المساعد الشخصي الرقمي

مشاهدة النسخة كاملة : أخيييييراً لقيت المطبخ



صفاء
01-26-2012, 01:29 PM
الحمد لله اخيرا لقيت المطبخ وشكلو كد جابتني ليه جوووووووووعة شديييدة الا هو مالو نااااااااشف كدا اريتو مطبخ العدو ...
يلا ياللكنداكة حبيبتي انت امسكي الكورنة ديييك وجيبي بنبرك ودوكتك وصاجك كتري لينا من الكسرة دي،خالتو تينة البنات ديل مشن وين ناس سودانية وزهرة وسرورة علميهن لينا حاجات حلوة السحلب دا طلع رهيب شديد، سودانية بطلي النوم دا وتعالي جهزي الصحون الليلت الملمين والكور ونادي علي اخوك ود كوستي دا الحق عمو مطاميرو شكلو تره في الخدار والونسة مع ودتهامي دايرين نلحق اللحمة دي ...
ياخواني شكلو كدا جد جد الجوعة مجهجهاني :wacko::wacko:

أبو صديق
01-26-2012, 01:44 PM
ارحكي الغدا يا بت الشيخ الجوع اخدنا
تاني ماطالعين من التُكل ده :011111:

احاسيس
01-26-2012, 01:47 PM
هههههههه صفوية والله جوعتك دى قوية لكن الدخلتك المطبخ نهاراا جهارا كدا

على العموم ناولينى سدوشت كباب معاك وحتى لو عاملين عصيدة برضو احشى لى

تينه
01-26-2012, 03:15 PM
بركة الوصلتي ياصفا..يابت كان فل كتر خيرا ام روعة كانت ماليهو..لكن اتوزعت المواضيع وعاوزا لقيط ..مشرف يلمهن ويجيبن المطبخ

خالد محجوب محي الدين
01-26-2012, 07:32 PM
بلاهي لو بتعرفو وصفات الاكلات دي اكتبوها لينا جزاكم الله خير
(1) كريم كرملة
(2) السلطة الروسية..سلطة المايونيز يعني
(3) المكرونة بالباشميل
(4)البيض الاسكتلندي
(5) الكبة الشامية
ملحوظة (ما فيها حاجة طبعا لو راجل سأل من طرق ووصفات عمل الاكل لانو خير الانام عليه افضل الصلاة والسلام كان بيحيك ثيابة وبيصنع طعامه ) ههههههههههههههههه

الكنداكة
01-26-2012, 09:03 PM
الحمد لله اخيرا لقيت المطبخ وشكلو كد جابتني ليه جوووووووووعة شديييدة الا هو مالو نااااااااشف كدا اريتو مطبخ العدو ...
يلا ياللكنداكة حبيبتي انت امسكي الكورنة ديييك وجيبي بنبرك ودوكتك وصاجك كتري لينا من الكسرة دي،خالتو تينة البنات ديل مشن وين ناس سودانية وزهرة وسرورة علميهن لينا حاجات حلوة السحلب دا طلع رهيب شديد، سودانية بطلي النوم دا وتعالي جهزي الصحون الليلت الملمين والكور ونادي علي اخوك ود كوستي دا الحق عمو مطاميرو شكلو تره في الخدار والونسة مع ودتهامي دايرين نلحق اللحمة دي ...
ياخواني شكلو كدا جد جد الجوعة مجهجهاني :wacko::wacko:
ازيك ياصف صف يابت والله طارياكى فى بالى اكلمك لانك سألتى من المطبخ فى بوستى حق العصيدة انت عارفة كان ماكوركنا وجطنا ماكانوا فتحوا لينا عالم تخاف ماتختشيش :smilie1::10::hiho: اها اصبرى نحنا لازم نجتمع ونعمل مظاهرة يرجعوا لينا ركن حواء كلو اها يابت امى جهزى اكلك النضوقو واهم شئ اووووووووووووووووووعى من مرقة الدجاج

