـلام واهـلـنْ
وبكرى زاد الساحة رونق..شال همومنا أزال الشجنْ
وشـيخ عكـود جـاب الدلايل ولي حديثو القـالو برهـنْ
بى سماحة الخلق إتصف وكل جميل صار ليهو ديدنْ
وغـادة جات قـالت قصيـدة والقـوافـي معاها رقصـنْ
المربــع وشعـــر البديع .. منــــو كـــالت وعبت الدنْ
وعـلـّق البرغـوثـي فيهــا بـي كــلام راقــي ومـوزّنْ
يعجب الزول يسبى العقول .. لى حروفو منقى وفَطَنْ
وجانــا ود يـابـس مخـــدّر والمساحات تانــي عمـرنْ
من بعــد ما الإبداع رحـــل .. وجبنا حضـرنالو الكفنْ
دار أشــوف الكــاك وبيجــو والأميــر الطعـمو ملبـنْ
والصقر وأبو فاطمة وسمير والأمير أب طبعن حسنْ
شــايلا عصفـورتـنـا عـيـشـا وبـركــلاويـتـنا تـطحــنْ
ســوَّنْ الوجبــة إبــداع وذوق .. فاتـــن الكـل وإتفوقنْ
وفيصلوب داهِن صلعـْـتـو وياسروف أنوارو ضــوّنْ
ولمَّ شكسون كل الصحاب .. والقلوب إبتهجن وصـِفَنْ
دار اشـوف الرخ جـا هـاجـم والعصـافيـر منـو خافـنْ
والوحيد خلا الوحــدة عـــاد .. تانى للمجموعة وركنْ
ويرجع الهمذاني تاني .. وما يكون زي زولتو أدمـنْ
ويروى عشكوبة الحكايات .. والعجايب ومحن الزمنْ
واشـرف الســر فـي الخواطـر لي لجـان النقـــد كـوّنْ
وجمَّـــع الـــدُر والروائـــع وفى المفكـــــرة ليها دوَّنْ
وقـوس قزح ألوانـو شلعـت وفـي العـــدد يبقالي زادنْ
ما أصلو مدمن وعاشق النيل .. ليهو بى إبداعو لوَّنْ
وجـانـا ابــو إيثـار يكـورك خـلـه أبـو غـسـان ممحـّنْ
خطَّ أبو الريش لوحة إبداع تفرح الروح وتشفى البدنْ
ويـكتـمـل حـلـم الأمــاســي بــي لــؤي الفـجــأة بـيـّنْ
زى قمــر دورين فى الضلام لى إكتمال الفرحة أعلنْ
وزورق الألحـان جـا عايـم شـالتـو الموجات وختــّنْ
وبالفــــرح ود المنابير .. غنى طنبورو شــدا ورطنْ
وبي هناك وقـاص يحاور أصلـو باقي فصيح ممكـّنْ
ورتب الجنى حُلُـــو الكلام .. يمــــدح النيليــن الوطنْ
وناس وناس ختـولنـا ذكـرى إلا بـس أفكاري شــردنْ
إن نسيت أعفو وأصفحوا كلكم حب فى الجـوف سكنْ
وناس كتار خـلونـا فـاتـو أوحـشــــو النيليـن ويـبـسـنْ
عودوا يا الحبان زى زمـان .. وخلو أفراحنا اليرجعنْ
يــا حـليـــل لمتــنــا ديــكـا كـلمــا أطـــراهـا أحــــزنْ
والدموع تنزل فى الخـدود زى سيوف بترن وجرحَّنْ
كانــت النيـليــن مـنــارة مـن بعـيــد أنـــوارا ظهــرنْ
تهدى للضال تورى الطـريق وياما غيرا أفكارنا تاهنْ
كانــت النيــليــن حـضـــارة خـلـّــدا الـتــاريــخ ودونْ
دار نصـــينا نعــَلِّى البُنا وتبــقى أقــــوى وتبقى أمتنْ
كانــت النيــليــن إثـــارة ليـهــا أقــلام غـيــرا شِـهـْدنْ
دار نزيدا إبداع وروعــة .. وتبقى أثمن وأغلى معدنْ
يـامـا جمعيـاتـا قــــامـت وبـي هـمـوم الأمــة نـهضـنْ
دار نزيد فى الخير للأنام .. ونبقى قدوة نَمِسْكَ الرَّسَنْ
الدواء الإسـبوعي يمشي لي مـــريض إيديهـو شحـدنْ
نَسْنِدُو ونديهو الأمان .. ويامــا بالسنــد أمراض شِفَـنْ
النــدا اليـوماتـي مرفــوع والقـــلوب بي سـرعة لبــّنْ
راجية خير الملك القدير .. تدى من غير تجريح ومَنْ
العـلاقــات الجـميـلـة .. لــي حـدود الأســرة وصْـلــنْ
وصارت أقوى وأحلى وأندر .. وليها كـل العاشا أمّـَنْ
منبـر النيـليــن معـاني.. سـاميـة راقـيـة وليهــا معـدنْ
أغلى من الدُر والدهب .. وأصفى من قطـرات المُزَنْ
ليكـا متـشــرد تحيــة وماب نـغـيــب كـــان الله هــوّنْ
وبى شــوية الموجود نجـود .. المهم بس نحسن الظنْ
دار أضــم انـا صـوتـي ليكــا إنــت يالكلكي المجنـــّنْ
وامسك إيديك نقوم سوا .. ونقنع المــو راضى وحرنْ
دار انـادي ودار اكــورك حـتـى لــو أصـواتـي بحـّـنْ
عودوا يا الأحبـاب للديار .. وعَدِّلُو السيـر لِفُــو المَكَنْ
دار احــوم بـيـن الســواقـي حـتـى لـو كـرعــيّ بردنْ
دارألف ما أخلى سودان ومن بروكسل ولا عِنْ عدنْ
دار أقولا هي جمــلة واحـدي والدموع من عيني نزّنْ
وأفرد الصفحــات للنـــدا .. عـودو كل الرؤى أجمعنْ
يـا جماعــة الخـيـر تـعـالـوا الســــواقي تراها خِـربـنْ
ينعق البوم فــوق الشــدر .. والشــــديرات زاتن شَكَنْ
الخـــدار يـابـس مكـنكـش والفـضَــل يـيـداكـا ضـبلـنْ
والحفير يبكى بلا وجيع .. ما فى زول للحيضان قرنْ
وتاني ماب نـقبــــل عـُذركـم هـاجـن النيليـن وفاضـنْ
وكــل شبكات العنكبـــوت .. من جمـــال الفيها غارنْ
يالله قـومو علي أرضـْــكم يكفي كم من مسرة ضاعنْ
نسقى نزرع والخيـر يعـم .. ونسعـد اليوم ونفرح غداً
ونحن نـفضـــل يـانـا نحنا ونبقـى زي ما كنا واحسـنْ
ونبقى أحلى ونبقى أروع .. والقلوب صافية زى اللبنْ

كورينا
09-28-2008, 05:44 PM
koko
لك التحية ايها المسكون بحب الوطن....
هيا بنا يا اخوانا قولوا مع koko

يا جماعة الخيـر تعالـوا وكــلو زول لي ابليسـو يلعـنْ
المــودة وحــب بعضـــنا .. نعمـــة بيها حياتــنا تأمـنْ
وكلو زول يـطلـق جرابـو ويـمرق المدسـوس مـدكـّنْ
الأدب وحلــو المعــــانى .. ونرفـــع الرايــات يرفَّــنْ

