المساعد الشخصي الرقمي

مشاهدة النسخة كاملة : مصدوم في ندي



ام روعه
12-14-2008, 08:56 AM
ندى
قلتي ليّ سموك ندى!؟!
وده منو السمّاك ندى؟
ده أكيد أبوك
إنعل كِدة!
فيك شنو يسمّك ندى!؟
في صوتك أتخن مننا
إضنين كُبار زي دِشّنا
وتقولي ليّ سمّاك ندى!
خشمك ده ريحتو معفّنة
ايدين كبار حقات بُنى
وتقولي لي سمّاك ندى!؟
المشية كتّاحة وعلال
كرشك تقول شايل جَنى
وتقولي لي سمّاك ندى!؟
قالت لي "ها هدى في البطاقة إسمي ندى"
شوف يا أخ..
مافيش علاقة بينك وبين ندى
خلّيها ندى ..
خالت قريبة جارت صديقة ناس ندى
ما فيش علاقة
ندى في العيون أكحل مجعّد مسوّدة
انتي العيون فوقن قضى
ندى في الحواجب زي هلال
قصة نصوم دي مؤكدة!
انتي الحواجب دلجة بس
قلم الحواجب هاردها
وتقولي لي سمّاك ندى!؟
ندى تبتسم آلالاف مؤلفة تسعدها
وانتي الخشم شارّة التلاليش
بس طبق ومغطّي صينية الغدا
ندى في الوشيش نظرك بشيش..
ما يعقّدها
وانتي الوشيش وش الجحيش
نخرين كُبار كُرعين ردا
وتقولي سمّاك ندى!
قاتلي "آي أنا إسمي ندى"
شوفي أوعك تقولي اسمك ندى
ندى ما بس الاسم
ندى الجمال زايد الأدب زايد العلم زايد الفهم
ندى في الجمال ما شُفنا أجمل من كِده
ندى في الدلال خصّاها بيو رب العباد حين أوجدها
ندى في الأدب ..
ربّوها بيو رجال ياكلو النار مولّعة موقدة
ندى في الكلام
طبيعي صوتا بيجيب صدى
ندى في "البزاغ" ..
شربتي "سفن أب" ياهو ده !
وتقولي لي سمّاك ندى!

ابراهيم العمده
12-14-2008, 09:18 AM
أم روعة حبابك وحمد لله علي السلامة
ومشكورة علي الحلمنيش الجميل
بس عندي سؤال :
أين ندي القلعة من هذا الكلام ؟

عادل القاسم
12-14-2008, 01:39 PM
ياام روعة بفتكر نده هذه ركبت معايا قبل الركشة... لكن ماعملت ليا حاجة قلت بسم الله الرحمن الرحيم..

Abdelazim
12-14-2008, 01:51 PM
أم روعة حبابك وحمد لله علي السلامة

ومشكورة علي الحلمنيش الجميل
بس عندي سؤال :

أين ندي القلعة من هذا الكلام ؟



أم روعة لك التحية وانتي تعودين الينا بهذا الألق
ويا ود العمدة ندي ديك مافي زول جاب سيرتا
الا غايتو يمكن تكون بتشبه ندي التانية في الكلام الدُراب

ابو ذر حسن طه
12-16-2008, 06:34 PM
احيييييييييييييييييييييييييييييي انا من ندي
ام روعة ياروعة
كل سنة وانت وروعة وابو روعة وكل اهل روعة بالف خير وعافية
لكن ما سجم اسم ندي والرمادة دي في خشما
وبرجع ليك تاني بس خليني اقالد الباقين وبرواقة بجيك صادي