المساعد الشخصي الرقمي

مشاهدة النسخة كاملة : مرضان باكي فاقد للشاعر محمد علي عثمان بدري



خالد محجوب محي الدين
08-26-2011, 09:37 PM
محمد علي بدري من شعراء الحقيبة الفحول بحق وحقيقي ...القصيدة دي منظومه علي شاكلة الشعر الجاهلي في البكاء علي الاطلال مثل قصيدة قفا نبك من ذكري حبيب ومنزل بسقط اللوي بين الدخول فحومل بتاعت الملك الضليل امرؤ القيس
مرضان باكي فاقد فيكي علاج طبيبي
قالوا ترك سكونك يادار وين حبيبك
يادار من بقاياك فوحي وجيبي طيبي
اوعاتق شميم النرجس من رطيبي
ماردت سؤالي واجابت دار حبيبي
سدت حلقي عبره نفسي متين تطيبي
انا لي مده طالت ما شاهدت قمري
ماشاهدت غصن اليانع فيه ثمري
انا ما شفت محبوبي البيفداه عمري
اسكر من عيونه هي كأسات فيها خمري
حبي الغير خافي ياالانت بتخبري
اسألي منه قلبك ومن نيراني تبري
مروا علي ناسك وليك شالوه خبري
هل عرفوني حائر وهل ادوكي خبري
كيف طغي لي حبك دائي متين تزولي
لولاك ما نزلت عن مقدار نزولي
ليك بنثر جواهري وبلغيها زولي
قالت كترت علية صديقي الما عزولي
فاكهه جميله يانعه شتاها طاف بدري
دره يتيمه انسه ظبيه حواها خدري
حوره في نعيمه طواها جبينها بدري
انا في ناره ساهر باكي اريتها تدري
لو كلمتي طيفك قلت يزور ضريحي
او قلتيلو داوي علل عاشقي وجريحي
لابأس من عذابي وبكاء جفني القريحي
مادام انتي نايمه وهدائه وتستريحي
انا غافل غرامك دون اعلم شجني
دمعي اذا طريتك بين الناس فضحني
انا شاعر فؤادك في الحب امتحني
برضك جافيه نافره لي متين تحني

خالد محجوب محي الدين
12-23-2011, 05:49 PM
http://www.youtube.com/watch?v=ksQaKQ2rO0k