المساعد الشخصي الرقمي

مشاهدة النسخة كاملة : قصيدة ود حبوبة التى قالتها شقيقته قبل اعدامه



ام روعه
01-29-2009, 02:06 PM
http://www.sudane4ever.com/vb/mwaextraedit2/frames/tl10.gif
بتريد اللطام اسد الكداد الزام
هزيت البلد من اليمن للشام
سيفك للفقر قلام
تيّم فى التقر انصارو منزربين
بالصفا واليقين حقيقة انصار دين
بالحرب ام طبائق قابلوا المسكين
فى وش المكن رقدوا التقول نايمين
تيّم فى التقرانصاروا زاربنوا
بعهدوا القبيل بعيسى تاهمنوا
اتلموا العمد ليهم نقر سنوا
الهوج والشرق طار المنام منوا
تيّم فى التقر قال العمير للسوم
القوى والضعيف من عينو طار النوم
الكفرة النجوس ما بختوا من اللوم
حجرت الدرب خليت جمالم تحوم
الاسد النتر وقال الدين منصور
لمولوا الاورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمامور
الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صقار
الاعلان صدر واتلمت المخلوق
بى عينى بشوف اب رسوة طامح فوق
كان جات بالمراد واليمين مطلوق
ما كان بنشنق ود اب كريق فى السوق
بتكلم بقول بوريك مين حسبوا
نايبو السنين منّو الرجال حسبو
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجا
http://www.sudane4ever.com/vb/mwaextraedit2/frames/br10.gif

ام روعه
01-29-2009, 07:53 PM
http://www.youtube.com/watch?v=4V9P6VP4ziw

ابو ذر حسن طه
01-31-2009, 04:17 PM
الاخت الكريمة ام روعة متعك الله بالصحة والعافية اينما كنتي
وانت تخطين حروف عن الرجل الذي شهههدت فضاءات الجزيرة
وما جاورها من اطيان
الجد ودحبوبه جبل الجزيرة الذي لا تراهو العين بقدر ما تتحسسة الدواخل
وهو ينام نومتة هانئا في منطقة ( مصطفي قرشي ) تظلله شجرة بعمرهو
وتاريخة الذي سطرهو مع ابنائه وهم يزودون عن الحمي
والحديث عنه لا تتسع له المنتديات ولكن سوف نعود لك مرة اخري لندلي بما ورثا الينا من هذا الرجل الوطن القامه
ومرة اخري اشكرك ودمتي

العرفابى
02-15-2009, 01:24 PM
أم روعة بحق أنت رائعة حفظك الله أعدت لنا تاريخا كم نحن مشتاقون له من أناس سجلوه وكتب بدمائهم الطاهرة رحم الله قائدنا وحبوبه المجاهد المسلم فارس السودان ورفاقة البرره وقد استمعنا لها فى ستينات القرن الماضى واواخر الخمسينات واليوم أعيدت لنا بثوب جديد إن كان غير ثوبنا ولكن فيه شىْ من أعماقنا فيه الطهر لكى الاحترام والتقدير . العرفابى اليرياض

العوض شمس الدين
03-18-2009, 10:13 AM
بـــــــــــسم الــــــلـــــــه الــــــرحــــــمـــن الــــــرحـــــيـــــم
شكرآ ليك الاخت ام روعة علي الاغنية الجميلة دي