المساعد الشخصي الرقمي

مشاهدة النسخة كاملة : محمد احمد عوض



الواثـق
02-10-2012, 10:00 AM
"القلم طاوعني تاني"

*****
القلم طاوعني تاني وقلت أرجع للكتابة.. أصلي مشتاق لي عيونك بلدي يا وطن الطلابة...

*****
انت ولدك كان بعانخي العلم الناس الحرابة.. انت تاريخنا المدون بدري من زمن الصحابة...

*****
أسألوا الخرطوم بتحكي لما قوردون احتمابا.. لما مهدي الله جاهو خلفو ناس شايلين حُرابة...

*****
كانوا لابسين المرقع وبالحراب سوها غابة.. شدة الموت ما بريدو التقول بينم قرابة...!

الواثـق
02-10-2012, 10:02 AM
أ
بوي يا يابا"


*****
أبوي يا يابا ما تقول ليهو لا...

وافق عليهو أنا راضية بيهو.. عليك الله ما تقول ليهو لا...

*****
من زمان بحبو وهو لي حبيب.. ما خان عهودو وجا قالّي خطيب...

قابلو بي حنية وبي صدر رحب.. قولّوا انشالله خير يبقى في النصيب...

عليك الله ما تقول ليهو لا...

*****
يابا أرع بتك وأفرح بي جديدها.. وريدن يابا سامي والدموع شهيدة...

ما تحرم قلوب قصتهم قصيدة.. وقصة حبهم ياخي في الغرام فريدة...

عليك الله ما تقول ليهو لا...
*****
يابا ما تشك فوقو وتدور الشورة.. بتك يابا بيهو سعادتها وسرورها...

ما تحرم فؤادها وما تجرح شعورها.. والخطاب لو بالغوا زادوا في مهورها..

الواثـق
02-10-2012, 10:07 AM
يا مراكبي"


*****
يا مراكبي عدينا.. على توتي ودينا.. سوق معاك في الرحلة شادينا...

*****
عدينا عدينا.. كان تهنا أهدينا .. النيل يروي صافينا.. والوادي وادينا...

*****
قوم قرب المركب.. خلي الشباب يركب.. محبوبنا كالكوكب.. نوّر دياجينا...

*****
عزلتنا مكتملة.. وننزل هناك جملة .. نتمشى في الرملة.. ونجلس في شاطينا...

*****
جلستنا تحت أشجار.. متفتحة أزهار.. صوت السواقي نهار.. نغماتو تشجينا...

*****
عدينا عدينا.. كان تهنا أهدينا .. النيل يروي صافينا.. والوادي وادينا...

الواثـق
02-10-2012, 10:10 AM
حسدوني في حبك"
*****
حسدوني في حبك عزالي من بدري.. لاموني غير خبر وجهلوني هل تدري...


*****
حسدوني في حبك وجهلو جليل قدري.. لكني ما بهتم ما دام رحب صدري...

يا جالب الأفراح.. زيد الوشوني جراح.. إن قالوا اسمك مين قول ليهم البدري...


*****
بُعدك نحل جسمي و قربك جبر كسري.. وشوفت ترد الروح وليمك يفك أسري...

يا من لقاه رباح.. أنا دمي ليك مباح.. بس قولي امتى تبين يا الحاذق العصري...


*****
مهما يطول بعدك ومهما يحل زجري.. شوفتك ترد الروح وليمك يفك أسري...

يا زهرة التفاح.. زاكي وعبيرك فاح.. زي نفحة الياسمين في طلعة الفجري...

*****

أملي وحياة روحي في خدك الزهري.. وبيك السعادة تتم وبيك يبتسم دهري...