ياهو دا السودان ياهو دا السودان

Abdelazim
09-28-2008, 06:11 PM
أنا سوداني أنا
كلمات الشاعر محمد عثمان عبدالرحيم

كل أجزائه لنا وطنٌ إذ نٌباهي به نفتتنٌ
نتغني بحسنه أبداً دونه لا يروقنا حسن
حيثُ كُنا حدت بنا ذِكرُ مِلؤها الشوق كلنا فِداه
نتملي جماله لنري هل لترفيه عيشه ثمنُ
خيرُ هذي الدماء نبذله كافدائي حين يمُتحنُ
بسخاءٍ بجرأة بقوي لا يني جهدها ولا تهِنُ
تستهين الخطوب عن جلدٍ تلك تنهال وهي
تتزنُ
أيها الناسُ نحنُ من نفرِ عمروا الأرض حيث ما
قطنوا
يذكرُ المجد كلما ذُكروا وهو يعتز حين يقترن
حكّموا العدلَ في الوري زمناً أتري هل يعود ذا الزمن
ردد الدهرُ حسن سيرتهم ما بها حٍطةٌ ولا درنُ
نزحوا لا يظلموا أحدا لا ولا لإضطهاد من
أمنوا
وكثيرون في صدورهم تتنزي الأحقاد والإحن
دوحة العُرب أصلها كرمٌ وإلي العُرب تنسبُ
الفِطنٌ
أيقظَ الدهرُ بينهم فتناً ولكم أفنت الوري الفِتنُ
بلادي يا بلاداً حوت مآثرنا كالفراديس فيضها منن
فجرّ النيل في أباطحها يكفل العيش وهي تحتضن
رقصت تلكم الرياضُ له وتثنت غصونها اللدنُ
وتغني هزارها فرحاً لعشوقٍ حدا به الشجنُ
حفِل الشيبُ والشبابُ معا وبتقديسه القمين عنوا

نحن بالروح للسودانِ فداً فلتدم أنت أيها الوطن

كورينا
09-29-2008, 04:21 AM
يا رائع يا عظيم
الله يرحم حسن خليف العطبراوي وكل من غني للسوادان الحبيب...


يذكرُ المجد كلما ذُكروا وهو يعتز حين يقترن
حكّموا العدلَ في الوري زمناً أتري هل يعود ذا الزمن
ردد الدهرُ حسن سيرتهم ما بها حٍطةٌ ولا درنُ
نزحوا لا يظلموا أحدا لا ولا لإضطهاد من أمنوا

ياهو دا السودان ياهو دا السودان ياهو دا السودان

كورينا
10-02-2008, 01:43 AM
أعلى الجمال تغار منّا ماذا علينا إذا نظرنا
هى نظرة تنسى الوقار وتسعد الروح المعنّى
دنياى أنت وفرحتى ومنى الفؤاد إذا تمنّى
أنت السماء بدت لنا واستعصمت بالبعد عنا
هلا رحمت متيّما عصفت به الأشواق وهنا
وهفت به الذكرى فطاف مع الدجى مغنى فمغنى
هزته منك محاسن غنّى بها لمّا تغنّى
يا شعلة طافت خواطرنا حواليها ... وطفنا
آنست فيك قداسة ولمست إشراقا وفنّا
ونظرت فى عينيك آفاقا وأسرارا ومعنى
كلّم عهودا فى الصبا و أسأل عهودا كيف كنّا
كم باللّقاء سمحت لنا كم بالطهارة ظللتنا
ذهب الصبا بعهوده ليت الطفولة عاودتنا

Abdelazim
10-09-2008, 10:21 PM
اين انت يا كورينا
واين بقية المبدعين

كورينا
10-10-2008, 12:20 AM
عزيزي عظيم
لك التحية
نحنا هنا، انت وين؟؟؟
هو نحنا قادرين نخرج من منتدى النخبة
لو ما لقيتنا في روائع الشعر السوداني
تلقانا
في رائع شعر نزار قباني او في
هرم الغذاء للست أم احمد الله يجزيها الله عليه الف خير ..
بس انت فتش كويس واكيد حتلقانا...
وكل الناس موجودين بس ود العمدة غيابه طال

عادل الخضر
10-13-2008, 11:13 PM
يا قمر
كلمات وألحان وغناء : عبد العزيز العميري


يا قمر أنا ما بطولك
اديني من نورك وميض
شان أنوِّر وأبقى طولك

يا قمر ليلك غـــُـــنايا
وليلك أكتر من حكاية
دي فرحة بتطول المدينة
دعوة لي همس الصبايا

ولما تزعل أبقى باسم
حتى في زعلك معايا
شان البلد ... كل البلد
تفرح تقول القمرة جاية
ناوية تحضر لي مثولك
وأصلو ما فيها البطولك

أديني من نورك وميض
شان أنوِّر وأبقى طولك
يا قمر

الاخطبوط
10-14-2008, 04:48 PM
مشكور الاخ عبدالعظيم والتجاني شاعر المشاعر الصادقة ربنا يرحمة ويرحمنا بكرمه

محمدحمزة
02-20-2009, 09:00 PM
هاك دى:

يا قائد الاسطول تخضع لك الفرسان يا ذو الفخار والطول ارحم بني الإنسان
مين لى سماك يطول ما بطولك اللمسان معناك شرحو يطول والله يا إنسان
ارحم كفانا مطول ياذو الحسن واحسان أنا عقلي بيك مشغول والناس عقول ولسان ياقايد الأسطول تخضع لك الفرسان
ياذو الفخار والطول ارحم بني الإنسان
ما بنكر المعقول آمنت بى الإيمان
يا طلسمي المسطول بدلي خوفي أمان
للكل سحرت عقول كانت سليمة زمان
انت بتحق القول قتل النفوس حرمان
يا قايد الاسطول
يا علة المعلول ضوى ليك بنان كم من
اسير مغلول مالاقى لحظه حنان
بر وعدك المحلول زى حجة الوثنان والكان
سهوله تلول مابدلن بى جنان
يا قايد الاسطول.
يا حبيبي كون ممهول واليكن ما كان دا
الفى غد مجهول الماضي اسمو الكان
نفديك شباب ووكهول ونبقى ليك اركان
فى بيتك المأهول ونخدم السكان
ياقايد الاسطول
يا لفي سماك مفصول تنشاف عيان وبيان
ما عرفنا ليك وصول وما دنيت أحيان
انت الخفاك وصول يعلم بك الديان
مثلت فينا فصول لم يدركها النسيان

محمدحمزة
02-20-2009, 09:08 PM
صياد النجوم
كلمات حسن الزبير

صياد النجوم
ياقلبي يا حليلك
أدوك سهاد وشقا
وادو الفرحة لي غيرك
زي الدنيا ديل
ما بدوموا في حالة
زي ضل الضحى
وزي غيمة رحالة
تبسم ليك تساهر
الليل وتصحى لها
ونايمة وهانية
ما بتخطر على بالها
تكتب في الغنا
وإيه الغنا بفيدك
ما دام التموت في
ريدو ما بريدك
وأغرب حاجة
حسادك أجاويدك
يالمسكين شقاك
وجبتو بي إيدك
ياحليل الغرام
أياموا ما ولت
ويا حليل ليلى يوم
عن قيسها ما إتخلت
شوف يا قلبي شوف
الريدة كيف قلت
قوم صيد النجوم
ديك النجوم طلت