الكنداكة
01-26-2012, 09:12 PM
بلاهي لو بتعرفو وصفات الاكلات دي اكتبوها لينا جزاكم الله خير
(1) كريم كرملة
(2) السلطة الروسية..سلطة المايونيز يعني
(3) المكرونة بالباشميل
(4)البيض الاسكتلندي
(5) الكبة الشامية
ملحوظة (ما فيها حاجة طبعا لو راجل سأل من طرق ووصفات عمل الاكل لانو خير الانام عليه افضل الصلاة والسلام كان بيحيك ثيابة وبيصنع طعامه ) ههههههههههههههههه
مشششششششششششششششششششششششششششششششششيب غايتو كدى النبدا ليك بى نمرة واحد دى من الافضل تشتريها جاهزة وتريح نفسك لانو عملا فى البيت لوحدك مهما كنت طباخ ماهر ما حاتقدر تظبطا تلقاها قلبت ليك كأنها كاسترد ههههههههههه
اها نمرة 2يطرشنى ماسمعت بيها:search:اها نمرة تلاتة دى هينة واهم شئ وزن خلطة البشاميل اوعى تكتر الدقيق:fie: نمرة اربعة دى دحين مش دى البيضة البلبسوها بى الحمة المفرومة والبطاطس المسلوق:clapper:الاخيرة برى برى ما سمعت بيها
اسمعنى البت تينة شاطرة جدا فى المطبخ كدى اسألا

خالد محجوب محي الدين
01-26-2012, 10:03 PM
مشششششششششششششششششششششششششششششششششيب غايتو كدى النبدا ليك بى نمرة واحد دى من الافضل تشتريها جاهزة وتريح نفسك لانو عملا فى البيت لوحدك مهما كنت طباخ ماهر ما حاتقدر تظبطا تلقاها قلبت ليك كأنها كاسترد ههههههههههه
اها نمرة 2يطرشنى ماسمعت بيها:search:اها نمرة تلاتة دى هينة واهم شئ وزن خلطة البشاميل اوعى تكتر الدقيق:fie: نمرة اربعة دى دحين مش دى البيضة البلبسوها بى الحمة المفرومة والبطاطس المسلوق:clapper:الاخيرة برى برى ما سمعت بيها
اسمعنى البت تينة شاطرة جدا فى المطبخ كدى اسألا

ياكنداكة انا جادي في سؤالي عن الوصفات دي عايز اعملها مفاجئة للست الوالده عشان كده ما عايز اسألها من الوصفات...السلطة الروسية ياكنداكة هي المايونيز معاهو البطاطس وجزر وبسلة وفيها بيض ومايونيز وزيتون بس ما عارف بيعملوها كيف؟؟؟
البيض الاسكتلندي انتي مية مية هو اللحمة الجواها بيضة مسلوقة
الكبة الشامية ما هي ذاتها الكبيبة وبرضو ما بعرف بيعملوها كيف بس بعرف لحمة مفرومة ومعاها برغل
بالنسبة لكريم الكارميل بلاهي في جاهز؟؟؟
بلاهي الاخت تينا بتعرف تطبخ انا علي حد علمي انها برجوازية ما بولتاريا زي حلاتي كده وبيكون عندها شيف خاص ههههههههههههههه

الكنداكة
01-26-2012, 10:22 PM
ياكنداكة انا جادي في سؤالي عن الوصفات دي عايز اعملها مفاجئة للست الوالده عشان كده ما عايز اسألها من الوصفات...السلطة الروسية ياكنداكة هي المايونيز معاهو البطاطس وجزر وبسلة وفيها بيض ومايونيز وزيتون بس ما عارف بيعملوها كيف؟؟؟
البيض الاسكتلندي انتي مية مية هو اللحمة الجواها بيضة مسلوقة
الكبة الشامية ما هي ذاتها الكبيبة وبرضو ما بعرف بيعملوها كيف بس بعرف لحمة مفرومة ومعاها برغل
بالنسبة لكريم الكارميل بلاهي في جاهز؟؟؟
بلاهي الاخت تينا بتعرف تطبخ انا علي حد علمي انها برجوازية ما بولتاريا زي حلاتي كده وبيكون عندها شيف خاص ههههههههههههههه
ههههههههههههه الليلة وووب عليك ماتسمعك وشمار من الشمارات الكلمك بى برجوازيتا منو:011112: هههههههههههههههههههه شيل شيلتك :011112:هههههههههه لا ماتخاف دى حركات منى بالمناسبة هى طباخة ماهرة جدا جدا بتوريك الوصفات
على جنبة كده : هو يعنى البلد دى لسه فيها طبقة وسطى يا مستر ابراهيم ماقالوا زمااااااااااااااان اتلاشت وانقرضت