يا من لقاه رباح.. ظاهر بغير ايضاح.. صحي انت نور العين ما أحلى فيك سهري

الواثـق
02-10-2012, 10:13 AM
مفارق كيف

مفــارق كيـــف تخليـــنــا لشوقنا و ذكــري ماضينا

و كيف بعدك يكون الحـال و كيــف تصبـــح لياليـنــا

فريقنا الكان مفرهد بـيك و عــاش روعـــة تلاقينــا

صبح حزنان و ما مصـدق في يــوم ترحــل تخلينــا

و ين بعدك نلاقي حنــان طيـبــة و رقــة يـا زينـــة

مشيت خليتنــا للايـــام منـو الغيــرك بواسيـنــا

و حاتك نحن ما بننسـاك و لا بعــــــدك بنسيـنــــا

و مهمــا طالـت الايـــــام مصيرو الحي يعود لينـــا

بنحسب بعدك اللحظات و ليل الشوق يطول بينا

و ما بنتهنى يوم بعـــدك و لا الايـــــام تصافيـنـــــا

تصور حالنا كيــف بعــدك و كيـف فاضــت ماقينـــا

رحلت و شلت كل الكون منـو الغيــرك بواسيـنـــا

الواثـق
02-10-2012, 10:15 AM
عندي كلمة

عندي كلمة أحب أقولا عن مصيري وعن مصيرك
إيه كسبتي بعد فراقي بالألم اتعذب ضميرك
ما لقيتي بلاي سعادة وما قدرت أحن لغيرك

انتي لو ضحيتي زيي في سبيل مبدأ وفكرة
لو وقفتي تشدي أزري لما كانت عيشتي مرة
كنا نتخطى المصاعب ننتصر في العمر مرة
بس هجرتي تركتي قلبي بي جفاك بقيتو جمرة

ما صبرتي معاي شوية ما رضيت أتخلى عنك
كنت أقوى من الأعادي أقوى من شكك وظنك

احتفظت بي وعدي ليكي ما التزمتي بكلمة منو

دي النهاية بقت خصومة اشكي ظلمك واشكي همي

الواثـق
02-10-2012, 10:18 AM
لو فؤادك خبي حبك

لو فؤادك خبي حبك من عيونك بحتي بيه
لو دفنتي الشوق في قلبك بسمتك دلت عليه
انتي حبيك لي ظاهر ممهما ناتي داريتيه
شايفوا مكتوب في جبينك كل حواسك شاهده بيه
إلا إيه مانع لسانك قولت احبك فيها ايه
اصلوا قايله الحب حرام مالو لو جاهرتي بيه
مدام هواك شريف وطاهر وفي العفاف مثالو نادر
في الفؤاد ام بالمشاعر تخبي حبك لي ليه
كلمه واحده من عيونك راجي ليها بالسنين
هي املي البين ضلوعي وهي زاد قلبي الحنين
بوحي بيها يا حياتي امنياتي ليك تبين
بكره تبقي لي شريكه وابقي وافي وامين
جوه قلبي يكون مكانك وفني عمري اسير غرامك
كل غالي يهون عشانك كل يوم يزداد حنين

الواثـق
02-10-2012, 10:20 AM
مع السلامة

وما تنسي لي ترسلي
يسعدني إنك تذكريني
وعني دايماً تسألي..

إتذكري الريدة الكتبنا
حروفا بي أجمل وفا
وأطري الحنان المني ليك
ساعة جفا وساعة صفا
وإتذكري الريدة الزمان
بيناتنا أطري المعرفة ..

بوصيك انا
لو أنتبهتي في يوم لي ذاتك
وسألتي عن الما أنقضي
ولقيتي في جواي أوصافي وصفاتك
أنا لسة ما سكت النغم
في قلبي من فيض أغنياتك ..

علي أي حال إنشاء الله ما آخر وداع
عشم اللقاء بيك ما أنقضي لو مستطاع
أصلو الحياة بين الأمل والشوق صراع ..
لكني زورق حبي ليك يا غالية ما داير شراع
مع السلامة..

بحلم
05-04-2012, 07:51 PM
يا الواثق والله ياخى انت زوقك عالى شديد
والعوض دا رااااااااااااااائع
وتكون فى مزاج غير لما تسمع اغانيه
تسلم اناملك على الاغانى ومنتظرين المزيد