المساعد الشخصي الرقمي

مشاهدة النسخة كاملة : اسحق الحلنقى



عاشقة البحر
06-19-2011, 10:06 AM
الشمس


صدق أمس ..

شفت الشمس

بضوى فى حفلة عرس

وطبعا ده اصلو المستحيل

تطلع شمس والدنيا ليل

لكن وحات وطنى الجميل

والخضره والظل الظليل

شفت الشمس بعيونى ديل

فى الحفلة بتغنى وتشيل

شفنا العريس قام قوًمها

حلف عليها وخصمها

بس رقصة واحدة تقدمها

واتدللت متبسمه ...

قامت عزيزه مكرمه ..

وبى خطوه حالمه منغمه

الخطوه جات متقسمه

خلت قلوبنا مقسمه ..

دى هديه جاتنا من السما

وحفلتنا بيها .. بنختمها

عاشقة البحر
06-19-2011, 10:07 AM
رائعته كسلا
اضغط على الشريط لمشاهدة الصورة بحجمها الطبيعي 800x600px, 88KB




اضغط على الشريط لمشاهدة الصورة بحجمها الطبيعي 883x497px, 129KB






ظلم الزمان الخاني يا ريتو لو كان خـــــــــانك
ليه جرت واتنكرتي ليه لي الساب ديارو عشانك
قدر عشانك كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
كلمني قوليها فاكر ليالي القــــــــــــــــــاش
لمن الحنين عاودنـــــــــي بعطفك الجــــياش
جفيت حبيب ما خانك من نور بسيمتك عاش
انا تاني ما بتلقاني يوم في طريقك مــاش
قاصد مكان في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
صوت السواقي الحاني ذكرني ماضي بعيد
وعلى الرمــــــــــال آثارك طرتني ليلة عــيد
المني قلبك ينسا يرفس غــــــــــلاوة الريد
باقي الطريق بمشــــيهو خليني فيهو وحيد
والحب عذاب في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
فرحــــــــــــت ليالي الريد نداوة البسمات
خلتني أبكى
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها

ام صبا
06-20-2011, 02:39 PM
اعذريني


أعذريني الدمعة ديّه
حتبقى آخر دمعة ليّه
تاني لو قربت منك
يبقى ليك الحق عليّ

أعذريني محال أعاود
تاني ريدتك وأمشي ليها
ولا أرحل في عيونك.
والطفولة الضاجّة فيها
كيفك أريدك وانتي أصلك
ريدتي ما حسيتي بيها
بالبعاد ما تعذبيني
أعذريني وأعذريني
ما قدرت مرة واحدة
بالغلط أغلط عليك
وانتي عمرك كلو ظالمة
والدليل غفراني ليك
عارفو قلبك ما معاي
برضي شاغل قلبي بيك
بالحنان ما تعشميني
أعذريني وأعذريني
من زمان وأنا راجي منك
كلمة بيها تفرحيني
وانتي ما فرحت قلبي
كنت ديمة تجرحيني
قسمة الزول ما بتفوتو
والبجيني معاك بجيني
لو بكت منك عيوني
سامحيها وأعذريني