محمدحمزة
02-20-2009, 09:11 PM
الشبه باين
غناء كمال ترباس

أعاين ما الشبه باين
وعايدة القمرة لي أصلها
كبرنا وكبرت احزانا
وإنتوا كبرتوا وزدتو حلا
وزي ما القمرة تبدأ هلال
جمالك إنتي يومي يهل
ومحيك بدرو يتجلى
ويزيد قجة ويوج ويول
وعينيك سارحة ما هماها
يكتر سهري ولا يقل
صباحك إنتي حقو الناس
يجوهوا يشيلوا منو الفال
صباح البشرى للمحزون
صباح العيد على الأطفال
وطبعك فيه رقة ونفرة
زي طبع الجدي الجفال
وأسألي عن سؤالي عليك
الطير في سماه سألتو
لو لاقيتي يشرح ليك
ما فضلت غير أسرح
واناديك وأشابه قيس
وكل عيون أعاين فيها
بينا وبين عيونك أقيس
وكل نغم سمعت نداه
وكل خطاوي جاية تميس
أقول إنتي وخلاص بنتي
وأبشر زي كأني عريس

محمدحمزة
02-20-2009, 09:13 PM
لا بتواصلي لا بتفاصلي
غناء محمد ميرغني
ألحان حسن بابكر



لا بتواصلي لا بتفاصلي لا بتلومي
إنتي تعيشي يالكاتلاني قبال يومي
لا بتودي لا بتجيبي لا بتردي
خدك ده الخجل كاسيه ولا مندي؟
لا بتوالفي لا بتحالفي لا بتحني
خلقوك زينة عشان تشقينا
يلا أتهني
تشيلي الخطوة فوق خطوة
وأشيل أنفاسي
ماهماك نحن وراك كيف بنقاسي
تمشي هوينا يالماك هينه قدرك عالي
بس تكفينا نظرة حنينة ما تتعالي
شعرك سبسبو التسريح بعد متدلي
تجيبو النسمة فوق جبينك وإنتي تعلي
بدر إتدلى لي خلق الله وجهك ناير
والخد صورة زي بلورة خاتي مساير
لا بتسالمي لا بتكالمي بس تتهادي
لا سامعانا لاك معانا تيهي اتمادي
أرح وأردح وراك أرتاح ولو بي كلمة
إما أعيش وإما أموت وإما وإما

محمدحمزة
02-20-2009, 09:15 PM
ألحان وأداء الفنان الطيب مدثر

أختلفنا

ليه حياتنا اخترت غيرها؟
كيف حياتنا أخترت غيرها؟
فيها احلامنا وكلامنا ..فيها حاجاتنا الصغيرة
كيف تغطي الصورة صورة
وريدنا داك يا سيدي كلو ..ببقى ماضيك بالضرورة
ايه لقيت فيهو الجديد ريدتو من حاجات بقولا ..
ولا ليك قرب أماني بينا ما قادر تطولا ..
هل قدر يسبر غرورك؟
هل هو في الاحلام بزورك؟
ولا هو بالجد .. بيعرف لعبة الريدة واصولا
هل صحيح راقي ومهندم؟
هل ببكي الريد عيونه؟
هل عرفتو ما بتندم في الليالي القاسي طولا؟
الف مبروك يا مخير انت بتبيع المشاعر
ما البصر دون البصاير والأصل ما ببقى صورة

محمدحمزة
02-20-2009, 09:18 PM
كلم لي عيونك

غناء الفنان علي ابراهيم ( اللحو )

كلم لي عيونك
وسلم لي عليهن
هن بالعافية نامن
وأنا ساهرت بيهن

ختن فوقي شوفن
وشفت الجنة فيهن
شاقني وشقني
عاد وين أشتكيهن

ما قصدني ساكت
شن سويتو ليهن
أضمن لي أمانن
كان أقدر اجيهن

كيف دايرني أصبر
صبرا ما بفيدني
ورمشك إن لقاني
فوق النار يزيدني

أنا عارف شعورك
ما قصدك تكيدني
كلم لي عيونك
كان قلبك بريدني

أسمح لي أقول لك
إنت بكل صراحة
كملت الرزانة
وكملت السماحة

لهجك طعمو سكر
وشوفتك فيها راحة
وثغرك ديمة باسم
وزايد إنشراحه

محمدحمزة
02-20-2009, 09:23 PM
أيامي أنا

ألحان وغناء المرحوم محمد أحمد عوض

أيامي أنا يا باهي السنة
محسوبة في غيابك الثانية بسنة
ضايع أين أنظر أمتد المحل
أسود يوم في عمري يوم شخصك رحل
حاول مرة زورنا وحاول تلقى حل
يبقى هنانا طل والهم رحل
حينا بيك حافل جاورناك سنين
ما سمعنا البعيبك وما شفنا البشين
حتى أطفالنا بسألوا فاقدنك دحين
بس يوم من إجازتك وأرجع امتحن
وإزاي المدارس على حسك تكون
قبلك ما أكتوينا وحبينا بجنون
من بعد التخرج هل توفي وتصون؟
تجي في حسن ظننا والكائن يكون
فيه سكبتت زاتي أقراه بمهل
ووسدو لي شمالك لو صابك ملل
سامح إن زللنا وأوع من الزعل
كلنا نخشى زعلك من قومة الجهل

محمدحمزة
02-20-2009, 09:24 PM
ما بنختلف

لحن وغناء خوجلي عثمان

ما بنختلف ... درسني بس قانون هواك
بحفظ حروفو ... حرف ..حرف
أول بشيل الضمة ديك
وأبرز سكون حرف الوقف
واكسر عيوني أمام عينيك
واحفظ ملامحك بالوصف
أنا ببقى زي قيس زي جميل
أبكي واجن أشكي وأعف
ونرجع الريد الزمان
القالوا عند الناس خرف
شفاف وشوفتك شفا
وزعلك يشفق وبعترف
في سري في الغيب من سنين
ما قايل الغيب بنكشف
سامحني مرة إذا نسيت
ما تبقى صارف ومنصرف
لو حتى حق الريدة هان
انا لي عليك حق الولف
أنا عندي ليك سر من زمان
داير أقواو ومنكسف
كل ما أقول قربت ليك
ألقاني بادي من الألف

محمدحمزة
02-20-2009, 09:26 PM
ست اللهيج السكري

غناء كمال ترباس

ست اللهيج السكري
إنتي الجمال بتسكري
وجوه القلوب بتعسكري
صاحب الصبابة توكري
وليك بي رحالو تكركري
طاش نومي ياناس بنكري
ونام الحسود بالدكري
ببراءة تصطادي البريء
وترديه وإن سألوك بري
هيابة تهري الجوف هري
وفي قلوبنا إسمك تمهري
أمشي الهوينا اتمهلي
وهزي القوام السمهري
خلي العزول اتجاهلي
وهاك قلبي ليك تستاهلي
يا الرايقة حامد وتشكري
وفي الجبرة ما بتتشكري
كدا مرة أرسي وفكري
وإخلاصنا ليك ما تنكري
يالفقتي كل تصوري
وكيف حالي ما بتتصوري
المتلي لو كان بنطري
ما بس سطر بتسطري

محمدحمزة
02-20-2009, 09:27 PM
القليب الراسمو حنه
غناء عبد العظيم حركة



القليب الراسمو حنه
يبدو من قلبك احن
بيه داير تمتحن
ونحن في أمر محن
شايفو بي إحساس رسمتو
وبي سهام الريد قسمتو
الوله باين في صمتو
وكل زول ياخد قسمتو
دي المحبة بديت تعيدة
ولا قصة ريد جديدة
طاري أيامنا السعيدة
ولا جيت النار تقيدة
نحن ختيناك في جوفنا
مالو لو ختيت حروفنا
وبي حنانك شلت خوفنا
كان نقول قلبك ولوفنا

محمد ديكور
02-23-2009, 03:24 PM
سلامى ، وتحياتى ، واحترامى كاملا شاملا

ياسلاااااااااااااااام على الكلام ،وياسلام على الذوق الرفيع يا (كلكم) .

