المساعد الشخصي الرقمي

مشاهدة النسخة كاملة : إنتي بريه



ايمن عثمان
09-24-2011, 03:00 AM
صدقي إنك ما عاديه
بت أحزانك أكبر منك
وعايشه تجارب مأساويه
رغم هزارك...
وكتر كلامك...
بت دغريه.
حلوه بشوشه
صادقه وعاقله وحقانيه.
شوهو شرفك ناس الحله
وقالوا عليك لعبنجيه.
وما عارفنك إنتي الزيك
ما بغريهو القرش الأحمر
لا بتشعلق في عربيه
وإنتي بريه.
شوهو شرفك ناس الحله
وقالوا كتير
أصلو الناس عديمه رحمه


وما تتراعي شعور الغير
كل ما تقدم ليها الخير
تلقي الحقد وسؤ النيه
شوهو شرفك ناس الحله
وقالوا عليك لعبنجيه.
بس ما يهمك...
واثقين منك...
كل الدنيا.
وناس الحله.
ونحنا بنعرف.
إنتي بريه

ام صبا
09-24-2011, 06:31 PM
ايمن لك تحياتى وودى
كــــالعـــــادة رائعة أخرى من روائعك
تسلم كتير على الروعه والابداع واصل ابداعك