المساعد الشخصي الرقمي

مشاهدة النسخة كاملة : يا حلوة يا بت هندسه



ام روعه
12-20-2008, 12:10 AM
:23_33_6:انا راسى جاطت ما بين هواك والدبرسة
الفت عشرين الف بيت سبيعين قصيدة مؤسسة
شان اقدر الفت انتباها ومرة اقدر احسسا
يا حلوة يا بت هندسه
ياحلوة يا زينة البنات
يا نجمة الليل والمسا
انا انا رغم اشكال الشتات
حاضن عواطفك وحارسا
انا فى هواك بيقت فتات ودخلت عشرين مدرسه
جنيت مع كلمات هواك بقلبى قاعد اتنفسا
ويا حلوة يا بت هندسة
اكان شفتى يا بت هندسة
خطواتى دايما بالغلط
وامورى ديمة معكسة
يوم داك ....يوم داك مساهر فى الهدوم
وكويتا جت شان البسا
لقيتا الصباح حقت اخوى
وهدومى قاعدة مكرفسه
كان للهدوم ما مشكلة
بشوف لى مصيبة البسا
لكن هواك اعملو ايه
دشدش عضامى وهرسا
داير لى فرصة اكون قريب
طبلة قليبك افلسا
عشان تشوفى هواك كيف
بهدل عواطفى و دعفسا
كلاماتى ليك اتبشتنت
ما زى زمان متهندسة
حتى الشعر الكان زمان
كلماتو حلوة مملسا
هسه اتلخم بقى كيف كدا
ما فيه كلمه مهندسه
انتى السبب فى كل دا
يا احلى اسباب الاسى
انا انا ياخ بريدك اعمل ايه
ورينى يا بت هندسة
امشى واكورك فى الظلط
يا ناس بريد بت هندسه يا ناس بريد بت هندسه
كم مره قلتا اقوم براى
اقعد معاها واحدثا
لكنى ما بقدر عديل ما بقدرانضم اونسا
خليك من اشرح ليها حالى وحبى ليك والدبرسه
ويا هنايه داير اقول ليك كلام
اصلو السكوت فيه وسوسه
انا يا ملاك انا بعشقك
ومااظن بلاك ارجى المسا
دايرك تكونى لى حبيبه
وابقى ليك حبيب قسا
اكسيك هواى
وتلبيسينى نعيم هواك اجمل كسا
وياربى كل عاشق نبيل
تديه زى بت هندسه
ترعاه من عين الحسود
من توب جمالك لبسا
ويا ربى تحفظا لى براى
يا ربى تحفظا تحرسا
ويا ربى تحفظا تحرسا
:23_33_6:

Musa
12-20-2008, 07:38 AM
رائعة يا ام روعة

عادل القاسم
12-22-2008, 07:38 PM
يابت هندسة... سماحة وهندسة
ونحن شنا وركشة..
الحمدلله..