غايتو انا جيت ومن حظى لقيت اخونا محمد حمزه منزل كميه من الغنا ، ويامحمد الكلام على ( الكيف) وليس الكم .

ابدا معكم برائعة الاستاذ | خضر بشير (رحمه الله) : (الاوصفوك)

الاوصفوك بالبدر او بالزهر هم ما اوصفوك
كيف يجهلوك ؟
لو بادلوك عين الحقيقه وبالبصيره تاملوك
بالنور او بالنار او بقدر ماصاغ الخيال ماعادلوك
كوكب منزه فى علوك

((((((()))))))

سحرك غريب ..
شخصك بعيد ...
لوكان قريب !!
انواره آخذه بدون سلوك
يبرق ثناك فى غيهب الليل الحلوك
اظرف شمائل زاملوك
هم اكملوك
ادبك هبه .. وفيك موهبه
وحسن الظبا .. وطبع الملوك

لكم الود

شاذلي
03-16-2009, 11:57 PM
السرة بت عوض الكريم
محمد الحسن سالم حميد

جات داخلة ذي مرقة غضب من جوف حليم في زمن صعب
رمت السلام ذي شنطة من كتف المسافر بي تعب
زي ردخة رب .. الله يارب
قعدت علي طرف العنيقريب المحازي الواطة
ضايرت تراب ، كسر العويش الفوقو ..
شالت باصبعا وشختت شخيت
الله يا رب
عايننا فيها نكوس سبب للكفرنة وفورة الزهج
من دروة البال الوهيط
ما عودتنا تدس عوج .. تكتم فرح زي حالة الزول البسيط
صنقعتلنا في قعدتنا راجعت الوشوش
دنقرنا عن رفعة وشيها المتعب الجاد الرحيم
الطيب السمح المعافي ..
رهاب رهاب ينشاف وسيم
انوهطت فوق العنيقريب القديم
من تاني ضايرة التراب ..كسر العويش الفوقو ..
شالت وشختت شخيت
وقالت : تصدقو آ ولادي بقيت
ابيت الليل افكر في التميرات
القدر فوق راس ما خمت صبيط
غلبا الجرورة الفوق ضهرنا تنزلا
تطلق وشينا مع الجماعة
شن دهانا دي كم سنين والحال وقف قط
وحلف ما فيهو لو نقاط بسيط
كان بوشنا في حش التمور ..
الليلي دشنا مع اللقيط
أي لا حكت دى ولا بقت ..
ما كنا قايلين في حياتنا يجينا أقسي من المضي
ساعة مروق الإنجليز قلنا الظلم فات وانقضي
تاريهو كمتر .. وقام دقون ..
حلفا وعشر .. معيوقة نال
دمسيس .. ضريسا .. وشوك جمال
الله يا كربك كرب
عاولي التمور .. الواطة بور .. الناس حطب
بابور شهور غلبان يدور ..
ما فيش مطور .. ويجيك بعد ده علم طلب
الله يارب العالمين
الما جحدنا نعمتو في الشوف والسمع
راحة الولادة ولا قلوبنا قسن ولاغيــرنا دين
في الجابو ما قصر حمد ..
في الشالو ما قلنالو وين ما شيبو وين
عدلت نعال مقلوبة في الجبهة اليمين حدرت شمال
زمنا مو دا الحيكومة كانت بت حلال
بي حالاً .. بي حرب الجنوب
بي قلة المال في الجيوب
كانت رخية العيشي .. إلا تري العوين الكبرو ..
كبرو مليسين
علمن يطير .. إن كان هو ما فدر عوج
ما فدنا شئ ومحق القبيل لمينا هين .. في هين .. في .. هين
يا حليل رجالاً سكتُن غدرا غشاهن غشاهن بالقفا ..
ولي الليلة سيفن في الجراب يهرج سنين
دا زمن قواسى .. زمن ضلالة .. اونطجية ..
زمن حقارة .. زمن مهين
لا قين هواكن ضروا .. ضر .. يا عسكرياً ما انتعظ ..
كتل الرقاب بيودي وين
ضر .. يا جلاليباً رهاف .. ذمماً خفاف ..
ضر يا ضرر .. ضر .. يا دقين
منصلبطين عرق النبي .. وبالنار بتلعبوا يا عوين
لي الحول قريب .. درب السلامة ..
تخوجوا بي درب الحرب
غتي قلب واللا الحرب .. بقرة حلب .. والأرض حين
ما كان عمل ما كان دا دين
يا أرزقية تخمجوا دم .. والدم مو موية .. ومانا طين
منصلطين في الناس دحين ..
لا من يجي اليوم الفصل والحق يبين
وين تمشوا وين تنسلوا وين
كان طال وكان قصر الزمان .. الحين بحين
كب يا رجالاً .. سكتن غدرا غشاهن ……
وإنأوهت .. وحسيت بأعماق الشوارع
والتواريخ المجيدة إنأوهت وأدتني عين
صنت شويتين .. كوركت ..
هيي يا بنية وكتنا راح يا بت شمسنا
إدهدهت
شوفيلي شافع ود فطين جاء من الطحين
الله فترنا من الطحين
وكان الوقت زالف عصر ..
عين الشمس مشغولة بي دوشة سحاب
عرق المراكبية البعاد راحل مع ريحة التساب
ما تدري ما رقي من البيوت الحلة ..
واللا من التراب
الناس تقول مدقوقة طالعة علي الحقاب
مفلوقة بي حجر الصعاب المرة ..
نازلة علي البحر مشروقة بي موية السراب
الفره .. مشنوقة عقاب .. بالمره من كتر العذاب
الحرة في طايوقه داب
يا المرة كيف بقت الرقاب مسيوقة بي قيد السلاب
منشرة من نشر الحجاب في عروقا .. إشتد الخراب
من بعد ما انبلج الفرج من ضيقا ..
خدعوها بي حيلة كتاب
رفعوه فوق سن الحراب
ودهت الهزائم خلقتا
فالناس بدل عن نقتا التلقي فكة ريقتا
وبدل القصور الفي الخيال .. التبقي ماهلة كريقتا
وما جاتا راحة طلقتا .. إلا التعمر طلقتا
بي بندقيتاً حقتا .. بي ها الشوارع وبقتا
تنسدا منك دقتا .. ودم فلقتا .. ومر شرقتا .. ونار شنقتا
يا دقن دينك سرقتا
قطعت وضوها انشرقت .. مسحت وشيها إنشهقت
قالت نست ما تاكت العوضة التحت .. عن مرقتا
دارت تقوم .. مسك العنقريب الحنين طرقتا
رجفت بشيش عن نتقتا
رجفت بشيش من الغضب واللا التعب .. فتر السنين
واللا الكبر دا الما قدر يمسح سماحة خلقتا
زي نيتا البيضة الشعر ..
وزي موج بحر كان الجبين
مديت يميني أساعدا..
ردت يسارا تباعدا
وقالت لي : أبوي وفر ضراعك للبلد
وادخر مروتك آ ولد لي يوم بحين
احفض كرامتك تحفضك ..
الموت ولا العيش المهين
الموت نفاد الما نفد .. الموت حياة الميتين
اختاها جنة مع الفقر .. وادخل جحيم المتعبين
وإن ما قدرت علي دا أبوي .. رب لك دقين
وصنت .. ربيلك دقين
وضحكت .. حمدنالله الحنون ..
جيدا خلقنا بلا دقون
وضحكنا زين
ساقت حديثا .. علي الخراب الشوفتو ما داير
إلا عين عقب متاقانا الرياح
رفعت قران شوك الصنط ..
ساسوية جاية من المراح
يا خيري ودي المستراح
والشوكة تحت الدوكة .. يا داك الركين
الشوك بمرق الشوك .. شوكاً فينا شين
مراقو رب العزة .. شعباً ما بلين
الجاي حيكومتنا .. لكن الزمن دبوية ..
داير النهمة .. وينكم يا الخزين
ما قل حاشي صبرنا .. لكن لا متين
دعكت عيونا وصنقعت ..
كان الغيوم انجمعت تقلت علي الريح النصيح
كان المطور شو ترعت ..
زي باكي فوق دم الحسين
لكن ده وين .. والتاني وين
وإتلوعت .. معقول في ناساً ما وعت
لي الليلي بالم .. بين وبين
كيف وإنتو نوحنا من الدعت ..
موجنا من حجر الدقون
الكاكي يلدغ مرتين
والثالثة قرصة أبو الحصين
حسيت بأنها دمعت .. وشهقت عيونا الدمعتين
حسيت بأني متل حجر .. جدعوهو في نص البحر ..
قام البحر بني فوقو طين
حسيت بأعماق الشوارع .. التواريخ البعيد إنأوهت ..
وأدتني عين
الجاي حيكزمتنا .. كيف ومتين .. ووين؟
ومرقت مثل دخلة غضب ..
صدر المسامح والحليم
في |أيام عجاف
دي السرة بت عوض الكريم
مره ما بتلاوز .. لا بتخاف .. زي الضفاف
الما بتهاب ضنب التماسيح والكلاب ..
قومة البحر واللا الجفاف
مره من قديم .. مره بت قبائل .. قالوا لا لا ..
وإختاروا في الحق الجحيم
من رفقة الغسل الخلا .. وكانت نعم تدي النعيم
مره من صميم ضهر الغلابة الما بتنكس راسا ..
غير ساعة الصلاة
أو ترمي تيراب في التراب .. أو تستشف وجه السديم
السرة بت عوض الكريم
ما فيها من عادة حريم ..

