صحيفة نخبة السودان الإلكترونية

جديد الأخبار
جديد المقالات

شركة أولاد الهادي



جديد الصور

جديد البطاقات

جديد الفيديو

جديد الصوتيات

المتواجدون الآن


تغذيات RSS

المقالات
فرح المحزون
مابين الناها بنت المكناس ووزيرات خارجية أمريكا
مابين الناها بنت المكناس ووزيرات خارجية أمريكا
01-25-2011 06:34 AM

فرح المحزون
مابين الناها بنت المكناس ووزيرات خارجية أمريكا
عارف أحمد عبدالله



عشان البت اللذيذة امريكا بقت لي عزيزة
حب الناس لو مذاهب انا مكسر في كونداليزا
بريدة واريد عويناتها الدقاق زي القونقليزة
ومكسر في قراراتها البتكوي الدنيا وتقيظها
- ياااااااااازول انت قاصد كونداليزا ياتها فيهن
- ماتقول لي كونداليزا رايس....
- انت داير يجيك صاروخ يفرتك عليك كمبيوترك العاجبك دا ولا شنو
- صاروخ كروز - كروز ولا ديفيد بيكهام - مامشكلة لو ابوها بوافق يزوجني ليها
- كدي انتو مصدقين كلامي دا
- إنتو ماشايفين الناها بنت المكناس وزيرة خارجية موريتانيا حلوة كيف
- انا فكرت أحسن العلاقات السودانية الموريتانية واتقدم ليها
- ودايركم توقعو معاي علي وثيقة نرفعها لي وزارة الخارجية ... لعقد مؤتمر صحفي كل سبت وثلاثاء لاستضافة الناها .. عشان الشعب السوداني يحب موريتانيا
وانا حا اقدمها ليكم واقول ليها :
الناها القلبي حباها
وحالف لوتسافر
يمشي يسافر وراها
وييييييييي
- تقول لي كونداليزا وبتاع
- أمريكا دي غريبة جداً ... دايماً تجيب لينا وزيرات خارجية يقطعن الخميرة
- في التسعينات لو تتذكرو كان عندهم العجوز الشمطاء الاسمها مادلين اولبرايت
- اها دي وزيرة للقطع الناشف ومعاداة الدول المسكينة زينا كدا
- وزير خارجيتنا من يشوفها بطنو بتطم وما بقدر يطلب الحاجة العايزة وطوالي بجر واطي
- اها كدا بعديها جابو لينا كونكديسة رايس ... ودي ماعندها فرق من اضان حبوبتي ... كلها عضلات
- طبعاً دي جابوها لي غزو العراق وافغانستان لانها ماعندها رحمة والرجال ابوها زمان وقالت دايرة تقراء
- طبعاً هي ضربت العراق ما عشان الدمار الشامل .. لكنها حرشت بوش لانو رجال العراق شنبهم كبير وهي جنها وجن الشنب الكبير
-الغريبة انها قالت شوكت عزيز وزير خارجية تركيا شاغلة
- هسة انتو بتصدقو الود الوجيه دا يشاغل الكديسة الشينة دي
- ياااااااااازول ماتنبذ تقوم تجي طيارة تضربنا ... صحي انتو الضربتنا زمااااااااان ديك طيارة ولا صواريخ
- يازول ماتهبش
- انا مستغرب امريكا دي مافيها وزيرات سمحات
-المهم نرجع لي موضوعنا ... نسيتوني ليهو ذاتو
- ااي هو كان عن الناها بنت المكناس
- انا بدعو وزير خارجيتنا وهو ولي أمري برة السودان إنو يتقدم بي طلب رسمي للسيد حمدي المكناس... والد الناها بطلب يدها لي أخوكم عشان نزيد من العلاقات السودانية الموريتانية وننميها وبعد داك بجيبها ونسكن امبدة واكتب ليها:
اسوقها ونسكن امبدة وكل مناطق الشدة
اعلمها قش البرندة وتبدل توبها بالعدة
- بمناسبة التوب دا الموريتانيين بلبسو توب زينا كدا ... يعني ممكن أقول لي ناس البيت دي سودانية مولودة هناك بس...
- أعرج ليكم لي هيلاري كلنتون ... ودي طبعاً مرأة ناقصة ... قولو لي عرفت كيييييف ؟
- اقول ليكم اسالو نفسكم ليه بيل كلنتون خلاها ومشي لمونيكا
- دا لانو هيلاري مابتعرف تطبخ اول حاجة
- تاني حاجة مابتغسل الهدوم كويس وبتخليهن يشربن...
- عشان كدا عملوها وزيرة خارجية
- عشان توسخ العالم وانشا الله يشرب مااااا مشكلة المهم جيوب العرب تنضف من القروش .. وتستخدمها امريكا عشان تدمرهم بيها
- شوفتو الخطة الامريكية دي كيف
- انا بدعو السيد الرئيس لتعيين وزيرة خارجية لي بلدنا عشان تاني مانمشي نفتش للدبلوماسية الموريتانية ... ونكتب شعر في وزيرتنا ويبقي زيتنا في سودانا
- كدي دقيقة ....القال ليك منو انها مامتزوجة
- احتمال عندها اطفال منتظرنها ترجع ليهم ....
- يعني نبكي بس وزول يحس بينا مافي ...
- انت بتجيب الكلام دا من وين
- سلام ... لو لقيت منها رد حلو برجع ليكم ...
- وان رفضتني بمشي اتقدم لي كونداليزا واشيل معاي قفة ليمون...
- وإن مارجعت فتشو غوانتنامو بتلقوني هناك...
- ليمون ويييين البكفي المغصة الحاتعملها لي

تعليقات 0 | إهداء 0 | زيارات 551


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


عارف أحمد عبدالله
عارف أحمد عبدالله

تقييم
7.00/10 (2 صوت)

Powered by Dimofinf cms Version 3.0.0
Copyright© Dimensions Of Information Inc.

جميع المواضيع والمقالات والردود المكتوبة تعبّر عن رأي كاتبها ... ولا تعبّر عن رأي إدارة موقع نخبة السودان