الكنداكة
01-26-2012, 10:29 PM
ربنا يخلى ليك الوالدة اخ ابراهيم ويديها ليك الصحة وطولت العمر

خالد محجوب محي الدين
01-26-2012, 10:35 PM
ربنا يخلى ليك الوالدة اخ ابراهيم ويديها ليك الصحة وطولت العمر
الله يخليك ويبارك فيك ويسلم ليك كل عزيز لديك

بت السرف
01-27-2012, 03:23 AM
بلاهي لو بتعرفو وصفات الاكلات دي اكتبوها لينا جزاكم الله خير
(1) كريم كرملة
(2) السلطة الروسية..سلطة المايونيز يعني
(3) المكرونة بالباشميل
(4)البيض الاسكتلندي
(5) الكبة الشامية
ملحوظة (ما فيها حاجة طبعا لو راجل سأل من طرق ووصفات عمل الاكل لانو خير الانام عليه افضل الصلاة والسلام كان بيحيك ثيابة وبيصنع طعامه ) ههههههههههههههههه



اهلا بيك اخ ابراهيم انا حاديك وصفة سلطة المايونيز واتمنى تعجبك ..
وهى بتتعمل بطريقتين ...اما تسلق البطاطس والجزر او يتقطع البطاطس والجزر مكعبات صغيرة ويتحمر فى الزيت ..
وبتحتاج لفص توم , ملح وفلفل اسود مسحون حسب الرغبة وقرن شطة خضراء يهرس مع الثوم .
اذا سلقت البطاطس والجزر يهرس ناعم واذا حمرتهم فى الزيت مامشكلة
المهم تضيف للبطاطس والجزر التوم والفلفل والملح وقرن الشطة الخضراء مع كوب متوسط من الزبادى
وتضرب الخليط جيدا ليصير عندك فى حالة الخضار المسلوق عجينة ناعمة ومتماسكة ثم تضيف 3ملاعق من المايونيز الجاهزة
وتضيف اليها البسلة المسلوقة او الجاهزة ..
وفى حالة الخضار المحمر بالزيت تضرب الزبادى مع المايونيز اولا مع اضافة البهارات ثم تضيف الخضار المحمر والبسلة المسلوقة
الوصفة دى مقدار البطاطس فيها حوالى اربع قطع متوسطة مع قطعتين جزر .
وان شاءالله المرة القادمة انزل ليكم وصفات للسلطات واتمنى تنال اعجابكم .
مع خالص ودى وتقديرى ...
بت السرف .

عادل القاسم
01-27-2012, 10:03 AM
انا بحب السمك المشوي.. لكن دايما بفشل في عملو ممكن تورينا احسن طريقة ونتبلو بشنو...

بت السرف
01-27-2012, 12:20 PM
انا بحب السمك المشوي.. لكن دايما بفشل في عملو ممكن تورينا احسن طريقة ونتبلو بشنو...


هوووى ياعادل ان كتبت ليك الوصفة ...القلعو منك العربية والتلفون..
بقلعونى من النخبة .. وانا لسة جديدة ههههههههههه

Abdelazim
01-27-2012, 01:53 PM
هو المتبخ دا كان وين يا صفاء يا بتي

الكنداكة
01-27-2012, 02:00 PM
انا بحب السمك المشوي.. لكن دايما بفشل في عملو ممكن تورينا احسن طريقة ونتبلو بشنو...
انت عارف اخ عادل دايما فى المشويات يفضل انو خلطة التتبيلة تكون منقوعة من وقت بدرى يعنى مثلا لو عايز تجهز المشواية يوم اللاحد لازم تنقع الخلطة من يوم السبت ودايما فى نقع خلطة المشويات لازم استعمال التوابل وهى كاملة مامسحونه يعنى مثلا عيدان قرفة سالمةوالحب الهال سالم وشوية كسبرة سالمة وتوم مقطع قطع صغيرة وجنزبيل وزيت من اى نوع يعجبك وافضل استعمال الليمون من الخل لانو الخل بخلى السمك طرى جدا ولى الحشوة الداخلية اهم شئ الشبت الاخضر ما الشمار الاخضر وكمان البقدونس نكهتو جميلة وبصل وبطاطس مقطع قطع صغيرة جدا طبعا الحشوة دى كل زول وذوقو المهم بعد ما نقعت التتبيلة يوم كامل كمان لازم تنقع السمك فيها زمن كافى لغاية مايتشرب التتبيلة