شاذلي
03-17-2009, 12:01 AM
ساحراني عيونك يا نيل(يا نسمة)
*****
محمد الحسن سالم (حميد)


يا نسمة نشدتك بالله
كان ماشي علي نوري
تزوري
حبّاني وأهلي وخلايي
………..
أغريله سلامي
وقوليله
المطرة إن صبّت
يا الجايي
العرق الناقع
دا الليله
وأولابو كشينبة وإنقايي
…. …. ….
قندول الشوق حد ما لبّن
دندح حبّايي وحبّايي
الطير ورياحاً قد هبَّن
ينفزعوا ويرموا الحاحايي
إندلِّي على الجرف الليلنا
وجيبيلي معاك
كركجايي
ما هو الكركجي
خلق نيلنا
وساحرني صفاهو الشبّايي
…. …. ….
شادهاني مراكب
من بحري
وروّاسي يحنِّس سلكايي
قولة يا ليل …
ونزل صدري
وزِّين وانفدعت لوبايي
جاهراني رمالاً كم ربّت
من قيفه وعبّت مخلايي
بالليل إن غبّت
زين ربّت ..
ووين زيّها
-تشرق- مصلايي
ساحراني عيونك يا نيل
أومت بنبونة
لطرفايي
الموج بشِّير ومواويل
محظوظة عروسك
واللا آيي ..!!
…. …. ….
بارقاني بروقكن
يا ناساً
سوّايي
وغيمةً رتايي
بيّوضة تخدِّر
وأعراساً
تنقر من تايي
ولي تايي
…. …. ….
يا نسمة نشدتك بالله
صنِّيلي مع ربة دارة
وطنبارى تخوجل غنّايي
محبوبةً سارحي معا طارة
حبّوبةً سمحي وحجّايي
وصبحاني الجمعة
علي شفّع
قمراته التقرابه قرايي
حفيان الله بينجيهو
من دعتي
وشوكي
وحرّايي
…. …. ….
يا نسمة
الدرب الوسطاني
حفتييَّا …
الرايح والجايي
آذان زاويتنا
وحلتنا
في تالتي تمعوِن
في سمايي
كُشنة حَلتنا ،،
حمو الدوكي
زرزور الجنِّي
وكسرايي
…. …. ….
رجعة بنوتنا مع الغيبة
حبحيبه
وود الحلفايي
متكية بتكرُت في حيبي
من ساقه
وتخرت دمّايي
ريق اليتمطق في صورة
وقام رقرق …
في آخر آيي
مارتلو
الفي ورشة مكفرن
في الكرو ..
والدوشة الفي إندايي
بين بطن البلد البطراني ..
مطراني ..
مرطبي ..
سفّايي
محروسة أنفاسا
من أبنوسه
وعقبان لي آخر خلفايي
…. …. ….
كم قهوة شوفتك راماني
وحاماني عوارض لوّايي
وقندول الشوق عد مالبّن
دندح حبَّايي وحبّايي
الطير ورياحاً قد هبّن
ينفزعوا ويرموا الحاحايي
…. …. ….
لكين وأنا حيّاً ينتبّن
يا نسمة..
إن صبّت يا الجايي
…. …. ….
كجنت اللنجي
الأفرنجي
بايركس
تصاوير
وهوايي ؟!؟
داير أهلي
وسهلي
وشيت جهلي
يا رحمة خلقة الله كِفايي
…. …. ….
الخلا بأبيارو
وبأزيارو
غدرانو التترارَى مرايي
شوك غابو
الحاني على أطيارو
قش الله .. الوين زيّو ملايي
وفوق عزِّي مكرّم ..
ما دِلاَّ …
وأنا حر في بلدي وفي رأيي ..
…. …. …. ….
الحاري قليلتو ..
ولا الساكت ..
متعشِّم في الترف الجايي
الحاري عقابو ..
ولا الساكت
متعشِّم في الترب الجايي
الحاري حقيقيتو ..
ولا الساكت
متعشم في الوهم الجايي

شاذلي
03-17-2009, 12:06 AM
وماننس الشاعر هاشم صديق فى قصيدتو البتقول

زول بحبك وماكا خابروا !

زول بحبك
وماكا خابرو.
ياما لاقيتو وبسالمك
وداسِّي منك
حال دواخلو.
جُوّه فيها
الموج يدافر
وانت يا محبوبو
فاكر
انو رايق
وقلبو شاغر.
أصلو زول
بِتْدَّس ملامحو.
يَا ما لاقيتو
وبصافحك
موت بجيك
وما كا عارفو.
زول بحبك
وما كا شايف
يا ما سالَم
وصوتو غالَب
رجفه
فس همس الشفايف.
مره شَدّ
على ايديكا
وقلبو جنّح
ورقّ ليكا
ركّ
في شُفة عينيكا
وقرّب يشرح
جنو بيكا.
إلا حلّق
في المخاوف
أصلو جرّب
وحلمو نازف
موت بريدك
وما كا عارف.
زول بحبك
وفيهو ساكن
يا ما دسّاكْ
في ملامحو
وفيها ليكْ
سوَّر مساكن.
كم لقاك
حياك وصبَّح.
وفي ابتسامتك
قرَّب يسرح
كان مناهو
يقيف ويشْرح
إلا خاف
من "بس" و"لكن"
وينكسر خاتر
مشاعرو
ويبقى صبح الدنيا
داكن.
أصلو زول
ممكون وصابر
جوه فيهو
الموج يدافر
وبره
في قسمات وجيهو
تلقى
موج البحرِ ساكن.
زول بحبك
وما كا خابرو.
يا ما لا قاكا
وبسالمك
وداسِّي منك
حال دواخلو.

شاذلي
03-17-2009, 12:08 AM
وهاكم دى كمان


شَجَن الزمن / هاشم صديق

كل ورده...وكل قمحه

كل ساعه وكل لمحه

كل تايه وكل سمحه

كل شى..راجع لخالقُه

والزمن لو فات بخطوه

ما بْتعود ترجع دقايقه.



ونحنا قاسينا وشقينا

وآخر الرحلة الحزينه

غِبنا فى الحسره وبكينا

وقلنا دنيا ..وحى علينا

نِحنا فيك ضِعنا انتهينا

راح زَمَنَّا

وغاب أملنا

ولو بتقدر- وما حتقدر-



أبكى يا شارع المدينه.



يا زمننَا الختّ رَحلهُ

فى صحارى المستحيل

بالغموض لفّح ألَمنا

وضارى من عينَّا السبيل

وين مُثُلنا

ووين قيمنا

ووين صِحاف ناسنا القبيل

ومالو حالك يا زمننَا

ديمه تِتجبَّر تشيل



يا سنين عمر المثالى

الماها زى كل السنين

فيكِ

نجم الإلفة غرّب

وضاع معاك سِر اليقين

حتى أحلام الصداقة

الكانت العِز للجبين

مات ضياها

وراح شذاها

ورنّح اغصانها الحنين

لى مُثُلنا

ولى قِيَمنا

ولى صفا الماضى الأمين

ويا هو حالك يا زمَننا

ديمة تِتجَبّر تشيل

الوهم فيك انه نحيا

واليقين هو المستحيل

وكل ساطع...وكل ضايع

كل شى..

راع لخالقُه

والزمن لو فات بخطوه

ما بتعود ترجع دقايقُه

1972م

الدمهشري
11-08-2009, 05:28 PM
إسماعيل حسن
ذات الشامة



وحياة الأحلام القلبي سقاها
وحياة أجمل بسمة عرف معناها
وحياة سمرة لونا وحاة محياها
وحياتك
وحياتي عندك
وحياة حبي
النال صدك
وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها
وحياتك
وحياتي عندك
وحياة حبي
النال صدك
وحياة الأيام الجايرة وظالمة
وحياة حبي الكاتمو براك العالمة
أملي وكل منايا هناك يا حالمة
وحياتك
وحياتي عندك
وحياة حبي
النال صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة
وحياتك
وحياتي عندك
وحياة حبي
النال صدك
وحياة صمتك انتي وحاة الشامة
الشامة الفوق خدك نايمة دليل وعلامة
تزيد حسنك بهجة تزيدو وسامة
وحياة أجمل ريد في الكون يا حمامة
وحياتك
وحياتي عندك
وحياة حبي
النال صدك

الدمهشري
11-08-2009, 05:31 PM
الطير المهاجر/صلاح أحمد إبراهيم


غريب ..
وحيد في غربتو
حيران ..
يكفكف دمعتو
حزنان..
يغالب لوعتو
ويتمنى
بس لي أوبتو
طال بيه الحنين
فاض بيه الشجن
واقف يردد ..
من زمن

بالله ياالطير المهاجر للوطن
زمن الخريف
تطير باسراع
ماتضيع زمن
أوعك تقيف
وتواصل
الليلة
للصباح
تحت المطر
وسط الرياح
وكان تعب منك جناح
في السرعة زيد
في بلادنا ترتاح
ضل الدليب أريح سكن

فوت بلاد وسيب بلاد
وإن جيت بلاد
وتلقى فيها النيل
بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام
على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع الف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها
وفاي ليها
وحبي الأكيد



وان جيت بلاد تلقى فيها النيل بلمع فى الظلام


زى سيف مجوهر بالنجوم من غير نظام
تنزل هناك وتحى يا طير باحترام
تقول سلام وتعيد سلام
على نيل بلادنا سلام
وشباب بلادنا
ونخيل بلادنا

ولد هندسة
11-12-2009, 04:45 PM
يا جماعة البوست دا كان وين من زمان
انا بالجد عجبني شديييييييييد

الدمهشري
11-13-2009, 01:22 AM
دائما البكوس الاعماق يطلع بي الدرر دا بوست روعه والواحد يكملو بلا ملل
تسلم ودهندسة يا جميل

ولد هندسة
11-14-2009, 01:06 PM
براءة

محمد الحسن حسن سالم (حميد)

براءة السبحة والمصلاية والإبريق
ضرا القبلتان .. الصنة والقرآن
صحائفنا السماوية .. مواريثنا .. جوامعنا .. وكنائسنا
فقر شيخنا .. ونقود السيد المطران
براءة الكدح الصالحين .. من الفقرا الصح الزينين
جميع النفس ما عابت .. ولا خابت .. بإسم الدين
ولا إتغابت عن الجيران .. ولا خانت بيوت الطين
على الرسل الكرام الحب .. على الواقعين وراهن رب
عليهن حب من الرحمن
على سدرةً ضريحا يكب
سحاب الرحمة والغفران
آهة جديرة بالتمجيد .. وبي نعمة جنان رضوان
ولكن يابا يا سودان .. نحرقو حريق .. عدو الإنسان
في أي مكان .. في أي زمان
في أي قناع تستر جا
بأي طريق .. وتوب فستان
تحت يات صورة ما فرقت .. ولو كانت هي الأديان
شوارع بقتك مرقت .. عدو الإنسان .. عدو الرحمن
فلا ترحم ذمم حرقت تياب الواحد الديان
وللإنسان أخد تارك من السود وشي دارك .. شوا الأوطان
فمن شارك .. ومن بارك .. هما سيان
هنا الشرعية كيلتنا .. عدوك ما خرب الميزان
عرفناك للدموم حقان .. ولكن دمنا الترع .. يروح ساكت .. يروح مجان؟
ده ما ممكن ولا بيكون ولا إنكان
إذا سألونا عن كرري .. جسارة الماظ .. بسالات أربعة وعشرين
عن القرشي وصحابو العزل الطيبين
عن الدرديري والأنصار
عن أم درمان شمال وجنوب
رفاقة هاشم الحبوب
شفيع الأمة .. عن جوزيف .. عن المحجوب
دماء ماريل .. مشاعر جملة الشهداء .. المشو الجايين مدى الأزمان
إذا نشدونا عن من نفذوا التاريخ بريح الدم
عن القيلي .. وعن عثمان
عن الكدرو .. عن الكرار .. رفاقتو الجم
عن الفضل السوادو كتم
سواعدو ( ) صنم
( ) يا تم
عذاب السم
عمن صان كتالو على ( ) وقالا بغم
بإطمئنان نقبل وين من أنفسنا ونقع شقيش من الأوطان
وشن حا نقول لأطفالنا .. ونساءنا وجملة الحبان
يا مارق الدم من الموية .. يا فارق اليافطة من دلقان
أخد تارك .. تعلم من قساوة الدنيا وإنضامن من الغربان
هنا الشرعية كيلتنا .. عدوك ما خرب الميزان
عدوك يا سيدي يا سودان
جميع الحملوهو أمانة .. قام خرم الأمانة وخان
فسخنا .. شيحك في الشمس .. نام إتباهى بالعمران
نفوساً شان تشوف الدم يقطر من حشا الشريان
تنتف بالسنون عصفور .. تشق العامرة بين إخوان
وإيداً تنفحك بالقمحة .. شان ما تنقح الوديان
عدوك الأجرة ما كفت .. عدوك السخرة والسدان
جلداً مردغك في الجهل .. في المرض البطالة عشان
يقري جناهو .. يصح معناهو .. يخارج العندو .. ينقدل .. تباري مدان
يشغلك إنت بالفارغة .. ويطول تريان
وياخد من ثراك الخير .. حصادك سوس من التمرة .. ومن الأقطان
نصيبك في الورق ما بتقرا .. بيقرأ الأرزقي التلفان
يا مقري البيقرأ عليك .. وحقك في القماش أكفان
يا حايم دواء ويكفيك .. وكلٌ من عليها فان
عدوك واضح وضوح البروة والنار الدم القيزان
عدوك وماهو خابي عليك .. عدوك فاشية الجرذان
وهنا الشرعية كيلتنا .. عدوك ما خرب الميزان
وزولك فتشو بتلقا .. ما بين السجن والسجان
ما بين الرفد والتجريد .. ما بين الهبة والعطيان
محنتب بي غضب وإيمان
بنصر الشارع الطالع .. وشعبو وديشو في الميدان
يصبح ظلمة الواقع .. يفتح للترى العميان
فيا فاشية الكيزان ..
هنا الشرعية كيلتنا .. وفي كيل أصدق من الميزان
هو الإنسان
مقدم بي هدى الماضي العظيم الشان
مجرتق بي وفاء الحاضر .. محصن بي ضرا الإنكان
مضرضر بي دم الشهداء ورضا الحبان
محمد بي صفاح باكر على زولة اسمها (السودان)

ولد هندسة
11-14-2009, 01:07 PM
من اول نظره
من اول نظره
رشقتنى عيونو
وجذبتنى فنونو
وبقيت مجنونو
@@@
فيك ياذو الامره
عاجبانى رشاقه
تقسيمه وضمره
فى لونك سمره
فى عيونك خمره
الليل والقمره
ضدين واجتمعو
وسمارك ينعو
فى قامتك رنعو
بالحب ابلانى
وكمان خلانى
اوريه فنونى
يورينى فنونو
@@@

ولد هندسة
11-14-2009, 01:08 PM
بدر السماء


انت بدر السماء فى صفاك
قولى من عيني ماخفاك
حبيبى متى وفاك
###
قلبى دون الناس اصطفاك
وروحى تسمو سماك انفاك
الممات والحياء بين شفاك
كيف نفور الظبا فى صفاك
###
قلبى واله بيك مانساك
عانا فيك العنا من اساك
قصدى زورت طيفك عساك
ياحبيب القسا سيب قساك
###
انت كعبة حب لليطوف
انت جنه ودانيات قطوف
انت كل الحيا واللطوف
الا قلبك قاسى ماعطوف
###
مالو بدر السماء ماشروق
من حماهو ومنعو المروق
خدو زهرى وبسمو البروق
غير اشوفك انا مابروق
###
ياحليل زمن الجهل
وين تلال الربا فى السهل
من شروقنا بنشرب نهل
يازمن هل من عوده هل
###

اركمانيه
11-17-2009, 05:54 PM
اشتقت ليك
اشتقت ليك ساعة المساء فرد الجناح
لملم مصابيح النهار
والكون شرب لون الجراح
والعتمة نامت في الدروب
والليل لبس أجمل وشاح
في اللحظة ديك.....
اشتقت ليك واحتجت ليك
في الحظة ديك ...
والناس بتسئل عن بلاد
اصلو ما معروفه وين
يا قلبي لي زول بئن
حاضن الاسىء
عبر السنين.
في اللحظة ديك
أشتقت ليك.....
اشتقت ليك شوق السحابة الراحلة
في جوف الشتاء عطشانه
تحلم بالخريف
بقيت ضعيف
في اللحظة ديك.....
مديت معابر شوقي ليك
وحنين حنيني الطاغي ليك
كايس مجيك
وداير يجيك
في اللحظة ديك.....
اشتقت ليك وأحتجت ليك.

اركمانيه
11-17-2009, 06:32 PM
وا أسفاي
وحاتكم أنتو وا أسفاي
ارادة المولى
رادتني وبقيت غناي
أسوي شنو مع المكتوب
أسوي شنو؟؟
براهو الواهب العطاي
منو....
منوالبدور يساهر الليل
ويسافر
فوق جناح الشوق
يكوس نجماً بعيد ضواي
منو.....
اذا وصفولو أرض الحور
تلاقي قوافلو طول الليل
تشق التيه
تجر النم
مع الحردلو في الدوباي
وا أسفاي.....
ببيع كل الدنيا
وا أسفاي.....
عشان خاطر عيون حلوين
وا أسفاي.....
منابع الطيبة متجاورين
وا أسفاي....
ومتسامحين في السمحين
واسافو فوق صبي العين
معاك سلامة
يا دنياي
بتمدد وبتوسد
وسادة شوق
وبنوم مرتاح وخالي البال
واقالب تاني عهد صباي
عشان ما تبكي
ببكي أنا
واحاكي الطرفة
في نص الخريف بكاي
حمولي تهد جبال الشيل
وفايت في العتام الليل
متوكل عليك يا الله
دافر الليل
بريق النسمة ان لاح لي
بتتفتح مشاتل الريد
وأحسك جوا....الجوا...
زغرد فيها صوت الناي
وا أسفاي.....
وحاتكم أنتو وا أسفاي
أسفاي
اذا ما شفت ناس سمحين
يتاتو
تلاقي قليبي يرمح جاي
لما يتاتو
زي قدلة جنا الوزين
يتاتو
حليل الكان بهدي الغير
صبر محتار يكوس هداي
من ناس ديلا
من زي ديلا
وا أسفاي
ارادة المولي رادتني
وبقيت غناي.

اركمانيه
11-18-2009, 10:25 PM
بلادي
بلادي أنا
بلاد ناساً في اول شيء
مواريثهم كتاب الله
وخيل مشدود
وسيف مسنون حداه درع
كتاتتيم تسرج الليل مع الحيران
وشيخاَ في الخلاوي ورع
وكم نخلات تهبهب فوق جروف الساق
وبقرة حلوبة تتضرع وليها ضرع
وساقية تصحي الليل مع الفجراوي
يبكي الليل ويدلف في جداولو دمع
يخدر في بلادي سلام....
خدرة شاربي موية النيل
تزرد في البوادي زرع
بلادي انا
بتشيل الناس كل الناس
وساع بخيرها لينا يسع
وتدفق مياه النيل على الوديان
بياض الفضة في وهج الهجير بتشع

بلادي سهول ((بلادي حقول))
بلادي الجنة للشافوها
او للبره بيها سمع

بلادي انا
بلاد ناساَ تكرم الضيف
وحتى الطير يجيها جيعان
من أطراف نقيها شبع
بلادي أنا
بلادي الصفقة الطنبور
وبنوتاَ تحاكي الخيل
يشابن زي جدي الريل
وشبالن مكنن في طريفو ودع

بلادي أمان.....بلادي حنان
وناسها حنان
يكفكفوا دمعة المفجوع
يبدوا الغيرعلى ذاتهم
يقسموا اللقمة بيناتهم
ويدوا الزاد
حتى ان كان مصيرهم جوع
يحبوا الدار
يموتوا عشان حقوق الجار
ويخوضوا النارعشان فد دمعة
وكيف الحال كان شافوها
سايل دموع....؟؟؟
ديل اهلي....
البقيف في الداره
وسط الداره
واتنبر وأقول للدنيا ديل اهلي
عرب ممزوجة بي دم
الزنوج الحارة
ديل اهلي
ديل قبيلتي
لما ادور افصل للبدور
فصلي....
اسياد قلبي والاحساس
وسافر في بحار شوقم زمان عقلي
أقول بعضي.....
الاقيهم تسربوا في مسارب
الروح بقوا كلي
محل قبلت
القاهم معايا
معايا زي ضلي
لو ما جيت من زي ديل
كان ....اسفاي
وا مأساتي
وا ذلي.....
تصور كيف يكون الحال
لو ما كنت سوداني
واهل الحارة ما اهلي ؟
تصور كيف...؟؟؟!!!....

اركمانيه
11-23-2009, 06:30 PM
سيف الدسوقي
غناء البلابل
أوجاع الغربة
((موجة))

مافي أنسان يحكي ليكم
عن دموع الناس
وحبات العرق.....
يروي غربة زول موالف
عمرو لا راح لا مرق...
أصبح الشوق في حروفه
نار علي صفحة الورق....

مافي يا ناس قلب يسأل
عن غريق شبعان غرق....

شفتو: لماالليل يروح
والفجر يفرد جناحه
والعيون الساهره تغمد
والقلب تهدأ جراحه
نحن يا دوب يومنا يبدأ...
ما ضروري يطل صباحه
أتحرمنا من الحبايب
وعشنا في الغربة البعيدة....
كل موجة حزن تمضي
بكره موجه تهل جديدة
لاخطاب يحمل محبة
ولاوصية بت نريدها
لاأمل ينعش قلوبنا
ولاخيالتنا السعيدة.....

اركمانيه
11-23-2009, 07:09 PM
ابو عركي
يا قلب

يا قلب أنا كنت قايلك
تبت من تعب السفر...
من مخاواة القماري
من شراب موية المطر

تاريك كامن ليا.......
بشيتا كتر.....
تاريك لابد ليا....
بشيتا كتر.....

ما زمان انا وانت
لفينا المواني
بالقطارات والمطارات والسفن
ودقينا اجراس الجديد
وعدنا ترتيب المعاني

الليلة راجع لي تبقبق
بتنتل الاهة وترقرق
زي تقول يا داب
عرفت الاندهاش

يا قلب مالك عليا
ما انت عارف نقطة
الضعف القديمة
وزيي ضايق الارتعاش

يا قلب ياما سرحنا...
مرة جينا والف رحنا....

مرة شاي عصرية في
طرف الغمامة
ومرة دوبيت المحنة
ومرة منديل مسقي حنة
ومرة حاجاتا أجن
وانحناءات للحمامة

جاي تسألني الدبارة......
يا قلب مافيش دبارة....

لاالمواكب قادرة تكسح في النزيف
ولا نحن شايفين الفنارة؟؟؟؟؟
؟؟؟؟

اركمانيه
11-23-2009, 07:35 PM
أبو عركي
بخاف

أنا بخاف
بخاف أسأل عليك الناس
وسر الريده بينا يزيع
بخاف
بخاف أكثر كمان يا غالي
من أيدي انت تضيع
وأعيش بعدك حياتي
جفاف...
أه مواسم ريده بينا
مافي ربيع
بخاف
بخاف يا انت لو جيتك
الملم في خطاوي الشوق
وأزور بيتك
بقولو علي حبيتك
بخاف
لوبرضي غبت عليك
تقول ناسيك وجافيتك
بهم لو صدفة لاقيتك
درب حلتنا جابك يوم
تشيل يا روحي ترمي
اللوم علي
وتزيد همومي هموم
تقول جافيك وأنا نسيتك؟؟؟؟
أه أه
أريت تعرف
يا ريت تعرف
حنيني أليك يا ريتك
كمان تعرف
لحد وين بعزك
وفي أعماقي حسيتك
يا ريت تعرف
ياريت انت تعرف
يا ريت تعرف؟؟؟
وبس خايف
اذا جيتك
حكاية الريده تمشي
تزيع
ومن ايدي انت تضيع
وأعيش بعدك
أه اه
حياتي جفاف
مواسم ريده
مافي ربيع
أه أه
لو تعرف؟؟؟
وانا بخاف...

صفاء عمر
11-23-2009, 08:17 PM
عجباّ!ّ! يقول الناس إنك هاجرى
وأنا الذى ذوّبت فيك مشاعرى
سبّحت باسمك والنجوم سوامرى
حتى بكى قلبى .. بدمع محاجرى

****

قل لى بربك ، كيف تنسى الموعدا؟
واليل أحلام ... وشوق غرّدا
والجدول الهيمان ..حولنا عربدا
كانت ذراعاك ... لرأسى مرقدا
عجبا أتنساها ؟ وتنسى المشهدا؟

****

أنسيت أنك فى شعورى وفى دمى؟
مهما بعدت ... وزاد منك تألمى
سأعيش بعدك ... راهبا فى مأتم
وتعيش أبدا .. ذكرياتك فى فمى
ما دام حبّك ياحياتى ملهمى


عملت اقتباس قبل ما اتم باقي البوست

تسلمو جميعا على الاشعار الرائعة

هذه الابيات الرائعة لمنو؟؟؟

الدمهشري
11-27-2009, 07:08 PM
اظنها دي قصيدة صبابة ..للشاعر الحسين الحسن
ودي برضو حقتو:
حبيبة قلبي تفشى الخبر

حبيبة قلبي تفشى الخبر وذاع وعم القرى والحضر
وكنت أقمت عليه الحصون وخبأته من فضول البشر
صنعت له من فؤادي المهاد ووسدته كبدي المنفطر
ومن نور عيني نسجت الدثار ووشجته بنفيس الدرر
ومن حوله كم شددت الضلوع فنام غريرا شديد الخفر
ولكن برغمي تفشى الخبر وذاع وعم القرى والحضر

حبيبة قلبي وهل كان ذنبي إذا كنت يوما نسيت الحذر
وفي ذات يوم شحيح النسيم كثير الغيوم طويل الضجر
ذكرت حديثك ذاك الخجول وصوتك ينساب منه الخفر
تقولين ماذا تقولين ويحي وهل كنت أفهم حرفا يمر
فصوتك كان يهدهد روحي ويحملني بجناح أغر
يحلق بي حيث لا أمنيات تخيب ولا كائنات تمر

وهومت حتى تبدي أمامي ظلام رهيب كثيف الستر
وقفت عليه أدق الجدار فما لان هونا ولم ينشطر
وعدت تذكرت أن هواك حرام علي قلبي المنكسر
وما كنت انوي اقول الكثير ولكن برغمي تفشي الخبر
وعم القصيدة ما كنت أخي وضمحها بشذاك العطر
حبيبة قلبي وهل كان ذنبي اذا كنت يوما نسيت الحذر
________________